Yawˇbaˆ 7:11 - Akha

¹¹ Kʼoeˇ miˇ neh ciˬ cuˇ ni maˬ jawˇ tehˬ coeˇ nya. Ngaˇ nui ma pehˇ-awˇ, nui ma naˇ dui dui-eu miˇ neh, maˬ ngehˬ maˬ tmˇ-ehˇ maˬ jawˇ coeˇ nya.

Yawˇbaˆ 7:11 Iomraidhean Croise

Aˇ dahˬ 42:21

Kʼoeˇ ngeh, aˬ ha mehˇ nmˇ tiˬ gʼaˬ tiˇ gʼaˬ ehˇ-eu, “Aˬ dui mehˇ nmˇ neh aˬ dui-euˬ aˬ nyiˇ kʼoeˇ gʼaˬ-ahˇ yehˬ bawˬ sehˇ lu-ehˇ jahˇ nehˬ-euˬ miˇ neh, aˬ dui mehˇ nmˇ iˬ baˇ naꞈ-eu nga. Aˬ yawꞈ noeˬ shaˬ dui dui-eu laꞈ kʼoeˇ, kʼoeˇ loꞈ-ehˇ taˬ jahˇ nehˬ laꞈ lehˇ aˬ dui-ahˇ shaˇ-euˬ kʼawꞈ, aˬ dui mehˇ nmˇ maˬ naˇ haˬ nehˬ-aˬ. Kʼoeˇ miˇ neh, aˬ dui heu loꞈ-ehˇ paˇ ya daˬ poˆ-eu nga.”

Yawˇbaˆ 10:1

Ngaˇ yaw dehꞈ maˬ paˇ dehꞈ coeˇ miˇ-a. Ngaˇ nui ma naˇ-awˇ toˇ gaˇ naˇ haˬ nehˬ laꞈ sheˇ.

Yawˇbaˆ 10:15

Ngaˇ iˬ baˇ mˇ-eu nehˬ-ehˇ nawˬ-euˬ lahˇ ju-ahˇ paꞈ leˇ-euˬ gaˇ duˇ-eu meh. Ehˇ kʼawꞈ ngaˇ yaw muiˬ jeˬ mˇ ngeh, nawˇ noeˬ muiˬ nehˬ laꞈ-euˬ maˬ jaˆ-a. Ngaˇ shaˬ zahˬ naꞈ-awˇ, shaꞈ dawˇ-eu jeˬ tiˬ byah jaˆ luꞈ ma.

Yawˇbaˆ 13:13

Ciˬ cuˇ ni jawˇ-awˇ ngaˇ ja gaˇ naˇ haˬ sheˇ. Ngaˬ-euˬ kʼoeˇ taˆ kʼaˇ keuˆ le-eu jeˬ, ehˬ-ehˇ keuˆ le luꞈ-uˇ.

Yawˇbaˆ 16:6

Ehˇ kʼawꞈ, nymˬ-mˇ ngaˇ ngehˬ kʼawꞈ tmˇ kʼawꞈ, gaˇ dahˇ maˬ tsoeˬ-ehˇ, ciˬ cuˇ ni paˇ jawˇ kʼawꞈ, naˇ-eu gawˇ-eu maˬ naˬ leˇ nya.

Yawˇbaˆ 21:25

Yawˬ gʼaˬ yawˬ-aˬ, yaw dehꞈ dehꞈ-eu laˬ kʼaˬ cehˇ-eu jeˬ tiˬ pawꞈ-iˬ maˬ ahˇ-ehˇ, nui saˇ maˬ oꞈ ni ziˇ dehꞈ jiˇ-euˬ meh.

Yawˇbaˆ 23:2

“Nymˬ-mˇ kʼawꞈ, Miˬyehˇ-ahˇ ngaˇ nui ma naˇ-awˇ toˇ te siˬ. Ngaˇ naˇ-eu miˇ neh, maˬ mahˇ doˆ-ehˇ maˬ dzahˬ tehˬ coeˇ nya.

Yawˇbaˆ 36:21

Yaw haiˬ jeˬ mˇ-eu lehˇ taˬ paˇ leh jeh. Kʼoeˇ loꞈ-ehˇ maˬ bi mˇ-eu gʼaˇ duˬ nawˬ-euˬ kʼoeˇ taˆ shaˬ zahˬ naˇ gawˇ bi keuˆ le-euˬ meh.

