Yawˇlaˆ 3:2 - Akha

² Yaˇ kʼaˬ daˇ-eu Deh kʼawꞈ laꞈ kʼoeˇ, tsawˇ jeuˬ dawˬ tawˆ sheuˬ uiˬ jiˇ-awˇ ngaˬ-euˬ tsawˇ haˬ deuˬ-euˬ kʼoeˇ taˆ, yawꞈ maꞈ neh jahˇ doeˇ-euˬ aˇ poeˬ, yawꞈ maꞈ-ahˇ ngaˇ yaˇ kʼaˬ daˇ ma. Iˇsaˬleˬlaˆ tsawˇ haˬ deuˬ-ahˇ, aˬ cawˬ miˇ kʼahˬ-ahˇ teh byaˆ-awˇ, ngaˬ-euˬ miˇ kʼahˬ Iˇsaˬleˬlaˆ, aˬ yawꞈ maꞈ nyiˬ paˆ paˆ-euˬ meh.

Yawˇlaˆ 3:2 Iomraidhean Croise

2 Laˬsaˬbaˬ 20:26

Oeˬ nah tiˬ nah-ahˇ Beˬlaˬkaˬ deh kʼawˬ-ahˇ aˬ yawꞈ maꞈ uiˬ leˇ-awˇ, Sahˬpaˬ Miˬyehˇ-ahˇ ja ceuˬ-euˬ meh. Kʼoeˇ miˇ neh, jawˇ duˬ kʼoeˇ tsahˇ-ahˇ Beˬlaˬkaˬ lehˇ kuˇ-euˬ meh.

Iˇsaˬyaˇ 66:16

Iˬ baˇ kʼaˇ ahˇ-eu miˇ tsaˬ zaˬ deuˬ-ahˇ, miˬ dzaˬ hawˇ-eu mi cehˇ neh kʼehˬ nehˬ-eu miˇ neh, tsawˇ haˬ gʼawˬ mya ni shiˇ tehꞈ-a.

Iˇsaˬyaˇ 66:18

Aˬ yawꞈ maꞈ-euˬ nui noeˬ hawˇ-eu aˬ yawꞈ maꞈ neh mˇ-euˬ gaˇ deuˬ ngaˇ siˬ luꞈ mawˇ luꞈ ma. Miˇ kʼahˬ tsawˇ jeuˬ dawˬ tawˆ luꞈ kuˇ uiˬ-eu gʼaˇ duˬ ngaˇ oe-eu ma. Aˬ yawꞈ maꞈ tiˬ gaˇ uiˬ laˇ jiˇ ngeh, ngaˬ-euˬ baoˬ-ahˇ gʼoe-awˇ mˇ nya-eu gaˇ deuˬ-ahˇ aˬ yawꞈ maꞈ ya mawˇ tehꞈ-a.

Yeˬlaˬmiˇ 12:14

Sahˬpaˬ Miˬyehˇ ehˇ-eu, “Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ ngaˬ neh biꞈ taˬ-euˬ miˇ kʼahˬ kʼoeˇ kʼahˬ laˆ cawˆ-euˬ tsawˇ haˬ deuˬ pyeuꞈ-eu, Iˇsaˬleˬlaˆ miˇ kʼahˬ dawˬ peh jawˇ-eu tsawˇ jeuˬ kʼoeˇ deuˬ-ahˇ, ngaˇ ehˇ nehˬ paˬ-ehˇ gʼeh-eu jeˬ jaˆ-eu ma. Aˇ bawˇ puˇ ngawˬ ngawˬ-eu loꞈ-ehˇ haiˬ-eu tsawˇ haˬ kʼoeˇ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ neh ngaˇ gʼawˇ lehˆ dzeh-awˇ, aˬ yawꞈ maꞈ-euˬ aꞈ laꞈ laꞈ kʼoeˇ neh, Yuˇdaˆ miˇ kʼahˬ-ahˇ ngaˇ ka kʼoꞈ doˆ ma.

