Yawˇlaˆ 2:1 - Akha

¹ Miˬyehˇ-euˬ Ziˇoˬ gawˬ jawˬ-ahˇ, muiˬ-eu shawˇ-eu gawˬ jawˬ kʼoeˇ-ahˇ, daˇ heh baw-awˇ laˆ luiˬ nehˬ-awˬ. Yuˇdaˆ tsawˇ haˬ yaw dzuˬ dzuˬ-awˬ. Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Yawˇlaˆ 2:1 Iomraidhean Croise

1 Laˬsaˬbaˬ 15:28

Iˇsaˬleˬlaˆ tsawˇ haˬ dawˬ tawˆ luꞈ, daˇ heh baw, coiˇ doi baw, cehˇ lehˇ ciˆ-awˇ deuˇ-mˬ diˬ-euˬ laꞈ kʼoeˇ, laˬ kʼaˬ cehˇ-awˇ guˇ guˇ-ehˇ, Dawˬ ma saˇ jaˇ Bahˬ keuˆ mehˬ nah caw teh-euˬ meh.

Jaceuq 119:120

Nawˬ-ahˇ ngaˇ guˆ-awˇ yaw dzuˬ dzuˬ-eu ma. Nawˇ yaˇ kʼaˬ daˇ gaˇ ngaˇ guˆ dui dui-eu ma.

Jaceuq 87:1

Sahˬpaˬ Miˬyehˇ aˬ yawꞈ-euˬ meuˬ-ahˇ, muiˬ-eu shawˇ-eu gawˬ jawˬ kʼoeˇ taˆ teˬ-euˬ meh.

Doˆ-iˇ 10:14

Nyehˇ bahˇ kʼoeˇ deuˬ baˬ maꞈ puˇ jeˬ-ehˇ oe-awˇ, miˇ kʼahˬ kʼoeˇ kʼahˬ laꞈ kʼoeˇ jawˇ byah jiˇ-euˬ meh. Nyehˇ bahˇ kʼoeˇ maꞈ-aˬ, dzeuˇ laˇ ngeh tiˬ jawˇ-iˬ maˬ ya mawˇ haw-euˬ uˬ taꞈ, aˬ kaˇ kaˇ ziˇ keuˆ ni tiˬ jawˇ-iˬ maˬ paˇ ya mawˇ haw-eu myaˬ dui dui-eu nyehˇ bahˇ aˇ maꞈ maꞈ ma pyeuꞈ-eu meh.

Iˇsaˬyaˇ 13:6

Naˇ gawˇ dzahˬ-eu loꞈ-ehˇ mahˇ mahˇ-ehˇ jawˇ-awˬ. Sahˬpaˬ Miˬyehˇ-euˬ aˇ nah peh le luꞈ meh. Baoˬ huiˬ-eu gʼaˬ laˆ luˬ laˆ seˇ le-eu aˇ nah, dawˬ peh peh le luꞈ meh.

Iˇsaˬyaˇ 13:9

Haw taˬ lawˬ. Sahˬpaˬ Miˬyehˇ-euˬ aˇ nah keuˆ le luꞈ meh. Nui pehˇ naꞈ-awˇ gʼawˬ shaˬ gaˬ-eu maˬ siˬ nya-eu, aˇ nah kʼoeˇ nah keuˆ le luꞈ meh. Miˇ kʼahˬ kʼahˬ lah bawˇ tsahˬ bawˇ dahˇ ya pyeuꞈ-iˇ-awˇ, iˬ baˇ ahˇ-eu deuˬ ya shiˇ jiˇ tehꞈ-a.

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.

Yeˬlaˬmiˇ 16:10

“Gaˇ kawˆ heu deuˬ dawˬ tawˆ luꞈ aˬ yawꞈ maꞈ-ahˇ nawˇ ja nehˬ ngeh, aˬ jeˬ miˇ neh aˬ yawꞈ maꞈ-ahˇ kʼoeˇ naˆ naˆ-ehˇ kʼehˬ nehˬ-eu gʼaˇ duˬ ngaˇ noeˬ tsehˆ taˬ-eu ta lehˇ, aˬ yawꞈ maꞈ nawˬ-ahˇ naˇ haˬ laˇ tehꞈ-a. Aˬ yawꞈ maꞈ iˬ baˇ mˇ taˬ-euˬ aˬ jeˬ jaˆ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ neh mˇ bahˬ taˬ-euˬ aˬ jeˬ jaˆ ta lehˇ naˇ haˬ laˇ tehꞈ-a.

