Yawˇlaˆ 2:10 - Akha

¹⁰ Aˬ yawꞈ maꞈ mehˬ hu paw le ngeh, miˇ tsaˬ tahˬ kʼawˇ miˇ luˆ luˆ-awˇ, mˬ nyeh nyeh-ehˇ pyeuꞈ laˇ-eu meh. Nahˇ ma ba la zahˇ-iˇ jiˇ-awˇ, aˬ guiˇ yaw shehꞈ maˬ paˇ bya meh.

Yawˇlaˆ 2:10 Iomraidhean Croise

Jaceuq 114:7

Miˇ tsaˬ tahˬ kʼawˇ-oˇ, Sahˬpaˬ Miˬyehˇ oe ngeh yaw dzuˬ dzuˬ-awˬ. Yaˬkoˆ-euˬ Miˬyehˇ mehˬ shi yaw dzuˬ dzuˬ-awˬ.

Jaceuq 18:7

Aˬyawꞈnui ma pehˇlaˇ-euˬkʼoeˇ, miˇtsaˬtahˬkʼawˇgah nyeh nyeh-awˇ, gawˬjawˬduˬpuˇyaˇlaˇ-euˬmeh.

Iˇsaˬyaˇ 13:10

Mˬ taˆ aˬ guiˇ dawˬ tawˆ miˆ kʼaꞈ jiˇ-awˇ, nahˇ ma doˆ laˇ ngeh yaw shehꞈ maˬ bya-ehˇ, ba la tsehˬ ngeh zahˇ tsui ni jaˆ tehꞈ-a.

Iˇsaˬyaˇ 34:4

Nahˇ ma, ba la, aˬ guiˇ dawˬ tawˆ guiˇ byoˆ jiˇ-awˇ, saˬ nmˇ lehˬ yoˆ-eu loꞈ-ehˇ mˬ lehˬ yoˆ kʼoꞈ-awˇ, siˬ guˬ maˇ sheuˇ aˇ paꞈ ga-eu loꞈ-ehˇ, aˬ guiˇ dawˬ tawˆ ga le tehꞈ-a.

Iˇsaˬyaˇ 5:30

Aˇ nah kʼoeˇ nah keuˆ le ngeh, iˬ ma laˆ shaˆ mahˇ-eu teˇ saˇ loꞈ-ehˇ, Iˇsaˬleˬlaˆ tsawˇ jeuˬ-ahˇ aˬ yawꞈ maꞈ lmˬ tehꞈ-a. Miˇ kʼahˬ kʼoeˇ kʼahˬ-ahˇ haw gʼeh-iˬ ngeh, yaw zahˇ jeˬ hawˇ-eu yaw naꞈ jeˬ tehꞈ-ehˇ mawˇ laˇ-awˇ, yaw shehꞈ kʼawꞈ mˬ dmˇ neh bi uˆ zahˇ tehꞈ-a.

Yeˬlaˬmiˇ 4:23

Miˇ tsaˬ-ahˇ ngaˇ haw ngeh, tiˬ jeˬ-iˬ maˬ baw ni awˬ kʼawꞈ tehꞈ meh. Mˬ-ahˇ ngaˇ haw leꞈ ngeh, yaw shehꞈ tiˬ pawꞈ-iˬ maˬ jaˆ-a.

Yawˇlaˆ 2:2

Aˇ nah kʼoeˇ nah zahˇ dui dui-awˇ, juˬ kʼoeˬ tmˬ-awˇ naˆ dui dui meh. Gawˬ jawˬ kʼaˬ naˆ naˆ-eu loꞈ-ehˇ, nyehˇ bahˇ baˬ maꞈ laˇ gʼeh laꞈ meh. Kʼoeˇ naˆ naˆ-ehˇ gʼeh-eu gaˇ kawˆ, aˇ hu keuˆ le-euˬ maˬ jaˆ-ehˇ, aˬ kaˇ maˬ paˇ keuˆ le haw-aˇ.

Yawˇlaˆ 2:31

Guˆ dui dui laˇ paˬ-ehˇ gʼeh-eu, Sahˬpaˬ Miˬyehˇ-euˬ Aˇ nah kʼoeˇ, keuˆ le-eu lehˇ gʼeh-eu mehˬ hu, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Yawˇlaˆ 3:4

“Duˇlu meuˬ, Siˇdoˬ meuˬ hawˇ-eu, Piˇliˇtiˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ-oˇ, naw maꞈ ngaˬ-ahˇ aˬ jeˬ jahˇ-eu lehˇ gʼeh te. Naw maꞈ ngaˬ-ahˇ tiˬ jeˬ paˬ jahˇ kʼoꞈ-eu lehˇ gʼeh te loˇ. Jahˇ kʼoꞈ ma lehˇ ngeuˇ naˇ, naw maꞈ neh kʼaˇ jahˇ-euˬ jeˬ naw maꞈ-euˬ uˬ duˬ kʼoeˇ taˆ yaw kawˇ-ehˇ paˇ keuˆ le ni ngaˇ jahˇ poˆ ma.

