Yawˇbaˆ 9:15 - Akha

¹⁵ Ngaˇ iˬ baˇ mˇ taˬ-euˬ maˬ jaˆ kʼawꞈ, ngaˬ-ahˇ yaˇ kʼaˬ daˇ-eu ngaˬ-euˬ Miˬyehˇ-ahˇ tahˬ shaˇ-eu tiˬ kahˇ dahˇ-eu tehꞈ miˇ-a.

Yawˇbaˆ 9:15 Iomraidhean Croise

2 Laˬsaˬbaˬ 33:13

Maˬnaˇseˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ yawꞈ-ahˇ Yeˬluˇsaˬlehˬ meuˬ-ahˇ bi gʼoꞈ-iˇ-awˇ, aˬ yawꞈ-euˬ miˇ kʼahˬ-ahˇ paˇ bi uˆ lahˇ-euˬ meh. Kʼoeˇ ngeh, Sahˬpaˬ Miˬyehˇ-aˬ, aˬ diˇ aˬ maˇ Miˬyehˇ pyeuꞈ-eu gaˇ kawˆ Maˬnaˇseˬ siˬ duˬ-euˬ meh.

Yawˇbaˆ 10:15

Ngaˇ iˬ baˇ mˇ-eu nehˬ-ehˇ nawˬ-euˬ lahˇ ju-ahˇ paꞈ leˇ-euˬ gaˇ duˇ-eu meh. Ehˇ kʼawꞈ ngaˇ yaw muiˬ jeˬ mˇ ngeh, nawˇ noeˬ muiˬ nehˬ laꞈ-euˬ maˬ jaˆ-a. Ngaˇ shaˬ zahˬ naꞈ-awˇ, shaꞈ dawˇ-eu jeˬ tiˬ byah jaˆ luꞈ ma.

Yawˇbaˆ 10:2

Miˬyehˇ-oˇ, ngaˬ-ahˇ taˬ jahˇ doeˇ nehˬ laꞈ. Aˬ jeˬ baˬ da neh ngaˬ-ahˇ heu loꞈ-ehˇ jahˇ nehˬ laꞈ te lehˇ ehˇ nehˬ laꞈ sheˇ.

Yawˇbaˆ 22:27

Nawˇ guiˬ lahˬ shaˇ ngeh aˬ yawꞈ naˇ haˬ geuꞈ nehˬ laꞈ-awˇ, nawˬ-euˬ saˇ jaˇ-ahˇ nawˇ ziꞈ tehꞈ-a.

Yawˇbaˆ 23:7

Ngaˇ-aˬ yaw sui yaw dawˇ miˇ neh Miˬyehˇ-ahˇ ja cawˬ peuˬ ma. Ngaˇ mˇ lehˬ taˬ-euˬ maˬ jaˆ-a lehˇ mˬ maˬ maˬ byaˆ zaˇ ziˇ aˬ yawꞈ daˇ tsehˆ tehꞈ-a.

Yawˇbaˆ 40:5

Ngehˬ paˬ tmˇ paˬ-ehˇ gʼeh-eu naˆ maˬ tseˇ ngaˇ ngehˬ dzeuˇ tmˇ dzeuˇ taˬ-euˬ ma.”

Yawˇbaˆ 5:8

“Ngaˬ-euˬ gʼawˇ mawˇ nawˇ pyeuꞈ law nmˇ-aˬ, Miˬyehˇ jawˇ paw ciˬ pyawˇ-awˇ gaˇ kawˆ heu aˬ yawꞈ-ahˇ a nehˬ ma.

Yawˇbaˆ 8:5

Ehˇ kʼawꞈ, nawˇ nymˬ-mˇ Baoˬ huiˬ-eu Miˬyehˇ-ahˇ poˆ-awˇ, aˬ yawꞈ-ahˇ tahˬ shaˇ leˇ-awˬ.