Yeˬlaˬmiˇ 16:7

Gaˬ-eu gʼoeˇ-eu tsawˇ haˬ tiˬ gʼaˬ na shiˇ-euˬ kʼawꞈ, dzaˬ taꞈ dawˇ taꞈ-awˇ, gʼaˬ biꞈ-eu gʼaˬ maˬ jawˇ-ehˇ pyeuꞈ-iˇ tehꞈ-a. Aˬ ma aˬ da bi shiˇ-euˬ tsawˇ haˬ nehˬ-ehˇ kʼawꞈ, jawˇ cawˬ cawˬ nehˬ-eu tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 4:5

Miˇ kʼahˬ doe ni daˇ heh baw-awˇ, yaw duˬ duˬ-ehˇ guˇ gaˬ nehˬ-awˬ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-ahˇ, ziꞈ dah ni gʼeh-eu meuˬ deuˬ-ahˇ cehˆ uˇ leˇ-awˬ lehˇ guˇ nehˬ-awˬ.

Yeˬlaˬmiˇ 5:22

Ngaˇ Sahˬpaˬ Miˬyehˇ pyeuꞈ-eu ma. Aˬ jeˬ baˬ da neh naw maꞈ ngaˬ-ahˇ maˬ guˆ-ehˇ, ngaˬ-euˬ mehˬ shi yaw dzuˬ maˬ dzuˬ-eu nya. Kʼaˇ shuiꞈ neh iˬ ma laˆ shaˆ-euˬ miˇ kaˬ ngaˇ taw taˬ-awˇ, kʼaˇ shuiꞈ lawˇ deh nui paw tiˬ jawˇ-iˬ maˬ oe dzeuˇ nya-a. Iˇ luˆ dzeh kʼawꞈ maˬ dzeh dzeuˇ leꞈ nya-ehˇ, iˇ kʼawˇ tahˬ kʼawꞈ maˬ tahˬ paˆ doˆ nya-a.

Yeˬsaˬgeˬlaˇ 12:23

Nymˬ-mˇ poˆ-aˬ, gaˇ kawˆ kʼoeˇ-ahˇ taꞈ leˇ-awˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Dawˬ daˬ kʼoeˇ dawˬ byoˆ-iˇ ni ngaˇ jahˇ ma. Iˇsaˬleˬlaˆ miˇ kʼahˬ laꞈ kʼoeˇ dawˬ daˬ kʼoeˇ dawˬ maˬ paˇ daˬ poˆ nya ni pyeuꞈ-iˇ tehꞈ-a. Aˇ yamˬ tsaˬ laˇ-awˇ, ehˇ taˬ-euˬ dawˬ byah laˇ luꞈ meh lehˇ, aˬ yawꞈ maꞈ-ahˇ ehˇ nehˬ-awˬ.

Yeˬsaˬgeˬlaˇ 21:12

Tsawˇ haˬ zaˬ-oˇ, guˇ-awˇ ngoeˇ-awˬ. Ngaˬ-euˬ tsawˇ haˬ deuˬ sehꞈ-eu lehˇ, mi cehˇ heu lehˬ hmˬ taˬ-euˬ ma. Iˇsaˬleˬlaˆ sahˬ paˬ deuˬ-ahˇ sehꞈ-eu lehˇ lehˬ hmˬ taˬ-euˬ ma. Ngaˬ-euˬ tsawˇ haˬ kʼoeˇ deuˬ nehˬ-ehˇ, sahˬ paˬ deuˬ bi sehꞈ caw jiˇ ma. Nui ma cawˆ-awˇ kʼahˬ-ahˇ teˇ-awˬ.

Yeˬsaˬgeˬlaˇ 30:3

Sahˬpaˬ Miˬyehˇ nui ma pehˇ gaˇ, ya mawˇ-eu nah keuˆ le luꞈ meh. Miˇ kʼahˬ tsawˇ jeuˬ dawˬ tawˆ kʼoeˇ taˆ, shaˬ zahˬ mˬ dmˇ ciˬ tehˬ le-eu aˇ nah kʼoeˇ nah keuˆ le luꞈ meh.

Yeˬsaˬgeˬlaˇ 33:3

Muiˇ-eu tsawˇ haˬ deuˬ laˇ luꞈ gaˇ aˬ yawꞈ ya mawˇ ngeh, tsawˇ haˬ dawˬ tawˆ luꞈ-ahˇ aˬ yawꞈ daˇ heh baw gaˬ nehˬ-eu meh.

