Yawˇbaˆ 7:6 - Akha

⁶ Ngaˬ-euˬ aˇ nah aˇ yamˬ deuˬ noeˬ tmˬ kʼaˇ maˬ za ni dzeuˇ-iˇ luꞈ-awˇ, shaˬ nmˇ zaꞈ-eu sehˬ naˆ maˬ tseˇ kawˇ-eu meh.

Yawˇbaˆ 7:6 Iomraidhean Croise

Yawˇbaˆ 13:15

Ngaˇ noeˬ tmˬ duˬ tiˬ jeˬ-iˬ maˬ paˇ jaˆ-eu-aˬ, Miˬyehˇ ngaˬ-ahˇ sehꞈ kʼawꞈ aˬ jeˬ gʼeh nmˇ. Ngaˬ-euˬ gaˇ kawˆ aˬ yawꞈ nehˬ-ehˇ ngaˇ ja ma.

Yawˇbaˆ 14:19

Kʼaˬ lo-ahˇ iˇ cuꞈ dehˬ dzaˬ-awˇ, uˬ yehˇ yehˇ ma yehˇ le-awˇ miˇ tsaˬ hehˇ dzaˬ gʼeh tehꞈ-a. Tsawˇ haˬ zaˬ-euˬ noeˬ tmˬ duˬ-ahˇ nawˇ kʼoeˇ loꞈ-ehˇ laˆ cawˆ nehˬ tehꞈ-a.

Yawˇbaˆ 16:22

Ngaˬ-euˬ aˇ kʼoꞈ aˇ la deuˬ dzeuˇ-iˇ luꞈ-awˇ, gʼoꞈ dmˇ dzeh laˇ-eu maˬ baw-eu gaˇ ma-ahˇ ngaˇ cah luꞈ-eu ma.

Yawˇbaˆ 17:1

Ngaˇ ziˇ jiˇ le-eu peh laˇ miˇ-a. Ngaˬ-ahˇ saꞈ maˬ paˇ gʼawˇ coeˇ laˇ miˇ-a. Ngaˬ-euˬ gʼaˇ duˬ lmˬ bymˇ maˬ ngeuˇ naˇ nui jeˬ maˬ paˇ jaˆ meh.

Yawˇbaˆ 17:11

Ngaˬ-euˬ aˇ nah aˇ yamˬ dzeuˇ-iˇ-awˇ, ngaˬ neh noeˬ taˬ-euˬ jeˬ maˬ paˇ mˇ pyeuꞈ nya miˇ-a. Noeˬ tmˬ duˬ kʼawꞈ tiˬ jeˬ-iˬ maˬ paˇ jaˆ miˇ-a.

Yawˇbaˆ 17:15

Ngaˬ-euˬ noeˬ tmˬ duˬ aˬ geu tsahˇ-ahˇ jaˆ ta. Ngaˬ-euˬ noeˬ tmˬ duˬ-ahˇ aˬ suˇ gʼa mawˇ ta.

Yawˇbaˆ 17:16

Shiˇ-eu miˇ kʼahˬ-ahˇ ngaˇ iˇ gʼeh ngeh, noeˬ tmˬ duˬ kʼoeˇ ngaˬ nehˬ-ehˇ tiˬ kawˆ loꞈ-ehˇ iˇ nya meh loˇ.”

Yawˇbaˆ 19:10

Aˬ yawꞈ ngaˬ-ahˇ yawˬ pyawˬ na luꞈ ciˬ tahˬ laˇ-awˇ, Ngaˬ-euˬ noeˬ tmˬ duˬ gʼeu lehˆ dzeh-awˇ, nyoeˬ-iˇ koˆ-iˇ-awˇ bi shiˇ-eu lehˇ byehˇ dzeh nehˬ laꞈ-euˬ meh.

Yawˇbaˆ 6:11

Mehˬ hu paw dehꞈ daˆ leꞈ-eu gʼaˇ duˬ ngaˬ-euˬ gʼaˬ aˬ gaˇ paˇ ahˇ ta. Noeˬ tmˬ duˬ maˬ jaˆ gaˇ aˬ jeˬ gʼeh yaw dehꞈ paˇ dehꞈ nmˇ.

Yawˇbaˆ 9:25

Ngaˬ-euˬ aˇ nah deuˬ-aˬ, cehˆ ceh ceh-eu deuˬ naˆ maˬ tseˇ dzeuˇ-iˇ-eu kawˇ-awˇ, nah muiˬ tiˬ nah-iˬ maˬ ahˇ-a.

Jaceuq 102:11

Ngaˇ yaw dehꞈ dehꞈ-eu uˬ ciꞈ uˬ taw paw naˇ shmˇ shmˇ gaˇ duˇ-awˇ, yaˇ moꞈ koˆ-iˇ gaˇ duˇ miˇ-a.

Jaceuq 144:4

Aˬ yawꞈ-aˬ, saꞈ tiˬ poˆ gʼawˇ dah-euˬ myah ni gmˬ-eu tehꞈ meh. Aˬ yawꞈ-euˬ ziˇ-aˬ, naˇ shmˇ shmˇ-iˇ-eu naˆ ni tehꞈ meh.

