Yawˇbaˆ 4:8 - Akha

⁸ Tsawˇ haˬ zaˬ maˬ muiˬ maˬ jaˬ-eu deh ma tsehˬ-awˇ, haiˬ-eu siˬ yoeˬ sehˬ-eu laꞈ kʼoeˇ, yaw haiˬ jeˬ hawˇ-eu maˬ muiˬ maˬ jaˬ-eu aˇ nuiˆ deuˬ aˬ yawꞈ maꞈ yehˬ uiˬ diˬ uiˬ luꞈ meh.

Yawˇbaˆ 4:8 Iomraidhean Croise

Yawˇbaˆ 15:31

Yaw haiˬ jeˬ-ahˇ gʼoe gaˇ keuˆ ni aˬ yawꞈ aˬ dzawˬ dzawˬ naˇ, yaw haiˬ jeˬ-euˬ laꞈ sawˬ aˬ yawꞈ za tehꞈ-a.

Yawˇbaˆ 15:35

Tsawˇ haˬ kʼoeˇ deuˬ-aˬ, aˬ cawˬ-ahˇ laˆ shaˬ laˆ zahˬ-eu jeˬ shaˇ noeˬ-awˇ, yaw haiˬ jeˬ mˇ doˆ laꞈ-eu meh. Aˬ cawˬ-ahˇ myawꞈ dzaˬ gahˇ dzaˬ-eu nui noeˬ aˬ yawꞈ maꞈ-euˬ nui ma laꞈ kʼoeˇ aˬ myah luꞈ byah luꞈ-eu meh.”

Dawqdaq 1:31

yawˬ ha kʼaˇ sehˬ taˬ-euˬ jeˬ ya yehˬ-awˇ, yawˬ ha neh yaw doeˇ jahˇ-euˬ jeˬ, yawˬ ha-ahˇ gʼoꞈ kʼoꞈ laˇ tehꞈ-a.

Dawqdaq 22:8

Maˬ tsaˬ maˬ dawˇ-eu siˬ yoeˬ sehˬ naˇ, shaˬ zahˬ dehꞈ doˆ laˇ-awˇ, aˬ cawˬ kʼoeˇ taˆ maˬ kʼaˆ dzaˬ nya ni pyeuꞈ laˇ tehꞈ-a.

Iˇsaˬyaˇ 17:11

ka ngeh nah neh mehˇ laˇ-awˇ, aˇ yoeˬ sehˬ ngeh shawˬ neh aˇ yehˆ yehˆ kʼawꞈ, yehˬ dzaˬ diˬ dzaˬ-eu maˬ oꞈ-ehˇ, tiˬ jawˇ-iˬ maˬ ngehˇ leˇ coeˇ ni ya noeˬ shaˬ tehꞈ-a.

Yeˬlaˬmiˇ 4:18

Yuˇdaˆ miˇ kʼahˬ-oˇ, nawˬ neh dehꞈ dzeuˇ mˇ dzeuˇ-euˬ jeˬ baˬ da, nawˬ-euˬ kʼoeˇ taˆ heu loꞈ-ehˇ gʼeh-eu jeˬ keuˆ le-euˬ meh. Nawˬ-euˬ iˬ baˇ baˬ da shaˬ zahˬ heu keuˆ le-awˇ, nawˬ-euˬ nui ma-ahˇ teˇ tsoˆ nehˬ-euˬ meh.

Hawˇseˬ 8:7

Jaˬ lehˇ aˇ yoeˬ sehˬ-euˬ miˇ neh, jaˬ lehˇ lehˇ ma ya yehˬ tehꞈ-a. Cehˇ nmˇ maˬ myah laˇ-euˬ cehˇ yaˇ, hawˬ mˇ saꞈ-awˇ maˬ dzaˬ nya-a. Paˇ mˇ saꞈ dzaˬ nya law hawˇ kʼawꞈ, aˬ cawˬ tsawˇ jeuˬ dzaˬ jiˇ tehꞈ-a.

2 Gawˇliˬtu 9:6

Ngaˇ ehˇ mawꞈ-eu-aˬ, heu loꞈ-ehˇ ma. Ui cuiˆ tehꞈ-ehˇ sehˬ-euˬ tsawˇ haˬ-aˬ, ui cuiˆ tehꞈ-ehˇ ya yehˬ tehꞈ-a. Gʼawˬ mya ni sehˬ-euˬ tsawˇ haˬ-aˬ, gʼawˬ mya ni ya yehˬ tehꞈ-a.