Yawˇbaˆ 3:5 - Akha

⁵ Aˇ nah kʼoeˇ nah-ahˇ zahˇ dui dui-eu aˇ nah bi pyeuꞈ-awˬ. Mˬ dmˇ neh ciˬ gʼoeˬ-awˇ, nahˇ ma-ahˇ dehˬ kaˬ-awˬ.

Yawˇbaˆ 3:5 Iomraidhean Croise

Yawˇbaˆ 16:16

Ngaˬ-euˬ baˬ ba neˇ tseuˆ ni pyeuꞈ laˇ ngeh keuˆ ni ngaˇ ngoeˇ-awˇ, ngaˬ-euˬ myaˆ nuiˆ ngoeˇ puˬ-awˇ, jawˬ jawˬ-ehˇ nyoeˇ laˇ taˬ-euˬ ma.

Yawˇbaˆ 24:17

Nah gʼahˇ paw yaw shehꞈ-ahˇ aˬ yawꞈ maꞈ guˆ kʼawꞈ, yaw zahˇ laꞈ kʼoeˇ aˬ yawꞈ maꞈ tiˬ jeˬ-iˬ maˬ guˆ-a.

Yawˇbaˆ 28:3

Zahˇ dui dui gaˇ tsawˇ haˬ uˇ-iˇ-awˇ, miˇ tsaˬ dawˬ dah naꞈ dui dui gaˇ pyehˆ tseˇ-iˇ-awˇ, yaw zahˇ laꞈ kʼoeˇ kʼaˬ lo duˬ doˆ laˬ-iˇ-eu meh.

Yawˇbaˆ 3:4

Miˬyehˇ-oˇ, aˇ nah kʼoeˇ nah zahˇ tsui ni bi pyeuꞈ-iˇ-awˬ. Aˇ nah kʼoeˇ nah-ahˇ tiˬ jawˇ-iˬ maˬ noeˬ keuˆ ni byehˇ dzeh-awˇ, kʼoeˇ ngeh nah-ahˇ yaw shehꞈ taˬ paˇ bi bya law.

Yawˇbaˆ 3:6

Uˬ ciꞈ kʼoeˇ miˇ-ahˇ aˇ kʼoꞈ aˇ la laꞈ kʼoeˇ sawˇ doˆ dzeh-awˇ, tiˬ jawˇ-iˬ maˬ gui ahˇ ni bi byehˇ-awˬ.

Yawˇbaˆ 34:22

Miˬyehˇ maˬ bi mawˇ nya ni iˬ baˇ zaˬ deuˬ cehˆ zaꞈ nya paˬ-ehˇ jawˇ duˬ yaw zahˇ maˬ jaˆ-a.

Yawˇbaˆ 38:17

Zahˇ tsui ni gʼeh-eu shiˇ-eu miˇ kʼahˬ-ahˇ iˇ-eu laˇ gʼoˆ-ahˇ, aˬ cawˬ nawˬ-ahˇ sheuˬ mehˬ nehˬ laꞈ haw taˬ loˇ.

Jaceuq 107:10

Tiˬ paˆ na deuˬ zahˇ tsui ni gʼeh gaˇ jawˇ luꞈ-awˇ, paꞈ kuˆ-ahˇ shmˇ caˆ daˬ-awˇ uˇ-eu meh.

Jaceuq 107:14

Yaw zahˇ laꞈ kʼoeˇ aˬ yawꞈ maꞈ-ahˇ sheuˬ doˆ laꞈ-awˇ, aˬ yawꞈ maꞈ-ahˇ paꞈ-euˬ shmˇ caˆ tseuˆ puiˇ doˆ nehˬ-euˬ meh.

Jaceuq 23:4

Shiˇ-eu naˇshmˇlawˇkʼmˬlawˇgawˆ, nyiˬtsehˆ-ehˇngaˇya iˇgʼeh kʼawꞈ, yaw haiˬlaˆcawˆlaˇgaˇmaˬguˆ. Nawˇngaˬnehˬ-ehˇjawˇ-eu laꞈkʼoeˇ, nawˬ-euˬgawˬyoeˬhawˇ-eu daˇcuiˇ, ngaˬ-ahˇnui saˇ bi za-eu meh.

