Yawˇbaˆ 6:15 - Akha

¹⁵ Ehˇ kʼawꞈ, ngaˬ-euˬ cawˬ deuˬ-oˇ, uˬ yehˇ maˬ jaˆ ngeh gui-iˇ-eu lawˇ gawˆ deuˬ loꞈ-ehˇ, naw maꞈ ngaˬ-ahˇ saˇ jaˇ maˬ ziꞈ-a.

Yawˇbaˆ 6:15 Iomraidhean Croise

Yawˇbaˆ 11:16

Iˇ jeuˬ oe-euˬ myahˇ laˇ ngeh ngehˇ-eu loꞈ-ehˇ, nawˬ-euˬ shaˬ zahˬ nawˇ ngehˇ byoˆ jiˇ tehꞈ-a.

Yawˇbaˆ 13:4

Naw maꞈ-aˬ, yawˬ ha maˬ siˬ maˬ nya-eu jeˬ-ahˇ jaˬ myawꞈ myawꞈ-eu laꞈ kʼoeˇ dehˬ kaˬ-awˇ, naˇ gawˇ maˬ laˆ taˬ nya-eu jaˆ gʼaˬ yaˇ-eu tsawˇ haˬ-ahˇ duˇ-eu meh.

Yawˇbaˆ 14:11

Iˇ cuꞈ yoeˇ gui-euˬ lawˇ baˬ hawˇ-eu, gui-iˇ-euˬ lah loꞈ-ehˇ,

Yawˇbaˆ 19:13

“Ngaˬ-euˬ mehˇ nmˇ deuˬ ngaˬ-ahˇ byehˇ dzeh ni Miˬyehˇ jahˇ-awˇ, ngaˬ-ahˇ gʼoeˇ-eu deuˬ kʼawꞈ boeˇ miˬ siˬ kʼaˬ loꞈ-ehˇ pyeuꞈ jiˇ-euˬ meh.

Yawˇbaˆ 19:19

Ngaˇ gʼoeˇ dui dui-eu cawˬ deuˬ ngaˬ-ahˇ nui daˆ daˆ-awˇ, ngaˇ gaˬ dui dui-eu tsawˇ haˬ deuˬ ngaˬ-ahˇ byehˇ dzeh-euˬ meh.

Yawˇbaˆ 6:16

Lawˇ gawˆ kʼoeˇ deuˬ-ahˇ ceuˬ hawˇ-eu ngehˇ teuˇ laˇ taˬ-euˬ meh.

Jaceuq 38:11

Maˇcuˬmaˇlu lu-eu miˇneh, cawˬyaw gʼoeˇdeuˬmaˬlaˇpeuˬ-ehˇ, ngaˬ-euˬnymˇkʼahˬzaˬ-ahˇkeuˆni, dawˬpeh maˬlaˇni yahˇ-eu meh.

Jaceuq 41:9

Ngaˬnehˬ-ehˇdzaˬtaꞈdawˇtaꞈ-euˬ, gʼoeˇdui dui-eu cawˬ-ahˇkeuˆni, ngaˬ-ahˇjahˇgʼeh haw luꞈ-eu meh.

Jaceuq 88:18

Gʼoeˇ dui dui-eu cawˬ deuˬ ngaˬ-ahˇ byehˇ dzeh ni nawˇ jahˇ-awˇ, ngaˬ-euˬ gʼaˇ duˬ dzeˇ luꞈ-eu cawˬ-aˬ, zahˇ tsui ni gʼeh-eu jeˬ tehꞈ ma.

Dawqdaq 25:19

Shaˬ-eu zahˬ-eu jeˬ puˬ le mawˇ le ngeh, saˇ jaˇ maˬ jawˇ-eu tsawˇ haˬ-ahˇ gʼoe-eu jeˬ-aˬ, seuˬ ga dzaˇ myuˇ myuˇ-awˇ, kuiˇ kuˆ gaˇ ma cah-eu loꞈ-ehˇ doeˇ-eu meh.

Yeˬlaˬmiˇ 12:6

Nawˬ-euˬ mehˇ nmˇ hawˇ-eu aˬ yuiꞈ aˬ nyiˇ nawˬ-ahˇ puiˬ-awˇ, nawˬ-ahˇ ceh-eu deuˬ-ahˇ gʼaˬ biꞈ-eu meh. Aˬ yawꞈ maꞈ dawˬ muiˬ ngehˬ gaˇ nawˇ taˬ jah.”

