Yawˇbaˆ 34:19 - Akha

¹⁹ Sahˬ paˬ sahˬ ma deuˬ-ahˇ aˬ yawꞈ gʼaˬ baꞈ maˬ baꞈ-ehˇ, yaw shaˬ zaˬ mehˬ shi smˇ muiˬ deuˬ jawˇ paw maˬ pyawˬ-a. Aˬ jeˬ miˇ neh ehˇ naˇ, yawˬ gʼaˬ na luꞈ-ahˇ aˬ yawꞈ neh beh taˬ-euˬ meh.

Yawˇbaˆ 34:19 Iomraidhean Croise

2 Laˬsaˬbaˬ 19:7

Naw maꞈ Sahˬpaˬ Miˬyehˇ-ahˇ guˆ-eu laꞈ kʼoeˇ yaw muiˬ paˬ-ehˇ mˇ-awˬ. Aˬ jeˬ miˇ neh ehˇ naˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, jaˬ myawꞈ myawꞈ-eu jeˬ-ahˇ maˬ ehˇ, myaˆ pyawˬ huiˬ nyiˇ tseˇ-eu jeˬ-ahˇ maˬ ehˇ, laꞈ nmꞈ nmꞈ-eu jeˬ-ahˇ maˬ ehˇ, iˬ baˇ maˬ pyehˬ nehˬ-a.”

Yawˇbaˆ 10:3

Nawˇ gʼawˬ shaˬ gaˬ-eu nui ma tiˬ pawꞈ-iˬ maˬ ahˇ ni, nawˬ neh beh-euˬ jeˬ-ahˇ yaw zeu maˬ baw-ehˇ, haiˬ-eu tsawˇ haˬ deuˬ-euˬ gaˇ kawˆ-ahˇ nui kʼahˇ shiˇ-eu tsaˬ tehꞈ-a loˇ.

Yawˇbaˆ 12:19

Piˇ ma deuˬ hawˇ-eu baoˬ jaˆ-eu tsawˇ haˬ deuˬ-ahˇ aˬ yawꞈ dehˬ awˆ-eu meh.

Yawˇbaˆ 12:21

Baoˬ jaˆ-eu tsawˇ haˬ deuˬ-ahˇ aˬ yawꞈ baoˬ bi byoˆ-iˇ-awˇ, uˆ lahˇ-eu tsawˇ haˬ deuˬ-ahˇ gʼaˬ bi juˬ-iˇ-eu meh.

Yawˇbaˆ 13:10

Naw maꞈ myaˆ pyawˬ huiˬ nyiˇ tseˇ-eu jeˬ ciˬ cuˇ ni mˇ kʼoeˬ kʼawꞈ, naw maꞈ-ahˇ aˬ yawꞈ haw bye-awˇ,

Yawˇbaˆ 13:8

Naw maꞈ Miˬyehˇ jawˇ paw gʼaˬ baꞈ baꞈ-eu gʼeh te loˇ. Aˬ yawꞈ jawˇ paw pyawˬ-awˇ yaˇ kʼaˬ ja-eu gʼeh te loˇ.

Yawˇbaˆ 31:15

Ngaˬ-ahˇ beh-euˬ Miˬyehˇ hawˇ-eu ngaˬ-euˬ zaˬ kʼaˆ-ahˇ beh-euˬ Miˬyehˇ aˬ yawꞈ tiˬ gʼaˬ meh.

Yawˇbaˆ 32:21

Ngaˇ tiˬ paw-iˬ maˬ pyawˬ-ehˇ, myaˆ pyawˬ huiˬ nyiˇ maˬ tseˇ ni ja ma.

Yawˇbaˆ 34:18

Sahˬ paˬ sahˬ ma deuˬ nui ma gʼoꞈ-awˇ gaˇ dahˇ maˬ tsoeˬ naˇ, aˬ yawꞈ maꞈ-ahˇ Miˬyehˇ iˬ baˇ taˬ-eu meh.

Yawˇbaˆ 36:19

Caw ba nehˬ laꞈ-awˬ lehˇ nawˇ guˇ kʼawꞈ tiˬ jeˬ-iˬ gaˇ dahˇ maˬ tsoeˬ-a. Nawˇ gʼaˬ kʼaˇ jaˆ-eu yuˇ doˆ kʼawꞈ yawꞈ ngehꞈ meh.

