Yawˇbaˆ 32:8 - Akha

⁸ Ehˇ kʼawꞈ, tsawˇ haˬ -ahˇ tsawˇ gahˇ biꞈ-eu gʼaˬ-aˬ, Baoˬ huiˬ-euˬ Miˬyehˇ-euˬ yaw sahˇ meh.

Yawˇbaˆ 32:8 Iomraidhean Croise

Aˇ dahˬ 41:38

“Miˬyehˇ-euˬ Yaw sahˇ jawˇ-eu Yoˇsehˆ loꞈ-ehˇ gʼeh-eu tsawˇ haˬ-ahˇ aˬ dui maˬ paˇ poˆ mawˇ nya-aˇ” lehˇ, sahˬ paˬ kʼoeˇ gʼaˬ aˬ yawꞈ maꞈ-ahˇ ehˇ nehˬ-euˬ meh.

Aˇ dahˬ 41:39

Kʼoeˇ ngeh, sahˬ paˬ kʼoeˇ gʼaˬ Yoˇsehˆ-ahˇ ehˇ nehˬ-eu, “Gaˇ kawˆ heu deuˬ dawˬ tawˆ luꞈ, Miˬyehˇ neh nawˬ-ahˇ pah mehˬ nehˬ-euˬ meh. Kʼoeˇ miˇ neh, nawˇ-aˬ, yawˬ gʼaˬ na luꞈ naˆ maˬ tseˇ tsawˇ gahˇ ahˇ-awˇ, noeˬ siˬ noeˬ mawˇ nya dzehˬ-eu yaw duˬ baw meh lehˇ nga maꞈ siˬ nya ma.

1 Sahˬpaˬ 3:12

Nawˬ neh kʼaˇ shaˇ-euˬ jeˬ ngaˇ mˇ nehˬ ma. Aˇ hu ba neh tiˬ gʼaˬ-iˬ maˬ za haw-ehˇ, aˬ kaˇ kaˇ ziˇ keuˆ ni tiˬ gʼaˬ-iˬ maˬ paˇ za nya-eu zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu nui gahˇ deuˬ, nawˬ-ahˇ ngaˇ biꞈ ma.

1 Sahˬpaˬ 3:28

Sawˇlaˬmoˬ neh yaˇ kʼaˬ daˇ nehˬ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ-ahˇ yaw zeu baw dui dui-euˬ meh. Aˬ jeˬ miˇ neh ehˇ naˇ, yaw tsaˬ yaw dawˇ dawˇ-ehˇ yaˇ kʼaˬ daˇ nya-eu zaˬ siˬ tsawˇ gahˇ aˬ yawꞈ-ahˇ Miˬyehˇ biꞈ nehˬ-euˬ gaˇ kawˆ, kʼoeˇ ngeh jawˇ aˬ yawꞈ maꞈ siˬ duˬ-euˬ meh.

1 Sahˬpaˬ 4:29

Huiˬ dui dui-eu zaˬ siˬ tsawˇ gahˇ, naꞈ dui dui-eu noeˬ siˬ noeˬ mawˇ nya-eu jeˬ hawˇ-eu, maˬ ehˇ jiˇ coeˇ-eu nui gahˇ deuˬ, Sawˇlaˬmoˬ-ahˇ Miˬyehˇ biꞈ-euˬ meh.

1 Sahˬpaˬ 5:9

Leˬbaˬnoˬ gawˬ jawˬ-ahˇ neh iˬ ma laˆ shaˆ lawˇ deh-ahˇ keuˆ ni, ngaˬ-euˬ tsawˇ haˬ deuˬ aˇ bawˇ diˬ tm gʼeu ka leꞈ-awˇ, iˬ ma laˆ shaˆ lawˇ dzeˇ caw caw-ehˇ poeˇ kaꞈ-awˇ nawˬ ka leꞈ-eu laꞈ kʼoeˇ, nawˇ kʼaˇ bi yuˇ keuˆ leꞈ mawꞈ gaˇ keuˆ ni bi sha ha keuˆ le ma. Kʼoeˇ gaˇ oe keuˆ naˇ, ngaˬ-euˬ tsawˇ haˬ deuˬ diˬ tm kʼoeˇ deuˬ puiˇ-awˇ, nawˬ-euˬ tsawˇ haˬ deuˬ-euˬ laꞈ-ahˇ a nehˬ tehꞈ-a. Ngaˬ-euˬ tsawˇ haˬ deuˬ loˬ-eu dzaˬ dzaˬ dawˇ dawˇ nawˇ caw ba nehˬ-awˬ.”

