Yawˇbaˆ 9:13 - Akha

¹³ Miˬyehˇ nui ma pehˇ-eu jeˬ maˬ byoˆ-iˇ nya-a. Iˬ ma laˆ shaˆ byaˆ yahˬ Laˬhaˇ-ahˇ caw ba le-eu aˬ yawꞈ-ahˇ muiˇ-eu deuˬ-ahˇ aˬ yawꞈ deh pyehˆ-eu meh.

Yawˇbaˆ 9:13 Iomraidhean Croise

Yawˇbaˆ 26:12

Aˬ yawꞈ-euˬ gʼaˬ neh iˬ ma laˆ shaˆ-ahˇ aˬ yawꞈ gʼaˬ leˇ-awˇ, aˬ yawꞈ-euˬ tsawˇ gahˇ neh iˬ ma laˆ shaˆ byaˆ yahˬ Laˬhaˇ-ahˇ laˆ cawˆ-euˬ meh.

Jaceuq 87:4

“Ngaˬ-euˬ ehˇ dawˬ naˇ haˬ-euˬ miˇ kʼahˬ deuˬ-euˬ tsawˇ myahˇ ngaˇ yuˇ ngeh, Iˇjiˇtuˆ miˇ kʼahˬ hawˇ-eu Baˬbuˇloˬ miˇ kʼahˬ ngaˇ boꞈ ahˇ ma. Piˇliˇtiˆ, Duˇlu, Suˬdaˬ miˇ kʼahˬ heu deuˬ-ahˇ jawˇ-eu tsawˇ haˬ deuˬ-ahˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ nehˬ-ehˇ tsawˇ myahˇ dawˆ nehˬ ma.”

Jaceuq 89:10

Iˬ ma laˆ shaˆ byaˆ yahˬ Laˬhaˇ-ahˇ nawˇ nawˬ pyehˆ-awˇ sehꞈ-euˬ meh. Nawˬ-euˬ baoˬ huiˬ-eu gʼaˬ-ahˇ gʼoe-awˇ, muiˇ-eu deuˬ-ahˇ nawˇ deuˆ gʼaˬ-euˬ meh.

Iˇsaˬyaˇ 30:7

Iˇjiˇtuˆ miˇ kʼahˬ neh ngehˬ gʼeh-euˬ jeˬ, tiˬ pawꞈ-iˬ gaˇ dahˇ maˬ tsoeˬ-a. Kʼoeˇ miˇ neh, Iˇjiˇtuˆ miˇ kʼahˬ-ahˇ ngaˇ, doꞈ maˬ ahˇ-eu byaˆ yahˬ lehˇ kuˇ-eu ma.”

Iˇsaˬyaˇ 5:25

Kʼoeˇ miˇ neh, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ kʼehˬ-eu lehˇ aˬ laꞈ cawˬ doˆ ngeh, gawˬ jawˬ deuˬ luˆ luˆ-ehˇ pyeuꞈ laˇ-awˇ, meuˬ-euˬ lehˆ kawˆ doe ni aˬ yawꞈ maꞈ shiˇ uiˬ taˬ-awˇ, mˇ myawˬ yaw cehˇ byaˆ dzeh taˬ-euˬ loꞈ-ehˇ ga tehꞈ-a. Ehˇ kʼawꞈ, Sahˬpaˬ Miˬyehˇ nui ma pehˇ-eu maˬ taˬ leˇ-ehˇ, aˬ laꞈ maˬ cawˬ kʼoꞈ ni bi jaˆ tehꞈ-a.

Iˇsaˬyaˇ 51:9

Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.