Yawˇbaˆ 30:1 - Akha

¹ Ehˇ kʼawꞈ, ngaˇ naˆ-ehˇ aˇ kʼoꞈ maˬ kʼawˆ-eu tsawˇ haˬ deuˬ nymˬ-mˇ ngaˬ-ahˇ naˬ gʼa-eu meh. Aˬ yawꞈ maꞈ-euˬ aˬ da deuˬ gaˇ dahˇ tiˬ pawꞈ-iˬ maˬ tsoeˬ-ehˇ, yawˇ bo-eu ngaˬ-euˬ aˬ kuiˬ maˬ tawˬ-a.

Yawˇbaˆ 30:1 Iomraidhean Croise

2 Sahˬpaˬ 2:23

Yeˬliˇkoˇ meuˬ-ahˇ neh Beˬdeˬlaˇ meuˬ-ahˇ Eˇliˇshehˇ iˇ luꞈ ngeh, gaˇ pehˇ-ahˇ meuˬ tiˬ meuˬ laꞈ kʼoeˇ neh zaˬ tiˬ deuˬ doˆ le-awˇ, “Uˬdeˬ-oˇ, heu gaˇ neh doˆ-iˇ-awˬ” lehˇ guˇ guˇ-ehˇ naˬ gʼa-eu meh.

Yawˇbaˆ 12:4

Ngaˬ-euˬ cawˬ deuˬ-ahˇ keuˆ ni nymˬ-mˇ ngaˬ-ahˇ haw haw-ehˇ uiˇ-eu meh. Ngaˇ iˬ baˇ maˬ ahˇ-eu yaw tsaˬ yaw dawˇ tsawˇ haˬ pyeuꞈ kʼawꞈ aˬ yawꞈ maꞈ ngaˬ-ahˇ uiˇ-eu meh. Ehˇ kʼawꞈ, ngaˬ-euˬ shaˇ dawˬ-ahˇ Miˬyehˇ naˇ haˬ nehˬ laꞈ-euˬ jaˆ ma.

Yawˇbaˆ 30:2

Aˬ yawꞈ maꞈ gʼaˬ tiˬ pawꞈ-iˬ ma tsoꞈ-ehˇ, ngaˬ-euˬ gaˇ tiˬ jeˬ-iˬ maˬ mˇ pyeuꞈ nya-a.

Jaceuq 119:51

Huiˬ-eu mahˇ-eu deuˬ aˬ myah luꞈ ngaˬ-ahˇ dawˬ doeˇ ngehˬ kʼawꞈ, nawˬ-euˬ zahˇ dawˬ kʼoꞈ dawˬ-ahˇ ngaˇ maˬ byehˇ dzeh.

Jaceuq 69:12

Aˬ yawꞈ maꞈ meuˬ doe ni ngaˬ-eu gaˇ kawˆ ja bu-awˇ, jiˇ baˬ yehꞈ-eu deuˬ ngaˬ-ahˇ caˇ niˇ gʼa-eu meh.

Iˇsaˬyaˇ 3:5

Miˇ kʼahˬ zaˬ tiˬ gʼaˬ tiˇ gʼaˬ kʼehˬ tehꞈ-a. Yawˬ ha-euˬ cawˬ-ahˇ yawˬ ha nawˬ dzaˬ-awˇ, yawˬ ha nehˬ-ehˇ jawˇ-eu deuˬ-ahˇ yawˬ ha kʼaˆ dzaˬ tehꞈ-a. Zaˬ guˬ deuˬ tsawˇ mawˬ tsawˇ kʼaˆ-ahˇ yaw zeu maˬ baw-ehˇ, zaˬ coeˬ zaˬ, yaw huiˬ yaw mahˇ-ahˇ yehˬ bawˬ-ehˇ gʼeh tehꞈ-a.

Maˬkuˆ 14:65

Tiˬ paˆ na deuˬ Yeˬsuˇ-ahˇ duˬ kʼaˬ kʼa daˆ-awˇ, myaˆ nuiˆ kaꞈ kaˬ nehˬ-awˇ diˬ diˬ-ehˇ, “Nawˬ-ahˇ diˬ-euˬ aˬ suˇ gʼaˬ nga lehˇ ja maw maw haw sheˇ” lehˇ ehˇ nehˬ-euˬ meh. Kʼoeˇ naˇ, aˬ yawꞈ-ahˇ loꞈ-eu yehˇ deuˬ aˬ yawꞈ-ahˇ tsahˇ-awˇ, baˬ ba-ahˇ tehˆ nehˬ-euˬ meh.

