Yawˇbaˆ 4:3 - Akha

³ Tsawˇ haˬ gʼawˬ mya gʼaˬ-ahˇ nawˇ mehˬ nehˬ tsoˆ nehˬ haw-awˇ, gʼaˬ byehˆ byehˆ-eu deuˬ-ahˇ gʼaˬ biꞈ haw-euˬ meh.

Yawˇbaˆ 4:3 Iomraidhean Croise

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

Eˇzaˬlaˬ 6:22

Shiꞈ nah keuˆ ni, laˬ kʼaˬ tiˬ cehˇ Dehˬ tseˬ maˬ ahˇ-eu kaˬ muˇ dzaˬ-eu bawˬ-iˬ aˬ yawꞈ maꞈ gʼeh-euˬ meh. Aˬshuˇliˆ sahˬ paˬ aˬ yawꞈ maꞈ-ahˇ nui ma taꞈ laˇ-awˇ, Iˇsaˬleˬlaˆ tsawˇ jeuˬ-euˬ Miˬyehˇ-euˬ Uˬ duˬ tahˬ nymˇ nymˇ ma tsoˆ gaˇ aˬ yawꞈ maꞈ-ahˇ caw ba nehˬ laꞈ ni Sahˬpaˬ Miˬyehˇ jahˇ-euˬ miˇ neh, aˬ yawꞈ maꞈ laˬ kʼaˬ cehˇ dui dui-eu meh.

Yawˇbaˆ 16:5

Muiˬ-eu nui noeˬ nui duˇ biꞈ-eu dawˬ neh naw maꞈ-ahˇ gʼaˬ biꞈ-awˇ, naw maꞈ nui ma saˇ laˇ ni kʼawꞈ, ngehˬ nya tmˇ nya ma.

Yawˇbaˆ 29:11

Ngaˬ-ahˇ mawˇ haw-euˬ deuˬ hawˇ-eu ngaˬ-euˬ gaˇ kawˆ gaˬ haw-euˬ deuˬ yawˬ gʼaˬ na luꞈ, ngaˬ neh mˇ-euˬ muiˬ-eu jeˬ gaˇ kawˆ ja-eu meh.

Yawˇbaˆ 29:15

myaˆ behꞈ deuˬ gʼaˇ duˬ myaˆ nuiˆ geuꞈ-awˇ, kuiˇ kuˆ deuˬ gʼaˇ duˬ aˬ kuiˇ geuꞈ-euˬ ma.

Yawˇbaˆ 29:16

Shaˬ zaˬ zahˬ zaˬ deuˬ gʼaˇ duˬ ngaˇ aˬ da loꞈ-ehˇ pyeuꞈ-awˇ, boeˇ miˬ siˬ kʼaˬ deuˬ shaˬ laˇ ngeh caw ba nehˬ-euˬ ma.

Yawˇbaˆ 29:21

Ngaˇ nui noeˬ nui duˇ kʼaˇ biꞈ ngeh, dawˬ tawˆ luꞈ ciˬ cuˇ ni jawˇ-awˇ, yaw muiˬ paˬ-ehˇ naˇ haˬ geuꞈ-eu meh.

Yawˇbaˆ 4:4

Tsawˇ haˬ tiˬ gʼaˬ na sahˬ tiꞈ tiꞈ-eu miˇ neh, gʼaˬ byehˆ byehˆ-awˇ gʼaˬ doeˇ doeˇ ngeh, nawˬ-euˬ dawˬ gaˬ-awˇ gʼaˬ ahˇ-eu laꞈ kʼoeˇ yawꞈ ziꞈ nya-eu meh.

Dawqdaq 10:21

Tsawˇ jaˬ-euˬ dawˬ pu-ahˇ mˇ cu-awˇ, aˬ dzawˬ aˇ gah bawˬ toˆ yawˬ haˇ yawˬ ha laˆ sehꞈ-eu meh.

Dawqdaq 15:7

Zaˬ siˬ mehˬ laˇ tsawˇ gahˇ dzaˇ lahˬ, dawˇ ga nui ma jaˬ lehˇ kʼehˬ bahˬ.

