Yawˇbaˆ 33:15 - Akha

¹⁵ Uˬ ciꞈ paw tsawˇ haˬ zaˬ yuꞈ kʼaˆ ngeh, yuꞈ maˆ maˆ-eu laꞈ kʼoeˇ hawˇ-eu yaw sahˇ laꞈ kʼoeˇ Miˬyehˇ dawˬ ngehˬ cawˬ-eu meh.

Yawˇbaˆ 33:15 Iomraidhean Croise

Aˇ dahˬ 15:12

Nahˇ ma ga shuiˇ ga neˇ yehˆ ni jaˆ ngeh, Aˬbyaˬ tiˬ pawꞈ-iˬ maˬ noeˬ ni yuꞈ kʼaˆ byoˆ-euˬ meh. Kʼoeˇ ngeh, noeˬ shaˬ-eu jeˬ hawˇ-eu guˆ-eu jeˬ aˬ yawꞈ kʼoeˇ taˆ keuˆ le-euˬ meh.

Aˇ dahˬ 20:3

Tiˬ miˇ keuˆ laˇ ngeh, Aˬbiˇmaˬlehˆ yuꞈ maˆ maˆ-eu laꞈ kʼoeˇ, aˬ yawꞈ jawˇ gaˇ Miˬyehˇ oe-awˇ, “Zaˬ miˬ zaˬ heu gʼaˬ-ahˇ sheuˬ-euˬ baˬ da neh nawˇ ya shiˇ tehꞈ-a. Aˬ yawꞈ aˬ cawˬ-euˬ miˬ zaˬ meh” lehˇ ehˇ nehˬ le-euˬ meh.

Aˇ dahˬ 31:24

Kʼoeˇ ngeh miˇ, yuꞈ maˆ laꞈ kʼoeˇ Laˬbaˬ jawˇ gaˇ Miˬyehˇ oe-awˇ, “Tiˬ jeˬ gʼeh-awˇ neh-iˬ Yaˬkoˆ-ahˇ maˬ ya laˆ guˆ-eu gʼaˇ duˬ, yaw kʼaˆ kʼaˆ-ehˇ yahˇ-awˬ” lehˇ ehˇ nehˬ le-euˬ meh.

Aˇ dahˬ 46:2

Uˬ ciꞈ keuˆ le ngeh, yaw sahˇ laꞈ kʼoeˇ Miˬyehˇ aˬ yawꞈ-ahˇ pah mehˬ le-awˇ, “Yaˬkoˆ-oˇ, Yaˬkoˆ-oˇ” lehˇ kuˇ le-euˬ meh. Yaˬkoˆ gʼeh, “Ngaˇ heu gaˇ jawˇ ma” lehˇ ehˇ kʼoꞈ nehˬ-euˬ meh.

Yawˇbaˆ 4:12

Tiˬ poˆ-aˬ, ngaˇ jawˇ gaˇ bi gaˬ le-euˬ dawˬ, ciˬ cuˇ ni keuˆ le-euˬ meh. Ciˬ cuˇ ni keuˆ le-euˬ miˇ neh aˬ za za-ehˇ tehꞈ-ehˇ gaˬ laˇ-eu meh.

Yawˇbaˆ 4:13

Dawˬ kʼoeˇ ngaˇ yuꞈ luꞈ gaˇ nehꞈ zuiˆ zuiˆ-eu loꞈ-ehˇ laˆ bahˬ le-euˬ meh.

Yeˬlaˬmiˇ 23:28

Yuꞈ maˆ maˆ-awˇ Miˬyehˇ gʼaˇ duˬ ngehˬ dah-eu deuˬ-aˬ, yuꞈ maˆ gaˇ kawˆ ja luꞈ-uˇ. Ehˇ kʼawꞈ, ngaˬ-euˬ dawˬ za taˬ-eu Miˬyehˇ gʼaˇ duˬ ngehˬ dah-eu deuˬ-aˬ, saˇ jaˇ ziꞈ-eu laꞈ kʼoeˇ ngaˬ-euˬ gʼaˇ duˬ ngehˬ dah luꞈ-uˇ. Gʼo yoeˬ-aˬ, cehˇ cehˇ nmˇ-ahˇ ciˬ cehˆ haw naˇ, aˬ jeˬ gaˇ dahˇ paˇ tsoeˬ nmˇ.

