Yawˇbaˆ 9:10 - Akha

¹⁰ Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Yawˇbaˆ 9:10 Iomraidhean Croise

Yawˇbaˆ 37:23

Miˬyehˇ-euˬ baoˬ huiˬ dui dui-eu miˇ neh, aˬ yawꞈ dawˬ peh aˬ dui maˬ nyiˬ leˇ nya-a. Aˬ yawꞈ tsawˇ haˬ zaˬ-ahˇ yaw tsaˬ yaw dawˇ laꞈ kʼoeˇ cawˬ cawˬ taꞈ-eu meh.

Yawˇbaˆ 37:5

Miˬyehˇ dawˬ biꞈ ngeh aˬ dui zahˬ leˇ paˬ-ehˇ gʼeh-eu kʼaˆ jeˬ-ehˇ gʼeh-eu jeˬ pyeuꞈ doˆ laˇ-eu meh.

Yawˇbaˆ 5:9

Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Jaceuq 136:4

Aˬ yawꞈ tehꞈ-ehˇ kʼaˆ jeˬ-ehˇ gʼeh-eu jeˬ mˇ nya-eu meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 145:3

Sahˬpaˬ Miˬyehˇ huiˬ dui mahˇ dui dui-awˇ, ja ceuˬ dui dui paˬ-ehˇ gʼeh-eu meh. Aˬ yawꞈ huiˬ dui mahˇ dui dui-eu gaˇ kawˆ, aˬ dui maˬ noeˬ miˇ coeˇ-a.

Jaceuq 71:15

Nawˇ muiˬ-eu jeˬ gaˇ kawˆ ngaˇ ja ma. Nawˬ-euˬ ka kʼoꞈ-eu jeˬ gaˇ kawˆ-ahˇ ngaˇ maˬ siˬ maˬ mawˇ byah nya kʼawꞈ, gaˇ kawˆ kʼoeˇ nah ga-ehˇ ngaˇ ja ma.

Jaceuq 72:18

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ tehꞈ-ehˇ zahˬ leˇ paˬ-ehˇ gʼeh-eu gaˇ heu deuˬ mˇ-eu meh.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Dawˬ tsoˆ 3:11

Yawˬ jeˬ na luꞈ gʼaˇ duˬ aˬ yawꞈ neh yamˬ law toꞈ tsaˬ taˬ-euˬ meh. Mehˬ hu paw pyeuꞈ laˇ-eu gaˇ kawˆ siˬ mawꞈ mawˇ mawꞈ-eu nui ma, tsawˇ haˬ zaˬ-ahˇ aˬ yawꞈ biꞈ taˬ-euˬ meh. Ehˇ kʼawꞈ, aˬ yawꞈ neh mˇ-euˬ gaˇ-ahˇ aˇ dahˬ beh gaˇ neh aˇ saˬ saˬ gaˇ keuˆ ni maˬ bi siˬ duˬ-a.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

Eˇpeˇsu 3:20

Aˬ dui maˬ noeˬ keuˆ maˬ shaˇ keuˆ nya gaˇ keuˆ ni, aˬ dui laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ-ahˇ gʼoe-awˇ biꞈ byah nehˬ laꞈ nya-eu gʼaˬ pyeuꞈ-eu