Yawˇbaˆ 12:13

Ehˇ kʼawꞈ, Miˬyehˇ laꞈ kʼoeˇ zaˬ siˬ tsawˇ gahˇ hawˇ-eu dawˬ tawˆ luꞈ-ahˇ siˬ nya mawˇ nya-eu jeˬ uˬ taꞈ, dawˬ tawˆ luꞈ mˇ pyeuꞈ nya-eu baoˬ jaˆ-eu meh.

Yawˇbaˆ 12:16

Miˬyehˇ-aˬ, gʼaˬ huiˬ-awˇ aˬ myah luꞈ gʼaˬ leˇ-eu gʼaˬ pyeuꞈ-eu meh. Gahˇ dzaˬ-eu deuˬ maˬ ehˇ, bi gahˇ dzaˬ-euˬ deuˬ maˬ ehˇ, dawˬ tawˆ luꞈ aˬ yawꞈ-euˬ baoˬ laꞈ kʼoeˇ jawˇ-eu meh.

Yawˇbaˆ 27:3

Miˬyehˇ ngaˬ-ahˇ saꞈ kʼaˇ bi gʼawˇ kʼoeˇ keuˆ ni,

Yawˇbaˆ 33:16

Aˬ yawꞈ-euˬ dawˬ-ahˇ tsawˇ haˬ zaˬ naˇ haˬ ni aˬ yawꞈ jahˇ ngeh, aˬ yawꞈ mehˬ-eu dawˬ-ahˇ aˬ yawꞈ maꞈ tsawˬ guˆ-iˇ-eu meh.

Yawˇbaˆ 33:4

Miˬyehˇ-euˬ yaw sahˇ neh ngaˬ-ahˇ beh-awˇ, dehꞈ-eu saꞈ laˇ biꞈ laꞈ-euˬ meh.

Yawˇbaˆ 35:11

Jeˬ zaˬ hawˇ-eu aˇ jiˇ deuˬ naˆ maˬ tseˇ aˬ dui tsawˇ gahˇ ahˇ ni, aˬ dui-ahˇ zaˬ siˬ tsawˇ gahˇ biꞈ laꞈ-euˬ Miˬyehˇ-ahˇ, aˬ yawꞈ maꞈ maˬ tahˬ shaˇ leˇ-a.

Yawˇbaˆ 38:36

Niˬlaˇ lawˇ baˬ iˇ jeuˬ jeuˬ le meh lehˇ iˇbiˇ aˇ jiˇ -ahˇ aˬ suˇ gʼaˬ ehˇ nehˬ-awˇ, uˬ yehˇ yehˇ le meh lehˇ ya ciˆ ya poeˇ-ahˇ aˬ suˇ gʼaˬ ehˇ gaˬ ta.

Dawqdaq 2:6

Sahˬpaˬ Miˬyehˇ-aˬ, zaˬ siˬ tsawˇ gahˇ biꞈ-eu gʼaˬ meh. Tsawˇ gahˇ hawˇ-eu noeˬ siˬ noeˬ mawˇ nya-eu jeˬ, aˬ yawꞈ-euˬ kʼaˬ meh-ahˇ neh doˆ le-euˬ meh.

Dawqdaq 20:27

Sahˬpaˬ Miˬyehˇ-euˬ tsiˇ kʼmˬ tsawˇ haˬ zaˬ-euˬ nui ma-ahˇ keuˬ haw-awˇ, tiˬ jeˬ-iˬ zaꞈ taˬ-euˬ maˬ baw-a.