Yeˬsaˬgeˬlaˇ 33:6

Ehˇ kʼawꞈ, loꞈ piˇ-eu gʼaˬ muiˇ-eu deuˬ laˇ luꞈ-eu mawˇ-euˬ kʼawꞈ, daˇ heh maˬ baw gaˬ nehˬ ni jawˇ-euˬ miˇ neh, muiˇ-eu deuˬ laˇ-awˇ tsawˇ haˬ kʼoeˇ deuˬ tiˬ gʼaˬ na bi sehꞈ naˇ, loꞈ piˇ-eu kʼoeˇ gʼaˬ-ahˇ ngaˇ do yuˇ ma.

Yeˬsaˬgeˬlaˇ 7:10

Iˇsaˬleˬlaˆ ya luˬ ya seˇ-iˇ-eu aˇ nah keuˆ le luꞈ meh. Yaw haiˬ mˇ-eu jeˬ myaˬ laˇ luꞈ-awˇ, nui ma huiˬ-eu jeˬ aˇ dzehˬ dzeuˇ laˇ taˬ-euˬ meh.

Yeˬsaˬgeˬlaˇ 7:12

Aˇ yamˬ peh le luꞈ meh. Miˬyehˇ kʼehˬ-eu kʼaˆ-eu jeˬ yawˬ gʼaˬ na luꞈ kʼoeˇ taˆ tiˬ kawˆ loꞈ-ehˇ keuˆ le-eu miˇ neh, ahˬ taꞈ zeuˇ taꞈ-eu jeˬ tiˬ pawꞈ-iˬ gaˇ dahˇ maˬ tsoeˬ ni pyeuꞈ-iˇ-eu aˇ nah keuˆ le luꞈ meh.

Daˬyeˬlaˇ 6:26

Ngaˬ-euˬ miˇ kʼahˬ kʼahˬ ma heu kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, Daˬyeˬlaˇ-euˬ Miˬyehˇ-ahˇ guˆ-awˇ yaw zeu baw-awˬ lehˇ, ngaˇ dawˬ biꞈ-eu ma. “Aˬ yawꞈ dehꞈ-eu Miˬyehˇ pyeuꞈ-awˇ, mˬ maˬ maˬ byaˆ uˆ lahˇ tehꞈ-a. Yawꞈ-euˬ miˇ kʼahˬ maˬ cawˆ-iˇ-ehˇ, yawꞈ-euˬ dzoeˬ dzaˬ maˬ byoˆ-iˇ-a.

Daˬyeˬlaˇ 9:16

Nga maꞈ lehˬ-iˇ-euˬ miˇ-a. Dzeuˇ laˇ ngeh, nga maꞈ-ahˇ nawˇ haw piˇ nehˬ laꞈ-euˬ meh. Kʼoeˇ miˇ neh, Yeˬluˇsaˬlehˬ meuˬ-ahˇ nui ma taˬ pehˇ nehˬ laꞈ. Kʼoeˇ-aˬ, nawˬ-euˬ meuˬ meh. Nawˬ-euˬ muiˬ-eu shawˇ-eu gawˬ jawˬ meh. Nga maꞈ-euˬ iˬ baˇ hawˇ-eu nga maꞈ-euˬ aˬ poeˬ aˬ bawˇ deuˬ neh mˇ-euˬ yaw lehˬ jeˬ baˬ da neh, dawˬ peh jaˆ-eu miˇ kʼahˬ deuˬ-ahˇ jawˇ-eu tsawˇ haˬ deuˬ, Yeˬluˇsaˬlehˬ meuˬ hawˇ-eu nawˬ-euˬ tsawˇ haˬ deuˬ-ahˇ ja bu luꞈ meh.

Daˬyeˬlaˇ 9:20

Ngaˇ guiˬ lahˬ shaˇ shaˇ-ehˇ, ngaˬ-euˬ iˬ baˇ hawˇ-eu ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-euˬ iˬ baˇ ehˇ doˆ-awˇ, aˬ yawꞈ-euˬ muiˬ-eu shawˇ-eu Uˬ duˬ tahˬ nymˇ nymˇ ma paˇ tsoˆ muiˬ-eu gʼaˇ duˬ, ngaˬ-eu Miˬyehˇ pyeuꞈ-eu Sahˬpaˬ Miˬyehˇ-ahˇ shaˇ-euˬ ma.