Dawqdaq 16:21

Nui ma laꞈ kʼoeˇ zaˬ siˬ tsawˇ gahˇ byah-eu gʼaˬ, noeˬ siˬ noeˬ mawˇ nya-eu tsawˇ haˬ lehˇ bi kuˇ-awˇ, naˇ haˬ mawꞈ-eu dawˬ ngehˬ nya-eu tsawˇ haˬ-ahˇ, aˬ cawˬ ya leˇ-eu meh.

Iˇsaˬyaˇ 35:3

Gʼaˬ juˬ-eu aˬ laꞈ hawˇ-eu yaˇ laˇ-euˬ pawˬ tsuiꞈ-ahˇ, gʼaˬ biꞈ lahˬ nehˬ-awˬ.

Iˇsaˬyaˇ 50:4

Nui ma cawˆ-eu deuˬ-ahˇ gʼaˬ biꞈ-eu dawˬ ngehˬ nehˬ nya ni, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, ngaˬ-ahˇ mehˬ laꞈ tsoˆ laꞈ-euˬ meh. Aˬ yawꞈ ngaˬ-ahˇ mehˬ nehˬ tsoˆ nehˬ laꞈ-eu jeˬ-ahˇ, ngaˇ nui ma keuˆ-awˇ naˇ haˬ ni, yawˬ shawˬ na luꞈ ngaˬ-ahˇ aˬ yawꞈ laˆ noeˬ-eu meh.

Yeˬsaˬgeˬlaˇ 13:22

“Ngaˇ maˬ bi mˇ coeˬ mawꞈ-eu tsawˇ muiˬ deuˬ-ahˇ, naw maꞈ jaˬ myawꞈ mehˇ shuiˇ neh guˆ tsiˬ nyehꞈ-euˬ meh. Haiˬ-eu tsawˇ haˬ deuˬ yaw haiˬ jeˬ byehˇ dzeh-awˇ, saꞈ laˇ buˬ-iˇ ni maˬ bi mˇ-eu gʼaˇ duˬ, naw maꞈ laˆ tsoeˬ-euˬ meh.

Zeˬpaˬniˇ 3:16

Yeˬluˇsaˬlehˬ meuˬ-ahˇ aˬ cawˬ, heu loˇ ehˇ-eu tiˬ nah jaˆ meh. “Ziˇoˬ meuˬ-oˇ, taˬ guˆ taˬ gaˆ, nawˬ-euˬ aˬ laꞈ gʼaˬbyehˆ taˬbyehˆ.

Luˇkaꞈ 22:32

Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”

Luˇkaꞈ 22:43

Mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, aˬ yawꞈ-ahˇ gʼaˬ biꞈ lahˬ nehˬ-euˬ meh.

Eˇpeˇsu 4:29

Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.

Dawˬmehˬ 3:28

Yawˇshuˆ-ahˇ mehˬ nehˬ tsoˆ nehˬ paˬ-ehˇ gʼeh-eu jeˬ mehˬ nehˬ tsoˆ nehˬ-awˇ gʼaˬ biꞈ nehˬ-awˬ. Aˬ jeˬ miˇ neh ehˇ naˇ, nawˬ neh haw mawˇ-euˬ miˇ kʼahˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ ya sheuˬ uˇ gʼeh meh’ lehˇ ehˇ nehˬ laꞈ-euˬ meh.

Gawˇlawˇsehˇ 4:6

Naw maꞈ neh ngehˬ-euˬ dawˬ deuˬ-aˬ, aˬ cawˬ-euˬ nui ma-ahˇ laˆ saˆ-awˇ, aˬ cawˬ naˇ haˬ mawꞈ-eu dawˬ deuˬ bi pyeuꞈ-awˬ. Kʼoeˇ uˬ taꞈ, tsawˇ haˬ yawˬ gʼaˬ na luꞈ-ahˇ dawˬ yaw muiˬ aˬ joˆ-ehˇ ya ngehˬ cawˬ kʼoꞈ nehˬ-eu gaˇ kawˆ siˬ nya-eu tsaˬ meh.

HeˬByehˇ 12:12

Kʼoeˇ miˇ neh, laꞈ guˬ shiˇ laˇ-euˬ naw maꞈ-euˬ aˬ laꞈ paˇ cawˬ diˇ-awˇ, gʼaˬ juˬ laˇ-euˬ naw maꞈ-euˬ pawˬ tsuiꞈ gʼaˬ paˇ bi ahˇ kʼoꞈ laˇ-awˬ.