Yawˇbaˆ 33:12 - Akha

¹² Ehˇ kʼawꞈ, nawˇ yaw lehˬ meh lehˇ nawˬ-ahˇ ngaˇ ehˇ-eu ma. Miˬyehˇ-aˬ, tsawˇ haˬ yawˬ gʼaˬ na luꞈ naˆ maˬ tseˇ huiˬ dzehˬ meh.

Yawˇbaˆ 33:12 Iomraidhean Croise

Yawˇbaˆ 1:22

Yawˇbaˆ-aˬ, kʼoeˇ naˆ naˆ-ehˇ gʼeh-eu jeˬ aˬ yawꞈ kʼoeˇ taˆ keuˆ le-euˬ kʼawꞈ, Miˬyehˇ-ahˇ iˬ baˇ taˬ-eu dawˬ ngehˬ-awˇ iˬ baˇ maˬ mˇ-a.

Yawˇbaˆ 11:6

Zaˬ siˬ nui gahˇ-ahˇ taꞈ leˇ-awˇ gʼawˬ mya pyawˬ jaˆ-eu gaˇ kawˆ aˬ yawꞈ nawˬ-ahˇ ehˇ tehꞈ-a. Tsawˇ haˬ zaˬ-euˬ nui gahˇ maˬ teh miˇ coeˇ gaˇ keuˆ ni naꞈ dui dui-eu gʼawˬ mya jeˬ jaˆ meh. Nawˇ ya daˬ geuˇ-eu naˆ maˬ tseˇ sawˇ teˬ-eu laꞈ kʼoeˇ, Miˬyehˇ nawˬ-ahˇ kʼehˬ-euˬ meh lehˇ nawˇ siˬ nya-awˬ.

Yawˇbaˆ 11:7

Miˬyehˇ-euˬ yaw shehꞈ kʼahˬ sehˇ hawˇ-eu baoˬ aˇ hui ni ahˇ-awˇ aˬ gaˇ keuˆ ni jaˆ-eu nawˇ poˆ mawˇ duˬ nya ma loˇ.

Yawˇbaˆ 11:9

Miˬyehˇ-euˬ yaw shehꞈ kʼahˬ sehˇ-aˬ, miˇ tsaˬ tahˬ kʼawˇ naˆ maˬ tseˇ huiˬ-awˇ, iˬ ma laˆ shaˆ naˆ maˬ tseˇ jeˇ-eu meh.

Yawˇbaˆ 26:14

Ehˇ kʼawꞈ, heu deuˬ-aˬ aˬ yawꞈ-euˬ baoˬ aˇ kʼawꞈ tehꞈ-a siˬ. Aˬ yawꞈ jaˬ cehˇ cehˇ-eu ya gaˬ-eu naˆ ni tehꞈ-a siˬ. Aˬ diˇ aˬ maˇ Miˬyehˇ aˇ naˆ ni huiˬ-eu mahˇ-eu aˬ suˇ gʼaˬ siˬ nya nmˇ.”

Yawˇbaˆ 32:17

Ngaˬ neh noeˬ-euˬ jeˬ ngaˇ ngehˬ-awˇ, nawˬ nehˬ-ehˇ ja haw ma.

Yawˇbaˆ 34:23

Tsawˇ haˬ zaˬ-ahˇ yaˇ kʼaˬ daˇ nehˬ-eu gʼaˇ duˬ, Miˬyehˇ nah tsaˬ tsoˆ tsoˆ-ehˇ jawˇ-eu maˬ loˬ-a.

Yawˇbaˆ 35:2

“Yawˇbaˆ-oˇ Miˬyehˇ mehˬ shi iˬ baˇ maˬ ahˇ lehˇ nawˇ ehˇ-eu maˬ tsaˬ-a.

Yawˇbaˆ 35:4

Nawˇ hawˇ-eu nawˬ-euˬ cawˬ deuˬ-ahˇ ngaˇ heu loꞈ-ehˇ ehˇ kʼoꞈ nehˬ mawꞈ miˇ-a.

Yawˇbaˆ 36:5

“Miˬyehˇ-aˬ gʼaˬ kʼaˆ dui dui-eu meh. Ehˇ kʼawꞈ, aˬ cawˬ-ahˇ yehˬ bawˬ-ehˇ maˬ jahˇ-a. Aˬ yawꞈ maˬ siˬ nya-eu tiˬ jeˬ-iˬ maˬ jaˆ-a.

Yawˇbaˆ 40:2

“Yawˇbaˆ-oˇ, Baoˬ huiˬ-eu Miˬyehˇ nehˬ-ehˇ ja haw mawꞈ nya lehˇ nawˇ ehˇ-eu meh. Nawˇ maˬ paˇ ja ni byehˇ nmˇ loˇ. Maˬ ngeuˇ naˇ ngaˬ neh kʼaˇ naˇ haˬ-euˬ jeˬ-ahˇ ehˇ kʼoꞈ nmˇ loˇ.”

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Dawˬ tsoˆ 7:20

Yaw lehˬ tiˬ pawꞈ-iˬ maˬ mˇ-ehˇ, yaw dawˇ tehꞈ-ehˇ mˇ-eu tsawˇ muiˬ, miˇ taˆ tiˬ gʼaˬ-iˬ maˬ jawˇ-a.

Yeˬlaˬmiˇ 18:6

“Iˇsaˬleˬlaˆ tsawˇ haˬ deuˬ-oˇ, oeˬ lahˬ tehˆ-eu tsawˇ haˬ oeˬ lahˬ tehˆ-eu shaˬ jehˆ yuˇ-awˇ, yawˬ ha kʼaˇ tehˆ mawꞈ-eu jeˬ tehˆ nya-eu loꞈ-ehˇ, naw maꞈ-ahˇ ngaˬ neh noeˬ-euˬ loꞈ-ehˇ maˬ jahˇ nya ta loˇ. Oeˬ lahˬ tehˆ-eu shaˬ jehˆ kʼoeˇ oeˬ lahˬ tehˆ-eu gʼaˬ-euˬ aˬ laꞈ laꞈ kʼoeˇ jaˆ-eu loꞈ-ehˇ, naw maꞈ kʼawꞈ ngaˬ-euˬ aˬ laꞈ laꞈ kʼoeˇ jaˆ-eu ma.

Yeˬsaˬgeˬlaˇ 18:25

“Sahˬpaˬ Miˬyehˇ gaˇ mˇ-eu maˬ tsaˬ nga lehˇ naw maꞈ ehˇ-eu meh. Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Ngaˇ mˇ-eu maˬ tsaˬ nga lehˇ naw maꞈ noeˬ-eu meh. Maˬ tsaˬ-eu-aˬ, naw maꞈ neh mˇ-euˬ gaˇ meh.