Yawˇlaˆ 2:2 - Akha

² Aˇ nah kʼoeˇ nah zahˇ dui dui-awˇ, juˬ kʼoeˬ tmˬ-awˇ naˆ dui dui meh. Gawˬ jawˬ kʼaˬ naˆ naˆ-eu loꞈ-ehˇ, nyehˇ bahˇ baˬ maꞈ laˇ gʼeh laꞈ meh. Kʼoeˇ naˆ naˆ-ehˇ gʼeh-eu gaˇ kawˆ, aˇ hu keuˆ le-euˬ maˬ jaˆ-ehˇ, aˬ kaˇ maˬ paˇ keuˆ le haw-aˇ.

Yawˇlaˆ 2:2 Iomraidhean Croise

Jaceuq 10:6

“Ngaˇtiˬjawˇ-iˬ maˬsm-iˇ-ehˇ, shaˬzahˬmaˬjaˆ”lehˇehˇluꞈmeh.

Jaceuq 97:2

Mˬ dmˇ hawˇ-eu zahˇ tsui ni gʼeh-eu jeˬ, aˬ yawꞈ-ahˇ jawˬ lahˇ taˬ-euˬ meh. Yaw tsaˬ yaw dawˇ yaw muiˬ yaw jaˬ laꞈ kʼoeˇ, aˬ yawꞈ uˆ lahˇ luꞈ-eu meh.

Doˆ-iˇ 10:14

Nyehˇ bahˇ kʼoeˇ deuˬ baˬ maꞈ puˇ jeˬ-ehˇ oe-awˇ, miˇ kʼahˬ kʼoeˇ kʼahˬ laꞈ kʼoeˇ jawˇ byah jiˇ-euˬ meh. Nyehˇ bahˇ kʼoeˇ maꞈ-aˬ, dzeuˇ laˇ ngeh tiˬ jawˇ-iˬ maˬ ya mawˇ haw-euˬ uˬ taꞈ, aˬ kaˇ kaˇ ziˇ keuˆ ni tiˬ jawˇ-iˬ maˬ paˇ ya mawˇ haw-eu myaˬ dui dui-eu nyehˇ bahˇ aˇ maꞈ maꞈ ma pyeuꞈ-eu meh.

Doˆ-iˇ 10:6

Nawˬ-euˬ nymˇ laꞈ kʼoeˇ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ-euˬ nymˇ laꞈ kʼoeˇ maˬ ehˇ, nawˬ-euˬ tsawˇ haˬ deuˬ-euˬ nymˇ deuˬ dawˬ tawˆ luꞈ laꞈ kʼoeˇ maˬ ehˇ, uˇ byah jiˇ tehꞈ-a. Nyehˇ bahˇ kʼoeˇ deuˬ-aˬ, naw maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh, iˬ nah keuˆ ni kʼaˇ ya tahˬ puˬ haw-euˬ yawˬ jeˬ na luꞈ laꞈ kʼoeˇ, aˬ cawˬ naˆ maˬ tseˇ doeˇ dui dui-eu jeˬ pyeuꞈ-eu meh’ lehˇ ehˇ-eu meh.”

Doˆ-iˇ 20:21

Ehˇ kʼawꞈ, tsawˇ haˬ kʼoeˇ deuˬ-aˬ, gaˇ mahˇ kaˬ gaˇ tehꞈ-ehˇ yawꞈ yaꞈ-awˇ, Moˇseˬ tiˬ gʼaˬ tehꞈ-ehˇ, Miˬyehˇ jawˇ-eu zahˇ tsui ni gʼeh-eu mˬ dmˇ dawˬ peh le-euˬ meh.

Iˇsaˬyaˇ 5:30

Aˇ nah kʼoeˇ nah keuˆ le ngeh, iˬ ma laˆ shaˆ mahˇ-eu teˇ saˇ loꞈ-ehˇ, Iˇsaˬleˬlaˆ tsawˇ jeuˬ-ahˇ aˬ yawꞈ maꞈ lmˬ tehꞈ-a. Miˇ kʼahˬ kʼoeˇ kʼahˬ-ahˇ haw gʼeh-iˬ ngeh, yaw zahˇ jeˬ hawˇ-eu yaw naꞈ jeˬ tehꞈ-ehˇ mawˇ laˇ-awˇ, yaw shehꞈ kʼawꞈ mˬ dmˇ neh bi uˆ zahˇ tehꞈ-a.

Iˇsaˬyaˇ 8:22

miˇ tsaˬ-ahˇ awˆ moꞈ haw kʼawꞈ, shaˬ zahˬ naꞈ-eu jeˬ hawˇ-eu yaw zahˇ jeˬ-ahˇ tehꞈ-ehˇ ya mawˇ-eu meh. Zahˇ dui dui-eu tsahˇ-ahˇ aˬ yawꞈ maꞈ bi teh ahˇ taˬ-euˬ meh.