Dawqdaq 14:32

Yaw haiˬ deuˬ-euˬ bawˬ toˆ yawˬ haˇ yawˬ ha paꞈ lah-awˇ, yaw tsaˬ yaw dawˇ mˇ-eu guiˬ lahˬ, tsawˇ shiˇ uˬ kʼawˇ dzeuˇ-iˇ-eu meh.

Yeˬlaˬmiˇ 2:25

Iˇsaˬleˬlaˆ-oˇ, miˬ yehˇ nui deuˬ-ahˇ poˆ-eu laꞈ kʼoeˇ, nawˬ-euˬ aˬ kuiˇ gʼah-awˇ kuˬ byahˬ taˬ bi gui-iˇ. Ehˇ kʼawꞈ, nawˇ heu loꞈ-ehˇ ehˇ-eu meh. ‘Ngaˇ maˬ paˇ gʼoꞈ kʼoꞈ laˇ haw ma. Aˬ cawˬ-euˬ miˬ yehˇ-ahˇ jawˇ gaˬ taˬ-eu miˇ neh, miˬ yehˇ kʼoeˇ deuˬ-euˬ mehˬ nah caw teh ma’ lehˇ ehˇ-eu meh.”

Eˇpeˇsu 2:12

Kʼoeˇ ngeh, naw maꞈ Ka li-ahˇ maˬ taꞈ leˇ-aˬ siˬ. Naw maꞈ-aˬ, aˬ cawˬ tsawˇ jeuˬ loꞈ-ehˇ pyeuꞈ-awˇ, Miˬyehˇ neh tseˇ doˆ-euˬ tsawˇ jeuˬ laꞈ kʼoeˇ maˬ ahˇ-a. Naw maꞈ-aˬ, Miˬyehˇ neh aˬ yawꞈ-euˬ tsawˇ haˬ deuˬ-ahˇ dzaˬ-euˬ dawˬ ma saˇ jaˇ-ahˇ maˬ ya taꞈ-ehˇ, miˇ tsaˬ heu kʼoeˇ taˆ noeˬ tmˬ duˬ maˬ jaˆ-eu uˬ taꞈ, Miˬyehˇ maˬ baw ni dehꞈ yaꞈ-euˬ meh.

Yaˬkoˆ 1:11

Nahˇ ma doˆ laˇ-awˇ nahˇ tsaˇ kʼaˆ laˇ ngeh, yaˇ moꞈ kʼoeˇ nyoeˬ-iˇ koˆ-iˇ-eu meh. Kʼoeˇ ngeh jawˇ, aˇ yehˆ kʼoeˇ ga ka-awˇ haw muiˬ-eu jeˬ cawˆ-iˇ jiˇ-eu meh. Kʼoeˇ gaˇ duˇ ni, smˇ muiˬ muiˬ-eu tsawˇ haˬ kʼawꞈ, yawˬ ha-euˬ gaˇ-ahˇ kʼoꞈ gʼa luꞈ ngeh ya luˬ ya seˇ-iˇ tehꞈ-a.

Yaˬkoˆ 4:14

Ni shawˬ nah nawˇ yaw dehꞈ dehꞈ-eu aˬ joˆ-ehˇ pyeuꞈ laˇ-eu gaˇ kawˆ nawˇ siˬ nya te loˇ. Naw maꞈ-aˬ, tiˬ kʼehˇ kʼehˬ tehꞈ-ehˇ ya mawˇ-awˇ byoˆ-iˇ-eu iˇ cuꞈ saꞈ kʼoeˬ-ahˇ duˇ-eu meh.

1 Beˬtuˆluˆ 1:13

Kʼoeˇ miˇ neh, naw maꞈ-euˬ nui ma lehˬ hmˬ dah taˬ-awˬ. Yaw beuˇ beuˇ-ehˇ dehꞈ-awˇ, Yeˬsuˇ Ka li-ahˇ bya cehˆ ni ya mawˇ ngeh nah naw maꞈ-ahˇ biꞈ-eu lehˇ lehˬ hmˬ taˬ-euˬ guiˬ lahˬ yaw dzahˇ-ahˇ tehꞈ-ehˇ noeˬ tsoˆ taˬ-awˬ.

1 Beˬtuˆluˆ 1:24

Jaˇ liꞈ laꞈ kʼoeˇ ehˇ taˬ-euˬ, “Tsawˇ haˬ dawˬ tawˆ yaˇ moˬ pyeuꞈ-awˇ, aˬ yawꞈ maꞈ-euˬ yaw shehꞈ kʼahˬ sehˇ, bawˇ tsahˬ aˇ yehˆ loꞈ-ehˇ tehꞈ meh. Yaˇ moꞈ nyoeˬ-iˇ koˆ-iˇ jiˇ-awˇ, aˇ yehˆ juˬ-iˇ ga-iˇ-eu meh.