Jaceuq 44:19

Ehˇkʼawꞈhaiˬ-eu kʼaˬyehˇtsahˬ-ahˇ, nga maꞈ-ahˇ nawˇ bi shaˬ laꞈ-awˇ, yaw zahˇtsahˇlahˇnehˬlaꞈ-euˬmeh.

Iˇsaˬyaˇ 9:2

Yaw zahˇ laꞈ kʼoeˇ cah-euˬ tsawˇ haˬ deuˬ, huiˬ-eu yaw shehꞈ-ahˇ ya mawˇ-euˬ meh. Zahˇ tsui ni gʼeh-eu shiˇ-eu lawˇ kʼmˬ lawˇ gawˆ-ahˇ jawˇ-euˬ deuˬ kʼoeˇ taˆ, nymˬ-mˇ yaw shehꞈ bya luꞈ-eu meh.

Yeˬlaˬmiˇ 13:16

Yaw zahˇ jeˬ maˬ bi keuˆ le mi naˆ-ehˇ, gawˬ jawˬ kʼoeˇ taˆ naw maꞈ sahˬ tiꞈ maˬ ya tiꞈ mi naˆ-ehˇ, naw maꞈ noeˬ tmˬ-euˬ yaw shehꞈ-ahˇ, aˬ yawꞈ zahˇ tsui ni maˬ bi pyeuꞈ-iˇ mi naˆ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, naw maꞈ yaw zeu baw-awˬ.

Yeˬlaˬmiˇ 2:6

Iˇjiˇtuˆ miˇ kʼahˬ-ahˇ aˬ yawꞈ maꞈ-ahˇ ngaˬ neh ka kʼoꞈ doˆ-awˇ, kʼaˇ shuiꞈ tehꞈ-ehˇ jaˆ-eu miˇ kʼahˬ, gui coˇ ni gʼeh-eu guˆ-eu gaˆ-eu miˇ kʼahˬ, tsawˇ haˬ zaˬ maˬ jawˇ-eu miˇ kʼahˬ, maˬ iˇ maˬ laˇ tsehˆ-eu miˇ kʼahˬ pyeuꞈ-eu, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ sheuˬ doˆ-euˬ kʼawꞈ, ngaˇ jawˇ meh lehˇ aˬ yawꞈ maꞈ tiˬ pawꞈ-iˬ maˬ noeˬ-a.

Yeˬlaˬmiˇ 4:28

Miˇ tsaˬ tahˬ kʼawˇ tsawˇ ngoeˇ ngoeˇ-awˇ, mˬ naˆ-iˇ tehꞈ-a. Sahˬpaˬ Miˬyehˇ ehˇ tsehˆ-euˬ jeˬ, laˆ poˆ laˆ paˇ maˬ mˇ nya-a. Aˬ yawꞈ neh ya noeˬ tsehˆ-euˬ jeˬ, maˬ paˇ sheu pyawˆ nya meh.

Yeˬsaˬgeˬlaˇ 30:3

Sahˬpaˬ Miˬyehˇ nui ma pehˇ gaˇ, ya mawˇ-eu nah keuˆ le luꞈ meh. Miˇ kʼahˬ tsawˇ jeuˬ dawˬ tawˆ kʼoeˇ taˆ, shaˬ zahˬ mˬ dmˇ ciˬ tehˬ le-eu aˇ nah kʼoeˇ nah keuˆ le luꞈ meh.

Yeˬsaˬgeˬlaˇ 34:12

Cah byaˆ jiˇ-euˬ yawˇ deuˬ-ahˇ yawˇ bo-eu yaw sahˇ poˆ kʼoꞈ uiˬ-eu loꞈ-ehˇ, ngaˬ-euˬ yawˇ deuˬ-ahˇ ngaˇ poˆ kʼoꞈ uiˬ ma. Juˬ kʼoeˬ tmˬ-awˇ mˬ zahˇ tsui ni gʼeh ngeh nah aˬ yawꞈ maꞈ kʼaˇ cehˆ byaˆ taˬ-euˬ gaˇ, ngaˇ poˆ mawˆ kʼoꞈ ma.

Yawˇlaˆ 2:2

Aˇ nah kʼoeˇ nah zahˇ dui dui-awˇ, juˬ kʼoeˬ tmˬ-awˇ naˆ dui dui meh. Gawˬ jawˬ kʼaˬ naˆ naˆ-eu loꞈ-ehˇ, nyehˇ bahˇ baˬ maꞈ laˇ gʼeh laꞈ meh. Kʼoeˇ naˆ naˆ-ehˇ gʼeh-eu gaˇ kawˆ, aˇ hu keuˆ le-euˬ maˬ jaˆ-ehˇ, aˬ kaˇ maˬ paˇ keuˆ le haw-aˇ.

