Yawˇbaˆ 8:9 - Akha

⁹ Aˬ dui-euˬ ziˇ nymˇ dui dui-awˇ, aˬ dui tiˬ jeˬ-iˬ maˬ siˬ maˬ nya-a. Aˬ dui-euˬ aˇ nah aˇ yamˬ-aˬ, naˇ shmˇ shmˇ gaˇ duˇ-eu meh.

Yawˇbaˆ 8:9 Iomraidhean Croise

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

1 Laˬsaˬbaˬ 29:15

Sahˬpaˬ Miˬyehˇ-oˇ, nga maꞈ yaw dehꞈ dehꞈ-eu jeˬ-aˬ, aˇ hu nga maꞈ-euˬ aˬ poeˬ aˬ bawˇ deuˬ dehꞈ dzeuˇ yaꞈ-euˬ loꞈ-ehˇ, boeˇ miˬ siˬ kʼaˬ loꞈ-ehˇ jawˇ duˬ maˬ dah leˇ nya ni doe doe-ehˇ cah-awˇ ya dehꞈ gaˇ duˇ-eu nawˇ siˬ luꞈ meh. Nga maꞈ-euˬ aˇ nah aˇ yamˬ-aˬ, byoˆ-iˇ luꞈ-eu naˇ shmˇ-ahˇ duˇ-awˇ, shiˇ-eu jeˬ-ahˇ nga maꞈ maˬ tsehˆ dzeuˇ nya-a.

2 Laˬsaˬbaˬ 10:6

Kʼoeˇ naˇ, aˬ yawꞈ-euˬ aˬ da Sawˇlaˬmoˬ-ahˇ nui noeˬ nui duˇ biꞈ-euˬ tsawˇ haˬ deuˬ pyeuꞈ-eu tsawˇ mawˬ tsawˇ kʼaˆ deuˬ nehˬ-ehˇ Leˬhawˇbamˬ ja uˇ haw-euˬ meh. “Tsawˇ haˬ heu deuˬ-ahˇ ngaˇ aˬ joˆ-ehˇ ehˇ kʼoꞈ nehˬ-eu tsaˬ nga lehˇ naw maꞈ ehˇ haw sheˇ” lehˇ, aˬ yawꞈ maꞈ-ahˇ aˬ yawꞈ naˇ haˬ-euˬ meh.

Yawˇbaˆ 14:1

Zaˬ miˬ zaˬ-euˬ uˬ maˆ-ahˇ neh dehꞈ doˆ le-euˬ tsawˇ haˬ zaˬ-aˬ, dehꞈ ziˇ aˇ nah aˇ yamˬ nymˇ-awˇ, shaˬ zahˬ tiˬ byah ni jaˆ meh.

Yawˇbaˆ 14:2

Yaw kawˇ-ehˇ poˬ laˇ-eu aˇ yehˆ, yaw kawˇ-ehˇ nyoeˬ-iˇ gaˇ duˇ-awˇ, naˇ shmˇ loꞈ-ehˇ byoˆ-iˇ-eu meh.

Yawˇbaˆ 32:7

Naw maꞈ aˇ kʼoꞈ kʼawˆ laˇ-euˬ deuˬ, tsawˇ gahˇ byah dzehˬ-euˬ miˇ neh, naw maꞈ neh ehˇ-euˬ tsaˬ tehꞈ-a lehˇ, yawˬ haˇ yawˬ ha ngaˇ ehˇ-euˬ ma.

Yawˇbaˆ 7:6

Ngaˬ-euˬ aˇ nah aˇ yamˬ deuˬ noeˬ tmˬ kʼaˇ maˬ za ni dzeuˇ-iˇ luꞈ-awˇ, shaˬ nmˇ zaꞈ-eu sehˬ naˆ maˬ tseˇ kawˇ-eu meh.

Yawˇbaˆ 8:10

Ehˇ kʼawꞈ, aˇ hu tsawˇ gahˇ ahˇ-eu tsawˇ haˬ deuˬ neh nawˬ-ahˇ bi mehˬ-awˇ, aˬ yawꞈ maꞈ ehˇ gaˇ naˇ haˬ geuꞈ-awˬ.

Jaceuq 102:11

Ngaˇ yaw dehꞈ dehꞈ-eu uˬ ciꞈ uˬ taw paw naˇ shmˇ shmˇ gaˇ duˇ-awˇ, yaˇ moꞈ koˆ-iˇ gaˇ duˇ miˇ-a.

Jaceuq 102:12

Ehˇ kʼawꞈ, Sahˬpaˬ Miˬyehˇ nawˇ mˬ maˬ maˬ byaˆ zaˇ ziˇ uˆ lahˇ-eu sahˬ paˬ pyeuꞈ-awˇ, dehꞈ daˆ leꞈ-eu yawˬ ziˇ na luꞈ nawˬ-ahˇ gʼawˬ shaˬ gaˬ nehˬ tehꞈ-a.

Jaceuq 144:4

Aˬ yawꞈ-aˬ, saꞈ tiˬ poˆ gʼawˇ dah-euˬ myah ni gmˬ-eu tehꞈ meh. Aˬ yawꞈ-euˬ ziˇ-aˬ, naˇ shmˇ shmˇ-iˇ-eu naˆ ni tehꞈ meh.

Jaceuq 39:5

Nawˬneh bi dehꞈlaꞈ-euˬaˇyamˬ, laꞈzaˬtiˬdaˬbyah-eu tehꞈmeh. Ngaˬ-euˬziˇheu nawˬ-euˬmehˬshi, tiˬpawꞈ-iˬ ehˇnyaꞈmaˬnyeuˆ-a. Tsawˇhaˬzaˬdehꞈ-eu aˇyamˬ-aˬ, saꞈgʼawˇka-eu myah ni gmˬ-awˇ,

Jaceuq 82:5

“Naw maꞈ aˇ naˆ naˆ-ehˇ laꞈ-i-awˇ, aˇ naˆ naˆ-ehˇ gah te. Naw maꞈ geuꞈ-eu tiˬ pawꞈ-iˬ maˬ ahˇ ni cawˆ jiˇ-awˇ, miˇ tsaˬ kʼoeˇ taˆ yaw tsaˬ yaw dawˇ jeˬ maˬ paˇ jaˆ meh.

Jaceuq 90:4

Tiˬ heˇ kʼoꞈ nawˬ-euˬ mehˬ shi tiˬ nah tehꞈ meh. Aˇ yamˬ kʼoeˇ myah ni gʼeh-eu dzeuˇ yaꞈ-eu miˇ nah-ahˇ duˇ-awˇ, uˬ ciꞈ paw tiˬ kʼehˇ laˇ kʼehˬ buˬ-iˇ-euˬ loꞈ-ehˇ tehꞈ meh.