Daˬyeˬlaˇ 2:1

Neˬbuˬkaˬneˬzaˬ-aˬ, aˬ yawꞈ sahˬ paˬ geuꞈ-awˇ uˆ lahˇ-euˬ nyiˬ kʼoꞈ tiˬ kʼoꞈ-ahˇ, yuꞈ maˆ maˆ mawˇ-euˬ meh. Yuꞈ maˆ kʼoeˇ baˬ da neh aˬ yawꞈ noeˬ shaˬ dui dui-awˇ, maˬ yuꞈ kʼaˆ leˇ-a.

Daˬyeˬlaˇ 2:19

Kʼoeˇ ngeh miˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Daˬyeˬlaˇ-ahˇ dawˬ tsuiꞈ pah mehˬ le-euˬ meh. Kʼoeˇ ngeh, mˬ taˆ Miˬyehˇ-ahˇ Daˬyeˬlaˇ heu loꞈ-ehˇ ja ceuˬ-euˬ meh.

Daˬyeˬlaˇ 4:5

Ehˇ kʼawꞈ, ngaˇ yuꞈ kʼaˆ luꞈ ngeh, guˆ laˇ paˬ-ehˇ gʼeh-eu yuꞈ maˆ maˆ-awˇ, guˆ dui dui laˇ paˬ-ehˇ gʼeh-eu jeˬ ya mawˇ-euˬ ma.

Daˬyeˬlaˇ 8:18

Aˬ yawꞈ kʼoeˇ loꞈ-ehˇ ehˇ luꞈ ngeh, ngaˇ miˇ tsa coˬ dzeh-awˇ maˬ noeˬ-ehˇ pyeuꞈ-iˇ-euˬ ma. Ehˇ kʼawꞈ, aˬ yawꞈ ngaˬ-ahˇ baꞈ tuˇ nehˬ laꞈ-euˬ meh.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

Maꞈtehˬ 2:12

Aˬ yawꞈ maꞈ sahˬ paˬ Heˬloˆ jawˇ gaˇ maˬ ya gʼoꞈ-iˇ ni, yuꞈ maˆ maˆ-eu laꞈ kʼoeˇ Miˬyehˇ neh aˬ yawꞈ maꞈ-ahˇ ehˇ nehˬ-euˬ miˇ neh, yawˬ paw yawˬ gaˇ jaw jaw-awˇ aˬ yawꞈ maꞈ-euˬ miˇ kʼahˬ-ahˇ gʼoꞈ-iˇ-euˬ meh.

Maꞈtehˬ 27:19

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ Piˇlaˆ nuiˇ luꞈ ngeh, aˬ yawꞈ-euˬ nymˇ dahˬ heu loꞈ-ehˇ dawˬ tsaꞈ tsaꞈ ahˇ leꞈ-euˬ meh. “Iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ tiˬ jeˬ-iˬ taˬ jahˇ. Miˇ ciꞈ ngaˇ yuꞈ maˆ maˆ-eu laꞈ kʼoeˇ, aˬ yawꞈ baˬ da neh shaˬ zahˬ mˇ dui dui-euˬ ma.”

HeˬByehˇ 1:1

Aˇ hu ba, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, aˬ dui-euˬ aˬ poeˬ aˬ bawˇ deuˬ-ahˇ Miˬyehˇ gʼawˬ mya poˆ, gʼawˬ mya jeˬ dawˬ ngehˬ cawˬ-euˬ meh.