Doˆ-iˇ 30:15

Yawˬ ha-euˬ gʼawˇ mawˇ gʼaˇ duˬ pyuˇ dawˆ ngeh, smˇ muiˬ deuˬ maˬ ya dawˆ dzehˬ-ehˇ, iˇ shaˬ deuˬ kʼawꞈ maˬ ya dawˆ teˬ-a.

Dawqdaq 14:31

Yaw shaˬ zaˬ-ahˇ kʼehˬ-eu jeˬ, Beh-euˬ yaw sahˇ-ahˇ coeˬ leˇ-awˇ, yaw shaˬ zaˬ-ahˇ ngehˬ gʼeh-eu jeˬ, aˬ yawꞈ-ahˇ uˬ duˬ tahˬ gaˇ duˇ-eu meh.

Dawqdaq 22:2

Smˇ muiˬ iˇ shaˬ maˬ beu-eu tiˬ tsahˇ jaˆ meh. Nyiˬ gʼaˬ luꞈ-ahˇ Sahˬpaˬ Miˬyehˇ beh-euˬ meh.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Iˇsaˬyaˇ 3:14

Aˬ yawꞈ-euˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu deuˬ hawˇ-eu, sahˬ paˬ sahˬ ma geuꞈ-eu deuˬ-ahˇ, aˬ yawꞈ heu loꞈ-ehˇ yaˇ kʼaˬ daˇ-eu meh. “Naw maꞈ aˬ gaꞈ yaˇ kmˇ laˆ cawˆ-euˬ deuˬ pyeuꞈ-awˇ, yaw shaˬ zaˬ deuˬ-ahˇ kʼaˆ dzaˬ-euˬ jeˬ, naw maꞈ iˇ kahˇ tiˬ byah jaˆ meh.

Uˬ duˬ 19:15

“Naw maꞈ yaˇ kʼaˬ daˇ ngeh, yaw sui yaw dawˇ laꞈ kʼoeˇ, yaw tsaˬ yaw dawˇ dawˇ-ehˇ daˇ-awˬ. Yaw shaˬ zaˬ paw gʼaˬ baꞈ baꞈ-eu maˬ ehˇ, smˇ muiˬ smˇ baw-ahˇ guˆ-eu maˬ ehˇ, taˬ bi pyeuꞈ.

Gʼaˬkʼehˇ 10:34

Kʼoeˇ ngeh, Beˬtuˆluˆ dawˬ ngehˬ-eu aˇ dahˬ beh-awˇ heu loꞈ-ehˇ ehˇ-eu meh. “Miˬyehˇ myaˆ pyawˬ huiˬ nyiˇ maˬ tseˇ-eu gaˇ kawˆ nymˬ-mˇ ngaˇ siˬ duˬ-eu ma.

Lormav 2:11

Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ yawˬ gʼaˬ na luꞈ-ahˇ myaˆ pyawˬ huiˬ nyiˇ maˬ tseˇ ni yaˇ kʼaˬ daˇ tehꞈ-a.

1 Gawˇliˬtu 1:28

Miˇ tsaˬ zaˬ deuˬ neh gaˇ dahˇ tsoeˬ meh lehˇ noeˬ-euˬ jeˬ-ahˇ gaˇ dahˇ maˬ tsoeˬ-ehˇ bi pyeuꞈ-iˇ-eu gʼaˇ duˬ, miˇ tsaˬ zaˬ neh gaˇ dahˇ maˬ tsoeˬ-a lehˇ taˬ nyiˇ dui dui-euˬ jeˬ-ahˇ aˬ yawꞈ tseˇ doˆ-euˬ meh.

Gaˬlaˬtiˆ 2:6

Aˬ yuiꞈ aˬ tsu bi geuꞈ taˬ-euˬ tsawˇ haˬ kʼoeˇ deuˬ kʼawꞈ, ngaˬ-euˬ gʼaˇ duˬ tehꞈ law nmˇ-aˬ teu naˆ naˆ-ehˇ beu gaˇ meh lehˇ maˬ noeˬ nya. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ zaˬ-ahˇ laꞈ nyiˇ paw tehꞈ-ehˇ haw-awˇ daˇ-eu maˬ ngeuˇ-a. Ngaˇ ehˇ-eu aˬ yuiꞈ aˬ tsu kʼoeˇ deuˬ-aˬ, ngaˬ-ahˇ nui noeˬ nui duˇ yaw shuiꞈ tiˬ jeˬ-iˬ maˬ biꞈ lahˬ laꞈ-aˬ.

