Yawˇlaˆ 2:13 - Akha

¹³ Mehˬtsoeˬ gʼeu paˆ gaˇ ngaˇ maˬ haw. Naw maꞈ noeˬ shaˬ-eu mawˇ laˇ ni, nui ma tsawˬ paˆ-euˬ byaˬ laˇ-awˬ.” Sahˬpaˬ Miˬyehˇ pyeuꞈ-eu Miˬyehˇ jawˇ paw naw maꞈ gʼoꞈ kʼoꞈ laˇ-awˬ. Aˬ yawꞈ gʼawˬ shaˬ gaˬ-eu byah-awˇ, nui ma oˇ oꞈ coeˇ-eu uˬ taꞈ, saˇ jaˇ dzaˬ taˬ-euˬ maˬ puiˬ-ehˇ, aˬ myah luꞈ iˬ baˇ pyehˬ nehˬ-awˇ, maˬ kʼehˬ maˬ kʼaˆ ni byehˇ-eu meh.

Yawˇlaˆ 2:13 Iomraidhean Croise

Aˇ dahˬ 37:29

Lah duˬ-ahˇ Luˇbeˬ haw-iˇ ngeh, Yoˇsehˆ-ahˇ maˬ paˇ ya mawˇ-euˬ miˇ neh, noeˬ shaˬ dui dui-eu laꞈ kʼoeˇ, aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh.

Aˇ dahˬ 37:34

Yaˬkoˆ-aˬ, noeˬ shaˬ dui dui-eu miˇ neh, aˬ yawꞈ dm luꞈ-eu mehˬ tsoeˬ cehˬ pyaˬ cehˬ shaˇ jiˇ-awˇ, noeˬ shaˬ ngeh dm-eu guˬ daˇ pehˇ zeuˇ mehˬ tsoeˬ dm-awˇ, aˇ yamˬ gʼawˬ myahˇ ni tsawˇ ngoeˇ ngoeˇ ngoeˇ-ehˇ jawˇ-euˬ meh.

2 Saˬmeuˬlaˆ 1:11

Kʼoeˇ ngeh, Daˬbiˇ noeˬ shaˬ dui dui-eu laꞈ kʼoeˇ, yawˬ ha dm luꞈ-eu mehˬ tsoeˬ cehˬ pyaˬ-euˬ meh. Aˬ yawꞈ-euˬ tsawˇ haˬ dawˬ tawˆ luꞈ kʼawꞈ, kʼoeˇ loꞈ-ehˇ jahˇ-euˬ meh.

1 Sahˬpaˬ 21:27

Eˇliˇyaˆ dawˬ ngehˬ gʼaˬ ngeh, Aˬhaˆ gʼaˬ yawˬ ha-euˬ mehˬ tsoeˬ gʼeu pyaˬ gʼeu shaˇ-awˇ, guˬ daˇ pehˇ zeuˇ mehˬ tsoeˬ dm-euˬ meh. Aˬ yawꞈ maˬ dzaˬ maˬ dawˇ ni, guˬ daˇ pehˇ zeuˇ dm-awˇ yuꞈ-eu laꞈ kʼoeˇ, noeˬ shaˬ dui dui-awˇ myaꞈ dehˬ ni pyeuꞈ-iˇ-euˬ meh.

2 Sahˬpaˬ 22:11

Zahˇ dawˬ kʼoꞈ dawˬ sahˬ boꞈ gui mehˬ nehˬ gaˇ sahˬ paˬ ya gaˬ ngeh, nui ma-ahˇ zaw leˇ-awˇ, aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh.

2 Sahˬpaˬ 22:19

Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ ma lehˇ ehˇ taˬ-euˬ gaˇ nawˇ ya gaˬ ngeh, nawˬ-euˬ nui ma noeˬ paˇ-awˇ, mehˬ tsoeˬ cehˬ pyaˬ-eu laꞈ kʼoeˇ, ngaˬ-euˬ mehˬ shiˬ nawˇ nui ma nahˬ yu ni taˬ-euˬ meh. Jawˇ duˬ kʼoeˇ tsahˇ-ahˇ, maˬ haw peuˬ ni guˆ laˇ paˬ-ehˇ gʼeh-eu jawˇ duˬ bi pyeuꞈ laˇ-awˇ, tsawˇ haˬ zaˬ deuˬ yaˬ kʼehˇ yaˬ ngeh, jawˇ duˬ kʼoeˇ tsahˇ-euˬ tsawˇ myahˇ kuˇ-awˇ yaˬ tehꞈ-a. Ehˇ kʼawꞈ, nawˬ-euˬ shaˇ dawˬ ngaˇ naˇ haˬ nehˬ ma.