Hawˇseˬ 5:8

Giˇbyaˬ meuˬ-ahˇ coiˇ doi baw-awˬ. Laˬmahˇ meuˬ-ahˇ daˇ heh baw-awˬ. Behˬdaˬbeˬ meuˬ-ahˇ laˆ luiˬ-awˬ. Beˬyaˬmiˬ tsawˇ jeuˬ guiˇ deuˆ-awˬ.

Hawˇseˬ 8:1

Sahˬpaˬ Miˬyehˇ ehˇ-eu dawˬ-aˬ, “Daˇ heh ciˬ tsehꞈ-awˇ baw gaˬ-awˬ. Ngaˬ-euˬ dawˬ ma saˇ jaˇ hawˇ-eu, ngaˬ-euˬ zahˇ dawˬ kʼoꞈ dawˬ deuˬ-ahˇ, ngaˬ-euˬ tsawˇ haˬ puiˬ-euˬ miˇ neh, muiˇ-eu deuˬ kʼaˬ dzeˇ ma loꞈ-ehˇ, ngaˬ-euˬ miˇ kʼahˬ heu kʼahˬ laꞈ kʼoeˇ, byoeˇ uˇ leꞈ-eu lehˇ gʼeh-eu meh.

Yawˇlaˆ 1:15

Baoˬ huiˬ-eu gʼaˬ-euˬ aˬ laꞈ neh, laˆ cawˆ-eu jeˬ bi keuˆ le-eu, Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Yawˇlaˆ 2:11

Sahˬpaˬ Miˬyehˇ-euˬ guiˇ maꞈ-ahˇ Sahˬpaˬ Miˬyehˇ dawˬ biꞈ nehˬ ngeh, mˬ jeˬ tsawˬ tehˆ tehˆ gaˇ duˇ meh. Yawꞈ-euˬ ehˇ dawˬ geuꞈ-eu guiˇ maꞈ, myaˬ dui dui-awˇ baoˬ huiˬ-eu meh. Sahˬpaˬ Miˬyehˇ-euˬ aˇ nah-aˬ, guˆ dui dui laˇ paˬ-ehˇ gʼeh-awˇ, tiˬ gʼaˬ-iˬ maˬ dzeuˇ-iˇ nya-a.

Yawˇlaˆ 2:15

Ziˇoˬ gawˬ jawˬ uˬ du jawˇ-awˇ, daˇ heh teˇ saˇ baw gaˬ nehˬ-awˬ. Maˬ dzaˬ-eu zahˇ jahˇ-awˇ lah-awˇ, miˇ kʼahˬ zaˬ uiˬ laˇ ni kuˇ-awˬ.

Yawˇlaˆ 2:31

Guˆ dui dui laˇ paˬ-ehˇ gʼeh-eu, Sahˬpaˬ Miˬyehˇ-euˬ Aˇ nah kʼoeˇ, keuˆ le-eu lehˇ gʼeh-eu mehˬ hu, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Yawˇlaˆ 3:14

Yaˇ kʼaˬ daˇ-eu Deh kʼawꞈ laꞈ kʼoeˇ tsawˇ haˬ baˬ maꞈ, tsawˇ haˬ baꞈ muˇ, uiˬ leˇ bymˇ leˇ-awˇ jawˇ luꞈ meh. Yaˇ kʼaˬ daˇ-eu Deh kʼawꞈ laꞈ kʼoeˇ, Sahˬpaˬ Miˬyehˇ-euˬ Aˇ nah kʼoeˇ, gʼawˬ myahˇ maˬ gʼeh-ehˇ keuˆ le meh.

Yawˇlaˆ 3:17

“Kʼoeˇ ngeh jawˇ, Iˇsaˬleˬlaˆ-oˇ, SahˬpaˬMiˬyehˇ lehˇ kuˇ-eu ngaˇ, nawˬ-euˬ Miˬyehˇ pyeuꞈ-eu ma lehˇ, nawˇ siˬ duˬ mawˇ duˬ laˇ tehꞈ-a. Muiˬ-eu shawˇ-eu ngaˬ-euˬ gawˬjawˬ, Ziˇoˬ-euˬ kʼoeˇ taˆ ngaˇ jawˇ ma. Yeˬluˇsaˬlehˬ meuˬ shawˇ laˇ-awˇ, aˬ cawˬ neh bi deuˆ gʼaˬ-eu jeˬ, tiˬ jawˇ-iˬ maˬ paˇ keuˆ le meh.