Yawˇbaˆ 6:26

Jaˬ lehˇ loꞈ-ehˇ gʼeh-eu dawˬ yawꞈ ngehꞈ tehꞈ-ehˇ ngaˇ ngehˬ luꞈ meh lehˇ naw maꞈ noeˬ meh. Toˆ-ehˇ ngeuˇ naˇ ngaˇ nui ma cawˆ-awˇ toˇ ngeh naw maꞈ ngaˬ-ahˇ aˬ jeˬ miˇ neh dawˬ ngehˬ cawˬ laˇ te.

Yawˇbaˆ 9:27

Ngaˬ-euˬ shaˬ zahˬ naˇ gawˇ dawˬ tawˆ luꞈ-ahˇ ngaˇ byehˇ dzeh-awˇ, nui ma saˇ lehˆ ni jawˇ ma lehˇ ngaˇ ehˇ ngeh,

Jaceuq 39:3

nui ma laꞈkʼoeˇ lahˇdui dui nya. Nui noeˬmyaˬ-eu lahˇdzehˬlaˇ-awˇ, maˬdaˬcoeˇ-ehˇdawˬngehˬ-eu ma.

Jaceuq 40:9

SahˬpaˬMiˬyehˇ-oˇ, nawˬ-euˬtsawˇhaˬuiˬle-euˬgaˇ, yaw tsaˬyaw dawˇjeˬmehˬ-eu ma. Ngaˬ-euˬkʼaˬmeh maˬtsoeˬtaˬ-euˬ, nawˇsiˬjiˇmawˇjiˇluꞈ-eu meh.

Iˇsaˬyaˇ 38:15

Sahˬpaˬ Miˬyehˇ neh mˇ-euˬ gaˇ heu-ahˇ, ngaˇ aˬ jeˬ paˇ ehˇ leˇ nya nmˇ. Ngaˬ-euˬ nui ma naˇ-eu miˇ neh, maˬ yuꞈ kʼaˆ leˇ coeˇ nya.

Iˇsaˬyaˇ 38:17

Ngaˇ nui ma naˇ luꞈ-eu saˇ laˇ miˇ-a. Guˆ-eu gaˆ-eu jeˬ dawˬ tawˆ luꞈ laꞈ kʼoeˇ, ngaˬ-euˬ saꞈ laˇ-ahˇ nawˇ ka kʼoꞈ doˆ nehˬ laꞈ-awˇ, ngaˬ-euˬ iˬ baˇ dawˬ tawˆ pyehˬ dzeh nehˬ laꞈ-euˬ meh.

Luˇkaꞈ 22:44

Aˬ yawꞈ nui ma shaˬ zahˬ mˇ dui dui-eu laꞈ kʼoeˇ, yaw beh naˆ maˬ tseˇ guiˬ lahˬ paˇ shaˇ dui dui-euˬ meh. Shiˬ miˇ tsa dzaˆ ka-eu loꞈ-ehˇ, aˬ yawꞈ kuˬ pyuˇ yoeˇ le-euˬ meh.

2 Gawˇliˬtu 2:4

Ngaˇ nui ma cawˆ dui dui-awˇ shaˬ zahˬ mˇ-eu laꞈ kʼoeˇ, myaˆ biˇ doˆ doˆ-ehˇ naw maꞈ-ahˇ sahˬ boꞈ kʼoeˇ taꞈ boꞈ ahˇ leꞈ-euˬ ma. Ngaˬ-euˬ nui ma laꞈ kʼoeˇ-aˬ, naw maꞈ-ahˇ bi noeˬ shaˬ mawꞈ-eu maˬ ngeuˇ. Ngaˇ naw maꞈ-ahˇ aˇ naˆ ni gaˬ-eu gaˇ kawˆ bi siˬ duˬ mawꞈ-eu ma.

1 Saˬmeuˬlaˆ 1:10

Haˬnahˬ nui ma cawˆ dui dui-eu laꞈ kʼoeˇ, guˇ guˇ-ehˇ ngoeˇ-awˇ, Sahˬpaˬ Miˬyehˇ-ahˇ guiˬ lahˬ shaˇ-euˬ meh.