Yawˇbaˆ 3:21 - Akha

²¹ Shiˇ-eu jeˬ-ahˇ aˬ yawꞈ maꞈ loꞈ luꞈ kʼawꞈ, tiˬ jawˇ-iˬ keuˆ le-eu maˬ baw-a. Pyuˇ shuiˇ naˆ maˬ tseˇ lmˬ bymˇ-ahˇ aˬ yawꞈ maꞈ gaˬ-eu meh.

Yawˇbaˆ 3:21 Iomraidhean Croise

1 Sahˬpaˬ 19:4

Kʼoeˇ naˇ, nah ga-ehˇ bawˇ tsahˬ bawˇ dahˇ paw aˬ yawꞈ le gʼeh leꞈ-euˬ meh. Aˇ bawˇ naˇ shmˇ dawˬ pehˬ-ahˇ aˬ yawꞈ gʼaˬ naˬ naˬ-awˇ nuiˇ-eu laꞈ kʼoeˇ, yaw dehꞈ dehꞈ-awˇ maˬ paˇ jawˇ mawꞈ-eu miˇ neh, “Sahˬpaˬ Miˬyehˇ-oˇ, gʼaˬ dzaˬ gʼaˬ dawˇ miˇ-a. Ngaˬ-euˬ saꞈ laˇ yuˇ kʼoꞈ nehˬ laꞈ-awˬ. Ngaˇ yaw dehꞈ maˬ paˇ dehꞈ mawꞈ miˇ-a” lehˇ guiˬ lahˬ shaˇ-euˬ meh.

Yawˇbaˆ 11:20

Maˬ tsaˬ maˬ dawˇ-eu tsawˇ haˬ nui ma cawˆ-eu laꞈ kʼoeˇ, jawˬ jawˬ-ehˇ haw sehꞈ leꞈ kʼawꞈ, buˬ-iˇ law-iˇ-eu gaˇ ma maˬ dahˇ-a. Aˬ yawꞈ maꞈ-euˬ noeˬ tmˬ duˬ-aˬ shiˇ-eu jeˬ keuˆ le-eu kʼoeˇ meh.”

Yawˇbaˆ 3:22

Shiˇ gʼaˬ-awˇ maˬ bi duˬ pahˬ dzeuˇ kʼoeˇ keuˆ ni, aˬ yawꞈ maꞈ laˬ kʼaˬ maˬ cehˇ-a.

Yawˇbaˆ 6:8

Aˬ jeˬ miˇ neh ngaˇ shaˇ-eu jeˬ, Miˬyehˇ ngaˬ-ahˇ maˬ biꞈ laꞈ-ehˇ, shaˇ dawˬ maˬ naˇ haˬ nehˬ laꞈ ta.

Yawˇbaˆ 6:9

Aˬ yawꞈ ngaˬ-ahˇ sehꞈ law nmˇ-aˬ, ngaˬ-euˬ gʼaˇ duˬ zaˬ dzehˬ tehꞈ-a.

Yawˇbaˆ 7:15

Heu loꞈ-ehˇ gʼeh-eu gʼawˇ mawˇ daˬ-awˇ jawˇ-eu naˆ maˬ tseˇ, shiˇ-eu hmˬ zaˬ dzehˬ miˇ-a lehˇ noeˬ laˇ gaˇ keuˆ ni, nawˇ ngaˬ-ahˇ kʼoeˇ loꞈ-ehˇ jahˇ nehˬ laꞈ-euˬ meh.

Dawqdaq 2:4

Pyuˇ shuiˇ myawˬ gahˬ-ahˇ poˆ-eu loꞈ-ehˇ, kʼoeˇ deuˬ-ahˇ nawˇ poˆ-awˬ.

Dawˬ tsoˆ 4:2

Dehꞈ luꞈ-eu deuˬ naˆ maˬ tseˇ, shiˇ dzeuˇ-euˬ tsawˇ haˬ deuˬ maˬ gaˇ dzehˬ law hawˇ ngaˬ lehˇ ngaˬ-ahˇ noeˬ laˇ miˇ-a.

Yeˬlaˬmiˇ 8:3

Haiˬ-eu tsawˇ jeuˬ heu jeuˬ laꞈ kʼoeˇ, maˬ shiˇ-ehˇ dzeuˇ-iˇ-awˇ, ngaˬ neh kʼaˇ teh dzeh nehˬ-euˬ gaˇ dehꞈ gʼawˬ-awˇ jawˇ-eu deuˬ kʼawꞈ, dehꞈ-eu naˆ maˬ tseˇ shiˇ mawꞈ dzehˬ tehꞈ-a lehˇ Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yawˇnaˆ 4:3

Sahˬpaˬ Miˬyehˇ-oˇ, ngaˬ-ahˇ bi shiˇ laꞈ-awˬ. Dehꞈ-eu naˆ maˬ tseˇ shiˇ-eu-aˬ, ngaˬ-euˬ gʼaˇ duˬ zaˬ dzehˬ miˇ-a.”

Yawˇnaˆ 4:8

Nahˇ ma goˇ laˇ ngeh, nahˇ ma doˆ kʼehˬ paw-euˬ lahˇ dui dui-eu jaˬ lehˇ-ahˇ Miˬyehˇ pyehˬ gʼeh laꞈ-euˬ miˇ neh, Yawˇnaˆ-euˬ uˬ duˬ-ahˇ nahˇ tsaˇ zaw dui dui leˇ-awˇ, myaꞈ leˇ paˬ-ehˇ pyeuꞈ-iˇ-euˬ meh. Kʼoeˇ ngeh, ya shiˇ law nmˇ-aˬ gʼaˬ miˇ-a lehˇ aˬ yawꞈ noeˬ-awˇ, “Dehꞈ-eu naˆ maˬ tseˇ shiˇ-eu-aˬ ngaˬ-euˬ gʼaˇ duˬ zaˬ miˇ-a” lehˇ ehˇ-eu meh.

Bawˇtsahˬ 11:15

Heu loꞈ-ehˇ tehꞈ-ehˇ ngaˬ-ahˇ bi mˇ te lehˇ ngeuˇ naˇ, ngaˬ-ahˇ gʼawˬ shaˬ gaˬ-eu laꞈ kʼoeˇ nymˬ-mˇ mi naˆ-ehˇ bi shiˇ nehˬ laꞈ-awˬ. Nawˇ kʼehˬ nehˬ kʼaˆnehˬ laꞈ-eu heu-ahˇ ngaˇ maˬ paˇ ya daˬ-aˇ.”

Panmaeq 9:6

Ba la kʼoeˇ ngaˬ siˬ laꞈ kʼoeˇ, tsawˇ haˬ kʼoeˇ deuˬ shiˇ-eu jeˬ-ahˇ poˆ tehꞈ-a. Ehˇ kʼawꞈ, maˬ poˆ mawˇ nya ni ya shaˬ tehꞈ-a. Aˬ yawꞈ maꞈ shiˇ mawꞈ dui dui tehꞈ-a. Ehˇ kʼawꞈ, shiˇ-eu jeˬ aˬ yawꞈ maꞈ-ahˇ cehˆ dzeuˇ tehꞈ-a.