Yawˇbaˆ 5:2 - Akha

² Shiˇ gaˇ keuˆ ni noeˬ shaˬ-eu-aˬ, tsawˇ uˬ deuˬ mˇ-eu gaˇ meh.

Yawˇbaˆ 5:2 Iomraidhean Croise

Aˇ dahˬ 30:1

Laˬkeˬlaˇ-aˬ, Yaˬkoˆ gʼaˇ duˬ zaˬ tiˬ gʼaˬ-iˬ maˬ bi jawˇ le nya-eu miˇ neh aˬ yawꞈ-euˬ aˬ yuiꞈ Leˇaˬ-ahˇ myaˆ naˆ-awˇ, “Ngaˬ-ahˇ zaˬ bi jawˇ le nehˬ laꞈ. Zaˬ maˬ jawˇ le naˇ, shiˇ-eu maˬ ngeuˇ naˇ maˬ paˇ dzeˇ miˇ-a” lehˇ Yaˬkoˆ-ahˇ ehˇ nehˬ-euˬ meh.

Aˇ dahˬ 38:9

Aˬ yawꞈ-euˬ aˬ tsu nehˬ-ehˇ aˬ yawꞈ yuꞈ taꞈ-awˇ, zaˬ jawˇ le law hawˇ kʼawꞈ, aˬ yawꞈ maˬ ya geuꞈ-eu gaˇ kawˆ Awˇnaˬ siˬ nya-eu miˇ neh, aˬ yawꞈ-euˬ aˇ doˆ gʼaˇ duˬ zaˬ maˬ bi jawˇ le mawꞈ-ehˇ, aˬ yawꞈ-euˬ aˬ tsu nehˬ-ehˇ kʼaˇ yuꞈ taꞈ-eu yawˬ poˆ na luꞈ, aˇ yoeˬ laꞈ nyiˇ paw poeˬ dzeh-euˬ meh.

Yawˇbaˆ 18:4

Nawˇ nui ma pehˇ-eu teu-aˬ, yawˬ haˇ yawˬ ha coeˬ leˇ ni mˇ-eu tehꞈ nga. Nawˇ nui ma pehˇ-eu miˇ neh, miˇ tsaˬ tahˬ kʼawˇ heu cawˬ maˬ baw-ehˇ pyeuꞈ-iˇ tehꞈ-a loˇ. Nawˇ nui kʼahˇ bi shiˇ-eu lehˇ Miˬyehˇ gawˬ jawˬ deuˬ-ahˇ ciˬ jiˆ nehˬ laꞈ tehꞈ-a loˇ.

Jaceuq 107:17

Tiˬ paˆ na deuˬ iˬ baˇ baˬ da neh tsawˇ uˬ uˬ-iˇ-awˇ, yaw haiˬ jeˬ mˇ-euˬ baˬ da neh ya shaˬ ya zahˬ-eu meh.

Jaceuq 14:1

Aˬdzawˬaˇgah nui ma laꞈkʼoeˇ, “Miˬyehˇmaˬjawˇ” lehˇehˇ-eu meh. Aˬyawꞈmaꞈneh dehꞈcawˆjiˇ-awˇ, guˆlaˇpaˬ-ehˇ mˇluꞈ-eu meh. Yaw muiˬtiˬgʼaˬ-iˬ maˬmˇ-a.

Jaceuq 75:4

Maˬ tsaˬ maˬ dawˇ-eu tsawˇ haˬ deuˬ taˬ jahˇ gʼeh lehˇ ngaˇ ehˇ-awˇ,

Jaceuq 92:6

Maˬ gahˇ-eu tsawˇ haˬ deuˬ gaˇ kʼoeˇ deuˬ-ahˇ maˬ siˬ nya-ehˇ, aˬ dzawˬ aˇ gah deuˬ maˬ noeˬ mawˇ nya-a.