Luˇkaꞈ 23:14

Aˬ yawꞈ maꞈ-ahˇ aˬ yawꞈ ehˇ nehˬ-eu, “Tsawˇ haˬ heu gʼaˬ miˇ kʼahˬ zaˬ deuˬ-ahˇ gaˇ ma sheuˬ bahˬ-euˬ meh lehˇ naw maꞈ ehˇ-awˇ ngaˇ jawˇ gaˇ sheuˬ laꞈ-euˬ meh. Naw maꞈ-euˬ mehˬ shi aˬ yawꞈ-ahˇ ngaˇ naˇ haˬ-awˇ pyehˆ tseˇ haw ngeh, naw maꞈ ehˇ-eu loꞈ-ehˇ lehˬ-eu ca-eu ngaˇ maˬ mawˇ-aˬ.

Luˇkaꞈ 23:18

Tsawˇ haˬ aˇ maꞈ maꞈ lah-ehˇ guˇ-eu, “Aˬ yawꞈ-ahˇ sehꞈ-awˇ Baˬlaˬbaˇ-ahˇ pyehˬ doˆ nehˬ laꞈ-awˬ.”

Luˇkaꞈ 23:35

Tsawˇ haˬ gʼawˬ mya ni kʼoeˇ gaˇ yawꞈ-awˇ haw luꞈ ngeh, Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ naˬ gʼa naˬ gʼa-ehˇ ehˇ-eu, “Aˬ yawꞈ aˬ cawˬ-ahˇ ka kʼoꞈ-euˬ meh. Aˬ yawꞈ-aˬ, Miˬyehˇ neh Tseˇ doˆ-euˬ Gʼaˬ lehˇ ehˇ-eu Ka li ngeuˇ naˇ, yawˬ haˇ yawˬ ha ka kʼoꞈ luꞈ-uˇ.”

Luˇkaꞈ 23:39

Kʼoeˇ gaˇ bi taꞈ tehˬ taˬ-euˬ tsawˇ haˬ yaw haiˬ kʼoeˇ tiˬ gʼaˬ Yeˬsuˇ-ahˇ yehˬ bawˬ sehˇ lu-ehˇ ehˇ-eu, “Nawˇ Ka li maˬ ngeuˇ loˇ. Yawˬ haˇ yawˬ ha ka kʼoꞈ-awˇ, nga nyaꞈ-ahˇ kʼawꞈ ka kʼoꞈ nehˬ laꞈ-awˬ tawˇ.”

Gʼaˬkʼehˇ 17:5

Ehˇ kʼawꞈ, Yuˇdaˆ tsawˇ haˬ deuˬ myaˆ naˆ-eu miˇ neh, aˬ dzawˬ aˇ gah deuˬ deh uiˬ-awˇ aˇ muˇ tiˬ muˇ muˇ doˆ-eu laꞈ kʼoeˇ, meuˬ meuˬ lah-ehˇ laˆ luiˬ-euˬ meh. Pawˇluˆ hawˇ-eu Siˬlaˆ aˬ nyaꞈ-ahˇ miˇ kʼahˬ zaˬ-euˬ mehˬ shi gʼeu doˆ leꞈ-eu gʼaˇ duˬ, Yaˬsoˬ-euˬ nymˇ-ahˇ aˬ yawꞈ maꞈ ga jawˬ-iˇ-euˬ meh.

Tiˇtuˆ 1:12

“Gaˬlaˬdeˬ iˇ jaw lahˇ-ahˇ jawˇ-eu tsawˇ haˬ deuˬ-aˬ, jaˬ myawꞈ myawꞈ-eu, jeˬ zaˬ yaw haiˬ loꞈ-ehˇ dehꞈ-eu, yaw doeˇ doeˇ-awˇ dzaˬ yehꞈ dawˇ yehꞈ dzaˬ boˆ dawˇ boˆ boˆ-eu, heu loꞈ-ehˇ gʼeh-eu tsawˇ haˬ tehꞈ meh” lehˇ, Miˬyehˇ gʼaˇ duˬ ngehˬ dah-eu aˬ yawꞈ maꞈ-euˬ tsawˇ haˬ tiˬ gʼaˬ neh ehˇ taˬ-euˬ dawˬ jaˆ-eu meh.