2 Sahˬpaˬ 5:7

Sahˬ boꞈ kʼoeˇ taꞈ-ahˇ Iˇsaˬleˬlaˆ sahˬ paˬ gui gʼaˬ ngeh, aˬ yawꞈ dm luꞈ-eu mehˬ tsoeˬ cehˬ pyaˬ-awˇ ehˇ-eu, “Tsawˇ haˬ heu gʼaˬ-euˬ naˇ gawˇ laˆ saˆ taˬ nehˬ-awˬ lehˇ, Suˇliˆ sahˬ paˬ ngaˬ-ahˇ aˬ joˆ-ehˇ ehˇ nya-eu nga. Ngaˇ-aˬ, tsawˇ haˬ-ahˇ laˆ dehꞈ laˆ shiˇ nya-eu baoˬ ahˇ-eu miˬyehˇ nga lehˇ aˬ yawꞈ noeˬ ta loˇ. Aˬ yawꞈ ngaˬ-ahˇ nui ma laˆ pehˇ-awˇ, ceh dzaˬ-eu gaˇ ma poˆ-eu lehˇ gʼeh-eu ngaˇ.”

2 Sahˬpaˬ 6:30

Dawˬ kʼoeˇ dawˬ-ahˇ sahˬ paˬ ya gaˬ ngeh, nui ma-ahˇ zaw dui dui leˇ-awˇ, aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh. Kʼoeˇ ngeh, sahˬ paˬ guˬ daˇ pehˇ zeuˇ mehˬ tsoeˬ dm ahˇ taˬ-euˬ gaˇ, meuˬ meuˬ lahˇ dawˬ peh jawˇ-eu tsawˇ haˬ deuˬ ya mawˇ-euˬ meh.

2 Laˬsaˬbaˬ 6:27

Sahˬpaˬ Miˬyehˇ nawˇ mˬ kʼoeˇ taˆ jawˇ-awˇ aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-eu laꞈ kʼoeˇ, nawˬ-euˬ zaˬ kʼaˆ pyeuꞈ-eu Iˇsaˬleˬlaˆ tsawˇ haˬ deuˬ-ahˇ iˬ baˇ pyehˬ nehˬ-awˇ, aˬ yawꞈ maꞈ yaw tsaˬ yaw dawˇ jeˬ mˇ ni mehˬ nehˬ tsoˆ nehˬ-awˬ. Sahˬpaˬ Miˬyehˇ-oˇ, kʼoeˇ ngeh jawˇ, nawˬ-euˬ tsawˇ jeuˬ-ahˇ nawˬ neh biꞈ tsehˆ tsehˆ nehˬ-euˬ nawˬ-euˬ miˇ kʼahˬ heu kʼahˬ kʼoeˇ taˆ uˬ yehˇ bi yehˇ le-awˬ.

Neˬhaˬmiˇ 9:17

Nawˬ neh mˇ-euˬ gaˇ-ahˇ aˬ yawꞈ maꞈ ngehˇ jiˇ-awˇ, nawˬ-euˬ dawˬ-ahˇ maˬ naˇ haˬ ni, nawˇ mˇ-euˬ kʼaˆ jeˬ-ehˇ gʼeh-eu gaˇ-ahˇ, aˬ yawꞈ maꞈ ngehˇ byoˆ jiˇ-euˬ meh. Aˬ yawꞈ maꞈ nui ma huiˬ-eu mahˇ-eu jeˬ laꞈ kʼoeˇ, Iˇjiˇtuˆ miˇ kʼahˬ-ahˇ zaˬ kʼaˆ geuꞈ poˆ-iˇ-eu gʼaˇ duˬ, sheuˬ gʼeh-eu aˬ yuiꞈ tseˇ-euˬ meh. Ehˇ kʼawꞈ nawˇ iˬ baˇ pyehˬ nehˬ-eu Miˬyehˇ pyeuꞈ-awˇ, gʼoeˇ-eu gaˬ-eu jeˬ byah-eu uˬ taꞈ, nawˇ nui ma pehˇ-eu maˬ kawˇ-a. Nawˇ gʼawˬ shaˬ gaˬ-eu jeˬ huiˬ dui myaˬ dui dui-awˇ, aˬ yawꞈ maꞈ-ahˇ nawˇ maˬ byehˇ dzeh-aˬ.

Yawˇbaˆ 1:20

Kʼoeˇ ngeh, Yawˇbaˆ tsawˬ tuˇ laˇ-awˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-euˬ meh. Aˬ yawꞈ uˬ jehˆ jehˆ dzeh-awˇ, miˇ tsaˬ-ahˇ moꞈ tsahˬ-ehˇ yuꞈ-euˬ meh.

Jaceuq 103:8

Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu meh. Nui ma pehˇ-eu maˬ kawˇ-eu uˬ taꞈ, maˬ tsehˆ leˇ nya-eu gʼoeˇ-eu gaˬ-eu jeˬ byah luꞈ-eu meh.

