Yawˇbaˆ 33:22 - Akha

²² shiˇ-eu miˇ kʼahˬ-ahˇ keuˆ-iˇ paˬ-ehˇ pyeuꞈ laˇ nya-eu meh.

Yawˇbaˆ 33:22 Iomraidhean Croise

2 Saˬmeuˬlaˆ 24:16

Sahˬpaˬ Miˬyehˇ-euˬ mˬ taˆ gʼaˬ kʼehˇ Yeˬluˇsaˬlehˬ meuˬ-ahˇ laˆ cawˆ-eu lehˇ gʼeh ngeh, Sahˬpaˬ Miˬyehˇ nui ma paˇ laˇ-awˇ, Iˇsaˬleˬlaˆ tsawˇ haˬ deuˬ-ahˇ laˆ luˬ laˆ seˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ, “Teu naˆ ni naˇ gʼaˬ-aˇ. Taˬpaˇ jahˇ hawˇ-awˬ” lehˇ ehˇ nehˬ-euˬ meh. Kʼoeˇ loꞈ-ehˇ ehˇ nehˬ ngeh, mˬ taˆ gʼaˬ kʼehˇ kʼoeˇ gʼaˬ Yeˬbuˇ tsawˇ jeuˬ Aˬyawˇnahˬ-euˬ cehˇ bymˇ saˬ kʼawꞈ-ahˇ oe keuˆ taˬ-euˬ meh.

Yawˇbaˆ 15:21

Guˆ-eu gaˆ-eu teˇ saˇ aˬ yawꞈ-euˬ naˬ bawˇ-ahˇ ya gaˬ-awˇ, kʼahˬ lahˇ kʼaˇ maˬ za ma lehˇ noeˬ ngeh, tahˇ joe joe gaˇ ya daˬ tehꞈ-a.

Yawˇbaˆ 17:1

Ngaˇ ziˇ jiˇ le-eu peh laˇ miˇ-a. Ngaˬ-ahˇ saꞈ maˬ paˇ gʼawˇ coeˇ laˇ miˇ-a. Ngaˬ-euˬ gʼaˇ duˬ lmˬ bymˇ maˬ ngeuˇ naˇ nui jeˬ maˬ paˇ jaˆ meh.

Yawˇbaˆ 33:18

Aˬ yawꞈ maꞈ-ahˇ maˬ bi luˬ maˬ bi seˇ-iˇ ni haw lahˇ-awˇ, shiˇ-eu jeˬ laꞈ kʼoeˇ aˬ yawꞈ maꞈ-ahˇ ka kʼoꞈ-eu meh.

Yawˇbaˆ 33:28

Aˬ yawꞈ ngaˬ-ahˇ shiˇ-eu miˇ kʼahˬ-ahˇ maˬ bi keuˆ-iˇ-euˬ miˇ neh, nymˬ-mˇ ngaˇ yaw dehꞈ ya dehꞈ-eu ma’ lehˇ ehˇ tehꞈ-a.

Yawˇbaˆ 7:7

“Miˬyehˇ-oˇ, ngaˇ yaw dehꞈ dehꞈ-eu jeˬ-aˬ, saꞈ gʼawˇ luꞈ-eu jaˬ lehˇ-ahˇ duˇ gaˇ noeˬ keuˆ nehˬ laꞈ yawˬ. Ngaˇ laˬ kʼaˬ cehˇ-eu jeˬ dzeuˇ jiˇ-euˬ meh.

Jaceuq 107:18

Aˬ yawꞈ maꞈ dzaˇ-ahˇ maˬ haw nahˇ-ehˇ pyeuꞈ-iˇ-awˇ, shiˇ taw tehˬ laˇ taˬ-euˬ meh.

Jaceuq 17:4

Nawˬ-euˬdawˬ-ahˇnaˇhaˬgeuꞈ-awˇ, tsawˇhaˬzaˬ-euˬhaiˬ-eu gaˇdeuˬ, maˬmˇni ngaˇyahˇdzeuˇ-eu ma.

