Yawˇbaˆ 7:7 - Akha

⁷ “Miˬyehˇ-oˇ, ngaˇ yaw dehꞈ dehꞈ-eu jeˬ-aˬ, saꞈ gʼawˇ luꞈ-eu jaˬ lehˇ-ahˇ duˇ gaˇ noeˬ keuˆ nehˬ laꞈ yawˬ. Ngaˇ laˬ kʼaˬ cehˇ-eu jeˬ dzeuˇ jiˇ-euˬ meh.

Yawˇbaˆ 7:7 Iomraidhean Croise

Aˇ dahˬ 42:36

Aˬ ha mehˇ nmˇ-ahˇ Yaˬkoˆ ehˇ nehˬ-eu, “Naw maꞈ ngaˬ-euˬ zaˬ dawˬ tawˆ luꞈ sheuˬ byoˆ jiˇ-eu gʼeh te loˇ. Yoˇsehˆ gʼaˬ maˬ paˇ jawˇ-eu uˬ taꞈ, Suˇmoˬ gʼaˬ gʼeh maˬ paˇ jawˇ ngaˇ. Nymˬ-mˇ poˆ jawˇ-aˬ Beˬyaˬmiˬ-ahˇ gʼeh paˇ sheuˬ byoˆ-eu lehˇ gʼeh te loˇ. Shaˬ zahˬ kʼaˇ ngeuˇ-eu dawˬ tawˆ luꞈ, ngaˬ-euˬ kʼoeˇ taˆ kaꞈ dzahˬ-awˇ keuˆ le-euˬ miˇ-a.”

Neˬhaˬmiˇ 1:8

Moˇseˬ-ahˇ nawˬ neh ehˇ taˬ yaꞈ-euˬ dawˬ kʼoeˇ dawˬ-ahˇ noeˬ keuˆ nehˬ laꞈ-awˬ. Nawˇ aˬ yawꞈ-ahˇ heu loꞈ-ehˇ ehˇ taˬ yaꞈ-euˬ meh. Naw maꞈ Iˇsaˬleˬlaˆ tsawˇ haˬ deuˬ ngaˬ-ahˇ saˇ jaˇ maˬ ziꞈ naˇ, aˬ cawˬ tsawˇ jeuˬ yaw kaˬ-ahˇ naw maꞈ-ahˇ bi jawˇ byoˆ jiˇ ma.

Yawˇbaˆ 10:20

Ngaˬ-euˬ ziˇ jiˇ-eu keuˆ le-euˬ maˬ ngeuˇ-a loˇ. Dzeˇ-eu aˇ yamˬ heu tiˬ kʼehˇ kʼehˬ laꞈ kʼoeˇ ngaˇ ya dehꞈ byawˬ ni, nawˇ ngaˬ-ahˇ byehˇ dzeh-awˇ bi jawˇ laꞈ-awˬ.

Yawˇbaˆ 10:9

Shaˬ jehˆ yuˇ-awˇ nawˇ ngaˬ-ahˇ tehˆ-euˬ gaˇ noeˬ keuˆ sheˇ. Shaˬ jehˆ paˇ bi pyeuꞈ-iˇ-eu lehˇ nawˇ ngaˬ-ahˇ nyehꞈ meuˇ nyehꞈ loeˇ-eu gʼeh te loˇ.

Yawˇbaˆ 7:16

Ngaˇ yaw dehꞈ maˬ paˇ dehꞈ ma. Maˬ dehꞈ coeˇ-ehˇ pyeuꞈ laˇ-euˬ miˇ-a. Ngaˬ-ahˇ byehˇ dzeh nehˬ laꞈ-awˬ. Ngaˇ yaw dehꞈ dehꞈ-eu gaˇ dahˇ maˬ paˇ tsoeˬ miˇ-a.

Yawˇbaˆ 9:25

Ngaˬ-euˬ aˇ nah deuˬ-aˬ, cehˆ ceh ceh-eu deuˬ naˆ maˬ tseˇ dzeuˇ-iˇ-eu kawˇ-awˇ, nah muiˬ tiˬ nah-iˬ maˬ ahˇ-a.