Dawqdaq 12:16

Aˬ dzawˬ aˇ gah-euˬ nui pehˇ bya cehˆ ni mawˇ laˇ kʼawꞈ, tsawˇ gahˇ ahˇ-eu deuˬ dawˬ doeˇ oˇ dzeuˇ nya-eu meh.

Dawqdaq 19:16

Miˬ yehˇ-euˬ zahˇ dawˬ-ahˇ gʼoe-eu tsawˇ haˬ ziˇ baw-awˇ, zahˇ dawˬ-ahˇ yaw zeu maˬ baw-eu tsawˇ haˬ ziˇ teˬ tehꞈ-a.

Dawqdaq 19:19

Nui ma huiˬ-eu tsawˇ haˬ lehˬ-eu shaˬ bymˇ bi tawˆ-awˬ. Aˬ yawꞈ-ahˇ ka kʼoꞈ nehˬ-eu aˇ saˬ saˬ-euˬ maˬ baw-a.

Dawqdaq 27:3

Kʼaˬ lo hawˇ-eu kʼaˇ shuiꞈ yaw kah meh. Ehˇ kʼawꞈ, aˬ dzawˬ aˇ gah kʼoeˇ naˆ maˬ tseˇ kah-eu meh.

Dawqdaq 8:5

Dawˇ ga deuˬ-oˇ, siˬ laˇ gahˇ laˇ-awˬ. Aˬ dzawˬ aˇ gah deuˬ-oˇ, nui ma-ahˇ noeˬ-awˬ.

Dawˬ tsoˆ 7:9

Nui ma pehˇ-eu taˬ tehˬ. Nui pehˇ-euˬ jawˇ duˬ-aˬ, aˬ dzawˬ aˇ gah-euˬ bawˇ kʼahˇ meh.

Hawˇseˬ 7:11

Iˇsaˬleˬlaˆ-euˬ bawˬ toˆ-aˬ, kʼaˬ kʼoeˬ dawˇ ga tiˬ mawˇ loꞈ-ehˇ, Iˇjiˇtuˆ-ahˇ tahˬ shaˇ-iˇ haw, Aˬshuˇliˆ-ahˇ cehˆ keuˆ leˇ haw, tsawˬ toeˬ tsawˬ daˆ-ehˇ shaˬ luꞈ meh.

Yawˇnaˆ 4:9

Ehˇ kʼawꞈ, “Aˇ bawˬ teu bawˬ-ahˇ taꞈ leˇ-awˇ nawˇ aˬ jeˬ nui ma pehˇ kʼaˇ za te” lehˇ aˬ yawꞈ-ahˇ Miˬyehˇ ehˇ nehˬ-euˬ meh. Yawˇnaˆ ehˇ-eu, “Ngaˇ nui ma pehˇ kʼaˇ za tehꞈ-a. Shiˇ paˬ-ehˇ pehˇ dui dui laˇ nya.”

Lormav 2:8

Tsawˇ haˬ tiˬ paˆ na deuˬ-aˬ, smˇ kʼaˆ kʼaˆ-awˇ, yaw tsaˬ yaw dawˇ jeˬ-ahˇ maˬ geuꞈ-ehˇ, maˬ tsaˬ maˬ dawˇ-eu jeˬ-euˬ mehˬ nah iˇ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ kʼoeˇ taˆ Miˬyehˇ nui ma pehˇ-eu jeˬ tahˬ daˆ nehˬ tehꞈ-a.

2 Tiˆmoˇseˬ 3:6

Aˬ yawꞈ maˬ tiˬ paˆ na deuˬ aˬ cawˬ-euˬ nymˇ-ahˇ iˇ-awˇ, iˬ baˇ kʼaˆ behˆ kah-awˇ shiˬ shaˬ jiˇ nui loˆ gʼawˬ mya jeˬ mehˬ nah caw teh luꞈ-eu gʼaˬ baˬ-eu zaˬ mi zaˬ deuˬ-ahˇ shuiˇ tawˆ geuꞈ-eu meh.