Yawˇbaˆ 9:4 - Akha

⁴ Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Yawˇbaˆ 9:4 Iomraidhean Croise

2 Laˬsaˬbaˬ 13:12

Miˬyehˇ aˬ yawꞈ-euˬ gʼawˇ mawˇ nga maꞈ kʼoeˇ taˆ aˬ yuiꞈ geuꞈ luꞈ-awˇ, aˬ yawꞈ-euˬ piˇ ma deuˬ kʼawꞈ daˇ heh yuˇ-awˇ heu gaˇ jawˇ luꞈ-eu laꞈ kʼoeˇ, nga maꞈ naw maꞈ-ahˇ guiˇ deuˆ-eu gʼaˇ duˬ daˇ heh baw gaˬ-eu lehˇ lehˬ hmˬ taˬ-euˬ meh. Iˇsaˬleˬlaˆ tsawˇ haˬ deuˬ-oˇ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˇ deuˆ-eu lehˇ taˬ leh jeh. Naw maꞈ maˬ deuˆ gʼaˬ nya-a.”

2 Laˬsaˬbaˬ 20:6

heu loꞈ-ehˇ guˇ guˇ-ehˇ guiˬ lahˬ shaˇ-euˬ meh. “Nga maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ mˬ kʼoeˇ taˆ jawˇ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Nawˇ-aˬ, baoˬ huiˬ dui dui-eu miˇ neh, nawˬ-ahˇ tiˬ gʼaˬ-iˬ maˬ ciˬ daˬ peuˬ-a.

Yawˇbaˆ 11:6

Zaˬ siˬ nui gahˇ-ahˇ taꞈ leˇ-awˇ gʼawˬ mya pyawˬ jaˆ-eu gaˇ kawˆ aˬ yawꞈ nawˬ-ahˇ ehˇ tehꞈ-a. Tsawˇ haˬ zaˬ-euˬ nui gahˇ maˬ teh miˇ coeˇ gaˇ keuˆ ni naꞈ dui dui-eu gʼawˬ mya jeˬ jaˆ meh. Nawˇ ya daˬ geuˇ-eu naˆ maˬ tseˇ sawˇ teˬ-eu laꞈ kʼoeˇ, Miˬyehˇ nawˬ-ahˇ kʼehˬ-euˬ meh lehˇ nawˇ siˬ nya-awˬ.

Yawˇbaˆ 12:13

Ehˇ kʼawꞈ, Miˬyehˇ laꞈ kʼoeˇ zaˬ siˬ tsawˇ gahˇ hawˇ-eu dawˬ tawˆ luꞈ-ahˇ siˬ nya mawˇ nya-eu jeˬ uˬ taꞈ, dawˬ tawˆ luꞈ mˇ pyeuꞈ nya-eu baoˬ jaˆ-eu meh.

Yawˇbaˆ 15:13

Nawˇ Miˬyehˇ-ahˇ nui ma pehˇ laˇ taˬ-awˇ, aˬ yawꞈ-ahˇ zaw leˇ-eu dawˬ ngehˬ-eu meh.

Yawˇbaˆ 23:6

Miˬyehˇ aˬ yawꞈ-euˬ huiˬ-eu baoˬ neh ngaˬ-ahˇ kʼehˬ tehꞈ-a loˇ. Maˬ ngeuˇ-aˇ. Ngaˇ ehˇ gaˇ aˬ yawꞈ naˇ haˬ tehꞈ-a.

Yawˇbaˆ 24:22

Miˬyehˇ-aˬ, aˬ yawꞈ-euˬ gʼaˬ-ahˇ gʼoe-awˇ baoˬ huiˬ-eu tsawˇ haˬ deuˬ-ahˇ laˆ cawˆ nehˬ-eu meh. Aˬ yawꞈ maꞈ ziꞈ dah ni dehꞈ luꞈ kʼawꞈ, Miˬyehˇ luˆ laˇ ngeh ya shiˇ-eu meh.

Yawˇbaˆ 25:2

“Miˬyehˇ-aˬ, baoˬ huiˬ dui dui-awˇ, dawˬ tawˆ luꞈ aˬ yawꞈ-euˬ mehˬ shi zahˬ dui dui leˇ-eu laꞈ kʼoeˇ ya yawꞈ tehꞈ-a. Aˬ yawꞈ-euˬ mˬ taˆ miˇ kʼahˬ-ahˇ aˬ yawꞈ coꞈ ngehˇ ni bi jaˆ-euˬ meh.

Yawˇbaˆ 28:23

“Zaˬ siˬ tsawˇ gahˇ jaˆ gaˇ le-eu gaˇ ma hawˇ-eu jaˆ duˬ-ahˇ, Miˬyehˇ tiˬ gʼaˬ tehꞈ-ehˇ siˬ nya-eu meh.

Yawˇbaˆ 36:5

“Miˬyehˇ-aˬ gʼaˬ kʼaˆ dui dui-eu meh. Ehˇ kʼawꞈ, aˬ cawˬ-ahˇ yehˬ bawˬ-ehˇ maˬ jahˇ-a. Aˬ yawꞈ maˬ siˬ nya-eu tiˬ jeˬ-iˬ maˬ jaˆ-a.