Yeˬlaˬmiˇ 13:16

Yaw zahˇ jeˬ maˬ bi keuˆ le mi naˆ-ehˇ, gawˬ jawˬ kʼoeˇ taˆ naw maꞈ sahˬ tiꞈ maˬ ya tiꞈ mi naˆ-ehˇ, naw maꞈ noeˬ tmˬ-euˬ yaw shehꞈ-ahˇ, aˬ yawꞈ zahˇ tsui ni maˬ bi pyeuꞈ-iˇ mi naˆ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, naw maꞈ yaw zeu baw-awˬ.

Yeˬlaˬmiˇ 13:6

Aˇ nah aˇ yamˬ ui cuiˆ myahˇ laˇ gʼaˬ ngeh, “Uˇpaˬlaˇ lawˇ baˬ-ahˇ iˇ-awˇ, joꞈ paꞈ kʼoeˇ laˬ kʼoꞈ laˬ-iˇ-awˬ” lehˇ, Sahˬpaˬ Miˬyehˇ ngaˬ-ahˇ ehˇ-eu meh.

Ngoeˇ dawˬ 1:12

“Kʼaˇ iˇ kʼaˇ laˇ tsehˆ-eu deuˬ-oˇ, naw maꞈ ngaˬ-ahˇ maˬ taꞈ te loˇ. Sahˬpaˬ Miˬyehˇ nui ma pehˇ-awˇ, ngaˬ-euˬ kʼoeˇ taˆ bi keuˆ le-euˬ, ngaˇ mˇ luꞈ-eu shaˬ zahˬ naˆ ni, shaˬ haw mˇ haw-euˬ jawˇ meh loˇ. Naw maꞈ haw le-awˇ shaˇ noeˬ sheˇ.

Yeˬsaˬgeˬlaˇ 32:7

Nawˬ-ahˇ ngaˇ laˆ cawˆ nehˬ ngeh nah, mˬ-ahˇ ngaˇ dehˬ kaˬ-eu laꞈ kʼoeˇ, aˬ guiˇ zahˇ tsui ni bi jaˆ ma. Nahˇ ma-ahˇ mˬ dmˇ dehˬ kaˬ-awˇ, ba la tsehˬ-eu bi naˬ leˇ ma.

Yeˬsaˬgeˬlaˇ 34:12

Cah byaˆ jiˇ-euˬ yawˇ deuˬ-ahˇ yawˇ bo-eu yaw sahˇ poˆ kʼoꞈ uiˬ-eu loꞈ-ehˇ, ngaˬ-euˬ yawˇ deuˬ-ahˇ ngaˇ poˆ kʼoꞈ uiˬ ma. Juˬ kʼoeˬ tmˬ-awˇ mˬ zahˇ tsui ni gʼeh ngeh nah aˬ yawꞈ maꞈ kʼaˇ cehˆ byaˆ taˬ-euˬ gaˇ, ngaˇ poˆ mawˆ kʼoꞈ ma.

Yeˬsaˬgeˬlaˇ 38:9

Aˬ yawꞈ hawˇ-eu aˬ yawꞈ-euˬ guiˇ maꞈ deuˬ nehˬ-ehˇ, tsawˇ jeuˬ gʼawˬ mya jeuˬ gm leˇ-awˇ, jaˬ lehˇ lehˇ ma baw-eu loꞈ-ehˇ miˇ kʼahˬ kʼoeˇ kʼahˬ-ahˇ guiˇ deuˆ uˇ leꞈ ngeh, mˬ dmˇ ciˬ tehˬ nehˬ-euˬ gaˇ duˇ tehꞈ-a.”

Daˬyeˬlaˇ 12:1

Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu meh. “Kʼoeˇ ngeh jawˇ, nawˬ-euˬ tsawˇ jeuˬ-ahˇ haw piˇ-eu gʼaˬ pyeuꞈ-eu Miˇkeˬlaˇ lehˇ myahˇ-euˬ huiˬ-eu mahˇ-eu mˬ taˆ gʼaˬ kʼehˇ kʼoeˇ gʼaˬ doˆ le tehꞈ-a. Kʼoeˇ naˇ, miˇ kʼahˬ tsawˇ jeuˬ deuˬ dehꞈ le jawˇ le ngeh neh tiˬ jawˇ-iˬ maˬ mawˇ haw-euˬ shaˬ dui zahˬ dui dui-eu aˇ yamˬ keuˆ le tehꞈ-a. Aˇ yamˬ kʼoeˇ yamˬ keuˆ le ngeh, Miˬyehˇ-euˬ tsawˇ haˬ laꞈ kʼoeˇ tsawˇ myahˇ ahˇ-eu nawˬ-euˬ tsawˇ haˬ deuˬ ka kʼoꞈ-eu jeˬ za tehꞈ-a.