Jaceuq 30:3

Shiˇ-eu lmˬbymˇ maˬbi keuˆni, ngaˬ-euˬsaꞈlaˇ-ahˇ ka kʼoꞈ-awˇ, duˬkʼahˬ-ahˇmaˬbi ga byoˆni, ngaˬ-ahˇnawˇbi dehꞈlaꞈ-euˬmeh.

Doˆ-iˇ 12:23

Iˇjiˇtuˆ tsawˇ haˬ deuˬ-ahˇ sehꞈ-eu lehˇ, Sahˬpaˬ Miˬyehˇ Iˇjiˇtuˆ miˇ kʼahˬ-ahˇ oe paˆ ngeh, laˇ gʼoˆ bahˬ hawˇ-eu pyaꞈ dmˬ-ahˇ lehꞈ taˬ-euˬ shiˬ-ahˇ aˬ yawꞈ ya mawˇ naˇ, Shiˇ-eu jeˬ-euˬ Mˬ taˆ gʼaˬ kʼehˇ-ahˇ, naw maꞈ-ahˇ laˆ sehꞈ-eu gʼaˇ duˬ, naw maꞈ-euˬ nymˇ laꞈ kʼoeˇ maˬ bi uˇ le-aˇ.

Iˇsaˬyaˇ 38:10

Ngaˬ-euˬ aˇ kʼoꞈ muiˬ ngeh loˆ ngeh, ziˇ maˬ dehꞈ jiˇ nya ni, shiˇ-eu miˇ kʼahˬ-ahˇ iˇ miˇ-a lehˇ noeˬ-euˬ ma.

Gʼaˬkʼehˇ 12:23

Ja pyuˬ ni, Sahˬpaˬ Miˬyehˇ-euˬ gʼaˬ kʼehˇ neh Heˬloˆ-ahˇ kʼehˬ-euˬ meh. Aˬ jeˬ miˇ neh ehˇ naˇ, Miˬyehˇ-ahˇ aˬ yawꞈ maˬ taˬ huiˬ-a. Kʼoeˇ miˇ neh, aˇ boeˬ aˇ mawˇ neh bi dzaˬ sehꞈ-euˬ meh.

1 Gawˇliˬtu 10:10

Aˬ yawꞈ maꞈ tiˬ paˆ na deuˬ Miˬyehˇ-ahˇ toˇ-euˬ loꞈ-ehˇ aˬ dui maˬ ya toˇ-a.‘ Aˬ yawꞈ maꞈ kʼoeˇ loꞈ-ehˇ toˇ-euˬ miˇ neh, shiˇ-eu jeˬ-euˬ mˬ taˆ gʼaˬ kʼehˇ neh bi laˆ cawˆ-euˬ meh.

Panmaeq 9:11

Aˬ yawꞈ maꞈ-ahˇ uˆ lahˇ-eu sahˬ paˬ tiˬ gʼaˬ jawˇ-eu meh. Aˬ yawꞈ-aˬ, yaw li ma baw-eu duˬ kʼahˬ-ahˇ haw-eu pyaˆ-eu mˬ taˆ gʼaˬ kʼehˇ kʼoeˇ gʼaˬ pyeuꞈ-eu meh. Aˬ yawꞈ-euˬ tsawˇ myahˇ-aˬ, Heˬbyehˇ dawˬ Aˬbaˬdoˬ lehˇ kuˇ-awˇ, Heˬlaˬsaˇ dawˬ Aˬpawˇliˇoˬ lehˇ kuˇ-eu meh. (Dawˬ tsuiꞈ-aˬ, laˆ luˬ laꞈ seˇ-eu gʼaˬ lehˇ ehˇ mawꞈ-eu meh.)

1 Saˬmeuˬlaˆ 2:6

Sahˬpaˬ Miˬyehˇ, toeˬ dehꞈ toeˬ shiˇ, shiˇ-eu miˇ kʼahˬ-ahˇ bi keuˆ-awˇ, paˇ sheuˬ kʼoꞈ doˆ nehˬ laꞈ-eu meh.