Yawˇbaˆ 33:19 - Akha

¹⁹ Naˇ-eu gawˇ-eu jeˬ bi keuˆ le-eu laꞈ kʼoeˇ, tsawˇ haˬ zaˬ-ahˇ Miˬyehˇ mehˬ-eu tsoˆ-eu meh.

Yawˇbaˆ 33:19 Iomraidhean Croise

2 Laˬsaˬbaˬ 16:10

Dawˬ kʼoeˇ dawˬ baˬ da neh Aˬsaˬ nui ma pehˇ dui dui laˇ-awˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, tawˬ-ahˇ dawˆ-euˬ meh. Kʼoeˇ ngeh neh aˇ dahˬ beh-awˇ, tsawˇ haˬ tiˬ paˆ na deuˬ-ahˇ Aˬsaˬ yaw kʼaˆ-ehˇ kʼehˬ nehˬ kʼaˆ nehˬ-euˬ meh.

2 Laˬsaˬbaˬ 16:12

Aˬsaˬ sahˬ paˬ geuꞈ-eu smˬ tseˇ gʼoeˬ kʼoꞈ tiˬ kʼoꞈ-ahˇ aˬ kuiˇ naˇ-eu naˇ gawˇ baˬ da neh aˬ yawꞈ kuiˇ kuˆ kuˆ-iˇ-euˬ meh. Ehˇ kʼawꞈ, kʼoeˇ ngeh keuˆ ni Sahˬpaˬ Miˬyehˇ-ahˇ aˬ yawꞈ laꞈ jeuˬ maˬ shaˇ-ehˇ, naˇ gawˇ laˆ saˆ-eu saˬ laˬ gʼoˬ deuˬ-ahˇ tehꞈ-ehˇ gʼoe-euˬ meh.

Yawˇbaˆ 20:11

Gʼaˬ kʼaˆ gʼaˬ loeˇ soeˇ-i gʼeh-eu aˬ yawꞈ-euˬ gʼawˇ mawˇ, tiˬ kʼehˇ kʼehˬ laꞈ kʼoeˇ kʼaˬ lehˇ pyeuꞈ-iˇ tehꞈ-a.

Yawˇbaˆ 29:17

Haiˬ-eu tsawˇ haˬ deuˬ-euˬ juiˇ ngaˇ ngawˬ kʼehꞈ-awˇ, aˬ yawꞈ maꞈ-euˬ laꞈ-ahˇ ahˇ-eu deuˬ-ahˇ ka kʼoꞈ-euˬ ma.

Yawˇbaˆ 30:17

Uˬ ciꞈ paw shaˬ yoeˬ shaˬ laꞈ dawˬ tawˆ luꞈ teuꞈ dzaˬ-awˇ, ngaˬ-ahˇ kawꞈ dzaˬ luꞈ-eu naˇ gawˇ heu hmˬ tiˬ jawˇ-iˬ maˬ paˇ tsehˆ leˇ miˇ-a.

Yawˇbaˆ 7:4

Ngaˇ coˬ yuꞈ ngeh, aˇ yamˬ jiˇ-eu maˬ kawˇ-a. Uˬ ciꞈ miˇ lah-ehˇ yuꞈ zaˇ poˆ laˆ paˇ paˇ-ehˇ, uˬ bya bya laˇ gaˇ dawˬ-euˬ ma.

Jaceuq 119:67

Nawˇ ngaˬ-ahˇ maˬ kʼehˬ mi naˆ-ehˇ ngaˇ dehꞈ lehˬ-euˬ kʼawꞈ, nymˬ-mˇ ngaˇ nawˬ-euˬ dawˬ-ahˇ naˇ haˬ-eu ma.

Jaceuq 119:71

Ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ muiˬ-eu meh. Aˬ jeˬ miˇ neh ehˇ naˇ, nawˬ-euˬ dawˬ-ahˇ ngaˇ siˬ nya laˇ ni jahˇ nehˬ laꞈ-euˬ meh.

Jaceuq 73:14

Miˬyehˇ-oˇ, nawˇ ngaˬ-ahˇ nah ga-ehˇ bi shaˬ bi zahˬ laꞈ-awˇ, yawˬ shawˬ na luꞈ nawˇ ngaˬ-ahˇ kʼehˬ nehˬ laꞈ-euˬ meh.

Jaceuq 94:12

Sahˬpaˬ Miˬyehˇ-oˇ, nawˬ neh mehˬ nehˬ tsoˆ nehˬ-euˬ gʼaˬ aˇ naˆ ni laˬ kʼaˬ ya cehˇ-eu nga. Nawˬ neh nawˬ-euˬ zahˇ dawˬ kʼoꞈ dawˬ mehˬ nehˬ-euˬ gʼaˬ aˇ naˆ ni guiˬ lahˬ huiˬ-eu nga.

Dawˬ tsoˆ 8:6

Aˬ yawꞈ jeˬ yawꞈ mˇ-eu gʼaˇ duˬ yamˬ law baw-eu meh. Aˬ dui maˬ siˬ nya-eu miˇ neh ya shaˬ luꞈ-eu tehꞈ meh.

Iˇsaˬyaˇ 27:9

Lawˇ ciꞈ zaˬ-euˬ lawˇ duˬ kʼaˬ lo kʼoeˇ deuˬ, lu boeˬ kʼaˬ lo loꞈ-ehˇ deh meuˇ jiˇ-awˇ, yaw saw jeˬ doꞈ damˬ-euˬ lawˇ duˬ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ, tiˬ hmˬ kʼaˇ dzeˇ kʼoeˇ keuˆ ni, Iˇsaˬleˬlaˆ tsawˇ jeuˬ-ahˇ iˬ baˇ maˬ pyehˬ nehˬ-a.

1 Gawˇliˬtu 11:32

Ehˇ kʼawꞈ, Sahˬpaˬ Yeˬsuˇ aˬ dui-ahˇ yaˇ kʼaˬ daˇ-awˇ kʼehˬ nehˬ laꞈ-eu kʼoeˇ-aˬ, miˇ tsaˬ zaˬ deuˬ nehˬ-ehˇ tiˬ kawˆ loꞈ-ehˇ yaˇ kʼaˬ daˇ nehˬ-eu jeˬ-ahˇ maˬ bi daˬ-eu gʼaˇ duˬ pyeuꞈ-eu meh.

Dawˬmehˬ 8:5

Tsawˇ haˬ tiˬ gʼaˬ yawˬ ha-euˬ zaˬ-ahˇ mehˬ-eu tsoˆ-eu loꞈ-ehˇ, naw maꞈ-ahˇ Miˬyehˇ mehˬ nehˬ tsoˆ nehˬ-euˬ gaˇ noeˬ keuˆ-awˬ. Kʼoeˇ miˇ neh, Sahˬpaˬ Miˬyehˇ naw maꞈ-ahˇ dawˬ biꞈ-euˬ loꞈ-ehˇ mˇ-awˬ.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.