Daˬyeˬlaˇ 9:12

Nga maꞈ hawˇ-eu nga maꞈ kʼoeˇ taˆ uˆ lahˇ-eu deuˬ kʼoeˇ taˆ bi keuˆ le ma lehˇ ehˇ taˬ-euˬ jeˬ, nawˇ bi keuˆ le-euˬ meh. Miˇ tsaˬ kʼoeˇ taˆ jaˆ-eu meuˬ tiˬ meuˬ-iˬ maˬ ya daˬ haw-euˬ kʼehˬ-eu kʼaˆ-eu jeˬ-ahˇ, Yeˬluˇsaˬlehˬ meuˬ ya daˬ-euˬ meh.

Yawˇlaˆ 1:6

Nyehˇ bahˇ guiˇ maꞈ maꞈ ma oe-awˇ, aˬ dui miˇ kʼahˬ-ahˇ deuˆ-euˬ meh. Maˬ gui jiˇ coeˇ gaˇ keuˆ myaˬ-awˇ, baoˬ huiˬ-awˇ gʼaˬ kʼaˆ dui dui meh. Aˇ laˬ jaˬ shiˇ-euˬ juiˇ loꞈ-ehˇ, aˬ yawꞈ maꞈ seuˬ taˆ dui dui meh.

Yawˇlaˆ 2:25

Nyehˇ bahˇ baˬ maꞈ doˆ le ngeh kʼoꞈ, kʼaˇ dzaˬ cawˆ-euˬ jeˬ dawˬ tawˆ luꞈ, naw maꞈ-ahˇ ngaˇ tsoeˬ kʼoꞈ nehˬ ma. Nyehˇ bahˇ guiˇ maꞈ naw maꞈ jawˇ gaˇ pyehˬ leꞈ-euˬ yaw sahˇ gʼaˬ ngaˇ ma.

Yawˇlaˆ 2:31

Guˆ dui dui laˇ paˬ-ehˇ gʼeh-eu, Sahˬpaˬ Miˬyehˇ-euˬ Aˇ nah kʼoeˇ, keuˆ le-eu lehˇ gʼeh-eu mehˬ hu, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Yawˇlaˆ 2:5

Gawˬ jawˬ-ahˇ tsawˬ tsawˬ-ehˇ cah ngeh, mahˬ laˆ lawˬ-euˬ teˇ saˇ loꞈ-ehˇ, shoe loe shuiˇ luiˇ-ehˇ mahˇ laˇ-awˇ, jaˆ gaˆ miˬ dzaˬ puiˆ-eu loꞈ-ehˇ, toeˆ toeˆ tawˆ tawˆ-ehˇ mahˇ-eu meh. Guiˇ deuˆ-eu lehˬ hmˬ dah taˬ-euˬ, guiˇ maꞈ maꞈ ma tiˬ maꞈ loꞈ-ehˇ, aˬ yawꞈ maꞈ yawꞈ cehˆ taˬ-euˬ meh.

Yawˇlaˆ 3:4

“Duˇlu meuˬ, Siˇdoˬ meuˬ hawˇ-eu, Piˇliˇtiˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ-oˇ, naw maꞈ ngaˬ-ahˇ aˬ jeˬ jahˇ-eu lehˇ gʼeh te. Naw maꞈ ngaˬ-ahˇ tiˬ jeˬ paˬ jahˇ kʼoꞈ-eu lehˇ gʼeh te loˇ. Jahˇ kʼoꞈ ma lehˇ ngeuˇ naˇ, naw maꞈ neh kʼaˇ jahˇ-euˬ jeˬ naw maꞈ-euˬ uˬ duˬ kʼoeˇ taˆ yaw kawˇ-ehˇ paˇ keuˆ le ni ngaˇ jahˇ poˆ ma.

Aˬmoˆ 4:13

Gawˬ jawˬ tehˆ-euˬ, Miˬyehˇ neh meh. Jaˬ lehˇ beh-euˬ Miˬyehˇ neh meh. Yawꞈ-euˬ nui noeˬ tsawˇ-ahˇ mehˬ-awˇ, nah gʼahˇ uˬ ciꞈ laˆ pyeuꞈ nya-awˇ, mˬ-ahˇ jawˇ-awˇ miˇ-ahˇ dzoeˬ-eu, Yawꞈ-euˬ tsawˇ myahˇ Baoˬ huiˬ Miˬyehˇ, Sahˬpaˬ Miˬyehˇ lehˇ kuˇ-eu meh.

