Yawˇbaˆ 32:13 - Akha

¹³ Naw maꞈ tsawˇ gahˇ poˆ mawˇ taˬ-euˬ ma lehˇ, aˬ joˆ-ehˇ ehˇ nya te. Yawˇbaˆ-ahˇ naw maꞈ maˬ ja gʼaˬ nya-eu miˇ neh, Miˬyehˇ ya ja gaˇ keuˆ tehꞈ-a.

Yawˇbaˆ 32:13 Iomraidhean Croise

Aˇ dahˬ 14:23

‘Aˬbyaˬ-ahˇ ngaˬ neh smˇ muiˬ laˆ muiˬ nehˬ-euˬ ma’ lehˇ aˬ kaˇ tiˬ nah nawˇ maˬ ya ehˇ-eu gʼaˇ duˬ, saˬ kahˇ saˬ lah tiˬ lah-ahˇ neh sehˬ nawˆ aˇ caˆ tiˬ caˆ-ahˇ keuˆ ni, nawˬ-euˬ mˇ myawˬ tiˬ jeˬ-iˬ ngaˇ maˬ yuˇ.

Yawˇbaˆ 1:21

Aˬ yawꞈ ehˇ-eu, “Ngaˇ ngaˬ ma-euˬ uˬ maˆ laꞈ kʼoeˇ dehꞈ doˆ le ngeh tiˬ jeˬ-iˬ maˬ yuˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ paˇ yuˇ gʼeh ma. Sahˬpaˬ Miˬyehˇ-aˬ, biꞈ-eu gʼaˬ pyeuꞈ-eu loꞈ-ehˇ, yuˇ kʼoꞈ-eu gʼaˬ kʼawꞈ pyeuꞈ luꞈ-uˇ. Aˬ yawꞈ-euˬ tsawˇ myahˇ-ahˇ ja ceuˬ-eu jeˬ oꞈ luꞈ-uˇ.”

Yawˇbaˆ 12:2

“Ngeuˇ meh. Naw maꞈ tsawˇ haˬ zaˬ-euˬ dawˬ ngehˬ luꞈ-eu meh. Naw maꞈ shiˇ ngeh, zaˬ siˬ tsawˇ gahˇ kʼawꞈ naw maꞈ nehˬ-ehˇ shiˇ caw tehꞈ-a.

Yawˇbaˆ 19:21

Naw maꞈ ngaˬ-euˬ cawˬ ma. Gʼawˬ shaˬ gaˬ nehˬ laꞈ-awˬ. Miˬyehˇ-euˬ aˬ laꞈ ngaˬ-ahˇ dehˬ coˬ-euˬ meh.

Yawˇbaˆ 19:6

Heu loꞈ-ehˇ pyeuꞈ laˇ ni mˇ-euˬ gʼaˬ Miˬyehˇ meh lehˇ, naw maꞈ-ahˇ maˬ siˬ laˇ nya loˇ. Ngaˇ bi paꞈ leˇ-eu lehˇ aˬ yawꞈ lahˇ ju kʼmˇ-euˬ maˬ ngeuˇ-a loˇ.

Yawˇbaˆ 2:10

Yawˇbaˆ ehˇ-eu, “Nawˇ tsawˇ uˬ-euˬ dawˬ ngehˬ luꞈ te loˇ. Miˬyehˇ aˬ dui-ahˇ muiˬ-eu jeˬ biꞈ laꞈ ngeh aˬ dui ha geuꞈ-euˬ maˬ ngeuˇ loˇ. Shaˬ-eu zahˬ-eu jeˬ bi keuˆ le ngeh jawˇ tehꞈ-ehˇ aˬ dui maˬ ha geuꞈ ni byehˇ nya ta loˇ.” Yawˇbaˆ-aˬ, kʼoeˇ naˆ naˆ-ehˇ gʼeh-eu jeˬ-ahˇ ya daˬ luꞈ kʼawꞈ, Miˬyehˇ-ahˇ iˬ baˇ taˬ-eu dawˬ tiˬ dawˬ-iˬ maˬ ngehˬ-a.

Yawˇbaˆ 31:40

cehˇ hawˇ-eu lawˬ loeˇ ka taˬ-euˬ gaˇ, yaˇ moꞈ hawˇ-eu aˬ gah dehꞈ laˇ luꞈ-uˇ.” Yawˇbaˆ-euˬ dawˬ heu gaˇ aˇ saˬ saˬ-euˬ meh.

Yawˇbaˆ 32:12

Ngaˇ yaw muiˬ-ehˇ naˇ haˬ duˬ leꞈ ngeh, naw maꞈ maˬ ja gʼaˬ nya gaˇ ya gaˬ-euˬ ma. Yawˇbaˆ neh ehˇ-euˬ dawˬ maˬ tsaˬ-a lehˇ naw maꞈ maˬ ja duˬ nehˬ nya-a.

Yawˇbaˆ 32:14

Yawˇbaˆ naw maꞈ nehˬ-ehˇ ja luꞈ-eu meh. Ngaˬ nehˬ-ehˇ ja-eu maˬ ngeuˇ. Ehˇ kʼawꞈ, naw maꞈ ngehˬ kʼoꞈ-euˬ loꞈ-ehˇ ngaˇ maˬ ngehˬ.

