Yawˇbaˆ 5:9 - Akha

⁹ Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Yawˇbaˆ 5:9 Iomraidhean Croise

Yawˇbaˆ 10:16

Ngaˇ tiˬ jeˬ paˬ mˇ pyeuꞈ-eu lehˇ gʼeh ngeh, aˇ laˬ jaˬ shiˇ loꞈ-ehˇ nawˇ ngaˬ-ahˇ teh le-awˇ, ngaˬ-ahˇ laˆ coeˬ laˆ ciˆ-eu gʼaˇ duˬ, kʼaˆ jeˬ-ehˇ gʼeh-eu jeˬ kʼawꞈ nawˇ mˇ-eu meh.

Yawˇbaˆ 13:1

Naw maꞈ kʼaˇ ehˇ-eu yawˬ jeˬ na luꞈ-ahˇ ngaˇ myaˆ mawˇ haw-awˇ, naˬ gaˬ haw-euˬ ma.

Yawˇbaˆ 37:14

Yawˇbaˆ-oˇ, tiˬ kʼehˇ kʼehˬ naˬ-awˇ ngaˇ ehˇ gaˇ paˇ naˇ haˬ sheˇ. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kawˆ deuˬ shaˇ noeˬ haw sheˇ.

Yawˇbaˆ 37:16

Zahˬ leˇ dui dui paˬ-ehˇ tsawˇ gahˇ ahˇ-eu Miˬyehˇ neh, mˬ dmˇ deuˬ mˬ kʼoeˇ taˆ jaˆ nya ni aˬ joˆ-ehˇ jahˇ taˬ-euˬ nawˇ siˬ nya ma loˇ.

Yawˇbaˆ 37:5

Miˬyehˇ dawˬ biꞈ ngeh aˬ dui zahˬ leˇ paˬ-ehˇ gʼeh-eu kʼaˆ jeˬ-ehˇ gʼeh-eu jeˬ pyeuꞈ doˆ laˇ-eu meh.

Yawˇbaˆ 42:3

Ngaˬ-euˬ tsawˇ gahˇ-ahˇ teh ngehˬ laˇ-eu tsawˇ gahˇ tiˬ pawꞈ-iˬ maˬ ahˇ-eu tsawˇ haˬ heu gʼaˬ aˬ suˇ gʼaˬ-a lehˇ, nawˇ ngaˬ-ahˇ naˇ haˬ-eu meh. Ngaˬ-euˬ gʼaˇ duˬ zahˬ dui dui leˇ paˬ-ehˇ gʼeh-eu ngaˇ maˬ siˬ nya-eu gaˇ kawˆ deuˬ-ahˇ ngaˇ ngehˬ dzeuˇ tmˇ dzeuˇ-euˬ ma.

Yawˇbaˆ 9:10

Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Jaceuq 139:18

Nawˬ-euˬ nui noeˬ-ahˇ ngaˇ gui haw naˇ, kʼaˇ shuiꞈ myaˆ maˬ tseˇ myaˬ gaˇ ya mawˇ tehꞈ-a. Ngaˇ uˬ noeˬ noeˬ laˇ kʼawꞈ, nawˬ nehˬ-ehˇ jawˇ luꞈ nya siˬ.

Jaceuq 145:3

Sahˬpaˬ Miˬyehˇ huiˬ dui mahˇ dui dui-awˇ, ja ceuˬ dui dui paˬ-ehˇ gʼeh-eu meh. Aˬ yawꞈ huiˬ dui mahˇ dui dui-eu gaˇ kawˆ, aˬ dui maˬ noeˬ miˇ coeˇ-a.

Jaceuq 40:5

Nga maꞈjah-eu Miˬyehˇpyeuꞈ-eu, nga maꞈ-euˬSahˬpaˬMiˬyehˇ-oˇ, kʼaˆjeˬ-ehˇgʼeh-eu gʼawˬmya jeˬ, nga maꞈgʼaˇduˬnawˇmˇ-euˬmeh. Nawˇloꞈ-ehˇgaˇkawˆkawˆnya-eu, nawˬ-ahˇduˇ-eu gʼaˬmaˬjawˇ-a. Nawˬneh mˇnehˬlaꞈ-euˬgaˇdeuˬ, kʼaˬmeh neh maˬja jiˇcoeˇnya.

Jaceuq 40:6

Lawˇ-eu shehˇ-eu nawˇmaˬmawꞈ-a. Miˬdzaˬdzah-awˇlawˇ-eu maˬehˇ, iˬbaˇshawˇ-eu lawˇ-eu maˬehˇ, nawˇgeuꞈmawꞈ-eu jeˬmaˬngeuˇ-a. Ehˇkʼawꞈnaˇhaˬgeuꞈ-eu naˬbawˇ, nawˇngaˬ-ahˇbiꞈnehˬlaꞈ-euˬmeh.

Jaceuq 72:18

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ tehꞈ-ehˇ zahˬ leˇ paˬ-ehˇ gʼeh-eu gaˇ heu deuˬ mˇ-eu meh.

Jaceuq 86:10

Nawˇ-aˬ, baoˬ huiˬ-awˇ zahˬ leˇ paˬ-ehˇ gʼeh-eu jeˬ mˇ nya-eu meh. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh.

Dawˬ tsoˆ 3:11

Yawˬ jeˬ na luꞈ gʼaˇ duˬ aˬ yawꞈ neh yamˬ law toꞈ tsaˬ taˬ-euˬ meh. Mehˬ hu paw pyeuꞈ laˇ-eu gaˇ kawˆ siˬ mawꞈ mawˇ mawꞈ-eu nui ma, tsawˇ haˬ zaˬ-ahˇ aˬ yawꞈ biꞈ taˬ-euˬ meh. Ehˇ kʼawꞈ, aˬ yawꞈ neh mˇ-euˬ gaˇ-ahˇ aˇ dahˬ beh gaˇ neh aˇ saˬ saˬ gaˇ keuˆ ni maˬ bi siˬ duˬ-a.

Iˇsaˬyaˇ 40:28

Nawˇ maˬ siˬ nya te loˇ. Nawˇ maˬ ya gaˬ-aˬ loˇ. Sahˬpaˬ Miˬyehˇ mˬ maˬ maˬ byaˆ zaˇ ziˇ Miˬyehˇ pyeuꞈ-awˇ, miˇ dawˬ tawˆ luꞈ-ahˇ beh-euˬ meh. Aˬ yawꞈ gʼaˬ doeˇ doeˇ-awˇ gʼaˬ baˬ-eu maˬ baw-ehˇ, aˬ yawꞈ nui noeˬ tiˬ gʼaˬ-iˬ maˬ siˬ duˬ nya-a.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.