Aˬmoˆ 3:6

Tsawˇ haˬ maˬ bi tsawˬ guˆ-iˇ ni meuˬ laꞈ kʼoeˇ guiˇ deuˆ-eu daˇ heh baw mahˇ nya meh loˇ. Sahˬpaˬ Miˬyehˇ neh maˬ jahˇ-euˬ gaˇ, luˬ-iˇ seˇ-iˇ-eu jeˬ meuˬ kʼoeˇ taˆ keuˆ le nya meh loˇ.

Aˬmoˆ 5:18

Sahˬpaˬ Miˬyehˇ-euˬ aˇ nah-ahˇ noeˬ tmˬ luꞈ-eu naw maꞈ deuˬ aˇ naˆ ni guˆ paˬ-ehˇ gʼeh-eu nga. Aˇ nah kʼoeˇ nah naw maꞈ gʼaˇ duˬ aˬ jeˬ muiˬ nmˇ. Aˇ nah kʼoeˇ-aˬ, naw maꞈ gʼaˇ duˬ bya cehˆ ni gʼeh-eu aˇ nah maˬ ngeuˇ-a. Zahˇ tsui ni gʼeh-eu aˇ nah meh.

Aˬmoˆ 8:2

“Aˬmoˆ-oˇ, nawˇ aˬ jeˬ mawˇ teˬ” lehˇ, Sahˬpaˬ Miˬyehˇ ngaˬ-ahˇ naˇ haˬ-eu miˇ neh, “Aˇ siˬ kʼa sa tiˬ sa mawˇ-euˬ ma” lehˇ ngaˇ ehˇ kʼoꞈ nehˬ-eu ma. Sahˬpaˬ Miˬyehˇ ngaˬ-ahˇ ehˇ-eu, “Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ gʼaˇ duˬ aˇ saˬ saˬ-eu aˇ yamˬ keuˆ le luꞈ meh. Ngaˇ nui ma maˬ paˇ ni aˬ yawꞈ maꞈ-ahˇ kʼehˬ nehˬ kʼaˆ nehˬ ma.

Aaˇbaˬdiˇ 1:15

“Miˇ tsaˬ tsawˇ jeuˬ dawˬ tawˆ luꞈ-ahˇ, Sahˬpaˬ Miˬyehˇ yaˇ kʼaˬ daˇ-eu aˇ nah dawˬ peh peh laˇ luꞈ meh. Eˬdoˬ miˇ kʼahˬ nawˇ mˇ-euˬ jeˬ, nawˬ-euˬ kʼoeˇ taˆ keuˆ le tehꞈ-a. Nawˬ neh aˬ cawˬ-ahˇ biꞈ-euˬ jeˬ, nawˬ-ahˇ aˬ cawˬ biꞈ kʼoꞈ tehꞈ-a.

Zeˬpaˬniˇ 1:14

Sahˬpaˬ Miˬyehˇ aˇ nah nah huiˬ, yaw kawˇ kawˇ-ehˇ keuˆ le luꞈ meh. Aˇ nah kʼoeˇ kʼaˬ jehꞈ ni gʼeh-awˇ, kʼaˬ duˬ ni gʼeh-eu yehˇ deuˬ kʼawꞈ, guˇ guˇ-ehˇ ngoeˇ gaˇ keuˆ tehꞈ-a.

Zeˬpaˬniˇ 1:16

daˇ heh baw dui dui-eu aˇ nah guˇ guˇ-ehˇ guiˇ deuˆ-eu aˇ nah, meuˬ yaw ziꞈ-ahˇ deuˆ-eu aˇ nah taˆ yaw goˇ-ahˇ deuˆ-eu aˇ nah yaw kawˇ kawˇ-ehˇ keuˆ le luꞈ meh.

Zeˬpaˬniˇ 1:7

Miˇ tsaˬ zaˬ deuˬ ciˬ cuˇ jawˇ-awˬ. Sahˬpaˬ Miˬyehˇ huiˬ-eu aˇ nah, Miˬyehˇ kʼehˬ-eu kʼaˆ-eu kʼoeˇ nah, dawˬ peh peh le tehˇ tehˬ luꞈ meh. Jeˬ zaˬ sehꞈ-awˇ lawˇ-eu loꞈ-ehˇ, Sahˬpaˬ Miˬyehˇ-euˬ tsawˇ haˬ-ahˇ, Sahˬpaˬ Miˬyehˇ sehꞈ le tehꞈ-a.”

