Yawˇbaˆ 8:13 - Akha

¹³ Miˬyehˇ maˬ baw-eu tsawˇ haˬ deuˬ aˇ toꞈ kʼoeˇ deuˬ-ahˇ duˇ-eu meh. Miˬyehˇ-ahˇ ngehˇ naˇ aˬ yawꞈ maꞈ gʼaˇ duˬ noeˬ tmˬ kʼaˇ maˬ paˇ za meh.

Yawˇbaˆ 8:13 Iomraidhean Croise

Yawˇbaˆ 11:20

Maˬ tsaˬ maˬ dawˇ-eu tsawˇ haˬ nui ma cawˆ-eu laꞈ kʼoeˇ, jawˬ jawˬ-ehˇ haw sehꞈ leꞈ kʼawꞈ, buˬ-iˇ law-iˇ-eu gaˇ ma maˬ dahˇ-a. Aˬ yawꞈ maꞈ-euˬ noeˬ tmˬ duˬ-aˬ shiˇ-eu jeˬ keuˆ le-eu kʼoeˇ meh.”

Yawˇbaˆ 13:16

Haiˬ-eu tsawˇ haˬ Miˬyehˇ-ahˇ maˬ tahˬ puˬ leˇ peuˬ-eu-aˬ, ngaˬ-euˬ nui kʼaˬ ngaˬ-ahˇ ka kʼoꞈ-eu maˬ siˬ.

Yawˇbaˆ 15:34

Miˬyehˇ maˬ baw-eu tsawˇ haˬ, zaˬ maˬ ya cu ehˇ, laꞈ nmꞈ nmꞈ-euˬ pyuˇ neh tsoˆ taˬ-euˬ nymˇ deuˬ-ahˇ miˬ dzaˬ puiˆ dzaˬ jiˇ tehꞈ-a.

Yawˇbaˆ 18:14

Aˬ yawꞈ ziꞈ dah ni dehꞈ-euˬ sehˬ gʼawˆ-ahˇ neh bi tsahˇ doˆ laꞈ-awˇ, shiˇ-eu miˇ kʼahˬ-euˬ sahˬ paˬ jawˇ gaˇ bi gʼeu gʼeh-euˬ meh.

Yawˇbaˆ 20:5

haiˬ-eu tsawˇ haˬ tiˬ gʼaˬ-iˬ gʼawˬ myahˇ ni laˬ kʼaˬ cehˇ cehˇ-ehˇ maˬ ya dehꞈ haw-aˬ.

Yawˇbaˆ 36:13

Miˬyehˇ maˬ baw-eu tsawˇ haˬ aˬ myah luꞈ nui ma pehˇ-awˇ, kʼehˬ gaˇ kʼaˆ gaˇ ya daˬ kʼawꞈ caw ba nehˬ laꞈ lehˇ shaˇ-eu maˬ siˬ nya-a.

Yawˇbaˆ 8:12

Iˇ cuꞈ gui-iˇ ngeh aˬ yawꞈ maꞈ nyoeˬ-iˇ-awˇ, maˬ deuˆ geuꞈ deˇ laˇ-euˬ bawˇ byeꞈ deuˬ kʼawꞈ shiˇ-eu meh.

Jaceuq 1:4

Maˬtsaˬmaˬdawˇ-eu tsawˇhaˬ-aˬ , jaˬlehˇ neh bi hehˇdzaˬgʼeh-euˬ gʼo yoeˬ jehˆbymˇ-ahˇduˇ-eu meh.

Jaceuq 10:4

Yaw haiˬdeuˬSahˬpaˬMiˬyehˇ-ahˇ, maˬhaw cawˬni jahˇgʼeh haw-awˇ, Miˬyehˇgaˇdahˇmaˬtsoeˬ-a lehˇ, nui ma laꞈkʼoeˇnoeˬluꞈ-eu meh.

Jaceuq 112:10

Haiˬ-eu tsawˇ haˬ deuˬ kʼoeˇ gaˇ mawˇ ngeh nui ma pehˇ-awˇ, seuˬ tsehꞈ tehꞈ-awˇ iˇ byoˆ-eu meh. Haiˬ-euˬ tsawˇ haˬ deuˬ noeˬ tmˬ duˬ byoˆ jiˇ-euˬ meh.

Jaceuq 50:22

“Miˬyehˇ-ahˇ maˬ taˬ huiˬ-eu tsawˇ haˬ deuˬ-oˇ, gaˇ kawˆ heu naˇ haˬ-awˇ nui ma laꞈ kʼoeˇ juiˇ taˬ-awˬ. Maˬ ngeuˇ naˇ, ngaˬ neh laˆ cawˆ nehˬ-euˬ jeˬ-ahˇ naw maꞈ ya daˬ-awˇ, ka kʼoꞈ nehˬ-eu gʼaˬ maˬ jawˇ ni ya shaˬ tehꞈ-a.