Yawˇbaˆ 37:23

Miˬyehˇ-euˬ baoˬ huiˬ dui dui-eu miˇ neh, aˬ yawꞈ dawˬ peh aˬ dui maˬ nyiˬ leˇ nya-a. Aˬ yawꞈ tsawˇ haˬ zaˬ-ahˇ yaw tsaˬ yaw dawˇ laꞈ kʼoeˇ cawˬ cawˬ taꞈ-eu meh.

Yawˇbaˆ 38:36

Niˬlaˇ lawˇ baˬ iˇ jeuˬ jeuˬ le meh lehˇ iˇbiˇ aˇ jiˇ -ahˇ aˬ suˇ gʼaˬ ehˇ nehˬ-awˇ, uˬ yehˇ yehˇ le meh lehˇ ya ciˆ ya poeˇ-ahˇ aˬ suˇ gʼaˬ ehˇ gaˬ ta.

Yawˇbaˆ 38:37

Mˬ dmˇ-ahˇ gui jiˇ nya ni zaˬ siˬ tsawˇ gahˇ ahˇ-eu aˬ suˇ gʼaˬ-a. Uˬ yehˇ ga doˆ le ni mˬ dmˇ-ahˇ ngawˬ kʼaˇ nya-eu aˬ suˇ gʼaˬ-a.

Yawˇbaˆ 40:9

Nawˇ ngaˇ naˆ ni gʼaˬ kʼaˆ te loˇ. Ngaˇ loꞈ-ehˇ mˬ jeˬ bi jeˬ mahˇ nya te loˇ.

Yawˇbaˆ 41:2

Byaˆ yahˬ-ahˇ nawˇ naˇ kaˬ smˇ nya-awˇ, mehˬ law-ahˇ kuˆ seuˬ tahˇ byoe nya te loˇ.

Yawˇbaˆ 6:10

Aˬ yawꞈ ngaˬ-ahˇ sehꞈ tehꞈ-a lehˇ ngaˇ ya siˬ duˬ law nmˇ-aˬ, aˇ naˆ ni ya naˇ ya gawˇ kʼawꞈ ehˬ-ehˇ ngeuˇ-iˬ. Ngaˇ laˬ kʼaˬ cehˇ cehˇ-ehˇ tsawˬ ma. Miˬyehˇ-aˬ, muiˬ meh shawˇ meh lehˇ ngaˇ siˬ nya ma. Aˬ yawꞈ-euˬ dawˬ-ahˇ ngaˇ tiˬ jawˇ-iˬ maˬ leuˇ haw-aˬ.

Yawˇbaˆ 9:19

Gʼaˬ-ahˇ gʼoe-awˇ aˬ yawꞈ nehˬ-ehˇ ngaˇ dawꞈ ceh ceh-eu loˇ. Aˬ yawꞈ nehˬ-ehˇ yaˇ kʼaˬ daˇ-eu nymˇ-ahˇ iˇ ni aˬ suˇ gʼaˬ laˆ luˆ peuˬ nmˇ.

Jaceuq 104:24

Sahˬpaˬ Miˬyehˇ-oˇ, nawˬ neh mˇ taˬ shaˇ taˬ-euˬ jeˬ myaˬ dui dui-eu meh. Tsawˇ gahˇ ahˇ dui dui-eu laꞈ kʼoeˇ, kʼoeˇ deuˬ dawˬ tawˆ luꞈ-ahˇ nawˇ mˇ taˬ shaˇ taˬ-awˇ, miˇ tsaˬ kʼoeˇ taˆ nawˬ neh beh taˬ-euˬ boeˬ boeˬ luˆ luˆ deuˬ byah luꞈ-eu meh.

Jaceuq 136:5

Aˬ yawꞈ-eu zaˬ siˬ tsawˇ gahˇ neh, mˬ-ahˇ aˬ yawꞈ beh-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Doˆ-iˇ 15:7

Baoˬ huiˬ-eu laꞈ kʼoeˇ, nawˬ-ahˇ muiˇ-eu deuˬ-ahˇ nawˇ laˆ luˬ laˆ seˇ nehˬ-euˬ meh. Nawˇ nui ma pehˇ-eu jeˬ miˬ dzaˬ loꞈ-ehˇ doˆ-iˇ-awˇ, gʼo yoeˬ-ahˇ miˬ dzaˬ puiˆ-eu loꞈ-ehˇ, aˬ yawꞈ maꞈ-ahˇ puiˆ dzeh-euˬ meh.

Doˆ-iˇ 9:7

Aˬ joˆ-ehˇ pyeuꞈ laˇ-euˬ gaˇ kawˆ, sahˬ paˬ kʼoeˇ gʼaˬ bi pyehˆ tseˇ haw-iˇ ngeh, Iˇsaˬleˬlaˆ tsawˇ haˬ-euˬ jeˬ zaˬ tiˬ mawˇ-iˬ maˬ shiˇ-euˬ gaˇ kawˆ, aˬ yawꞈ ya siˬ-euˬ meh. Ehˇ kʼawꞈ, aˬ yawꞈ nui ma gʼahˇ-awˇ, Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni jawˇ-euˬ meh.