Dawˬ tsoˆ 2:26

Miˬyehˇ-aˬ, aˬ yawꞈ nui ma tsaˬ-eu tsawˇ haˬ deuˬ-ahˇ, yaw muiˬ yaw doeˇ tseˇ paˆ nya-eu nui gahˇ maˬ ehˇ, zaˬ siˬ tsawˇ gahˇ maˬ ehˇ, nui saˇ oꞈ-eu jeˬ maˬ ehˇ, biꞈ nehˬ-eu meh. Ehˇ kʼawꞈ, iˬ baˇ zaˬ deuˬ pyuˇ poˆ shuiˇ poˆ-awˇ jeˬ hmˬ taˬ nya ni, aˬ yawꞈ jahˇ nehˬ-eu meh. Kʼoeˇ-aˬ, aˬ yawꞈ nui kʼahˇ shiˇ-eu tsawˇ haˬ-ahˇ biꞈ nya ni bi poˆ uiˬ taˬ-euˬ gaˇ duˇ-eu meh. Heu deuˬ dawˬ tawˆ luꞈ, tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Iˇsaˬyaˇ 28:26

Miˬyehˇ neh mehˬ taˬ-euˬ loꞈ-ehˇ, aˬ yawꞈ-euˬ gaˇ aˬ yawꞈ siˬ nya luꞈ meh.

Daˬyeˬlaˇ 1:17

Sahˬ boꞈ hawˇ-eu shaˇ noeˬ-eu tsawˇ gahˇ paw nya-iˇ ni, zaˬ guˬ kʼoeˇ oeˬ gʼaˬ-ahˇ Miˬyehˇ zaˬ siˬ nui gahˇ biꞈ-euˬ meh. Kʼoeˇ uˬ taꞈ, yaw sahˇ laꞈ kʼoeˇ ya siˬ ya mawˇ-euˬ jeˬ hawˇ-eu yuꞈ maˆ maˆ mawˇ-euˬ jeˬ-ahˇ dawˬ tsuiꞈ yuˇ doˆ nya-eu tsawˇ gahˇ, Daˬyeˬlaˇ-ahˇ Miˬyehˇ biꞈ-euˬ meh.

Daˬyeˬlaˇ 2:21

Aˇ yamˬ aˇ law yawꞈ tuˆ tehˬ-awˇ, dzoeˬ dzaˬ dzeˇ paˇ yawꞈ-ahˇ jaˆ-awˇ, zaˬ siˬ nui gahˇ yawꞈ biꞈ-eu meh

1 Gawˇliˬtu 12:8

Tiˬ gʼaˬ-ahˇ yaw muiˬ yaw doeˇ tseˇ paˆ geuꞈ-eu nui gahˇ ahˇ-eu dawˬ mehˬ nya-eu jeˬ biꞈ-awˇ, tiˬ gʼaˬ-ahˇ zaˬ siˬ tsawˇ gahˇ ahˇ-eu dawˬ mehˬ nya-eu jeˬ biꞈ taˬ-euˬ meh. Kʼoeˇ nyiˬ jeˬ luꞈ-ahˇ Yaw sahˇ Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh.

2 Tiˆmoˇseˬ 3:16

Jaˇliꞈ dawˬ kawˬ dawˬ tawˆ luꞈ Miˬyehˇ neh bi noeˬ doˆ-eu laꞈ kʼoeˇ boꞈ doˆ taˬ-euˬ jeˬ pyeuꞈ-awˇ, yaw tsaˬ yaw dawˇ jeˬ mehˬ-eu tsoˆ-eu gʼaˇ duˬ maˬ ehˇ, iˬ baˇ-ahˇ toeˬ mehˬ-eu gʼaˇ duˬ maˬ ehˇ, maˬ tsaˬ-eu jeˬ-ahˇ mehˬ paˇ tsoˆ paˇ-eu gʼaˇ duˬ maˬ ehˇ, yaw tsaˬ yaw dawˇ dawˇ-ehˇ dehꞈ ni mehˬ-eu tsoˆ-eu gʼaˇ duˬ maˬ ehˇ, gaˇ dahˇ tsoeˬ dui dui-eu meh.

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.