Yawˇbaˆ 39:6 - Akha

⁶ Bawˇ tsahˬ bawˇ dahˇ-ahˇ aˬ yawꞈ maꞈ-euˬ nymˇ bi pyeuꞈ-awˇ, saˬ deuꞈ deh ga-ahˇ aˬ yawꞈ maꞈ-ahˇ bi jawˇ-euˬ ma.

Yawˇbaˆ 39:6 Iomraidhean Croise

Yawˇbaˆ 24:5

“Yaw shaˬ zaˬ deuˬ bawˇ tsahˬ mahˬ tahˬ laˆ loꞈ-ehˇ, bawˇ tsahˬ bawˇ dahˇ kʼaˇ shuiꞈ deh yaˇ doe ni dzaˇ poˆ dzaˬ kʼawꞈ, yawˬ ha-euˬ zaˬ deuˬ-euˬ uˬ maˆ maˬ poˆ dehˆ nya-a.

Yawˇbaˆ 39:7

Bahˬ gʼa lawꞈ gʼa-eu meuˬ-ahˇ gaˇ mahˇ kaˬ gaˇ aˬ yawꞈ maꞈ jawˇ-awˇ, tsawˇ haˬ tiˬ gʼaˬ-iˬ aˬ yawꞈ maꞈ-ahˇ laˆ yah-awˇ maˬ kʼehˇ dzaˬ nya-a.

Jaceuq 107:34

Miˇ muiˬ muiˬ gaˇ jawˇ-eu tsawˇ haˬ deuˬ maˬ muiˬ-eu miˇ neh, miˇ tsaˬ saˬ deuꞈ deh ga pyeuꞈ-iˇ ni, aˬ yawꞈ jahˇ nehˬ-euˬ meh.

Yeˬlaˬmiˇ 14:6

Bawˇ tsahˬ mahˬ tahˬ laˆ deuˬ gawˬ duˇ uˬ du yawꞈ-awˇ, bawˇ tsahˬ aˬ kuiˬ loꞈ-ehˇ saꞈ gʼawˇ ma ma luꞈ-awˇ, dzaˇ maˬ ya dzaˬ-eu baˬ da neh, myaˆ nuiˆ maˬ mawˇ nya-a.

Yeˬlaˬmiˇ 17:6

Aˬ yawꞈ-euˬ guiˬ lahˬ-aˬ, aˇ bawˇ baw duˆ tiˬ jeˬ-iˬ maˬ dehꞈ-eu, miˇ tsaˬ saˬ deuꞈ kuiˇ-awˇ, gui coˇ ni gʼeh-eu bawˇ tsahˬ bawˇ dahˇ-ahˇ, kʼaˇ shuiꞈ shuiꞈ yaˇ kʼoeˇ taˆ dehꞈ-eu baw duˆ-ahˇ duˇ-eu meh. Aˬ yawꞈ gʼaˇ duˬ yaw muiˬ tiˬ jeˬ-iˬ maˬ jaˆ-a.

Yeˬlaˬmiˇ 2:24

Kʼaˇ shuiꞈ deh ga doe ni cehˆ-awˇ mahˬ zaˬ shaˇ-eu, mahˬ mahˬ ma-ahˇ aˬ suˇ gʼaˬ nyehꞈ tehˬ taˬ nya ta. Zaˬ caw mawꞈ-eu mahˬ paˬ deuˬ aˬ yawꞈ-ahˇ maˬ ya teh-a. Kʼaˇ caw mawꞈ gaˇ caw nya-eu meh.

Yeˬsaˬgeˬlaˇ 47:11

Ehˇ kʼawꞈ, lawˇ deh caw caw-ehˇ jaˆ-eu lah yaˬ deuˬ hawˇ-eu lah deuˬ-ahˇ dahˬ-eu iˇ cuꞈ deuˬ maˬ shawˇ-ehˇ, aˬ myah luꞈ saˬ deuꞈ kuiˇ tehꞈ-a.

Hawˇseˬ 8:9

Bawˇ tsahˬ mahˬ tahˬ laˆ-ahˇ duˇ-eu, nui ma gʼahˇ-eu Iˇsaˬleˬlaˆ, Aˬshuˇliˆ miˇ kʼahˬ-ahˇ le-awˇ, caw ba laꞈ lehˇ shaˇ leˇ-euˬ meh. Aˬ cawˬ-ahˇ pyuˇ shuiˇ tawˆ nehˬ-awˇ, yawˬ ha-ahˇ bi haw piˇ-euˬ meh.

Dawˬmehˬ 29:23

Naw maꞈ-euˬ miˇ kʼahˬ kʼahˬ lah ni, miˬ dzaˇ dzaˇ shuiˇ hawˇ-eu saˬ deuꞈ tehꞈ-ehˇ byah jiˇ-awˇ, gaˇ dahˇ maˬ tsoeˬ ni pyeuꞈ-iˇ tehꞈ-a. Tiˬ jeˬ-iˬ maˬ ka dzaˬ nya-eu uˬ taꞈ, yaˇ moꞈ kʼawꞈ maˬ dehꞈ ni pyeuꞈ-iˇ tehꞈ-a. Naw maꞈ-euˬ miˇ kʼahˬ-aˬ, Sahˬpaˬ Miˬyehˇ nui ma pehˇ dui dui-eu laꞈ kʼoeˇ laˆ luˬ laˆ seˇ nehˬ-euˬ Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ hawˇ-eu, Zeˬbaiˬ meuˬ heu deuˬ loꞈ-ehˇ pyeuꞈ-iˇ tehꞈ-a.