Dawqdaq 28:14

Aˬ myah luꞈ Sahˬpaˬ Miˬyehˇ-euˬ ehˇ dawˬ naˇ haˬ-eu tsawˇ haˬ nui saˇ oꞈ-awˇ, nui ma gʼahˇ-eu tsawˇ haˬ kʼoeˇ taˆ guˆ-eu gaˆ-eu jeˬ keuˆ le tehꞈ-a.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Iˇsaˬyaˇ 45:9

Miˇ tsaˬ oeˬ lahˬ tsahˬ-ahˇ ga-eu miˇ tsaˬ oeˬ lahˬ, tehˆsahˇ-ahˇ dawˬ dziˇ dziˇ leˇ nya ta loˇ. Oeˬ lahˬ tehˆ gaˇ zmˬ-euˬ shaˬ jehˆ, tehˆ sahˇ-ahˇ teh ngehˬ leˇ nya ta loˇ. Tehˆ sahˇ gʼaˬ maˬ bym law nyaˬ lehˇ, shaˬ jehˆ oeˬ lahˬ ehˇ nya ta loˇ.

Yeˬlaˬmiˇ 50:24

Baˬbuˇloˬ-oˇ, nawˇ ngaˬ-ahˇ guiˇ deuˆ-awˇ, ngaˬ neh kʼmˇ taˬ-euˬ lahˇ ju-ahˇ nawˇ coeˬ paꞈ-euˬ nya lehˇ, nawˇ maˬ siˬ nya-a.

Daˬyeˬlaˇ 2:20

“Baoˬ huiˬ tsawˇ gahˇ byah-eu Miˬyehˇ maˬ byaˆ zaˇ ziˇ ja ceuˬ-eu ma.

Naˬhmˬ 1:3

Sahˬpaˬ Miˬyehˇ baoˬ zawˇ huiˬ-awˇ, nui ma pehˇ laˇ-eu maˬ kawˇ-a. Ehˇ kʼawꞈ iˬ baˇ mˇ-eu deuˬ-ahˇ, maˬ kʼehˬ-ehˇ maˬ bi dzeuˇ-iˇ-a. Sahˬpaˬ Miˬyehˇ iˇ-eu gaˇ ma, mˬ jeˬ jaˬ lehˇ oe gʼeh leꞈ-awˇ, mˬ kʼoeˇ taˆ tmˬ luꞈ-eu mˬ dmˇ, aˬ yawꞈ cah pyuˬ-euˬ kʼaˬ lehˇ meh.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

1 Gawˇliˬtu 10:22

Sahˬpaˬ Yeˬsuˇ myaˆ naˆ ni aˬ dui mˇ-eu shaˇ-eu loˇ. Aˬ yawꞈ naˆ maˬ tseˇ gʼaˬ kʼaˆ dzehˬ ma lehˇ aˬ dui noeˬ te loˇ.

Eˇpeˇsu 1:19

Jah-eu tsawˇ haˬ pyeuꞈ-eu aˬ dui-euˬ laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ aˇ naˆ ni huiˬ-eu gaˇ kawˆ naw maꞈ siˬ nya laˇ ni shaˇ-eu ma. A dui laꞈ kʼoeˇ gaˇ mˇ luꞈ-eu baoˬ kʼoeˇ-aˬ, gʼaˬ kʼaˆ dui dui-eu baoˬ pyeuꞈ-eu meh.

Eˇpeˇsu 1:8

Aˬ yawꞈ aˬ dui-ahˇ kʼoeˇ myaˆ myaˆ-ehˇ biꞈ nehˬ laꞈ-euˬ meh. Miˬyehˇ-aˬ, aˬ yawꞈ-euˬ zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ-ahˇ gʼoe-eu laꞈ kʼoeˇ,

Eˇpeˇsu 3:10

Kʼoeˇ loꞈ-ehˇ dehˬ kaˬ taˬ-euˬ kʼoeˇ-aˬ, nymˬ-mˇ-euˬ aˇ yamˬ-ahˇ Ka li zaˬ aˇ muˇ-ahˇ gʼoe-eu laꞈ kʼoeˇ, mˬ kʼoeˇ taˆ uˆ lahˇ luꞈ-eu mˬ taˆ gʼaˬ kʼehˇ deuˬ hawˇ-eu baoˬ jaˆ-eu deuˬ-ahˇ Miˬyehˇ-euˬ zaˬ siˬ tsawˇ gahˇ gʼawˬ mya jeˬ bi siˬ bi mawˇ-eu gʼaˇ duˬ pyeuꞈ-eu meh.

Eˇpeˇsu 3:20

Aˬ dui maˬ noeˬ keuˆ maˬ shaˇ keuˆ nya gaˇ keuˆ ni, aˬ dui laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ-ahˇ gʼoe-awˇ biꞈ byah nehˬ laꞈ nya-eu gʼaˬ pyeuꞈ-eu