Yawˇbaˆ 7:1 - Akha

¹ Tsawˇ haˬ zaˬ yaw dehꞈ dehꞈ-eu jeˬ-aˬ kʼaˆ behˆ baꞈ gaˇ duˇ-awˇ, myawˬ kʼaˆ ya mˇ dui dui-eu meh.

Yawˇbaˆ 7:1 Iomraidhean Croise

Yawˇbaˆ 10:17

Nawˇ ngaˬ-euˬ kʼoeˇ taˆ saˇ kiˇ saˇ seˬ aˬ myah luꞈ jaˆ luꞈ meh. Nawˇ ngaˬ-ahˇ nui ma pehˇ-eu jeˬ tiˬ jawˇ saˇ-iˬ tiˬ jawˇ huiˬ laˇ-awˇ, ngaˬ-ahˇ laˆ coeˬ-eu gʼaˇ duˬ aˬ myah luꞈ shaˇ noeˬ luꞈ meh.

Yawˇbaˆ 14:1

Zaˬ miˬ zaˬ-euˬ uˬ maˆ-ahˇ neh dehꞈ doˆ le-euˬ tsawˇ haˬ zaˬ-aˬ, dehꞈ ziˇ aˇ nah aˇ yamˬ nymˇ-awˇ, shaˬ zahˬ tiˬ byah ni jaˆ meh.

Yawˇbaˆ 5:7

Miˬ dzaˬ miˬ dziꞈ kʼoeˇ taˆ paw poˬ daˆ-eu yaw duˬ baw-eu loꞈ-ehˇ, yawˬ ha kʼoeˇ taˆ shaˬ zahˬ keuˆ le ni tsawˇ haˬ zaˬ yawˬ haˇ yawˬ ha mˇ-eu yaw duˬ baw-eu meh.

Yawˇbaˆ 7:2

Zaˬ kʼaˆ tiˬ gʼaˬ naˇ shmˇ ya awˆ gaˇ noeˬ tmˬ luꞈ gaˇ duˇ-awˇ, gʼaˬ mahˇ mahˇ zaˬ tiˬ gʼaˬ nah poeˬ biꞈ laꞈ gaˇ dawˬ luꞈ gaˇ duˇ-eu meh.

Jaceuq 39:4

“SahˬpaˬMiˬyehˇehˇnehˬlaꞈsheˇ. ngaˬ-euˬziˇlaw aˇmah ahˇ-awˇ, ngaˬ-euˬaˇnah aˇmyaˆjaˆ-awˇ, aˬmyah jiˇle ta lehˇehˇsheˇ.”

Dawˬ tsoˆ 8:8

Tsawˇ haˬ tiˬ gʼaˬ-iˬ ziˇ lahˬ maˬ ka nya-ehˇ, shiˇ nah maˬ shiˆ byoˆ nya-a. Kʼoeˇ-aˬ, aˬ dui maˬ dzeuˇ-iˇ nya ni ya deuˆ-eu guiˇ meh. Mehˇ shuiˇ maˬ shuiˇ dzeuˇ nya-a.

Iˇsaˬyaˇ 16:14

Nymˬ-mˇ Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ-euˬ pyuˇ shuiˇ myawˬ gahˬ dawˬ tawˆ luꞈ, smˇ kʼoꞈ laꞈ kʼoeˇ byoˆ le tehꞈ-a. Aˬ yawꞈ maꞈ-euˬ tsawˇ haˬ ui cuiˆ tehꞈ-ehˇ uˬ kʼawˇ dzeuˇ-iˇ-awˇ, kʼaˇ dzeuˇ-iˇ-euˬ deuˬ kʼawꞈ gʼaˬ baˬ dui dui tehꞈ-a.”

Iˇsaˬyaˇ 21:16

Kʼoeˇ naˇ, Sahˬpaˬ Miˬyehˇ ngaˬ-ahˇ ehˇ-eu, “Tiˬ kʼoꞈ daw law ni byah laˇ ngeh, Geˬdaˬ tsawˇ jeuˬ-euˬ huiˬ-eu yaw shehꞈ kʼahˬ sehˇ, piˬ le byoˆ le tehꞈ-a.

Iˇsaˬyaˇ 38:5

“Heˬsaˬgiˇ jawˇ gaˇ paˇ le-awˇ, heu loꞈ-ehˇ ehˇ nehˬ leˇ-awˬ. Nawˬ-euˬ aˬ poeˬ Daˬbiˇ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ nawˬ-euˬ shaˇ dawˬ gaˬ-awˇ, nawˬ-euˬ myaˆ biˇ-ahˇ ya mawˇ-euˬ ma. Ngaˇ nawˬ-ahˇ tseˇ ngaˬ kʼoꞈ paˇ bi dehꞈ ma.

Iˇsaˬyaˇ 40:2

“Yeˬluˇsaˬlehˬ meuˬ-ahˇ jawˇ-eu deuˬ-ahˇ gʼaˬ biꞈ nehˬ-awˬ. Aˬ yawꞈ maꞈ shaˬ zahˬ mˇ luꞈ-eu myahˇ laˇ-awˇ, nymˬ-mˇ aˬ yawꞈ maꞈ-ahˇ iˬ baˇ pyehˬ nehˬ-euˬ ma. Aˬ yawꞈ maꞈ neh mˇ-euˬ iˬ baˇ aˇ poeˬ, oꞈ-eu geuˇ-eu loꞈ-ehˇ kʼehˬ gʼaˬ kʼaˆ gʼaˬ-euˬ ma.”

Uˬ duˬ 25:50

Aˬ yawꞈ-ahˇ zeuˇ-euˬ yaw sahˇ gʼaˬ nehˬ-ehˇ aˬ yawꞈ ja cawˬ-awˇ, yawˬ haˇ yawˬ ha ahˬ dzaˬ-euˬ nah-ahˇ neh aˇ dahˬ beh-awˇ, Juˬbiˬliˬ Aˇ kʼoꞈ keuˆ le-eu gʼaˇ duˬ loˬ-eu aˇ kʼoꞈ aˇ la hawˇ-eu, gʼaˬ mahˇ mahˇ-eu tsawˇ haˬ tiˬ gʼaˬ za-eu gʼaˬ gaˇ aˇ poeˬ paw sawˇ tsaˬ-awˇ, yawˬ haˇ yawˬ ha ya zeuˇ kʼoꞈ meh.

Dawˬmehˬ 15:18

Nawˬ-euˬ zaˬ kʼaˆ -ahˇ nawˇ ya pyehˬ nehˬ ngeh, nui kʼahˇ maˬ shiˇ maˬ shiˇ-ehˇ taˬ gʼeh. Gʼaˬ mahˇ mahˇ dzaˬ-eu tsawˇ haˬ za-eu gʼaˬ gaˇ poeˬ tiˬ paˆ tehꞈ-ehˇ za-eu laꞈ kʼoeˇ, koꞈ kʼoꞈ keuˆ ni nawˬ-euˬ gaˇ aˬ yawꞈ mˇ nehˬ gʼaˬ-euˬ meh. Nawˇ kʼaˇ mˇ kʼaˇ shaˇ-eu jeˬ dawˬ tawˆ luꞈ laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ guiˬ lahˬ biꞈ nehˬ laꞈ tehꞈ-a.