Zeˬpaˬniˇ 3:11

Aˇ yamˬ kʼoeˇ yamˬ keuˆ laˇ ngeh jawˇ, nui ma huiˬ-eu mahˇ-eu tsawˇ haˬ, ngaˇ laˆ byoˆ jiˇ nehˬ-euˬ miˇ neh, ngaˬ-euˬ gawˬ duˇ yaw shawˇ kʼoeˇ taˆ, naw maꞈ iˬ baˇ maˬ paˇ mˇ-ehˇ, ngaˬ-euˬ tsawˇ haˬ pyeuꞈ-eu naw maꞈ, aˇ hu ngaˬ-ahˇ puiˬ-euˬ gaˇ kawˆ, shaꞈ dawˇ poˆ-eu maˬ paˇ loˬ meh.

Zaˬkaˬliˇ 14:1

Sahˬpaˬ Miˬyehˇ yaˇ kʼaˬ daˇ-eu aˇ nah peh laˇ luꞈ meh. Kʼoeˇ ngeh, Yeˬluˇsaˬlehˬ meuˬ-ahˇ tahˇ joe deh-awˇ, deh za-euˬ myawˬ gahˬ deuˬ naw maꞈ mehˬ shi biˇ geuꞈ gaˇ ya mawˇ tehꞈ-a.

Zaˬkaˬliˇ 8:3

Ngaˬ-euˬ muiˬ-eu shawˇ-eu meuˬ pyeuꞈ-eu Yeˬluˇsaˬlehˬ meuˬ-ahˇ ngaˇ gʼoꞈ jawˇ le ma. Meuˬ kʼoeˇ-ahˇ saˇ jaˇ ziꞈ-eu meuˬ lehˇ aˬ cawˬ kuˇ-awˇ, Baoˬ huiˬ-eu Sahˬpaˬ Miˬyehˇ-euˬ gawˬ jawˬ-ahˇ muiˬ-eu shawˇ-eu gawˬ jawˬ lehˇ kuˇ tehꞈ-a.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Bawˇtsahˬ 10:2

“Iˇsaˬleˬlaˆ tsawˇ haˬ deuˬ-ahˇ kuˇ uiˬ ngeh zmˬ-eu gʼaˇ duˬ maˬ ehˇ, mehˬ hu paw iˇ-eu lehˇ gʼeh ngeh zmˬ-eu gʼaˇ duˬ maˬ ehˇ, pyuˇ daˇ heh nyiˬ hmˬ jahˇ-awˬ.

Bawˇtsahˬ 10:3

Daˇ heh kʼoeˇ nyiˬ hmˬ luꞈ, tiˬ poˆ tehꞈ-ehˇ teˇ saˇ gʼawˬ mahˇ ni baw yeu gʼeh ngeh, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, ngaˇ jawˇ-eu Sehˬ gʼawˆ gʼoˆ kʼehˬ-ahˇ nawˬ-euˬ dawˬ peh ya uiˬ laˇ jiˇ meh.

1 Gawˇliˬtu 14:8

Daˇ heh baw-eu tsawˇ haˬ kʼawꞈ, aˬ cawˬ gʼoˆ siˬ nya ni teˇ saˇ yaw lawˆ lawˆ-ehˇ maˬ baw gaˬ nehˬ nya naˇ, guiˇ deuˆ-eu gʼaˇ duˬ aˬ suˇ gʼaˬ lehˬ hmˬ nmˇ.

Piˇliˇpiˆ 2:12

Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.

1 Teˇsaˬloˇni 5:2

Aˬ jeˬ miˇ neh ehˇ naˇ, Sahˬpaˬ Yeˬsuˇ-euˬ Aˇ nah-aˬ, uˬ ciꞈ sehˇ gʼahˇ smˇ kʼoeˬ tahˇ joe oe-eu loꞈ-ehˇ maˬ noeˬ maˬ duˇ-ehˇ jawˇ ngeh keuˆ le tehꞈ-a lehˇ naw maꞈ siˬ duˬ taˬ-euˬ meh.

Yaˬkoˆ 5:8

Naw maꞈ kʼawꞈ, kʼoeˇ loꞈ-ehˇ ya oˇ meh. Sahˬpaˬ Yeˬsuˇ zaꞈ le-eu Aˇnah peh laˇ-euˬ miˇ neh, noeˬ tmˬ-eu nui ma ziꞈ dah ni bi jaˆ-awˬ.

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.

Panmaeq 6:17

Guˆ dui dui laˇ paˬ-ehˇ gʼeh-eu aˬ yawꞈ nyaꞈ nui ma pehˇ-eu aˇ nah keuˆ le taˬ-euˬ gaˇ, aˬ suˇ gʼaˬ yawꞈ daˬ coeˇ paˬ nga.”