Yeˬlaˬmiˇ 25:31

Teˇ saˇ kʼoeˇ mˬ dzeˇ miˇ dzeˇ-ahˇ tahˬ-iˇ tehꞈ-a. Aˬ jeˬ miˇ neh ehˇ naˇ, miˇ kʼahˬ tsawˇ jeuˬ deuˬ-ahˇ, Sahˬpaˬ Miˬyehˇ yaˇ kʼaˬ ja le tehꞈ-a. Tsawˇ haˬ dawˬ tawˆ luꞈ-ahˇ aˬ yawꞈ yaˇ kʼaˬ daˇ-awˇ, maˬ tsaˬ maˬ dawˇ-eu deuˬ bi shiˇ ma’ lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 49:1

Aˬmoˬ miˇ kʼahˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ aˬ geu paw iˇ jiˇ taˬ. Yawˬ ha-euˬ miˇ kʼahˬ-ahˇ deuˆ piˇ-eu tiˬ gʼaˬ-iˬ maˬ paˇ jawˇ meh loˇ. Miˇlaˬkoˬ miˬ yehˇ-ahˇ uˬ duˬ tahˬ-eu tsawˇ haˬ deuˬ, Gaˆ miˇ kʼahˬ-ahˇ deuˆ gʼaˬ-awˇ, kʼoeˇ gaˇ jawˇ geuꞈ laˇ ngeh keuˆ ni, aˬ jeˬ miˇ neh tiˬ jeˬ-iˬ maˬ gʼeh ni jawˇ ta.

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Yeˬsaˬgeˬlaˇ 25:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Yuˇdaˆ miˇ kʼahˬ hawˇ-eu aˬ cawˬ miˇ kʼahˬ deuˬ maˬ beu gaˇ-a lehˇ, Mawˇbaˆ miˇ kʼahˬ ehˇ-eu miˇ neh,

Yeˬsaˬgeˬlaˇ 34:6

Ngaˬ-euˬ yawˇ deuˬ gawˬ jawˬ yaw goˇ paw gaˆ byoˆ jiˇ-euˬ meh. Miˇ kʼahˬ doe ni iˇ byoˆ laˇ byoˆ jiˇ-euˬ kʼawꞈ, haw piˇ nehˬ-awˇ poˆ kʼoꞈ-eu gʼaˬ maˬ jawˇ-a.

Yeˬsaˬgeˬlaˇ 35:10

“Sahˬpaˬ Miˬyehˇ pyeuꞈ-eu ngaˇ, Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ-euˬ Miˬyehˇ pyeuꞈ luꞈ-eu kʼawꞈ, miˇ kʼahˬ kʼoeˇ nyiˬ kʼahˬ hawˇ-eu kʼoeˇ gaˇ kʼaˇ taꞈ-eu miˇ tsaˬ deuˬ, nawˇ yuˇ ma lehˇ ehˇ-eu meh.

Yeˬsaˬgeˬlaˇ 36:1

Sahˬpaˬ Miˬyehˇ ehˇ-eu, “Tsawˇ haˬ zaˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ-awˬ lehˇ, Iˇsaˬleˬlaˆ gawˬ jawˬ deuˬ-ahˇ ehˇ nehˬ-awˬ.

Yeˬsaˬgeˬlaˇ 36:5

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ nui ma pehˇ dui dui-eu laꞈ kʼoeˇ, dawˬ peh jawˇ-eu tsawˇ jeuˬ deuˬ-ahˇ heu loꞈ-ehˇ ehˇ-eu ma. Eˬdoˬ miˇ kʼahˬ-ahˇ ngaˇ kʼaˆ kʼaˆ ni ehˇ mawꞈ-eu ma. Aˬ yawꞈ maꞈ myaˆ naˆ-eu laꞈ kʼoeˇ, ngaˬ-euˬ miˇ kʼahˬ deuˆ geuꞈ-awˇ, jeˬ zaˬ gaˆ kʼahˬ yuˇ geuꞈ-euˬ meh.

Yeˬsaˬgeˬlaˇ 38:22

Naˇ gawˇ hawˇ-eu shiˬ doˆ le ni laˆ tahˬ laˆ zaw-eu jeˬ aˬ yawꞈ kʼoeˇ taˆ bi keuˆ le ma. Uˬ yehˇ yehˇ ma hawˇ-eu uˬ yehˇ aˇ siˬ nehˬ-ehˇ, miˬ dzaˬ hawˇ-eu miˬ dzaˇ dzaˇ shuiˇ bi yehˇ keuˬ le-awˇ, aˬ yawꞈ hawˇ-eu aˬ yawꞈ-euˬ guiˇ maꞈ kʼoeˇ taˆ maˬ ehˇ, aˬ yawꞈ jawˇ paw kʼaˇ pyawˬ-eu miˇ kʼahˬ deuˬ kʼoeˇ taˆ maˬ ehˇ, bi yehˇ shehˬ ma.