Jaceuq 39:6

naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

Jaceuq 4:6

“Sahˬpaˬ Miˬyehˇ-oˇ, nga maꞈ-ahˇ, gʼawˬshaˬtiˬpoˆhaw gaˬlaꞈ-awˇ, guiˬlahˬ shehˬlahˬnehˬlaꞈ-awˬ” lehˇ tsawˇhaˬgʼawˬmya ni shaˇ-eu meh.

Jaceuq 74:18

Ehˇ kʼawꞈ, Sahˬpaˬ Miˬyehˇ-oˇ, muiˇ-eu deuˬ nawˬ-ahˇ uiˇ luꞈ gaˇ taˬ ngehˇ. Miˬyehˇ maˬ baw-eu tsawˇ haˬ deuˬ nawˬ-euˬ tsawˇ myahˇ-ahˇ yehˬ bawˬ sehˇ lu-ehˇ ehˇ luꞈ gaˇ taˬ ngehˇ.

Jaceuq 74:22

Miˬyehˇ-oˇ, tuˇ laˇ-awˇ, nawˬ-euˬ gaˇ kawˆ shaˇ sawˇ geuꞈ-awˬ. Miˬyehˇ maˬ baw-eu tsawˇ haˬ deuˬ nah ga-ehˇ nawˬ-ahˇ uiˇ luꞈ gaˇ taˬ ngehˇ.

Jaceuq 78:39

Aˬ yawꞈ maꞈ gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ-awˇ, baw byoˆ gʼeh-awˇ maˬ gʼoꞈ kʼoꞈ laˇ nya-eu jaˬ lehˇ-ahˇ duˇ gaˇ, aˬ yawꞈ noeˬ keuˆ-eu meh.

Jaceuq 89:47

Ngaˬ-euˬ ziˇ aˇ naˆ ni nymˇ gaˇ noeˬ keuˆ nehˬ laꞈ-awˬ. Tsawˇ haˬ dawˬ tawˆ luꞈ nawˬ neh beh taˬ-euˬ gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ gaˇ noeˬ keuˆ nehˬ laꞈ-awˬ.

Jaceuq 89:50

Nawˬ-euˬ zaˬ kʼaˆ pyeuꞈ-eu ngaˬ-ahˇ aˬ cawˬ yehˬ bawˬ-ehˇ jahˇ nehˬ laꞈ gaˇ taˬ ngehˇ nehˬ laꞈ. Miˬyehˇ maˬ baw-eu deuˬ neh yaˬ kʼehˇ yaˬ-euˬ dawˬ-ahˇ ya daˬ luꞈ gaˇ taˬ ngehˇ nehˬ laꞈ.

Yeˬlaˬmiˇ 15:15

Kʼoeˇ ngeh, ngaˇ heu loꞈ-ehˇ ehˇ-euˬ ma. “Sahˬpaˬ Miˬyehˇ-oˇ, nawˇ siˬ nya luꞈ meh. Ngaˬ-ahˇ noeˬ keuˆ-awˇ caw ba nehˬ laꞈ-awˬ. Ngaˬ-ahˇ kʼehˬ nehˬ kʼaˆ nehˬ laꞈ-euˬ tsawˇ haˬ deuˬ kʼoeˇ taˆ, laꞈ poˆ bi poˆ kʼoꞈ nehˬ laꞈ-awˬ. Ngaˬ-ahˇ bi sehꞈ laˇ gaˇ keuˆ ni, aˬ yawꞈ maꞈ-ahˇ nawˇ taˬ oˇ oꞈ nehˬ. Nawˬ-euˬ gʼaˇ duˬ ngaˇ dawˬ doeˇ ya daˬ luꞈ gaˇ taˬ ngehˇ nehˬ laꞈ.

Yaˬkoˆ 4:14

Ni shawˬ nah nawˇ yaw dehꞈ dehꞈ-eu aˬ joˆ-ehˇ pyeuꞈ laˇ-eu gaˇ kawˆ nawˇ siˬ nya te loˇ. Naw maꞈ-aˬ, tiˬ kʼehˇ kʼehˬ tehꞈ-ehˇ ya mawˇ-awˇ byoˆ-iˇ-eu iˇ cuꞈ saꞈ kʼoeˬ-ahˇ duˇ-eu meh.