Yawˇbaˆ 7:2 - Akha

² Zaˬ kʼaˆ tiˬ gʼaˬ naˇ shmˇ ya awˆ gaˇ noeˬ tmˬ luꞈ gaˇ duˇ-awˇ, gʼaˬ mahˇ mahˇ zaˬ tiˬ gʼaˬ nah poeˬ biꞈ laꞈ gaˇ dawˬ luꞈ gaˇ duˇ-eu meh.

Yawˇbaˆ 7:2 Iomraidhean Croise

Aˇ dahˬ 34:8

Yaˬkoˆ-ahˇ Haˬmawˬ ehˇ-eu, “Ngaˬ li Sheˬkmˬ nawˬ buˇ-ahˇ mawꞈ dui dui leˇ-eu miˇ neh, bi sheuˬ dahˬ dzaˬ kaˇ-euˇ.

Yawˇbaˆ 7:1

Tsawˇ haˬ zaˬ yaw dehꞈ dehꞈ-eu jeˬ-aˬ kʼaˆ behˆ baꞈ gaˇ duˇ-awˇ, myawˬ kʼaˆ ya mˇ dui dui-eu meh.

Yawˇbaˆ 7:3

Ba la tiˬ siˬ saˇ-iˬ tiˬ siˬ ngaˇ shaˬ shaˬ-ehˇ dehꞈ dzeuˇ laꞈ-awˇ, tiˬ miˇ saˇ-iˬ tiˬ miˇ noeˬ shaˬ-eu jeˬ keuˆ le-eu meh.

Jaceuq 119:131

Nawˬ-euˬ dawˬ-ahˇ ngaˇ mawꞈ dui dui-eu laꞈ kʼoeˇ, saꞈ maˬ gʼawˇ dah coeˇ ni pyeuꞈ luꞈ-eu ma.

Jaceuq 143:6

Ngaˬ-euˬ aˬ laꞈ cawˬ diˇ-awˇ nawˬ-ahˇ guiˬ lahˬ shaˇ luꞈ-eu ma. Miˇ tsaˬ yaw gui iˇ cuꞈ mehꞈ-eu loꞈ-ehˇ, nawˬ-ahˇ ngaˇ mehꞈ luꞈ-eu ma.

Yeˬlaˬmiˇ 6:4

“Yeˬluˇsaˬlehˬ meuˬ-ahˇ guiˇ deuˆ-eu lehˬ hmˬ-awˬ. Nah gʼahˇ paw guiˇ deuˆ ma” lehˇ aˬ yawꞈ maꞈ ehˇ kʼawꞈ, heu loꞈ-ehˇ paˇ ehˇ paˇ tehꞈ-a. “Uˬ ciꞈ ciꞈ le-awˇ aˇ yamˬ dzeuˇ-iˇ ngaˇ. Uˬ ciꞈ yaw zahˇ maˬ paˇ dawˬ bya coeˇ ngaˇ.

Uˬ duˬ 19:13

“Aˬ cawˬ kʼoeˇ taˆ mehˇ shuiˇ taˬ shuiˇ dzaˬ. Tahˇ joe taˬ joe dzaˬ. Yawˬ ha-ahˇ gʼaˬ mahˇ mahˇ dzaˬ-eu tsawˇ haˬ-ahˇ gʼaˬ gaˇ aˇ poeˬ maˬ biꞈ ni, tiˬ miˇ tehꞈ-ehˇ kʼawꞈ taˬ bi dzeuˇ-iˇ.

Yawˇnaˆ 4:6

Kʼoeˇ ngeh, Sahˬpaˬ Miˬyehˇ pyeuꞈ-eu Miˬyehˇ-aˬ, Yawˇnaˆ yaw saˇ saˇ-ehˇ naˬ nya ni naˇ shmˇ bi shmˇ-eu gʼaˇ duˬ aˇ bawˬ tiˬ bawˬ aˬ yawꞈ kʼoeˇ taˆ bi dehꞈ laˇ-euˬ meh. Yawˇnaˆ-aˬ, aˇ bawˬ kʼoeˇ bawˬ-ahˇ nui kʼahˇ shiˇ dui dui-eu meh.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Dawˬmehˬ 24:15

Aˬ yawꞈ nah yawꞈ nahˇ ma maˬ ga ahˇ mi naˆ-ehˇ, tiˬ nah mˇ-euˬ gʼaˬ gaˇ poeˬ ya biꞈ meh. Gʼaˬ gaˇ poeˬ kʼoeˇ aˬ yawꞈ loˬ dui dui-awˇ, kʼoeˇ za ni aˬ yawꞈ leh jeh-euˬ meh. Gʼaˬ gaˇ poeˬ maˬ biꞈ nehˬ-eu miˇ neh, Sahˬpaˬ Miˬyehˇ-ahˇ aˬ yawꞈ ngoeˇ gaˬ nehˬ naˇ, nawˬ-euˬ kʼoeˇ taˆ iˬ baˇ jaˆ-eu meh.

Yaˬkoˆ 5:4

Naw maꞈ-euˬ deh yaˇ-ahˇ gaˇ bi mˇ-euˬ tsawˇ haˬ deuˬ-ahˇ naw maꞈ gʼaˬ gaˇ poeˬ maˬ biꞈ-a. Aˬ yawꞈ maꞈ toˇ gaˇ naˇ haˬ sheˇ. Naw maꞈ-euˬ cehˇ laˆ luiˆ nehˬ-euˬ tsawˇ haˬ kʼoeˇ deuˬ ngoeˇ ngoeˇ-ehˇ guˇ-eu teˇ saˇ kʼoeˇ, Baoˬ huiˬ-eu Sahˬpaˬ Miˬyehˇ-euˬ naˬ bawˇ-ahˇ gaˬ keuˆ leˇ-euˬ meh.