Yawˇbaˆ 33:6 - Akha

⁶ Nawˇ hawˇ-eu ngaˇ Miˬyehˇ mehˬ shi tiˬ kawˆ ma. Nyiˬ gʼaˬ luꞈ-ahˇ shaˬ jehˆ neh tehˆ taˬ-euˬ meh.

Yawˇbaˆ 33:6 Iomraidhean Croise

Aˇ dahˬ 2:7

Kʼoeˇ ngeh, Miˬyehˇ pyeuꞈ-eu Sahˬpaˬ Miˬyehˇ miˇ tsaˬ-ahˇ shaˬ jehˆ ui cuiˆ tsuˆ doˆ-awˇ, tsawˇ haˬ mawˇ kawˇ tehˆ-euˬ meh. Kʼoeˇ naˇ, naˇ mehˇ laꞈ kʼoeˇ dehꞈ-eu saꞈ laˇ baw ahˇ nehˬ ngeh, tsawˇ haˬ kʼoeˇ gʼaˬ yaw dehꞈ dehꞈ laˇ-euˬ meh.

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

Aˇ dahˬ 30:2

Kʼoeˇ ngeh, Yaˬkoˆ nui ma pehˇ laˇ-awˇ, “Ngaˇ Miˬyehˇ-euˬ dah zaˇ mˇ dah nya ta loˇ. Nawˬ-ahˇ zaˬ maˬ bi jawˇ le ni jahˇ nehˬ-euˬ gʼaˬ Miˬyehˇ maˬ ngeuˇ-a loˇ” lehˇ ehˇ nehˬ-euˬ meh.

Yawˇbaˆ 10:9

Shaˬ jehˆ yuˇ-awˇ nawˇ ngaˬ-ahˇ tehˆ-euˬ gaˇ noeˬ keuˆ sheˇ. Shaˬ jehˆ paˇ bi pyeuꞈ-iˇ-eu lehˇ nawˇ ngaˬ-ahˇ nyehꞈ meuˇ nyehꞈ loeˇ-eu gʼeh te loˇ.

Yawˇbaˆ 13:12

Naw maꞈ-euˬ dawˬ daˬ deuˬ gaˇ dahˇ maˬ tsoeˬ-eu kʼaˬ lehˇ-ahˇ duˇ-awˇ, naw maꞈ ja-eu dawˬ deuˬ shaˬ jehˆ-ahˇ duˇ-eu meh.

Yawˇbaˆ 13:3

Ngaˇ Miˬyehˇ nehˬ-ehˇ ja dzaˬ luꞈ-eu ma. Naw maꞈ nehˬ-ehˇ ja dzaˬ-eu maˬ ngeuˇ. Ngaˬ-euˬ gaˇ kawˆ aˬ yawꞈ nehˬ-ehˇ ja duˬ mawꞈ-eu ma.

Yawˇbaˆ 20:22

Aˬ yawꞈ kʼaˇ jaˆ maˬ jaˆ jaˆ ngeh, shaˬ zahˬ dawˬ tawˆ luꞈ kaꞈ dzahˬ-awˇ keuˆ le tehꞈ-a.

Yawˇbaˆ 31:35

Ngaˇ dawˬ ngehˬ gaˇ tiˬ gʼaˬ-iˬ maˬ naˇ haˬ-a loˇ. Yawˬ dawˬ na luꞈ tsaˬ ma lehˇ ngaˇ kamˬ peuˬ ma. Baoˬ huiˬ-eu Miˬyehˇ ngaˬ-ahˇ ngehˬ cawˬ le luꞈ-uˇ. Ngaˬ-euˬ yaw lehˬ jeˬ-ahˇ toeˬ mehˬ-eu deuˬ neh ngehˬ-euˬ dawˬ-ahˇ ngaˇ mawˇ nya ni boꞈ doˆ taˬ law nmˇ-aˬ,

Yawˇbaˆ 4:19

Shaˬ jehˆ yuˇ-awˇ tehˆ taˬ-euˬ deuˬ-ahˇ aˬ yawꞈ jah coeˇ tehꞈ-a lehˇ nawˇ noeˬ te loˇ. Miˇ tsaˬ neh jahˇ taˬ-awˇ aˇ lu ciˇ teuˆ loꞈ-ehˇ bi nyehꞈ pyehˆ nya-eu jeˬ-ahˇ aˬ yawꞈ jah coeˇ tehꞈ-a loˇ.

Doˆ-iˇ 4:16

Aˬ yawꞈ-aˬ, nawꞈ-euˬ gʼaˇ duˬ dawˬ ngehˬ dah-eu gʼaˬ geuꞈ-awˇ, nawˬ-euˬ dah zaˇ aˬ cawˬ-ahˇ dawˬ ngehˬ cawˬ tehꞈ-a. Nawˇ-aˬ, aˬ yawꞈ gʼaˇ duˬ Miˬ yehˇ loꞈ-ehˇ pyeuꞈ-awˇ, aˬ yawꞈ aˬ joˆ-ehˇ ya ngehˬ ya tmˇ-eu gaˇ kawˆ, aˬ yawꞈ-ahˇ nawˇ ya mehˬ nehˬ tehꞈ-a.

2 Gawˇliˬtu 4:7

Ehˇ kʼawꞈ, huiˬ dui dui-eu baoˬ-aˬ, nga maꞈ-euˬ maˬ ngeuˇ-ehˇ, Miˬyehˇ-euˬ pyeuꞈ-eu gaˇ kawˆ siˬ duˬ mawˇ duˬ laˇ ni, nga maꞈ-aˬ, saꞈ laˇ paw taꞈ leˇ-eu poeˬ dui dui-eu pyuˇ shuiˇ myawˬ gahˬ heu deuˬ dawˆ ahˇ taˬ-euˬ miˇ tsaˬ oeˬ lahˬ loˆ ni tehꞈ ma.

2 Gawˇliˬtu 5:1

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui jawˇ luꞈ-eu yaˇ cmˇ pyeuꞈ-eu aˬ dui-euˬ gʼawˇ mawˇ heu cawˆ-iˇ ngeh, aˬ dui bi jawˇ-eu gʼaˇ duˬ Miˬyehˇ neh mˬ kʼoeˇ taˆ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu nymˇ jaˆ ma lehˇ aˬ dui siˬ nya ma.

2 Gawˇliˬtu 5:20

Kʼoeˇ miˇ neh, nga maꞈ-aˬ, Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu ma. Nga maꞈ-ahˇ gʼoe-eu laꞈ kʼoeˇ naw maꞈ-ahˇ Miˬyehˇ shaˇ ju luꞈ gaˇ duˇ meh. Miˬyehˇ-ahˇ tsaˬ leˇ tsahˇ leˇ-awˬ lehˇ, Ka li-euˬ dah zaˇ naw maꞈ-ahˇ shaˇ-eu ma.