Yeˬlaˬmiˇ 15:18

Aˬ jeˬ miˇ neh ngaˬ-euˬ naˇ gawˇ taˬ leˇ-euˬ maˬ baw ta. Jawˇ la yamˬ-ahˇ gui-iˇ-eu lawˇ gawˆ loꞈ-ehˇ, nawˇ ngaˬ-ahˇ bi shaˬ-eu gʼeh te loˇ.”

Yeˬlaˬmiˇ 30:14

Yaw beh naw maꞈ-ahˇ gaˬ-euˬ tsawˇ haˬ deuˬ, naw maꞈ-ahˇ ngehˇ tsehˆ jiˇ-awˇ, naw maꞈ gaˇ kawˆ maˬ shaˇ noeˬ-a. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ muiˇ-eu laꞈ kʼoeˇ, yaw kʼaˆ-ehˇ kʼehˬ-euˬ ma.

Yeˬlaˬmiˇ 38:22

Yuˇdaˆ sahˬ paˬ-euˬ hawˇ nymˇ laꞈ kʼoeˇ kʼaˇ dzeˇ-eu zaˬ miˬ zaˬ deuˬ-ahˇ, Baˬbuˇloˬ tsawˇ haˬ yaw huiˬ yaw mahˇ deuˬ jawˇ gaˇ sheuˬ doˆ gʼeh nehˬ-eu ngaˇ ya mawˇ-euˬ ma. Aˬ yawꞈ maꞈ heu loꞈ-ehˇ ehˇ-awˇ doˆ-iˇ luꞈ-eu meh. ‘Sahˬ paˬ-ahˇ gʼoeˇ dui dui-eu cawˬ deuˬ, sahˬ paˬ-ahˇ tsawˇ gahˇ gahˇ gʼaˬ-euˬ meh. Sahˬ paˬ aˬ kuiˇ lah yaˬ-ahˇ nawˬ pahˬ-awˇ, cawˬ deuˬ byehˇ dzeh nehˬ yaꞈ-euˬ meh’ lehˇ ehˇ-eu meh.”

Yoˇhaˬ 13:18

“Naw maꞈ dawˬ tawˆ luꞈ gaˇ kawˆ ngaˇ ehˇ luꞈ-eu maˬ ngeuˇ. Ngaˬ neh tseˇ doˆ-euˬ tsawˇ haˬ deuˬ ngaˇ siˬ nya ma. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ, ‘Ngaˬ nehˬ-ehˇ gʼawˬ nyoeˇ kʼmˬ maˬ taꞈ-eu gʼaˬ ngaˬ-ahˇ puiˬ-eu meh’ lehˇ ehˇ-eu dawˬ kʼoeˇ dawˬ maˬ byah laˇ-ehˇ maˬ gʼeh nya-a.

Yoˇhaˬ 16:32

Naw maꞈ dawˬ tawˆ luꞈ bi teh byaˆ jiˇ-awˇ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-awˇ, ngaˬ-ahˇ tehꞈ-ehˇ byehˇ dzeh yaꞈ-eu aˇ yamˬ keuˆ le luꞈ meh. Aˇ yamˬ kʼoeˇ aˬ diˇ keuˆ le taˬ-euˬ meh. Ehˇ kʼawꞈ, ngaˇ-aˬ, tiˬ gʼaˬ tehꞈ maˬ ngeuˇ. Aˬ jeˬ miˇ neh ehˇ naˇ, Aˬda ngaˬ nehˬ-ehˇ jawˇ ma.

Yuˇdaˆ 1:12

Aˬ yawꞈ maꞈ yawˬ ha uˬ maˆ dehˆ ni tehꞈ-ehˇ shaˇ sawˇ-awˇ, shaꞈ dawˇ-eu maˬ baw ni dzaˬ-eu dawˇ-eu aˇ dzehˬ-ehˇ gʼeh-eu kʼoeˇ-aˬ, naw maꞈ gʼoeˇ-eu gaˬ-eu laꞈ kʼoeˇ dzaˬ taꞈ dawˇ taꞈ-eu hawˬ byawˇ-ahˇ laˆ jawꞈ gaˇ duˇ-eu meh. Aˬ yawꞈ maꞈ-aˬ, jaˬ lehˇ neh bi baw ha gʼeh-euˬ uˬ yehˇ maˬ ahˇ-eu mˬ dmˇ-ahˇ duˇ-eu meh. Aˇ siˬ siˬ yamˬ-ahˇ maˬ siˬ le-eu miˇ neh puˇ ngawˬ ciˇ lehˆ-ehˇ bi gʼawˇ dzeh-awˇ nyiˬ poˆ shiˇ-euˬ aˇ siˬ aˇ bawˇ-ahˇ duˇ-eu meh.