Yawˇbaˆ 3:17 - Akha

¹⁷ Lmˬ bymˇ-ahˇ le keuˆ ngeh haiˬ-eu tsawˇ haˬ deuˬ yaw haiˬ jeˬ maˬ paˇ mˇ nya meh. Gʼaˬ doeˇ mˇ doeˇ-euˬ tsawˇ haˬ deuˬ kʼoeˇ gaˇ gʼaˬ naˬ ya naˬ-eu meh.

Yawˇbaˆ 3:17 Iomraidhean Croise

Yawˇbaˆ 14:13

“Shiˇ-eu miˇ kʼahˬ laꞈ kʼoeˇ nawˇ ngaˬ-ahˇ ciˬ zaꞈ nehˬ laꞈ law nmˇ-aˬ lehˇ noeˬ miˇ-a. Nawˇ nui ma pehˇ-eu shuꞈ-iˇ ngeh keuˆ ni, ngaˬ-ahˇ kʼoeˇ gaˇ ciˬ zaꞈ-awˇ, ngaˬ-ahˇ noeˬ keuˆ-eu aˇ nah tiˬ nah bi baw-awˬ.

Yawˇbaˆ 17:16

Shiˇ-eu miˇ kʼahˬ-ahˇ ngaˇ iˇ gʼeh ngeh, noeˬ tmˬ duˬ kʼoeˇ ngaˬ nehˬ-ehˇ tiˬ kawˆ loꞈ-ehˇ iˇ nya meh loˇ.”

Yawˇbaˆ 3:16

Maˬ ngeuˇ naˇ, yaw shiˇ-ehˇ dehꞈ doˆ le-euˬ zaˬ tiˬ gʼaˬ loꞈ-ehˇ ngaˇ ya yuꞈ luꞈ tehꞈ-a.

Yawˇbaˆ 3:18

Tawˬ-ahˇ uˇ-euˬ tsawˇ haˬ deuˬ kʼawꞈ, dehˬ-eu guˇ-eu teˇ saˇ-ahˇ maˬ paˇ ya gaˬ-ehˇ, coꞈ ngehˇ ni ya jawˇ-eu meh.

Dawˬ tsoˆ 4:2

Dehꞈ luꞈ-eu deuˬ naˆ maˬ tseˇ, shiˇ dzeuˇ-euˬ tsawˇ haˬ deuˬ maˬ gaˇ dzehˬ law hawˇ ngaˬ lehˇ ngaˬ-ahˇ noeˬ laˇ miˇ-a.

Dawˬ tsoˆ 9:6

Aˬ yawꞈ maꞈ-euˬ nui gaˬ, nui bye, nui kʼahˇ, dawˬ tawˆ luꞈ aˬ yawꞈ maꞈ shiˇ ngeh shiˇ caw-awˇ, nahˇ ma heu siˬ uˬ moˆ kʼaˇ pyeuꞈ yaꞈ-euˬ jeˬ-ahˇ tiˬ pawꞈ-iˬ maˬ paˇ taꞈ meh.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

Luˇkaꞈ 12:4

“Ngaˬ-euˬ cawˬ deuˬ-oˇ, ngaˇ ehˇ nehˬ nyaˇ. Gʼawˇ mawˇ-ahˇ sehꞈ nya kʼawꞈ, kʼoeˇ uˬ taꞈ-ehˇ tiˬ jeˬ-iˬ maˬ jahˇ laˇ nya-eu deuˬ-ahˇ taˬ guˆ.

HeˬByehˇ 4:11

Tsawˇ haˬ kʼoeˇ deuˬ maˬ jah-euˬ baˬ da neh, gʼaˬ naˬ naˬ-eu jeˬ-ahˇ maˬ za-euˬ loꞈ-ehˇ aˬ dui maˬ ya pyeuꞈ-iˇ-ehˇ, gʼaˬ naˬ naˬ-eu jeˬ kʼoeˇ-ahˇ aˬ dui za nya ni leh jeh dui dui kaˇ-euˇ.

HeˬByehˇ 4:9

Kʼoeˇ miˇ neh, shiꞈ nah tiˬ nah-ahˇ Miˬyehˇ gʼaˬ naˬ naˬ-euˬ loꞈ-ehˇ, Miˬyehˇ-euˬ zaˬ deuˬ gʼaˇ duˬ gʼaˬ naˬ naˬ-eu jeˬ jaˆ luꞈ-a siˬ.

2 Beˬtuˆluˆ 2:8

Tsawˇ muiˬ kʼoeˇ gʼaˬ aˬ yawꞈ maꞈ nehˬ-ehˇ jawˇ-awˇ, aˬ yawꞈ maꞈ yaw haiˬ jeˬ mˇ gaˇ ya gaˬ yaw mawˇ-euˬ miˇ neh tiˬ nah saˇ-iˬ tiˬ nah nui ma shaˬ zahˬ mˇ dui dui-euˬ meh.

Panmaeq 14:13

Kʼoeˇ naˇ, mˬ kʼoeˇ taˆ heu loꞈ-ehˇ ehˇ-eu teˇ saˇ ngaˇ ya gaˬ-euˬ ma. “Heu loꞈ-ehˇ boꞈ taˬ-awˬ. Nymˬ-mˇ neh dahˬ beh-awˇ, Sahˬpaˬ Miˬyehˇ-euˬ gaˇ laꞈ kʼoeˇ shiˇ-eu tsawˇhaˬ deuˬ guiˬ lahˬ huiˬ-eu meh.” Yaw sahˇ Miˬyehˇ ehˇ-eu, “Ngeuˇ meh. Aˬ yawꞈ maꞈ gaˇ yaw kʼaˆ-ehˇ mˇ-euˬ baˬ da neh gʼaˬ naˬ ya naˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ aˬ yawꞈ maꞈ-euˬ mehˬ nah caw teh gʼeh leꞈ tehꞈ-a.

1 Saˬmeuˬlaˆ 28:19

Nawˇ hawˇ-eu Iˇsaˬleˬlaˆ miˇ kʼahˬ-ahˇ, Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ aˬ yawꞈ a nehˬ tehꞈ-a. Ni shawˬ nah, nawˇ hawˇ-eu nawˬ li ngaˬ nehˬ-ehˇ ya jawˇ-awˇ, Iˇsaˬleˬlaˆ tsawˇ jeuˬ-euˬ guiˇ maꞈ-ahˇ , Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ Sahˬpaˬ Miˬyehˇ a nehˬ tehꞈ-a.”