Yawˇbaˆ 6:4 - Akha

⁴ Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

Yawˇbaˆ 6:4 Iomraidhean Croise

Yawˇbaˆ 16:9

Miˬyehˇ nui ma pehˇ-awˇ ngaˬ-ahˇ ngawˬ paˆ ngawˬ shaˆ-euˬ meh. Aˬ yawꞈ ngaˬ-ahˇ bye-awˇ mˇ guiˇ haw laˇ-eu meh.

Yawˇbaˆ 19:12

Aˬ yawꞈ-euˬ guiˇ maꞈ ngaˬ-ahˇ bi deuˆ le-awˇ, ngaˬ-euˬ sehˬ gʼawˆ-ahˇ taˆ duˬ jawˬ-awˇ loꞈ le-euˬ meh.

Yawˇbaˆ 20:16

Haiˬ-eu tsawˇ haˬ deuˬ neh kʼaˇ myoꞈ ahˇ-euˬ jeˬ doꞈ-ahˇ duˇ-awˇ, doꞈ kʼaˆ dui dui-eu aˇ lawˇ neh bi toˆ-euˬ loꞈ-ehˇ aˬ yawꞈ-ahˇ laˆ sehꞈ-eu meh.

Yawˇbaˆ 21:20

Iˬ baˇ mˇ-eu tsawˇ haˬ deuˬ yawˬ ha-euˬ iˬ baˇ yawˬ ha pi luꞈ-uˇ. Baoˬ huiˬ-eu Miˬyehˇ nui ma pehˇ-eu jeˬ-ahˇ aˬ yawꞈ maꞈ ya daˬ luꞈ-uˇ.

Yawˇbaˆ 30:15

Ngaˇ aˇ dzehˬ guˆ dzeuˇ-euˬ miˇ-a. Ngaˬ-euˬ kʼahˬ sehˇ jaˬ lehˇ neh baw byoˆ gʼeh-awˇ, ngaˬ-euˬ pyuˇ shuiˇ myawˬ gahˬ mˬ dmˇ loꞈ-ehˇ zaw byoˆ jiˇ-euˬ miˇ-a.

Yawˇbaˆ 31:23

Miˬyehˇ yaˇ kʼaˬ daˇ gaˇ ngaˇ guˆ-eu miˇ neh, kʼoeˇ loꞈ-ehˇ gʼeh-eu jeˬ tiˬ jawˇ-iˬ ngaˇ maˬ mˇ-aˬ.

Yawˇbaˆ 34:6

‘Ngaˇ maˬ lehˬ gaˇ lehˬ-eu ma lehˇ aˬ joˆ-ehˇ jaˬ myawꞈ myawꞈ-awˇ ehˇ nmˇ. Ngaˇ shiˇ taw tehˬ ni naˇ luꞈ gawˇ luꞈ kʼawꞈ, iˬ baˇ ahˇ-eu tsawˇ haˬ maˬ ngeuˇ’ lehˇ aˬ yawꞈ ehˇ-eu meh.

Yawˇbaˆ 7:20

Aˬ cawˬ-ahˇ paꞈ kuˆ-ahˇ dawˆ-eu gʼaˬ-oˇ, ngaˬ-euˬ iˬ baˇ nawˬ-ahˇ coeˬ-eu nya loˇ. Aˬ jeˬ miˇ neh ngaˬ-ahˇ tsawˇ tsaˬ tsoˆ-awˇ kʼehˬ te. Ngaˇ nawˬ-ahˇ aˇ dzehˬ-ehˇ bahˬ-eu nya loˇ.

Yawˇbaˆ 9:17

Ngaˇ tiˬ jeˬ-iˬ jahˇ taˬ-euˬ maˬ jaˆ gaˇ, aˬ yawꞈ jaˬ lehˇ lehˇ ma pyehˬ gʼeh leꞈ-awˇ, ngaˬ-ahˇ laˆ tahˬ laˆ naˇ nehˬ laꞈ-euˬ meh.

Jaceuq 143:7

Sahˬpaˬ Miˬyehˇ-oˇ, ngaˬ-euˬ shaˇ dawˬ naˇ haˬ nehˬ laꞈ. Noeˬ tmˬ kʼaˇ maˬ za miˇ-a. Shiˇ-eu miˇ kʼahˬ-ahˇ iˇ dzeuˇ-euˬ tsawˇ haˬ deuˬ jawˇ gaˇ, ngaˇ ya iˇ-eu keuˆ laˇ taˬ-euˬ miˇ neh, nawˬ-euˬ myaˆ pyawˬ taˬ ciˬ zaꞈ nehˬ laꞈ.

Jaceuq 18:14

Aˬyawꞈkaˆmyaˬbeuˆgʼeh leꞈ-awˇ, muiˇ-eu deuˬ-ahˇteh byaˆ-euˬmeh. Mˬjeˬtsawˬtehˆtehˆgʼeh leꞈ-awˇ, guˆ-iˇ-awˇbi cehˆbyaˆ-euˬmeh.

Jaceuq 21:12

Sahˬpaˬneh kaˆbi beuˆtahˬ-awˇ, naˇkʼah paw ya cehˆgʼoꞈtehꞈ-a.

Jaceuq 38:2

Nawˬ-euˬkaˆmyaˬbeuˆcoˆlaꞈ-awˇ, naw-euˬaˬlaꞈneh zuiˆ-euˬnya.

