Yawˇlaˆ 3:13 - Akha

¹³ Aˬ yawꞈ maꞈ haiˬ dui dui-eu meh. Cehˇ yehˬ ngeh pyehˆ tsehˆ-eu loꞈ-ehˇ, aˬ yawꞈ maꞈ-ahˇ pyehˆ tsehˆ nehˬ-awˬ. Nawˬ kʼmˬ byah kʼaˇ yoeˇ kaˇ ngeh keuˆ, aˬ gaꞈ dzaˇ uiˇ lehˬ-eu loꞈ-ehˇ, aˬ yawꞈ maꞈ-ahˇ lehˬ pyehˆ nehˬ-awˬ.”

Yawˇlaˆ 3:13 Iomraidhean Croise

Aˇ dahˬ 13:13

Sawˇdoˬ meuˬ laꞈ kʼoeˇ jawˇ-eu tsawˇ haˬ deuˬ-aˬ, Sahˬpaˬ Miˬyehˇ mehˬ shi iˬ baˇ mˇ-awˇ, haiˬ-eu tsawˇ haˬ deuˬ tehꞈ-ehˇ pyeuꞈ luꞈ-eu meh.

Aˇ dahˬ 15:16

Nawˬ-euˬ zaˬ nawˬ-euˬ uˆ deuˬ-aˬ, miˇ kʼahˬ heu kʼahˬ laꞈ kʼoeˇ maˬ gʼoꞈ keuˆ laˇ dah mi naˆ-ehˇ, aˬ cawˬ miˇ kʼahˬ laꞈ kʼoeˇ oeˬ ziˇ keuˆ ni ya jawˇ tehꞈ-a. Aˬ jeˬ miˇ neh ehˇ naˇ, Aˬmawˇliˆ tsawˇ haˬ kʼoeˇ deuˬ ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ paˬ-ehˇ, maˬ tsaˬ maˬ dawˇ-eu jeˬ maˬ mˇ kʼaˆ laˇ kʼoeˇ keuˆ ni, Aˬmawˇliˆ tsawˇ haˬ kʼoeˇ deuˬ-ahˇ ngaˇ maˬ teh dzeh te siˬ.”

Aˇ dahˬ 18:20

Kʼoeˇ naˇ, Aˬbyaˬhaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇdoˬ meuˬ hawˇ-eu Gawˇmawˇlaˆ meuˬ gaˇ kawˆ, guˆ laˇ paˬ-ehˇ gʼeh-eu jeˬ ehˇ taˬ-euˬ gʼawˬ mya ni jaˆ-eu meh. Aˬ yawꞈ maꞈ iˬ baˇ huiˬ dui dui meh.

Iˇsaˬyaˇ 17:5

Iˇsaˬleˬlaˆ miˇ kʼahˬ-euˬ aˇ gʼehˇ-aˬ, cehˇ yehˬ gʼaˬ-awˇ cehˇ nmˇ bi gʼoˆ jiˇ-euˬ, Leˬpeˬ deh kʼawꞈ-ahˇ jaˆ-eu yaˇ loꞈ-ehˇ, juiˇ kʼeu ni jaˆ tehꞈ-a.

Iˇsaˬyaˇ 63:3

Sahˬpaˬ Miˬyehˇ ehˇ kʼoꞈ-eu dawˬ heu loꞈ-ehˇ meh. “Miˇ kʼahˬ tsawˇ jeuˬ heu myaˆ ni-ahˇ, aˬ gaꞈ aˇ siˬ nawˬ-eu loꞈ-ehˇ, ngaˇ tiˬ gʼaˬ tehꞈ-ehˇ nawˬ-euˬ ma. Aˬ yawꞈ maꞈ-ahˇ nui ma pehˇ-awˇ nawˬ-euˬ miˇ neh, aˬ yawꞈ maꞈ-euˬ shiˬ teuˆ lehꞈ-awˇ, ngaˬ-euˬ mehˬ tsoeˬ neˇ tseuˆ ni gʼeh-eu meh.

