Yawˇlaˆ 3:1 - Akha

¹ Sahˬpaˬ Miˬyehˇ ehˇ-eu dawˬ-aˬ, “Aˇ nah aˇ yamˬ kʼoeˇ keuˆ le ngeh, Yuˇdaˆ miˇ kʼahˬ laꞈ kʼoeˇ maˬ ehˇ, Yeˬluˇsaˬlehˬ meuˬ-ahˇ maˬ ehˇ, baw le za le-eu guiˬ lahˬ kʼoeˇ, aˇ hu loꞈ-ehˇ paˇ biꞈ nehˬ ma.

Yawˇlaˆ 3:1 Iomraidhean Croise

Jaceuq 14:7

Iˇsaˬleˬlaˆ-ahˇ ka kʼoꞈ-eu, Ziˇoˬgawˬjawˬ-ahˇneh oe meh. Aˬyawꞈmaꞈpaˇdehꞈdzaˬlaˇni, SahˬpaˬMiˬyehˇ caw ba nehˬngeh, Yaˬkoˆlaˬkʼaˬcehˇdui dui-awˇ, Iˇsaˬleˬlaˆ byawˬdui tehꞈ-a.

Jaceuq 85:1

Sahˬpaˬ Miˬyehˇ-oˇ, nawˬ-euˬ miˇ kʼahˬ-ahˇ nawˇ gʼawˬ shaˬ gaˬ-euˬ meh. Iˇsaˬleˬlaˆ miˇ kʼahˬ paˇ baw paˇ za le ni, nawˇ ngehˬ gʼeh-euˬ meh.

Dawqdaq 1:23

Ngaˇ saˇ kiˇ kamˬ gaˇ naˇ haˬ sheˇ. Ngaˬ-euˬ nui gahˇ naw maꞈ-ahˇ shehˆ daˆ nehˬ-awˇ, ngaˬ-euˬ dawˬ naw maꞈ-ahˇ bi gaˬ le ma.

Iˇsaˬyaˇ 44:3

“Iˇ cuꞈ mehꞈ-eu miˇ kʼahˬ-ahˇ ngaˇ iˇ cuꞈ biꞈ-awˇ, miˇ tsaˬ gui gaˇ lawˇ gawˆ bi yoeˇ le ma. Nawˬ-euˬ zaˬ deuˬ uˆ deuˬ kʼoeˇ taˆ ngaˇ baoˬ shehˆ daˆ nehˬ-awˇ, nawˬ-eu zaˬ deuˬ uˆ deuˬ-ahˇ ngaˇ guiˬ lahˬ biꞈ ma.

Yeˬlaˬmiˇ 16:15

Aˬ yawꞈ maꞈ saˇ jaˇ dzaˬ-awˇ kamˬ ngeh, ‘Iˇsaˬleˬlaˆ tsawˇ haˬ deuˬ-ahˇ laꞈ taˆ paw jaˆ-eu miˇ kʼahˬ-ahˇ neh sheuˬ doˆ nehˬ leꞈ-euˬ gʼaˬ pyeuꞈ-eu dehꞈ luꞈ-eu Miˬyehˇ-euˬ tsawˇ myahˇ uˬ moˆ’ lehˇ ya ehˇ paˇ-awˇ, ‘Aˬ yawꞈ maꞈ-ahˇ kʼaˇ teh byaˆ nehˬ-euˬ miˇ kʼahˬ deuˬ-ahˇ neh sheuˬ doˆ nehˬ leꞈ-euˬ gʼaˬ pyeuꞈ-eu dehꞈ luꞈ-eu Miˬyehˇ-euˬ tsawˇ myahˇ uˬ moˆ kamˬ-eu ma’ lehˇ ya ehˇ paˇ-eu aˇ nah keuˆ le tehꞈ-a. Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ pyeuꞈ-eu aˬ yawꞈ maꞈ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ sheuˬ kʼoꞈ keuˆ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 29:14

Naw maꞈ ngaˬ-ahˇ poˆ mawˇ-awˇ, naw maꞈ-euˬ miˇ kʼahˬ laꞈ kʼoeˇ, naw maꞈ-ahˇ sheuˬ kʼoꞈ gʼeh nehˬ ma lehˇ ngaˇ ehˇ-eu ma. Naw maꞈ miˇ kʼahˬ aˬ geu kʼahˬ laꞈ kʼoeˇ jawˇ luꞈ-eu maˬ kaˬ, ngaˬ neh teh byaˆ nehˬ-euˬ jawˇ duˬ aˬ geu tsahˇ-ahˇ jawˇ luꞈ-eu maˬ kaˬ, ngaˬ neh naw maꞈ-ahˇ teh doˆ-awˇ maˬ bi nyehꞈ byoˆ gʼeh mi naˆ-ehˇ naw maꞈ jawˇ-euˬ naw maꞈ-euˬ miˇ kʼahˬ kʼoeˇ kʼahˬ laꞈ kʼoeˇ, naw maꞈ-ahˇ ngaˇ sheuˬ kʼoꞈ keuˆ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.’

Yeˬlaˬmiˇ 30:18

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ yawˬ ha miˇ kʼahˬ-ahˇ paˇ bi gʼoꞈ jawˇ leˇ-awˇ, nymˇ jiˇ yawˬ jiˇ na luꞈ kʼoeˇ taˆ, ngaˇ gʼawˬ shaˬ gaˬ nehˬ ma. Yeˬluˇsaˬlehˬ meuˬ paˇ bi gawˬ muiˬ-awˇ, sahˬ paˬ jawˇ-eu hawˇ nymˇ paˇ bi tsoˆ ziꞈ ma.