Eˇpeˇsu 6:9

Baw leˬ deuˬ-oˇ, kʼoeˇ loꞈ-ehˇ duˇ ni, naw maꞈ kʼawꞈ zaˬ kʼaˆ deuˬ gʼaˇ duˬ shaˇ noeˬ nehˬ-awˬ. Aˬ yawꞈ maꞈ-ahˇ guˆ tsiˬ taˬ nyehꞈ. Naw maꞈ maˬ ehˇ, naw maꞈ-euˬ zaˬ kʼaˆ deuˬ maˬ ehˇ, dawˬ tawˆ luꞈ tiˬ kawˆ loꞈ-ehˇ mˬ kʼoeˇ taˆ jawˇ-eu Baw leˬ kʼoeˇ gʼaˬ-euˬ zaˬ kʼaˆ pyeuꞈ-eu ma lehˇ siˬ nya-awˬ. Aˬ yawꞈ-aˬ, yawˬ gʼaˬ na luꞈ-ahˇ myaˆ pyawˬ huiˬ nyiˇ maˬ tseˇ-ehˇ tiˬ kawˆ di ni yaˇ kʼaˬ daˇ-eu meh.

Dawˬmehˬ 10:17

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, miˬ yehˇ dawˬ tawˆ luꞈ hawˇ-eu baoˬ dawˬ tawˆ luꞈ kʼoeˇ taˆ huiˬ dzehˬ-eu meh. Aˬ yawꞈ-aˬ, baoˬ huiˬ dui dui -awˇ, guˆ laˇ paˬ-ehˇ gʼeh-eu meh. Aˬ yawꞈ-aˬ, myaˆ pyawˬ huiˬ nyiˇ maˬ tseˇ-ehˇ, laꞈ nmꞈ nmꞈ-eu jeˬ-ahˇ kʼawꞈ, maˬ ha geuꞈ-a.

Gawˇlawˇsehˇ 3:25

Maˬ muiˬ-eu jeˬ mˇ-eu tsawˇ haˬ-aˬ, yawˬ ha neh kʼaˇ mˇ-euˬ loꞈ-ehˇ kʼehˬ nehˬ kʼaˆ nehˬ gaˇ ya daˬ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬzaˬ-ahˇ myaˆ pyawˬ huiˬ nyiˇ maˬ tseˇ ni yaˇ kʼaˬ daˇ-eu meh.

HeˬByehˇ 12:28

Kʼoeˇ baˬ da neh, maˬ nyeh laˇ nya-eu miˇ kʼahˬ aˬ dui za taˬ-euˬ miˇ neh Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Miˬyehˇ-ahˇ guiˬ lahˬ huiˬ-awˇ guˆ guˆ-ehˇ yaw zeu baw-eu laꞈ kʼoeˇ, aˬ yawꞈ nui ma tsaˬ-eu loꞈ-ehˇ uˬ duˬ tahˬ kaˇ-euˇ.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

1 Beˬtuˆluˆ 1:17

Tsawˇ haˬ dawˬ tawˆ luꞈ-ahˇ myaˆ pyawˬ huiˬ nyiˇ maˬ tseˇ ni, aˬ yawꞈ gʼaˬ yawꞈ neh kʼaˇ mˇ kʼaˇ shaˇ taˬ-euˬ gaˇ haw-awˇ yaˇ kʼaˬ daˇ-eu gʼaˬ pyeuꞈ-eu Miˬyehˇ-ahˇ naw maꞈ guiˬ lahˬ shaˇ ngeh, ‘Aˬda-oˇ’ lehˇ kuˇ-awˇ shaˇ-eu meh. Kʼoeˇ miˇ neh, naw maꞈ miˇ tsaˬ heu kʼoeˇ taˆ ya dehꞈ ya jawˇ daˆ leꞈ-eu aˇ nah aˇ yamˬ dawˬ tawˆ luꞈ, aˬ yawꞈ-ahˇ yaw zeu baw-awˇ dehꞈ-awˬ.