Yawˇbaˆ 4:11 - Akha

¹¹ Kawꞈ sehꞈ dzaˬ-eu jeˬ nym le-awˇ, aˇ laˬ jaˬ shiˇ shiˇ-eu loꞈ-ehˇ, aˬ yawꞈ maꞈ ya shiˇ gaˇ keuˆ-awˇ, zaˬ deuˬ ya cehˆ byaˆ jiˇ-euˬ meh.

Yawˇbaˆ 4:11 Iomraidhean Croise

Aˇ dahˬ 49:9

Yuˇdaˆ-aˬ, aˇ laˬ jaˬ shiˇ-ahˇ duˇ-eu meh. Aˬ cawˬ-ahˇ kawꞈ sehꞈ dzaˬ gʼaˬ-awˇ, yawˬ ha-euˬ lo kʼahˬ-ahˇ paˇ gʼoꞈ yuꞈ laˇ-eu meh. Kʼaˇ cah mawꞈ gaˇ cah-awˇ, kʼaˇ yuꞈ mawꞈ gaˇ yuꞈ kʼawꞈ, aˬ yawꞈ-ahˇ tiˬ gʼaˬ-iˬ maˬ laˆ ciˆ peuˬ-a.

Yawˇbaˆ 1:19

Kʼoeˇ ngeh, kʼaˇ shuiꞈ deh yaˇ paw neh jaˬ lehˇ lehˇ ma baw gʼeh laꞈ-awˇ, nymˇ kʼoeˇ nymˇ baw coˬ-awˇ, aˬ yawꞈ maꞈ dawˬ tawˆ luꞈ shiˇ jiˇ-euˬ meh. Gaˇ kawˆ heu nawˬ-ahˇ tsaꞈ gaˬ laˇ nya ni ngaˇ tiˬ gʼaˬ dzeuˇ-iˇ-euˬ tehꞈ ma.”

Yawˇbaˆ 20:10

iˇ shaˬ zaˬ deuˬ kʼoeˇ taˆ aˬ yawꞈ neh kʼaˆ dzaˬ taˬ-euˬ jeˬ-ahˇ, aˬ yawꞈ-euˬ aˬ li deuˬ paˇ ya mˇ tsoeˬ kʼoꞈ tehꞈ-a.

Yawˇbaˆ 29:17

Haiˬ-eu tsawˇ haˬ deuˬ-euˬ juiˇ ngaˇ ngawˬ kʼehꞈ-awˇ, aˬ yawꞈ maꞈ-euˬ laꞈ-ahˇ ahˇ-eu deuˬ-ahˇ ka kʼoꞈ-euˬ ma.

Yawˇbaˆ 38:39

Aˇ laˬ jaˬ shiˇ-ahˇ nawˇ dzaˇ sha nehˬ nya-awˇ, aˇ laˬ jaˬ shiˇ zaˬ deuˬ-euˬ uˬ maˆ poˆ dehˆ nehˬ nya ma loˇ.

Yawˇbaˆ 5:15

Ehˇ kʼawꞈ, shaˬ-eu tsawˇ haˬ deuˬ maˬ ya shiˇ ni Miˬyehˇ ka kʼoꞈ-awˇ, iˇ shaˬ zaˬ deuˬ-ahˇ maˬ bi kʼehˬ ni aˬ yawꞈ dah teˬ-eu meh.

Yawˇbaˆ 5:4

Aˬ yawꞈ maꞈ-euˬ aˬ li deuˬ tahˬ shaˇ duˬ maˬ poˆ mawˇ nya-a. Yaˇ kʼaˬ daˇ-eu nymˇ-ahˇ aˬ yawꞈ maꞈ paw pyawˬ-eu gʼaˬ maˬ jawˇ-a.

Jaceuq 34:10

Aˇlaˬjaˬshiˇmehꞈgaˇkeuˆkʼawꞈ, SahˬpaˬMiˬyehˇ-ahˇpoˆ-eu deuˬ, yaw muiˬtiˬjeˬ-iˬ maˬju-a.