Jaceuq 106:45

Aˬ yawꞈ maꞈ-euˬ gʼaˇ duˬ dawˬ ma saˇ jaˇ-ahˇ noeˬ keuˆ nehˬ-awˇ, aˬ yawꞈ-euˬ huiˬ-eu gʼoeˇ-eu gaˬ-eu jeˬ baˬ da neh, aˬ yawꞈ nui ma juˆ-iˇ-eu laꞈ kʼoeˇ,

Jaceuq 34:18

Nui ma tsawˬpaˆ-euˬdeuˬdawˬpeh, SahˬpaˬMiˬyehˇjawˇluꞈ-eu meh. Nui ma cawˆ-eu tsawˇhaˬdeuˬ-ahˇ, aˬyawꞈka kʼoꞈdoˆnehˬ-eu meh.

Jaceuq 51:17

Miˬyehˇ-oˇ, ngaˇ nawˬ-ahˇ nui nahˬ nui yu lawˇ nehˬ ma. Nahˬ yu ni gʼeh-eu iˬ baˇ noeˬ poˆ-euˬ nui ma-ahˇ nawˇ maˬ byehˇ dzeh nehˬ laꞈ-a.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Iˇsaˬyaˇ 58:5

Naw maꞈ maˬ dzaˬ-eu zahˇ jahˇ ngeh, yawˬ ha gʼawˇ mawˇ bi shaˬ bi zahˬ-eu meh. Uˬ jiˇ uˬ paꞈ loꞈ-ehˇ naw maꞈ-euˬ uˬ duˬ awˆ moꞈ-awˇ, guˬ daˇ pehˇ zeuˇ kʼawˬ-awˇ kʼaˬ lehˇ tawˆ daˆ taˬ-euˬ kʼoeˇ taˆ, naw maꞈ ga-awˇ maˬ dzaˬ ni dzahˬ-eu meh. Kʼoeˇ loꞈ-ehˇ mˇ gaˇ maˬ dzaˬ-eu zahˇ jahˇ-eu lehˇ kuˇ te loˇ. Kʼoeˇ loꞈ-ehˇ jahˇ gaˇ ngaˇ nui kʼahˇ shiˇ meh lehˇ noeˬ te loˇ.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Yeˬlaˬmiˇ 36:7

Guˆ laˇ paˬ-ehˇ gʼeh-eu Sahˬpaˬ Miˬyehˇ-euˬ nui ma pehˇ-eu jeˬ ehˇ taˬ-euˬ miˇ neh, aˬ yawꞈ maꞈ Sahˬpaˬ Miˬyehˇ-ahˇ guiˬ lahˬ shaˇ-awˇ, yaw haiˬ jeˬ maˬ paˇ mˇ ni byehˇ-eu baw le” lehˇ mehˬ nehˬ-euˬ ma.

Yeˬlaˬmiˇ 41:5

Sheˬkmˬ meuˬ, Shiˇloˬ meuˬ hawˇ-eu, Saˬmaˬliˆ meuˬ-ahˇ neh tsawˇ haˬ yehꞈ tseˇ gʼaˬ oe-euˬ meh. Aˬ yawꞈ maꞈ mehˬ mahˬ jehˆ dzeh-awˇ, mehˬ tsoeˬ cehˬ pyaˬ-awˇ, gʼawˇ mawˇ-ahˇ kahˬ naˇ taˬ-euˬ meh. Uˬ duˬ tahˬ nymˇ nymˇ ma laꞈ kʼoeˇ lawˇ-eu gʼaˇ duˬ, dzaˬ la gʼo cehˇ lawˇ-eu jeˬ hawˇ-eu yaw saw jeˬ aˬ yawꞈ maꞈ yuˇ leꞈ-euˬ meh.

Yeˬlaˬmiˇ 42:10

Sahˬpaˬ Miˬyehˇ heu loꞈ-ehˇ ehˇ-eu meh. ‘Miˇ kʼahˬ heu kʼahˬ laꞈ kʼoeˇ naw maꞈ jawˇ daˆ leꞈ mawꞈ naˇ, naw maꞈ-ahˇ ngaˇ maˬ laˆ pyaˆ ni ciˬ tuˇ nehˬ ma. Naw maꞈ-ahˇ ngaˇ maˬ gʼawˇ lehˆ ni, tsoˆ ziꞈ nehˬ ma. Naw maꞈ-ahˇ ngaˬ neh laˆ luˬ laˆ seˇ nehˬ-euˬ gaˇ ngaˇ nui ma tiˬ pawꞈ-iˬ maˬ saˇ nya.