Aˬmoˆ 5:8

Sahˬpaˬ Miˬyehˇ aˬ guiˇ beh-awˇ, yaw zahˇ-ahˇ mˬ bi bya laˇ-awˇ, nah gʼahˇ-ahˇ mˬ bi ciꞈ le meh. Laˆ shaˆ iˇ cuꞈ yawꞈ kuˇ daˆ-awˇ, miˇ tsaˬ kʼoeˇ taˆ shehˆ shehˬ-eu meh. Yawꞈ tsawˇ myahˇ Sahˬpaˬ Miˬyehˇ meh.

Aˬmoˆ 8:10

Naw maꞈ bawˬ-iˬ gʼeh luꞈ ngeh, tsawˇ shiˇ tsawˇ naˇ mˇ-eu jeˬ ngaˇ bi keuˆ le-awˇ, naw maꞈ laˬ kʼaˬ cehˇ-eu caˇ dawˬ caˇ luꞈ ngeh, kuiˇ deuˇ gui-eu aˇ yamˬ ngaˇ bi keuˆ le ma. Naw maꞈ uˬ jehˆ ya jehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, aˬ li tiˬ gʼaˬ jawˇ-eu bi shiˇ cuˆ-awˇ tsawˇ ngoeˇ ngoeˇ luꞈ-eu aˬ ma aˬ da loꞈ-ehˇ shaˬ zahˬ naꞈ ni ngaˇ jahˇ ma. Aˇ nah kʼoeˇ nah-ahˇ, yawˬ jeˬ na luꞈ kʼoeˇ taˆ, dawˇ keuˆ le-awˇ aˇ saˬ ya saˬ tehꞈ-a.

Maꞈtehˬ 4:16

Yaw zahˇ laꞈ kʼoeˇ jawˇ luꞈ-eu deuˬ, yaw shehꞈ ya mawˇ-euˬ meh. Shiˇ-eu miˇ kʼahˬ yaw zahˇ laꞈ kʼoeˇ, kʼaˇ jawˇ-eu tsawˇ haˬ deuˬ kʼoeˇ taˆ, yaw shehꞈ bya keuˆ le gʼaˬ-euˬ meh.”

Luˇkaꞈ 1:79

shiˇ-eu naˇ shmˇ yaw zahˇ uˬ moˆ, kʼaˇ dehꞈ kʼaˇ jawˇ-eu deuˬ kʼoeˇ taˆ, mˬ taˆ neh bya ka leꞈ tehꞈ-a. Nui saˇ oꞈ-eu gaˇ ma kʼoeˇ taˆ, kuiˇ toꞈ paˇ ciˬ kʼoꞈ daˆ nya ni, aˬ dui ahˇ sheuˬ gʼeh laꞈ tehꞈ-a.”

Dawˬmehˬ 4:11

“Zahˇ tsui ni gʼeh-eu mˬ dmˇ, naˆ cawꞈ ni gʼeh-eu miˬ dzaˬ uˬ kʼoeˬ hawˇ-eu, mˬ-ahˇ tuˆ ni le luꞈ-eu miˬ lmˇ dehˬ kaˬ taˬ-euˬ gawˬ jawˬ dawˬ dahˬ-ahˇ naw maꞈ yawꞈ-euˬ gaˇ kawˆ naw maꞈ-euˬ zaˬ deuˬ-ahˇ dzawˇ mehˬ nehˬ-awˬ.

HeˬByehˇ 12:18

Naw maꞈ-aˬ, Iˇsaˬleˬlaˇ tsawˇ haˬ kʼoeˇ deuˬ loꞈ-ehˇ toeˬ haw sawˆ haw nya-eu Siˇnaˆ gawˬ jawˬ-ahˇ laˇ-euˬ maˬ ngeuˇ-a. Aˬ yawꞈ maꞈ-aˬ, miˬ dzaˬ doꞈ luꞈ-eu Siˇnaˆ gawˬ jawˬ-ahˇ, zahˇ dui dui gaˇ maˬ ehˇ, jaˬ lehˇ lehˇ ma baw gaˇ maˬ ehˇ,