Yeˬsaˬgeˬlaˇ 39:11

Sahˬpaˬ Miˬyehˇ ehˇ-eu, “Gaˇ kawˆ kʼoeˇ dawˬ tawˆ luꞈ pyeuꞈ laˇ ngeh, Gawˇgaˆ gʼaˇ duˬ, Iˇsaˬleˬlaˆ miˇ kʼahˬ laꞈ kʼoeˇ Shiˇ-eu iˬ ma laˆ shaˆ-euˬ nahˇ ma doˆ kʼehˬ paw jaˆ-eu, Daˬyah-euˬ deh kʼawꞈ lehˇ kuˇ-eu tsahˇ-ahˇ lmˬ bymˇ miˇ tsaˬ tiˬ tsahˇ biꞈ ma. Gawˇgaˆ hawˇ-eu aˬ yawꞈ-euˬ guiˇ maꞈ maꞈ lah-ehˇ, kʼoeˇ gaˇ bi baꞈ pahˬ-awˇ, deh kʼawꞈ kʼoeˇ kʼawꞈ-ahˇ Gawˇgaˆ guiˇ maꞈ-euˬ Deh kʼawꞈ lehˇ kuˇ tehꞈ-a.

Yawˇlaˆ 3:12

“Tsawˇ jeuˬ dawˬ tawˆ lehˬ hmˬ dah-awˇ, Yaˇ kʼaˬ daˇ-eu Deh kʼawꞈ laꞈ kʼoeˇ yawˬ jeuˬ na luꞈ oe keuˆ jiˇ-awˬ. Sahˬpaˬ Miˬyehˇ pyeuꞈ-eu ngaˇ-aˬ, dawˬ peh jawˇ-eu tsawˇ jeuˬ deuˬ-ahˇ, kʼoeˇ gaˇ nuiˇ-awˇ yaˇ kʼaˬ daˇ ma.

Yawˇlaˆ 3:14

Yaˇ kʼaˬ daˇ-eu Deh kʼawꞈ laꞈ kʼoeˇ tsawˇ haˬ baˬ maꞈ, tsawˇ haˬ baꞈ muˇ, uiˬ leˇ bymˇ leˇ-awˇ jawˇ luꞈ meh. Yaˇ kʼaˬ daˇ-eu Deh kʼawꞈ laꞈ kʼoeˇ, Sahˬpaˬ Miˬyehˇ-euˬ Aˇ nah kʼoeˇ, gʼawˬ myahˇ maˬ gʼeh-ehˇ keuˆ le meh.

Aˬmoˆ 1:11

Sahˬpaˬ Miˬyehˇ ehˇ-eu, “Eˬdoˬ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ aˇ jeuˬ aˇ ca pyeuꞈ-eu Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ shaˬ teh teh-eu loꞈ-ehˇ teh -awˇ, gʼawˬ shaˬ gaˬ-eu nui ma tiˬ pawꞈ-iˬ maˬ ahˇ-a. Aˬ yawꞈ maꞈ nui ma pehˇ-eu yaw li maˬ baw-ehˇ, tiˬ jawˇ-iˬ pehˇ taˬ-euˬ maˬ baw-a.

Miˇkaˬ 4:12

Ehˇ kʼawꞈ, Sahˬpaˬ Miˬyehˇ-euˬ nui ma laꞈ kʼoeˇ aˬ joˆ-ehˇ noeˬ luꞈ-eu miˇ kʼahˬ kʼoeˇ deuˬ maˬ siˬ nya-a. Cehˇ diˬ diˬ duˬ-ahˇ baꞈ ahˇ taˬ-euˬ cehˇ dzahˬ loꞈ-ehˇ, aˬ yawꞈ maꞈ-ahˇ tiˬ gaˇ kuˇ uiˬ kuˇ bymˇ-awˇ kʼehˬ nehˬ kʼaˆ nehˬ-eu lehˇ lehˬ hmˬ taˬ-euˬ aˬ yawꞈ maꞈ maˬ siˬ nya-a.