Yawˇbaˆ 9:16

Aˬ yawꞈ ngaˬ-ahˇ dawˬ bi ngehˬ laꞈ law hawˇ kʼawꞈ, ngaˬ-euˬ dawˬ-ahˇ aˬ yawꞈ naˇ haˬ tehꞈ-a lehˇ maˬ jah nya.

Yawˇbaˆ 9:20

Ngaˇ-aˬ, iˬ baˇ maˬ mˇ-ehˇ saˇ jaˇ ziꞈ-eu tsawˇ haˬ pyeuꞈ kʼawꞈ, ngaˬ-euˬ dawˬ bahˬ leˇ-euˬ meh. Ngaˇ kʼaˇ ngehˬ kʼaˇ tmˇ-eu yawˬ jeˬ na luꞈ ngaˬ-euˬ kʼoeˇ taˆ yaw lehˬ yaw ca bi keuˆ le gaˇ duˇ-eu meh.

Yawˇbaˆ 9:21

Ngaˇ iˬ baˇ maˬ-ahˇ. Ehˇ kʼawꞈ, yawˬ ngehꞈ meh. Yaw dehꞈ maˬ paˇ dehꞈ nahˇ miˇ-a.

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Daˬyeˬlaˇ 9:18

Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ hawˇ-eu nawˬ-euˬ tsawˇ myahˇ pi luꞈ-eu meuˬ-euˬ shaˬ zahˬ haw mawˇ nehˬ laꞈ. Nga maꞈ yaw tsaˬ yaw dawˇ miˇ neh heu loꞈ-ehˇ guiˬ lahˬ shaˇ-eu maˬ ngeuˇ. Nawˇ gʼawˬ shaˬ gaˬ nya-eu gʼaˬ pyeuꞈ-eu miˇ neh, heu loꞈ-ehˇ shaˇ-eu ma.

Daˬyeˬlaˇ 9:3

Kʼoeˇ naˇ, ngaˇ maˬ dzaˬ maˬ dawˇ ni jawˇ-awˇ, guˬ daˇ pehˇ zeuˇ mehˬ tsoeˬ dm-euˬ uˬ taꞈ, kʼaˬ lehˇ tsahˬ-ahˇ nuiˇ-awˇ, Sahˬpaˬ Miˬyehˇ pyeuꞈ-eu Miˬyehˇ-ahˇ guiˬ lahˬ shaˇ dui dui-euˬ ma.

1 Gawˇliˬtu 4:4

Ngaˬ-euˬ siˬ nya-eu nui ma shawˇ jehˆ ni jaˆ luꞈ ma. Heu loꞈ-ehˇ ehˇ ngeh, ngaˇ iˬ baˇ tiˬ pawꞈ-iˬ maˬ ahˇ lehˇ ehˇ mawꞈ-eu maˬ ngeuˇ. Ngaˬ-euˬ yaw lehˬ-ahˇ pyehˆ tseˇ-eu gʼaˬ-aˬ, Sahˬpaˬ Miˬyehˇ meh.

1 Beˬtuˆluˆ 2:23

Aˬ cawˬ aˬ yawꞈ-ahˇ dawˬ doeˇ ngehˬ daˆ nehˬ-euˬ kʼawꞈ, aˬ yawꞈ yaw doeˇ maˬ ehˇ kʼoꞈ nehˬ haw-aˬ. Aˬ cawˬ kʼehˬ nehˬ kʼaˆ nehˬ gaˇ aˬ yawꞈ ya daˬ ngeh, aˬ cawˬ-ahˇ guˆ tsiˬ nyehꞈ-eu dawˬ aˬ yawꞈ maˬ ngehˬ-ehˇ, dawˇ coe ni yaˇ kʼaˬ daˇ-eu gʼaˬ pyeuꞈ-eu Miˬyehˇ-euˬ aˬ laꞈ laꞈ kʼoeˇ aˬ yawꞈ-euˬ gʼawˇ mawˇ a nehˬ-euˬ meh.