Yeˬlaˬmiˇ 30:3

Aˬ jeˬ miˇ neh ehˇ naˇ, ngaˬ-euˬ tsawˇ haˬ pyeuꞈ-eu Iˇsaˬleˬlaˆ tsawˇ haˬ hawˇ-eu Yuˇdaˆ tsawˇ haˬ deuˬ-ahˇ, ngaˇ paˇ sheuˬ kʼoꞈ laꞈ-eu aˇ yamˬ keuˆ le luꞈ meh. Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ paˇ sheuˬ kʼoꞈ laꞈ-awˇ, miˇ kʼahˬ kʼoeˇ kʼahˬ aˬ yawꞈ maꞈ paˇ ya geuꞈ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 16:53

Yeˬluˇsaˬlehˬ meuˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬ yawꞈ nyaꞈ-ahˇ ngaˇ paˇ bi dehꞈ dzaˬ laˇ ma. Sawˇdoˬ meuˬ hawˇ-eu aˬ yawꞈ-euˬ aˬ buˇ pyeuꞈ-eu pu deuˬ maˬ ehˇ, Saˬmaˬliˆ meuˬ hawˇ-eu aˬ yawꞈ-euˬ aˬ buˇ pyeuꞈ-eu pu deuˬ maˬ ehˇ, bi baw bi za le ma. Nawˬ-ahˇ kʼawꞈ ngaˇ bi baw bi za le ma.

Yeˬsaˬgeˬlaˇ 39:25

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ehˇ kʼawꞈ, nymˬ-mˇ ngaˇ Yaˬkoˆ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ gʼawˬ shaˬ gaˬ-awˇ, paˇ bi dehꞈ dzaˬ laˇ ma. Ngaˬ-euˬ muiˬ-eu shawˇ-eu tsawˇ myahˇ maˬ ya cawˆ ni ngaˇ jeˬ hmˬ bo saˆ ma.

Daˬyeˬlaˇ 12:1

Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu meh. “Kʼoeˇ ngeh jawˇ, nawˬ-euˬ tsawˇ jeuˬ-ahˇ haw piˇ-eu gʼaˬ pyeuꞈ-eu Miˇkeˬlaˇ lehˇ myahˇ-euˬ huiˬ-eu mahˇ-eu mˬ taˆ gʼaˬ kʼehˇ kʼoeˇ gʼaˬ doˆ le tehꞈ-a. Kʼoeˇ naˇ, miˇ kʼahˬ tsawˇ jeuˬ deuˬ dehꞈ le jawˇ le ngeh neh tiˬ jawˇ-iˬ maˬ mawˇ haw-euˬ shaˬ dui zahˬ dui dui-eu aˇ yamˬ keuˆ le tehꞈ-a. Aˇ yamˬ kʼoeˇ yamˬ keuˆ le ngeh, Miˬyehˇ-euˬ tsawˇ haˬ laꞈ kʼoeˇ tsawˇ myahˇ ahˇ-eu nawˬ-euˬ tsawˇ haˬ deuˬ ka kʼoꞈ-eu jeˬ za tehꞈ-a.

Yawˇlaˆ 2:29

Aˇ yamˬ kʼoeˇ yamˬ keuˆ laˇ ngeh jawˇ, kʼaˬ dzeˇ zaˬ zaˬ kʼaˆ-ahˇ maˬ ehˇ, zaˬ miˬ zaˬ zaˬ kʼaˆ-ahˇ maˬ ehˇ, ngaˬ-euˬ yaw sahˇ shehˆ daˆ nehˬ ma.

Aˬmoˆ 9:14

Ngaˬ-euˬ tsawˇ jeuˬ Iˇsaˬleˬlaˆ, aˬ cawˬ miˇ kʼahˬ-ahˇ shaˬ luꞈ-eu, yawˬ ha miˇ kʼahˬ-ahˇ sheuˬ kʼoꞈ ma. Cawˆ-iˇ-euˬ meuˬ deuˬ tsoˆ muiˬ-awˇ, yawꞈ maꞈ jawˇ duˬ dah leˇ tehꞈ-a. Aˬ gaꞈ yaˇ kmˇ paˇ mˇ poˆ-awˇ, aˬ gaꞈ dzaˇ uiˇ ya dawˇ tehꞈ-a. Myawˬ kmˇ yaˇ kmˇ paˇ mˇ poˆ-awˇ, ka-eu loꞈ-ehˇ ya dzaˬ tehꞈ-a.

Bawˇtsahˬ 11:29

Moˇseˬ ehˇ-eu, “Ngaˬ-euˬ doˇ daˇ nawˇ myaˆ naˆ te loˇ. Sahˬpaˬ Miˬyehˇ-euˬ tsawˇ haˬ dawˬ tawˆ luꞈ-ahˇ Sahˬpaˬ Miˬyehˇ yaw sahˇ biꞈ nehˬ-awˇ, aˬ yawꞈ maꞈ dawˬ tawˆ luꞈ Miˬyehˇ gʼaˇ duˬ ngehˬ dah-eu deuˬ loꞈ-ehˇ guˇ gaˇ ngaˇ gaˬ mawꞈ-eu ma.”

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

Dawˬmehˬ 30:3

nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ gʼawˬ shaˬ gaˬ tehꞈ-a. Aˬ yawꞈ neh nawˬ-ahˇ bi cehˆ byaˆ-euˬ miˇ kʼahˬ laꞈ kʼoeˇ neh aˬ yawꞈ nawˬ-ahˇ paˇ sheuˬ kʼoꞈ laꞈ-awˇ, bi baw bi za le tehꞈ-a.