Jaceuq 38:3

Nawˇnui ma pehˇ-eu baˬda neh, geuꞈ-eu jeˬmaˬpaˇahˇmiˇ-a. Ngaˬneh mˇ-euˬ iˬbaˇbaˬda, yoeˬtsuiꞈyoeˬlaꞈgawˇdui dui nya.

Jaceuq 45:5

Nawˬ-euˬ kaˆ myaˬ taˆ dui dui-awˇ, muiˇ-eu deuˬ-euˬ nui ma-ahˇ beuˆ tsoˆ-eu laꞈ kʼoeˇ, aˬ cawˬ tsawˇ jeuˬ deuˬ nawˬ-euˬ aˬ kuiˇ dawˬ peh ya coˬ lah tehꞈ-a.

Jaceuq 7:13

Sehꞈ-eu keu ka lehˬhmˬtaˬ-awˇ, kaˆmyaˬneh mawˬdziˇtaˬ-euˬmeh.

Dawqdaq 14:10

Noeˬ shaˬ kʼawꞈ yawˬ ha kʼaˆ behˆ, noeˬ saˇ kʼawꞈ yawˬ ha shaˬ bymˇ meh. Suˇ ngehˬ gʼeh-ehˇ yawˬ kʼawˇ maˬ piˇ-a.

Dawqdaq 18:14

Dehꞈ mawꞈ-eu nui kʼahˇ naˇ gawˇ-ahˇ kamˬ coeˇ-awˇ, nui ma ga byaˆ-iˇ naˇ, noeˬ tmˬ kʼaˇ maˬ paˇ za meh.

Iˇsaˬyaˇ 28:19

Naw maꞈ kʼoeˇ taˆ guˆ-eu gaˆ-eu jeˬ tiˬ kʼehˬ maˬ taˬ ni keuˆ le-awˇ, yawˬ shawˬ na luꞈ shaˬ zahˬ ya mˇ-awˇ, uˬ ciꞈ nah gʼahˇ maˬ ehˇ ya daˬ tehꞈ-a. Miˬyehˇ-euˬ dawˬ kawˬ kʼaˇ gaˬ keuˆ le ngeh, naw maꞈ ya tsawˬ guˆ-iˇ tehꞈ-a.

Ngoeˇ dawˬ 2:4

Muiˇ-eu deuˬ neh jahˇ-euˬ loꞈ-ehˇ, nga maꞈ-ahˇ kaˆ ngoꞈ daˆ taˬ-awˇ, nga maꞈ nui kʼahˇ shiˇ-eu deuˬ-ahˇ, aˬ yawꞈ neh sehꞈ dzeh jiˇ-euˬ meh. Yeˬluˇsaˬlehˬ meuˬ heu laꞈ kʼoeˇ, aˬ yawꞈ-euˬ nui ma pehˇ-eu jeˬ, miˬ dzaˬ loꞈ-ehˇ luˬ laˇ-euˬ meh.

Ngoeˇ dawˬ 3:3

Aˬ yawꞈ aˬ laꞈ ngaˬ-ahˇ diˬ-eu, tiˬ nah nah ga maˬ naˬ leˇ-a.

Maˬkuˆ 15:34

Uˬ ciꞈ uˬ taw naˬ liˬ smˇ laꞈ byah laˇ ngeh, Yeˬsuˇ yaw kʼaˆ-ehˇ guˇ-awˇ, “Eˇ liˇ, Eˇliˇ, laˬ maˬ saˬ baˇ taˬ niˬ” lehˇ ehˇ-eu meh. Dawˬ tsuiꞈ-aˬ, “Ngaˬ-euˬ Miˬyehˇ-oˇ, ngaˬ-euˬ Miˬyehˇ-oˇ, aˬ jeˬ miˇ neh ngaˬ-ahˇ byehˇ dzeh nehˬ laꞈ te” lehˇ ehˇ mawꞈ-eu meh.

2 Gawˇliˬtu 5:11

Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.

Dawˬmehˬ 32:42

Ngaˬ-euˬ kaˆ myaˬ shiˬ dawˇ yehꞈ-awˇ, ngaˬ-euˬ mi cehˇ shaˬ jiˇ dzaˬ-ehˇ, ngaˬ-ahˇ guiˇ kʼaˇ deuˆ laˇ-eu deuˬ, tiˬ gʼaˬ-iˬ maˬ bi dzeuˇ-iˇ ma. Deuˆ tahˬ-awˇ nyehꞈ mi-euˬ deuˬ kʼawꞈ, dawˬ tawˆ luꞈ ya shiˇ jiˇ tehꞈ-a.’

Luˇta 1:20

Kʼoeˇ ngeh, zaˬ miˬ zaˬ kʼoeˇ deuˬ-ahˇ Nawˇmi ehˇ nehˬ-eu, “Ngaˬ-ahˇ Nawˇmi‘Nawˇmi’ lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘laˬ kʼaˬ cehˇ-eu’ lehˇ ehˇ mawꞈ-eu meh.* lehˇ taˬ paˇ kuˇ. Maˬlahˬ‘Maˬlahˬ’, lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘shaˬ zahˬ’ naꞈ-eu lehˇ ehˇ mawꞈ-eu meh.* lehˇ kuˇ-awˬ. Aˬ jeˬ miˇ neh ehˇ naˇ, Baoˬ huiˬ-eu Miˬyehˇ ngaˬ-ahˇ shaˬ zahˬ bi keuˆ le-euˬ meh.