Jaceuq 34:11

Zaˬguˬdeuˬngaˇjawˇgaˇlaˇ-awˇ, ngaˬ-euˬdawˬ-ahˇnaˇhaˬlaˇsheˇ. SahˬpaˬMiˬyehˇ-ahˇzeu-eu jeˬ, naw maꞈ-ahˇngaˇmehˬduˬnehˬnyaˇ.

Jaceuq 7:2

Nawˇngaˬ-ahˇ maˬka kʼoꞈlaꞈnaˇ, haiˬ-eu aˇlaˬjaˬshiˇloꞈ-ehˇ, caw ba le-eu gʼaˬmaˬjawˇgaˇ, yawꞈmaꞈngaˬ-ahˇ baꞈdzaˬgʼeh-awˇ, cehˬpyaˬcehˬshaˇnehˬlaꞈtehꞈ-a.

Yeˬlaˬmiˇ 4:7

Dzuˇ zaꞈ taˬ-euˬ aˇ laˬ jaˬ shiˇ coeˬ doˆ leꞈ-eu loꞈ-ehˇ, miˇ kʼahˬ tsawˇ jeuˬ-ahˇ laˆ cawˆ-eu gʼaˬ oe luꞈ meh. Yuˇdaˆ miˇ kʼahˬ-ahˇ laˆ cawˆ-eu lehˇ aˬ yawꞈ oe luꞈ meh. Yuˇdaˆ miˇ kʼahˬ-euˬ meuˬ deuˬ ya cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Hawˇseˬ 11:10

“Aˇ laˬ jaˬ shiˇ lmˬ-eu loꞈ-ehˇ, muiˇ-eu deuˬ-ahˇ ngaˇ lmˬ nehˬ ngeh, ngaˬ-euˬ tsawˇ haˬ deuˬ ngaˇ jawˇ gaˇ, nahˇ ma ga kʼehˬ paw pyawˬ-ahˇ neh, guˆ guˆ-ehˇ cehˆ gʼoꞈ laꞈ tehꞈ-a.

Bawˇtsahˬ 23:24

Iˇsaˬleˬlaˆ tsawˇ jeuˬ-aˬ, baoˬ huiˬ-eu aˇ laˬ jaˬ shiˇ-ahˇ duˇ-eu meh. Aˬ yawꞈ neh kawꞈ sehꞈ-euˬ jeˬ zaˬ-euˬ shiˬ dawˇ gʼaˬ-awˇ, shaˬ jiˇ maˬ kawꞈ dzaˬ jiˇ kʼoeˇ keuˆ ni aˬ yawꞈ maˬ naˬ-a.”

Bawˇtsahˬ 24:9

Iˇsaˬleˬlaˆ tsawˇ jeuˬ-aˬ, aˇ laˬ jaˬ shiˇ-ahˇ duˇ-eu meh. Aˬ yawꞈ yuꞈ kʼaˆ luꞈ ngeh tiˬ gʼaˬ-iˬ maˬ laˆ noeˬ peuˬ-a. Iˇsaˬleˬlaˆ-ahˇ dawˬ kʼaˇ ngehˬ gʼeh nehˬ-eu tsawˇ haˬ guiˬ lahˬ za-awˇ, Iˇsaˬleˬlaˆ-ahˇ yaˬ kʼehˇ kʼaˇ yaˬ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a”

2 Tiˆmoˇseˬ 4:17

Ehˇ kʼawꞈ, Sahˬpaˬ Yeˬsuˇ ngaˬ nehˬ-ehˇ jawˇ-awˇ, ngaˬ-ahˇ gʼaˬ biꞈ nehˬ laꞈ-euˬ meh. Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ dawˬ kawˬ nui kʼahˇ tiˬ shiˇ ya mehˬ yaꞈ-euˬ ma. Kʼoeˇ uˬ taꞈ, ngaˬ-ahˇ sehꞈ-eu gʼaˇ duˬ yaˇ kʼaˬ maˬ daˇ nehˬ laꞈ ni nya dzeuˇ-iˇ-euˬ ma.