Jaceuq 9:17

Miˬyehˇ-ahˇbyehˇdzeh-euˬtsawˇjeuˬ, haiˬ-eu tsawˇhaˬkʼoeˇdeuˬdawˬtawˆ, shiˇ-eu miˇkʼahˬ-ahˇkeuˆtehꞈ-a.

Dawqdaq 10:28

Yaw tsaˬ yaw dawˇ deuˬ noeˬ tmˬ-eu laˬ kʼaˬ cehˇ-eu jeˬ keuˆ le-awˇ, haiˬ-eu tsawˇ haˬ noeˬ tmˬ-eu jeˬ yawꞈ ngehꞈ meh.

Dawqdaq 11:7

Haiˬ-eu tsawˇ haˬ shiˇ ngeh, aˬ yawꞈ neh noeˬ tmˬ-euˬ jeˬ guiˇ byoˆ jiˇ-eu meh. Pyuˇ shuiˇ myawˬ gahˬ-ahˇ nui ma huiˬ-eu jeˬ, aˇ saˬ saˬ laˇ ngeh yawꞈ ngehꞈ meh.

Dawqdaq 12:7

Haiˬ-eu tsawˇ haˬ-euˬ tsuiꞈ dahˬ-iˇ-awˇ, yaw tsaˬ yaw dawˇ deuˬ zaˬ oeˬ sahˇ le tehꞈ-a.

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Iˇsaˬyaˇ 51:13

Mˬ toˆ pyeh-awˇ miˇ tsaˬ dawˬ pehˬ pehˬ-euˬ yaw sahˇ, Sahˬpaˬ Miˬyehˇ-ahˇ naw maꞈ ngehˇ teˬ loˇ. Naw maꞈ-ahˇ laˆ cawˆ-eu gʼaˇ duˬ lehˬ hmˬ luꞈ-eu, naw maꞈ-ahˇ kʼehˬ-eu deuˬ-euˬ nui pehˇ-ahˇ, aˬ jeˬ miˇ neh maˬ tsehˆ leˇ ni guˆ te. Aˬ yawꞈ maꞈ-euˬ nui pehˇ naw maꞈ-ahˇ maˬ laˆ deuˬ nya-a.

Ngoeˇ dawˬ 3:18

Gʼawˬ myahˇ maˬ paˇ dehꞈ coeˇ miˇ-a. Sahˬpaˬ Miˬyehˇ-ahˇ noeˬ tmˬ-eu, tiˬ pawꞈ-iˬ maˬ paˇ ahˇ miˇ-a.

Maꞈtehˬ 24:51

Kʼoeˇ ngeh jawˇ, baw leˬ gʼaˬ neh zaˬ kʼaˆ kʼoeˇ gʼaˬ-ahˇ shiˇ taw tehˬ ni diˬ-awˇ, awꞈ-aˬ tahˬ kʼoˬ-ahˇ duˇ-eu tsawˇ haˬ deuˬ ya mˇ-eu shaˬ zahˬ aˬ yawꞈ-ahˇ bi mˇ tehꞈ-a. Kʼoeˇ gaˇ, aˬ yawꞈ ngoeˇ-awˇ seuˬ teuꞈ teuꞈ-ehˇ ya jawˇ tehꞈ-a.

Dawˬmehˬ 6:12

Kʼoeˇ ngeh, Iˇjiˇtuˆ miˇ kʼahˬ laꞈ kʼoeˇ naw maꞈ aˬ cawˬ zaˬ kʼaˆ ya geuꞈ luꞈ ngeh, naw maꞈ-ahˇ ka kʼoꞈ le-euˬ Sahˬpaˬ Miˬyehˇ-ahˇ naw maꞈ taˬ ngehˇ.

Dawˬmehˬ 8:11

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ maˬ ya ngehˇ ni, yaw kʼaˆ-ehˇ yahˇ yahˇ-ehˇ dehꞈ-awˬ. Iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ heu deuˬ-ahˇ, tiˬ dawˬ-iˬ maˬ byehˇ dzeh ni caw teh-awˬ.

Dawˬmehˬ 8:14

naw maꞈ nui ma huiˬ laˇ-awˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ka kʼoꞈ doˆ nehˬ laꞈ-euˬ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ ya ngehˇ ni yaw kʼaˆ kʼaˆ-ehˇ yahˇ-awˬ.

Dawˬmehˬ 8:19

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngehˇ-awˇ, miˬyehˇ nui deuˬ-ahˇ tiˬ jawˇ-iˬ uˬ duˬ taˬ tahˬ. Naw maꞈ kʼoeˇ loꞈ-ehˇ jahˇ naˇ, aˬ diˇ aˬ maˇ laˆ luˬ laˆ seˇ nehˬ-eu jeˬ-ahˇ ya daˬ tehꞈ-a lehˇ, iˬ nah ngaˇ naw maꞈ-ahˇ ehˇ-eu ma.