Yeˬlaˬmiˇ 51:33

Gʼawˬ myahˇ maˬ gʼeh-ehˇ muiˇ-eu deuˬ aˬ yawꞈ maꞈ-ahˇ coeˇ tsehˆ-awˇ, cehˇ nawˬ-eu loꞈ-ehˇ nawˬ pahˬ nehˬ tehꞈ-a lehˇ, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ ehˇ-eu ma.”

Ngoeˇ dawˬ 1:15

“Gʼaˬ kʼaˆ-eu ngaˬ-euˬ yehˇ deuˬ-ahˇ, Sahˬpaˬ Miˬyehˇ naˬ gʼa haw-awˇ, guiˇ maꞈ tiˬ maꞈ pyehˬ gʼeh leꞈ-awˇ, zaˬ guˬ deuˬ-ahˇ bi sehꞈ-euˬ meh. Aˬ gaꞈ dzaˇ uiˇ nawˬ-eu loꞈ-ehˇ, Yuˇdaˆ miˇ kʼahˬ-euˬ miˬ daꞈ-ahˇ, Sahˬpaˬ Miˬyehˇ kʼehˬ nehˬ-euˬ meh.

Hawˇseˬ 6:11

“Yuˇdaˆ miˇ kʼahˬ-oˇ, nawˬ-ahˇ kʼawꞈ, geuˇ-eu loꞈ-ehˇ kʼehˬ-eu gʼaˇ duˬ, aˇ nah aˇ yamˬ toꞈ gʼaˬ-euˬ ma. Ngaˬ-euˬ tsawˇ haˬ-ahˇ ngehˬ gʼeh-awˇ, paˇ bi dehꞈ dzaˬ laˇ ma ehˇ ngeh,

Maꞈtehˬ 13:39

Shmˇ ma sehˬ kʼoeˬ-eu muiˇ-eu gʼaˬ lehˇ ehˇ-eu-aˬ, Nehꞈ sahˬ paˬ-ahˇ ehˇ-eu meh. Cehˇ laˆ luiˆ-eu aˇ yamˬ lehˇ ehˇ-eu-aˬ, miˇ tsaˬ heu aˇ saˬ saˬ-eu aˇ yamˬ-ahˇ ehˇ-eu meh. Cehˇ yehˬ cehˇ diˬ-eu tsawˇ haˬ deuˬ lehˇ ehˇ-eu-aˬ, mˬ taˆ gʼaˬ kʼehˇ deuˬ-ahˇ ehˇ-eu meh.

Maˬkuˆ 4:29

Cehˇ myah laˇngeh, tsawˇ haˬ kʼoeˇ gʼaˬ yehˬ kʼoꞈ yuˇ-awˇ cehˇ ehˬ-eu meh. Aˬ jeˬ miˇ neh ehˇ naˇ, cehˇ yehˬ yamˬ tsaˬ laˇ-euˬ meh.”

Dawˬmehˬ 16:9

“Cehˇ yehˬ dahˬ beh-eu yamˬ-ahˇ neh aˇ dahˬ beh-awˇ, jawˇ nah shiꞈ jaw keuˆ ni aˇ nah gui daˆ leꞈ-awˬ.

Panmaeq 14:14

Kʼoeˇ naˇ, ngaˇ haw gʼeh ngeh, pyuˇ deuˬ ni gʼeh-eu mˬ dmˇ mawˇ-euˬ ma. Tsawˇ haˬ-ahˇ duˇ-eu tiˬ gʼaˬ uˬ duˬ-ahˇ shuiˇ uˬ kʼoˆ kʼoˆ-awˇ, aˬ laꞈ-ahˇ taˆ dui dui-eu yehˬ kʼoꞈ yuˇ-awˇ, mˬ dmˇ kʼoeˇ-euˬ kʼoeˇ taˆ nuiˇ luꞈ-eu meh.

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.