Yawˇbaˆ 4:9

Miˬyehˇ nui ma pehˇ-eu laꞈ kʼoeˇ jaˬ lehˇ lehˇ ma baw-eu loꞈ-ehˇ aˬ yawꞈ maꞈ-ahˇ laˆ cawˆ-eu meh.

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

Iˇsaˬyaˇ 48:5

Nawˬ-euˬ mehˬ shi kʼaˇ pyeuꞈ laˇ-euˬ dawˬ tawˆ, aˇ hu ba neh ngaˬ neh ehˇ tsehˆ taˬ jiˇ-euˬ ma. Nawˬ-euˬ tahˬ pahˬ aˬ ma mawˇ kawˇ deuˬ neh, kʼoeˇ loꞈ-ehˇ bi pyeuꞈ laˇ-eu meh lehˇ nawˇ maˬ ehˇ nya ni, kʼaˇ pyeuꞈ dzeuˇ yaꞈ-euˬ jeˬ maˬ pyeuꞈ laˇ mi naˆ-ehˇ, ngaˬ neh ehˇ kʼmˬ jiˇ taˬ-euˬ ma.

Iˇsaˬyaˇ 48:7

Nymˬ-mˇ hawˇ-eu gaˇ kawˆ kʼoeˇ deuˬ bi pyeuꞈ doˆ laˇ-euˬ ma. Dzeuˇ laˇ ngeh kʼoeˇ loꞈ-ehˇ gʼeh-eu jeˬ maˬ pyeuꞈ laˇ haw-aˬ. Dzeuˇ laˇ ngeh pyeuꞈ yaꞈ-euˬ gaˇ kawˆ pyeuꞈ law nmˇ-aˬ, gaˇ kawˆ heu nawˇ siˬ jiˇ ma lehˇ ehˇ tehꞈ-a.

Iˇsaˬyaˇ 5:21

Yawˬ haˇ yawˬ ha tsawˇ gahˇ ahˇ ma lehˇ noeˬ-awˇ, yawˬ haˇ yawˬ ha bym ma lehˇ noeˬ-eu deuˬ, ya noeˬ shaˬ dui dui tehꞈ-a.

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

Yeˬsaˬgeˬlaˇ 28:3

Daˬyeˬlaˇ naˆ maˬ tseˇ gahˇ-awˇ, nawˬ-euˬ mehˬ shi zaꞈ taˬ-euˬ jeˬ, maˬ paˇ jaˆ ma lehˇ nawˇ noeˬ meh.

Zaˬkaˬliˇ 12:7

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ Yuˇdaˆ miˇ kʼahˬ naˆ maˬ tseˆ yaw shehꞈ kʼahˬ sehˇ maˬ bi huiˬ dzehˬ-eu gʼaˇ duˬ, Yuˇdaˆ guiˇ maꞈ deuˬ aˬ cawˬ jeˬ hu guiˇ deuˆ gʼaˬ ni, Sahˬpaˬ Miˬyehˇ pyeuꞈ-eu ngaˇ jahˇ ma.

Yoˇhaˬ 19:11

Yeˬsuˇ ehˇ-eu, “Miˬyehˇ neh nawˬ-ahˇ baoˬ biꞈ taˬ-euˬ miˇ neh, nawˇ ngaˬ-euˬ kʼoeˇ taˆ baoˬ jaˆ-eu meh. Kʼoeˇ miˇ neh, ngaˬ-ahˇ nawˬ-euˬ aˬ laꞈ laꞈ kʼoeˇ a nehˬ laˇ-euˬ gʼaˬ-aˬ, nawˇ naˆ maˬ tseˇ iˬ baˇ huiˬ dzehˬ meh.”

1 Gawˇliˬtu 3:18

Tsawˇ haˬ tiˬ gʼaˬ-iˬ yawˬ haˇ yawˬ ha jaˬ myawꞈ myawꞈ-eu maˬ tsaˬ-a. Tsawˇ haˬ tiˬ gʼaˬ na miˇ tsaˬ heu kʼoeˇ taˆ zaˬ siˬ tsawˇ gahˇ ahˇ ma lehˇ noeˬ naˇ, aˬ diˇ aˬ maˇ tsawˇ gahˇ ahˇ-eu tsawˇ haˬ pyeuꞈ laˇ nya ni, tsawˇ gahˇ maˬ ahˇ-eu tsawˇ haˬ jeˬ huˬ pyeuꞈ-iˇ-eu tsaˬ meh.

Yaˇ kʼaˬ daˇ 7:2

Giˇdoˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ tsawˇ haˬ deuˬ-ahˇ, Miˇdiˬyaˬ tsawˇ haˬ deuˬ-ahˇ ngaˇ bi gʼaˬ leˇ-eu gʼaˇ duˬ, nawˬ-euˬ tsawˇ haˬ deuˬ aˇ dzehˬ myaˬ dzeuˇ-eu meh. Aˬ yawꞈ maꞈ yawˬ haˇ yawˬ ha deuˆ gʼaˬ-euˬ ma lehˇ noeˬ-awˇ, ngaˬ neh mˇ-euˬ jeˬ-ahˇ maˬ mawˇ nya-aˇ.