Yawˇlaˆ 2:5 - Akha

⁵ Gawˬ jawˬ-ahˇ tsawˬ tsawˬ-ehˇ cah ngeh, mahˬ laˆ lawˬ-euˬ teˇ saˇ loꞈ-ehˇ, shoe loe shuiˇ luiˇ-ehˇ mahˇ laˇ-awˇ, jaˆ gaˆ miˬ dzaˬ puiˆ-eu loꞈ-ehˇ, toeˆ toeˆ tawˆ tawˆ-ehˇ mahˇ-eu meh. Guiˇ deuˆ-eu lehˬ hmˬ dah taˬ-euˬ, guiˇ maꞈ maꞈ ma tiˬ maꞈ loꞈ-ehˇ, aˬ yawꞈ maꞈ yawꞈ cehˆ taˬ-euˬ meh.

Yawˇlaˆ 2:5 Iomraidhean Croise

Yawˇbaˆ 39:20

Aˬ yawꞈ maꞈ nyehˇ bahˇ loꞈ-ehˇ teuˆ gahˇ nya-awˇ, tsawˇ haˬ zaˬ tsawˬ guˆ-iˇ paˬ-ehˇ naˇ mehˇ baw mahˇ nya ni nawˇ jahˇ nehˬ taˬ teˬ loˇ.

Doˆ-iˇ 5:12

Kʼoeˇ ngeh, tsawˇ haˬ kʼoeˇ deuˬ, Iˇjiˇtuˆ miˇ kʼahˬ doe ni iˇ-awˇ gʼo yoeˬ poˆ uiˬ laˬ-iˇ-euˬ meh.

Iˇsaˬyaˇ 30:30

Sahˬpaˬ Miˬyehˇ-aˬ, baoˬ huiˬ-eu aˬ yawꞈ-euˬ dawˬ tsawˇ haˬ yawˬ gʼaˬ na luꞈ-ahˇ bi gaˬ-awˇ, aˬ yawꞈ nui ma pehˇ-eu jeˬ aˇ naˆ ni guˆ laˇ paˬ-ehˇ gʼeh-eu gaˇ kawˆ, tsawˇ haˬ yawˬ gʼaˬ na luꞈ-ahˇ bi siˬ bi mawˇ tehꞈ-a. Miˬ dzaˬ miˬ lmˇ doˆ le-awˇ miˬ dzaˬ doꞈ luꞈ-eu mˬ dmˇ ya mawˇ-eu uˬ taꞈ, uˬ yehˇ aˇ siˬ ga le-awˇ, mˬ jeˬ jaˬ lehˇ oe tehꞈ-a.

Iˇsaˬyaˇ 5:24

Kʼoeˇ miˇ neh, gʼo yoeˬ hawˇ-eu uˬ jiˇ, miˬ dzaˬ miˬ lmˇ laꞈ kʼoeˇ byoˆ-iˇ-eu loꞈ-ehˇ, aˬ yawꞈ maꞈ-euˬ duˬ ciˇ peuˬ-iˇ jiˇ-awˇ, aˬ yawꞈ maꞈ-euˬ aˇ yehˆ kʼaˬ lehˇ loꞈ-ehˇ bi baw byoˆ jiˇ tehꞈ-a. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, aˬ yawꞈ maꞈ byehˇ dzeh jiˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ dawˬ-ahˇ, aˬ yawꞈ maꞈ naˬ bawˇ maˬ ciˬ kʼmˇ-a.

Yeˬlaˬmiˇ 50:42

Kaˆ hawˇ-eu mi cehˇ-ahˇ tuˆ tehˬ taˬ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ dziˬ-awˇ oe ngeh, laˆ shaˆ iˇ kʼawˇ mahˇ laˇ gaˇ duˇ-eu meh. Baˬbuˇloˬ miˇ kʼahˬ-ahˇ deuˆ-eu gʼaˇ duˬ, aˬ yawꞈ maꞈ lehˬ hmˬ dah-euˬ meh.

Maꞈtehˬ 3:12

Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”

Panmaeq 9:9

Aˬ yawꞈ maꞈ-euˬ kʼahˬ-aˬ, shmˇ byaˆ dm kaˬ taˬ-euˬ gaˇ duˇ-awˇ, aˬ yawꞈ maꞈ dahˇ diˬ diˬ-eu teˇ saˇ-aˬ, mahˬ gʼawˬ mya mawˇ bi gʼeu-euˬ mahˬ laˆ lawˬ tiˬ deuˬ guiˇ deuˆ-eu lehˇ coeˬ gʼeh leꞈ-eu teˇ saˇ-ahˇ duˇ-eu meh.