Zeˬpaˬniˇ 3:8

Sahˬpaˬ Miˬyehˇ ehˇ-eu, “Aˇ yamˬ tiˬ kʼehˇ kʼehˬ dawˬ tawˬ siˬ. Ngaˇ tuˇ laˇ-awˇ yaw lehˬ poˆ ngeh, miˇ kʼahˬ tsawˇ jeuˬ kuˇ uiˬ jiˇ-awˇ, ngaˬ-euˬ nui ma ngaˇ bi mawˇ ma. Ngaˬ-euˬ nui pehˇ miˬ dzaˬ doꞈ ngeh, miˇ tsaˬ tahˬ kʼawˇ puiˆ dzaˬ tehꞈ-a.

Panmaeq 11:18

Nawˬ-euˬ nui pehˇ keuˆ le luꞈ-awˇ, shiˇ-eu deuˬ-ahˇ yaˇ kʼaˬ daˇ-eu aˇ yamˬ keuˆ le taˬ-euˬ miˇ neh, aˬ cawˬ tsawˇ jeuˬ tsawˇ ca kʼoeˇ deuˬ, nui ma pehˇ dui dui luꞈ-eu meh. Miˬyehˇ gʼaˇ duˬ ngehˬ dah nehˬ-euˬ, nawˬ-ahˇ yaw zeu baw-awˇ dehꞈ-eu, nawˬ-euˬ tsawˇ haˬ dawˬ tawˆ luꞈ-ahˇ, huiˬ zaˬ nyiˇ zaˬ maˬ tseˇ paˆ ni, guiˬ lahˬ biꞈ yamˬ keuˆ le-euˬ meh. Miˇ tsaˬ-ahˇ laˆ cawˆ-euˬ deuˬ-ahˇ, laˆ cawˆ kʼoꞈ yamˬ keuˆ le-euˬ meh.”

Panmaeq 16:14

Yaw sahˇ kʼoeˇ deuˬ-aˬ, zahˬ leˇ paˬ-ehˇ gʼeh-eu jeˬ mˇ mehˬ-eu nehꞈ kʼoeˇ deuˬ-euˬ yaw sahˇ pyeuꞈ-eu meh. Baoˬ huiˬ-eu Miˬyehˇ-euˬ Aˇnah-ahˇ guiˇ deuˆ-eu gʼaˇ duˬ, miˇ tsaˬ kʼoeˇ taˆ kʼaˇ jawˇ-eu sahˬ paˬ deuˬ kuˇ dzoeˇ-eu lehˇ yaw sahˇ kʼoeˇ smˬ sahˇ iˇ-euˬ meh.

Panmaeq 16:16

Kʼoeˇ naˇ, Heˬbyehˇ dawˬ Aˬmaˬgeˬdoˬ lehˇ kuˇ-eu jawˇ duˬ-ahˇ, yaw sahˇ kʼoeˇ deuˬ neh miˇ kʼahˬ sahˬ paˬ deuˬ-ahˇ sheuˬ uiˬ laꞈ-euˬ meh.

Panmaeq 16:6

Nawˬ-euˬ bawˇlawˇpeh deuˬ hawˇ-eu, muiˬ-eu shawˇ-eu tsawˇ haˬ deuˬ-ahˇ, yawꞈ maꞈ shiˬ sehꞈ yoeˇ-euˬ miˇ neh, yawꞈ maꞈ-ahˇ shiˬ bi dawˇ-eu-aˬ, oꞈ-eu geuˇ-eu jeˬ pyeuꞈ-eu meh.”

Panmaeq 20:8

Aˬ yawꞈ doˆ-iˇ-awˇ, miˇ ma oeˬ coeˇ oeˬ pyawˬ-ahˇ jawˇ-eu Gawˇgaˆ hawˇ-eu Maˬgawˇgaˆ tsawˇ jeuˬ deuˬ-ahˇ jaˬ myawꞈ mehˇ shuiˇ shuiˇ tehꞈ-a. Nehꞈ Saˬdaˬ-aˬ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ-eu aˬ yawꞈ maꞈ-ahˇ guiˇ deuˆ-eu gʼaˇ duˬ sheuˬ uiˬ laꞈ tehꞈ-a.