Aˬmoˆ 5:8

Sahˬpaˬ Miˬyehˇ aˬ guiˇ beh-awˇ, yaw zahˇ-ahˇ mˬ bi bya laˇ-awˇ, nah gʼahˇ-ahˇ mˬ bi ciꞈ le meh. Laˆ shaˆ iˇ cuꞈ yawꞈ kuˇ daˆ-awˇ, miˇ tsaˬ kʼoeˇ taˆ shehˆ shehˬ-eu meh. Yawꞈ tsawˇ myahˇ Sahˬpaˬ Miˬyehˇ meh.

Naˬhmˬ 1:5

Sahˬpaˬ Miˬyehˇ jawˇ-eu mehˬ shi, gawˬ jawˬ luˆ laˇ nyeh laˇ jiˇ-awˇ, gawˬ duˇ guiˇ ka byoˆ jiˇ-eu meh. Sahˬpaˬ Miˬyehˇ oe-eu mehˬ shi, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ yaw juˬ juˬ-eu meh.

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Maꞈtehˬ 27:51

Kʼoeˇ ngeh, Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ kʼoeˇ, uˬ duˬ-ahˇ neh dawˬ dahˬ-ahˇ doˆ ni, nyiˬ paˆ paˆ-iˇ-euˬ meh. Miˇ tsaˬ tahˬ kʼawˇ luˆ laˇ nyeh laˇ-awˇ, lo guˇ deuˬ tsawˬ paˆ-iˇ-euˬ meh.

Gʼaˬkʼehˇ 2:20

Yaw shehꞈ kʼahˬ sehˇ huiˬ dui dui-eu, SahˬpaˬMiˬyehˇ-euˬ aˇ nah kʼoeˇ, miˇ kʼoeˇ taˆ maˬ keuˆ le nmˇ kaˬ, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.

Panmaeq 6:12

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ shiꞈ hmˬ tiˬ hmˬ-ahˇ ngawˬ paˆ gaˇ ngaˇ mawˇ-euˬ ma. Kʼoeˇ ngeh, miˇ luˆ luˆ dui dui laˇ-awˇ ‘nahˇ ma myahˬ naˆ-euˬ saˬ paˇ loꞈ-ehˇ zahˇ-iˇ-awˇ, ba la shiˬ loꞈ-ehˇ neˇ laˇ-euˬ meh.

Panmaeq 8:12

Kʼoeˇ naˇ, mˬ taˆ gʼaˬ kʼehˇ oeˬ gʼaˬ tiˬ gʼaˬ daˇ heh baw ngeh, nahˇ ma smˬ paˆ tiˬ paˆ, ba la smˬ paˆ tiˬ paˆ hawˇ-eu, aˬ guiˇ smˬ bymˇ tiˬ bymˇ-ahˇ zaw leˇ-awˇ, nahˇ ma, ba la , aˬ guiˇ kʼoeˇ deuˬ-euˬ yaw shehꞈ smˬ bymˇ tiˬ bymˇ teˬ-iˇ-euˬ meh. Nah gʼahˇ smˬ bymˇ tiˬ bymˇ hawˇ-eu, uˬ ciꞈ smˬ bymˇ tiˬ bymˇ yaw bya maˬ bya ni pyeuꞈ-iˇ-euˬ meh.

Panmaeq 9:2

Aˬ guiˇ kʼoeˇ siˬ maˬ li-iˇ nya-eu duˬ kʼahˬ-ahˇ pah dzeh-euˬ meh. Kʼoeˇ ngeh, miˬ dzaˬ tsawˬ bu bu ma-ahˇ uˬ kʼoeˬ doˆ laˇ-eu loꞈ-ehˇ, duˬ kʼahˬ kʼoeˇ kʼahˬ uˬ kʼoeˬ du doˆ luꞈ-eu meh. Maˬ li-iˇ nya-eu duˬ kʼahˬ-euˬ uˬ kʼoeˬ kʼoeˇ, nahˇ ma yaw shehꞈ hawˇ-eu jaˬ lehˇ-ahˇ zahˇ tsui ni bi pyeuꞈ-iˇ-euˬ meh.