Yeˬsaˬgeˬlaˇ 9:4

“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”

Hawˇseˬ 14:1

Iˇsaˬleˬlaˆ tsawˇ haˬ deuˬ-oˇ, nawˬ-euˬ Sahˬpaˬ Miˬyehˇ pyeuꞈ-eu, Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ-euˬ iˬ baˇ baˬ da neh, naw maꞈ pehˆ toˆ tahˬ sehꞈ-euˬ meh.

Yawˇnaˆ 3:9

Miˬyehˇ nui ma paˇ laˇ-awˇ, nui ma pehˇ-eu taˬ leˇ-eu laꞈ kʼoeˇ, aˬ dui shiˇ gaˇ maˬ ya keuˆ-eu baw tehꞈ-a.”

Yawˇnaˆ 4:2

Kʼoeˇ miˇ neh, aˬ yawꞈ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ -oˇ, ngaˇ iˇ kahˇ-ahˇ neh ma gʼoˆ doˆ le mi naˆ-ehˇ nawˇ heu loꞈ-ehˇ jahˇ tehꞈ-a lehˇ ngaˇ ehˇ-euˬ maˬ ngeuˇ-a loˇ. Kʼoeˇ miˇ neh Saˬbeˬ miˇ kʼahˬ paw cehˆ byoˆ-eu lehˇ ngaˇ leh jeh-euˬ ma. Nawˇ-aˬ, gʼoeˇ-eu gaˬ-eu jeˬ byah-eu gʼawˬ shaˬ gaˬ nya-eu Miˬyehˇ pyeuꞈ-awˇ, aˬ myah luꞈ nui ma gʼawˬ mahˇ ni taˬ-awˇ gʼawˬ shaˬ gaˬ nehˬ nya-eu uˬ taꞈ, aˬ myah luꞈ nui ma paˇ laˇ nya-awˇ, maˬ kʼehˬ maˬ kʼaˆ nehˬ ni byehˇ-eu meh.

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Naˬhmˬ 1:3

Sahˬpaˬ Miˬyehˇ baoˬ zawˇ huiˬ-awˇ, nui ma pehˇ laˇ-eu maˬ kawˇ-a. Ehˇ kʼawꞈ iˬ baˇ mˇ-eu deuˬ-ahˇ, maˬ kʼehˬ-ehˇ maˬ bi dzeuˇ-iˇ-a. Sahˬpaˬ Miˬyehˇ iˇ-eu gaˇ ma, mˬ jeˬ jaˬ lehˇ oe gʼeh leꞈ-awˇ, mˬ kʼoeˇ taˆ tmˬ luꞈ-eu mˬ dmˇ, aˬ yawꞈ cah pyuˬ-euˬ kʼaˬ lehˇ meh.

Bawˇtsahˬ 14:18

‘Sahˬpaˬ Miˬyehˇ pyeuꞈ-eu ngaˇ-aˬ, yaw awˇ laꞈ-ehˇ nui ma maˬ pehˇ. Ngaˇ-aˬ, gʼoeˇ-eu gaˬ-eu jeˬ tiˬ byah ni ahˇ-awˇ, saˇ jaˇ ziꞈ dui dui-eu uˬ taꞈ, iˬ baˇ ahˇ-eu tsawˇ haˬ deuˬ hawˇ-eu ngaˬ-ahˇ puiˬ-eu tsawˇ haˬ deuˬ-ahˇ iˬ baˇ pyehˬ nehˬ-eu ma. Ehˇ kʼawꞈ, aˬ ma aˬ da aˬ piˬ aˬ bawˇ deuˬ-euˬ iˬ baˇ baˬ da neh, aˬ yawꞈ maꞈ-euˬ aˬ buˇ aˬ li hawˇ-eu oeˬ paˬ oeˬ maˬ deuˬ-ahˇ, smˬ ziˇ oeˬ ziˇ keuˆ ni maˬ bi dzeuˇ-iˇ ni ngaˇ kʼehˬ nehˬ ma’ lehˇ nawˇ ehˇ taˬ-euˬ jaˆ-eu meh.

Lormav 2:4

Maˬ ngeuˇ naˇ, aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ, oˇ coeˇ-eu jeˬ, nui ma mahˇ-eu jeˬ, heu deuˬ-ahˇ nawˇ yehˬ bawˬ sehˇ lu-ehˇ gʼeh te loˇ. Miˬyehˇ gʼawˬ shaˬ gaˬ-eu jeˬ ahˇ meh lehˇ nawˇ siˬ duˬ meh. Aˬ jeˬ miˇ neh ehˇ naˇ, nawˇ iˬ baˇ noeˬ poˆ laˇ ni aˬ yawꞈ leh jeh luꞈ-eu meh.

Eˇpeˇsu 2:4

Ehˇ kʼawꞈ, Miˬyehˇ gʼawˬ shaˬ gaˬ-eu jeˬ myaˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ huiˬ dui dui-eu meh.

1 Tiˆmoˇseˬ 4:8

Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.