Yawˇlaˆ 3:10 - Akha

¹⁰ Nyoˬ tsehˬ-ahˇ mi cehˇ tehˆ pyeuꞈ-awˇ, yehˬ kʼoꞈ-ahˇ gahˬ tehˆ pyeuꞈ jiˇ-awˬ. Gʼaˬ baˬ dui dui-eu tsawˇ haˬ kʼawꞈ, guiˇ dzoeˬ aˬ da ma lehˇ lmˬ-awˬ.

Yawˇlaˆ 3:10 Iomraidhean Croise

2 Laˬsaˬbaˬ 25:8

Aˬ yawꞈ maꞈ-ahˇ sheuˬ gʼeh naˇ, nawˬ-euˬ guiˇ maꞈ gʼaˬ kʼaˆ dzehˬ tehꞈ-a lehˇ nawˇ noeˬ tehꞈ-a. Guiˇ deuˆ-eu gʼaˬ leˇ ni hawˇ-eu sm ni jahˇ-eu baoˬ Miˬyehˇ-euˬ aˬ laꞈ laꞈ kʼoeˇ jaˆ-eu meh. Nawˇ ya sm-iˇ ni Miˬyehˇ jahˇ tehꞈ-a.”

Iˇsaˬyaˇ 2:4

Miˇ kʼahˬ tsawˇ jeuˬ yaw kaˬ-ahˇ aˬ yawꞈ yaˇ kʼaˬ daˇ-awˇ, miˇ tsaˬ zaˬ-ahˇ aˬ yawꞈ laˆ tsaˬ laˆ tsahˇ nehˬ tehꞈ-a. Guiˇ deuˆ-eu mi cehˇ-ahˇ aˬ yawꞈ maꞈ nyoˬ tsehˬ tehˆ pyeuꞈ-awˇ, guiˇ deuˆ-eu gahˬ-ahˇ yehˬ kʼoꞈ tehˆ pyeuꞈ tehꞈ-a. Tsawˇ jeuˬ tiˬ jeuˬ tiˇ jeuˬ guiˇ maˬ paˇ deuˆ-ehˇ, guiˇ deuˆ-eu gaˇ kawˆ maˬ mehˬ maˬ sawˇ ni byehˇ tehꞈ-a.

Yeˬlaˬmiˇ 51:11

Baˬbuˇloˬ miˇ kʼahˬ-ahˇ Sahˬpaˬ Miˬyehˇ laˆ cawˆ mawꞈ-eu miˇ neh, Meˬdiˇ sahˬ paˬ deuˬ uˇ laˇ ni aˬ yawꞈ jahˇ-euˬ meh. Aˬ yawꞈ-euˬ Uˬ duˬ tahˬ nymˇ nymˇ ma-ahˇ laˆ cawˆ-euˬ aˇ poeˬ aˬ yawꞈ kʼoeˇ loꞈ-ehˇ jahˇ kʼoꞈ nehˬ tehꞈ-a. Guiˇ maꞈ kʼoeˇ taˆ uˆ lahˇ-eu deuˬ heu loꞈ-ehˇ dawˬ biꞈ tehꞈ-a. “Naw maꞈ-euˬ kaˆ myaˬ shiˬ taˆ-awˬ. Dehˬ daˬ duˬ lehˬ hmˬ-awˬ.

Miˇkaˬ 4:3

Miˇ kʼahˬ tsawˇ jeuˬ dawˬ ja doˆ gaˇ, aˬ yawꞈ laˆ tsaˬ laˆ tsahˇ tehꞈ-a. Dawˬ peh gaˇ mahˇ gʼaˬ kʼaˆ luꞈ-eu, baoˬ huiˬ-eu miˇ kʼahˬ deuˬ-ahˇ kʼawꞈ, aˬ yawꞈ ngehˬ tsehˆ daˇ tsehˆ tehꞈ-a. Miˇ kʼahˬ tsawˇ jeuˬ guiˇ maˬ deuˆ-ehˇ, guiˇ mˇ-eu jeˬ maˬ paˇ baw-aˇ.

Zaˬkaˬliˇ 12:8

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ haw piˇ-awˇ, gʼaˬ baˬ dui dui-eu tsawˇ haˬ tiˬ gʼaˬ-ahˇ keuˆ ni, Daˬbiˇ naˆ ni gʼaˬ ahˇ tehꞈ-a. Daˬbiˇ-euˬ zaˬ deuˬ uˆ deuˬ, Sahˬpaˬ Miˬyehˇ-euˬ gʼaˬ kʼehˇ loꞈ-ehˇ maˬ ehˇ, Miˬyehˇ-euˬ mawˇ do loꞈ-ehˇ maˬ ehˇ, aˬ yawꞈ maꞈ-ahˇ sheuˬ gʼeh tehꞈ-a.

Luˇkaꞈ 13:12

Yeˬsuˇ aˬ yawꞈ-ahˇ ya mawˇ ngeh, kuˇ-awˇ, “Zaˬ miˬ zaˬ-oˇ, nawˬ-euˬ naˇ gawˇ-ahˇ nawˇ buˬ-iˇ-euˬ meh” lehˇ ehˇ nehˬ-euˬ meh.

Luˇkaꞈ 22:36

Yeˬsuˇ ehˇ-eu, “Ehˇ kʼawꞈ, nymˬ-mˇ poˆ jawˇ-aˬ, pyuˇ pawˬ behˆ kʼaˇ ahˇ-eu tsawˇ haˬ, pyuˇ pawˬ behˆ pi gʼeh-awˬ. Pehˇ tahˬ jaˆ-eu tsawˇ haˬ kʼawꞈ, shaꞈ gʼeh-awˬ. Mi cehˇ maˬ ahˇ-eu tsawˇ haˬ, yawˬ ha-euˬ pehˇ kʼahˬ ahˬ-awˇ mi cehˇ zeuˇ-awˬ.