Yawˇbaˆ 8:8 - Akha

⁸ Aˇ hu-euˬ zaˬ siˬ tsawˇ gahˇ-ahˇ tiˬ poˆ paˇ haw sheˇ. Aˬ dui-euˬ aˬ poeˬ aˬ bawˇ deuˬ neh ehˇ duˬ taˬ yaꞈ-euˬ jeˬ-ahˇ shaˇ noeˬ haw sheˇ.

Yawˇbaˆ 8:8 Iomraidhean Croise

2 Laˬsaˬbaˬ 10:6

Kʼoeˇ naˇ, aˬ yawꞈ-euˬ aˬ da Sawˇlaˬmoˬ-ahˇ nui noeˬ nui duˇ biꞈ-euˬ tsawˇ haˬ deuˬ pyeuꞈ-eu tsawˇ mawˬ tsawˇ kʼaˆ deuˬ nehˬ-ehˇ Leˬhawˇbamˬ ja uˇ haw-euˬ meh. “Tsawˇ haˬ heu deuˬ-ahˇ ngaˇ aˬ joˆ-ehˇ ehˇ kʼoꞈ nehˬ-eu tsaˬ nga lehˇ naw maꞈ ehˇ haw sheˇ” lehˇ, aˬ yawꞈ maꞈ-ahˇ aˬ yawꞈ naˇ haˬ-euˬ meh.

Yawˇbaˆ 12:12

“Aˇ kʼoꞈ kʼawˆ laˇ-euˬ deuˬ nehˬ-ehˇ zaˬ siˬ tsawˇ gahˇ jawˇ-awˇ, dehꞈ myahˇ laꞈ-euˬ deuˬ nehˬ-ehˇ noeˬ siˬ noeˬ mawˇ nya-eu jeˬ jaˆ-eu meh.

Yawˇbaˆ 13:1

Naw maꞈ kʼaˇ ehˇ-eu yawˬ jeˬ na luꞈ-ahˇ ngaˇ myaˆ mawˇ haw-awˇ, naˬ gaˬ haw-euˬ ma.

Yawˇbaˆ 15:10

Nawˬ da maˬ dehꞈ le mi naˆ-ehˇ jawˇ luꞈ-eu, uˬ duˬ pyuˇ laˇ-euˬ tsawˇ haˬ deuˬ jawˇ gaˇ nga maꞈ tsawˇ gahˇ dzaw nya taˬ-euˬ ma.

Yawˇbaˆ 15:18

Tsawˇ gahˇ ahˇ-eu deuˬ neh aˬ yawꞈ maꞈ-euˬ aˬ poeˬ aˬ bawˇ deuˬ jawˇ gaˇ dzaw nya taˬ-euˬ gaˇ kawˆ deuˬ, tiˬ jeˬ-iˬ maˬ zaꞈ taˬ ni ngaˬ-ahˇ mehˬ jiˇ nehˬ laꞈ-euˬ meh.

Yawˇbaˆ 20:4

Aˇ hu-euˬ ziˇ-ahˇ pyeuꞈ yaꞈ-euˬ gaˇ kawˆ nawˇ yaw muiˇ siˬ nya meh. Tsawˇ haˬ zaˬ miˇ tsaˬ kʼoeˇ taˆ jawˇ dahˬ beh ngeh neh,

Jaceuq 44:1

Miˬyehˇ-oˇ, aˇhu-euˬziˇ-ahˇ, nawˬneh mˇ-euˬhuiˬ-eu gaˇdeuˬ, poeˬpiˬja mehˬlaꞈ-euˬloꞈ-ehˇ, nga maꞈ naˬbawˇya gaˬ-euˬma.

Iˇsaˬyaˇ 38:19

Dehꞈ luꞈ-eu tsawˇ haˬ deuˬ nawˬ-ahˇ ja ceuˬ-euˬ meh. Ngaˇ caˇ luꞈ-eu loꞈ-ehˇ caˇ-awˇ ja ceuˬ-eu meh. Nawˇ saˇ jaˇ ziꞈ-eu gaˇ kawˆ heu, aˬ da deuˬ zaˬ-ahˇ ya ja mehˬ tehꞈ-a.

Yawˇlaˆ 1:2

Tsawˇ mawˬ tsawˇ kʼaˆ deuˬ naˇ haˬ-awˬ. Yuˇdaˆ miˇ kʼahˬ laꞈ kʼoeˇ jawˇ-eu, yawˬ gʼaˬ yawˬ na luꞈ naˇ haˬ-awˬ. Naw maꞈ-euˬ ziˇ laꞈ kʼoeˇ maˬ ehˇ, aˬ poeˬ aˬ bawˇ-euˬ ziˇ maˬ ehˇ, heu loꞈ-ehˇ gʼeh-eu gaˇ kawˆ heu, puˬ haw mawˇ haw-euˬ jaˆ meh loˇ.

Lormav 15:4

Jaˇliꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ, aˬ dui-ahˇ bi mehˬ bi tsoˆ-eu gʼaˇ duˬ boꞈ taˬ-euˬ meh. Aˬ dui nui ma gʼawˬ mahˇ ni taˬ nya laˇ-eu gʼaˇ duˬ mehˬ nehˬ tsoˆ nehˬ laꞈ-awˇ, aˬ dui-euˬ nui ma-ahˇ gʼaˬ biꞈ lahˬ nehˬ laꞈ-eu laꞈ kʼoeˇ noeˬ tmˬ kʼaˇ za laˇ ni boꞈ taˬ-euˬ jeˬ pyeuꞈ-eu meh.

1 Gawˇliˬtu 10:11

Gaˇ kawˆ kʼoeˇ deuˬ aˬ yawꞈ maꞈ kʼoeˇ taˆ keuˆ le-euˬ kʼoeˇ-aˬ, aˬ cawˬ bi dzaw geuꞈ-eu gʼaˇ duˬ pyeuꞈ-awˇ, aˬ dui kʼawꞈ dzaw geuꞈ-awˇ bi yahˇ-eu gʼaˇ duˬ boꞈ ka leꞈ-euˬ meh. Aˬ jeˬ miˇ neh ehˇ naˇ, aˬ duiˬ-euˬ ziˇ heu ziˇ-ahˇ miˇ tsaˬ heu aˇ saˬ saˬ-eu aˇ yamˬ peh le taˬ-euˬ meh.

Dawˬmehˬ 32:7

“Aˇ hu ziˇ-ahˇ pyeuꞈ ka leꞈ-euˬ, gaˇ kawˆ deuˬ-ahˇ naˇ haˬ haw sheˇ. Aˬ da deuˬ neh bi ja mehˬ-awˇ, tsawˇ mawˬ deuˬ neh bi dzawˇ duˬ sheˇ.

Dawˬmehˬ 4:32

“Naw maꞈ maˬ dehꞈ le mi naˆ-ehˇ pyeuꞈ dzeuˇ yaꞈ-euˬ gaˇ kawˆ-ahˇ, miˇ tsaˬ kʼoeˇ taˆ tsawˇ haˬ zaˬ-ahˇ Miˬyehˇ beh-euˬ aˇ yamˬ-ahˇ keuˆ ni poˆ tseˇ haw sheˇ. Heu loꞈ-ehˇ huiˬ-eu gaˇ kawˆ pyeuꞈ laˇ haw mehˬ loˇ.