Zeˬpaˬniˇ 1:7

Miˇ tsaˬ zaˬ deuˬ ciˬ cuˇ jawˇ-awˬ. Sahˬpaˬ Miˬyehˇ huiˬ-eu aˇ nah, Miˬyehˇ kʼehˬ-eu kʼaˆ-eu kʼoeˇ nah, dawˬ peh peh le tehˇ tehˬ luꞈ meh. Jeˬ zaˬ sehꞈ-awˇ lawˇ-eu loꞈ-ehˇ, Sahˬpaˬ Miˬyehˇ-euˬ tsawˇ haˬ-ahˇ, Sahˬpaˬ Miˬyehˇ sehꞈ le tehꞈ-a.”

Zaˬkaˬliˇ 14:6

Aˇ nah aˇ yamˬ kʼoeˇ keuˆ laˇ ngeh, yaw gaˆ gaˆ-awˇ ngehˇ ga-eu maˬ baw-a.

Maꞈtehˬ 24:21

Aˬ jeˬ miˇ neh ehˇ naˇ, kʼoeˇ ngeh poˆ keuˆ le-eu guˆ-eu gaˆ-eu jeˬ kʼoeˇ-aˬ, miˇ tsaˬ tahˬ kʼawˇ heu aˇ dahˬ beh ngeh neh kʼaˇ keuˆ le dzeuˇ yaꞈ-euˬ jeˬ hawˇ-eu, aˬ kaˇ kʼaˇ keuˆ le-eu jeˬ dawˬ tawˆ luꞈ naˆ maˬ tseˇ, guˆ dui dui laˇ paˬ-ehˇ gʼeh-eu meh.

Maˬkuˆ 13:19

Aˬ jeˬ miˇ neh ehˇ naˇ, kʼoeˇ ngeh poˆ keuˆ le-eu guˆ-eu gaˆ-eu jeˬ kʼoeˇ-aˬ, Miˬyehˇ mˬ beh miˇ beh beh ngeh neh kʼaˇ keuˆ le dzeuˇ yaꞈ-euˬ jeˬ hawˇ-eu, aˬ kaˇ kʼaˇ keuˆ le-eu jeˬ dawˬ tawˆ luꞈ naˆ maˬ tseˇ, guˆ dui dui laˇ paˬ-ehˇ gʼeh-eu meh.

Dawˬmehˬ 32:7

“Aˇ hu ziˇ-ahˇ pyeuꞈ ka leꞈ-euˬ, gaˇ kawˆ deuˬ-ahˇ naˇ haˬ haw sheˇ. Aˬ da deuˬ neh bi ja mehˬ-awˇ, tsawˇ mawˬ deuˬ neh bi dzawˇ duˬ sheˇ.

HeˬByehˇ 12:18

Naw maꞈ-aˬ, Iˇsaˬleˬlaˇ tsawˇ haˬ kʼoeˇ deuˬ loꞈ-ehˇ toeˬ haw sawˆ haw nya-eu Siˇnaˆ gawˬ jawˬ-ahˇ laˇ-euˬ maˬ ngeuˇ-a. Aˬ yawꞈ maꞈ-aˬ, miˬ dzaˬ doꞈ luꞈ-eu Siˇnaˆ gawˬ jawˬ-ahˇ, zahˇ dui dui gaˇ maˬ ehˇ, jaˬ lehˇ lehˇ ma baw gaˇ maˬ ehˇ,

Yuˇdaˆ 1:13

Aˬ yawꞈ maꞈ-aˬ, iˬ ma laˆ shaˆ iˇ luˆ dzeh gaˇ duˇ-awˇ, yawˬ ha neh mˇ-euˬ shaꞈ dawˇ dui dui paˬ-ehˇ gʼeh-eu jeˬ boeˇ loeˇ yoˆ-i bi siˬ bi mawˇ-eu meh. Miˬyehˇ neh lehˬ hmˬ taˬ-euˬ yaw zahˇ zahˇ dui dui-eu jawˇ duˬ-ahˇ mˬ maˬ maˬ byaˆ zaˇ ziˇ ya jawˇ leˇ-eu, gaˇ ma maˬ poˆ ni doe doe gʼa gʼa-ehˇ cah luꞈ-eu aˬ guiˇ-ahˇ duˇ-eu meh.

Panmaeq 9:2

Aˬ guiˇ kʼoeˇ siˬ maˬ li-iˇ nya-eu duˬ kʼahˬ-ahˇ pah dzeh-euˬ meh. Kʼoeˇ ngeh, miˬ dzaˬ tsawˬ bu bu ma-ahˇ uˬ kʼoeˬ doˆ laˇ-eu loꞈ-ehˇ, duˬ kʼahˬ kʼoeˇ kʼahˬ uˬ kʼoeˬ du doˆ luꞈ-eu meh. Maˬ li-iˇ nya-eu duˬ kʼahˬ-euˬ uˬ kʼoeˬ kʼoeˇ, nahˇ ma yaw shehꞈ hawˇ-eu jaˬ lehˇ-ahˇ zahˇ tsui ni bi pyeuꞈ-iˇ-euˬ meh.