Yawˇbaˆ 29:16 - Akha

¹⁶ Shaˬ zaˬ zahˬ zaˬ deuˬ gʼaˇ duˬ ngaˇ aˬ da loꞈ-ehˇ pyeuꞈ-awˇ, boeˇ miˬ siˬ kʼaˬ deuˬ shaˬ laˇ ngeh caw ba nehˬ-euˬ ma.

Yawˇbaˆ 29:16 Iomraidhean Croise

Aˇ dahˬ 39:19

Gaˇ kawˆ kʼoeˇ Yoˇsehˆ-ahˇ zeuˇ cu-euˬ yaw huiˬ yaw mahˇ kʼoeˇ gʼaˬ ya gaˬ ngeh, nui ma pehˇ dui dui-eu meh.

2 Saˬmeuˬlaˆ 14:8

Sahˬ paˬ ehˇ-eu, “Iˇ kahˇ-ahˇ gʼoꞈ-iˇ-awˬ. Gaˇ kawˆ heu hmˬ ngaˇ haw nehˬ ma.”

Iˇsaˬtaˆ 2:7

Iˇsaˬtaˆ lehˇ myahˇ-euˬ aˬ yawꞈ-euˬ dmˇ ma tiˬ gʼaˬ aˬ yawꞈ nehˬ-ehˇ jawˇ luꞈ-eu meh. Iˇsaˬtaˆ-euˬ Heˬbyehˇ tsawˇ myahˇ-aˬ, Haˬdaˬsaˬ meh. Aˬ yawꞈ-aˬ, seuˆ dzeuꞈ aˇ gʼehˇ muiˬ dui dui-eu zaˬ miˬ aˬ buˇ tiˬ gʼaˬ pyeuꞈ-eu meh. Aˬ yawꞈ-euˬ aˬ da aˬ ma bi shiˇ jiˇ-awˇ, Mawˬdaˬkehˇ neh aˬ yawꞈ-ahˇ cu huiˬ-euˬ meh.

Yawˇbaˆ 24:4

Shaˬ zaˬ zahˬ zaˬ-euˬ mˇ myawˬ-ahˇ aˬ yawꞈ maꞈ laˆ tsoeˬ-awˇ, maˬ jaˆ-eu tsawˇ haˬ deuˬ ya cehˆ zaꞈ gaˇ keuˆ ni aˬ yawꞈ maꞈ kʼaˆ dzaˬ-eu meh.

Yawˇbaˆ 30:25

Noeˬ shaˬ noeˬ zahˬ-eu deuˬ nehˬ-ehˇ ngaˇ caw ngoeˇ-awˇ, maˬ jaˆ-eu tsawˇ haˬ-ahˇ ngaˇ gʼawˬ shaˬ gaˬ-euˬ maˬ ngeuˇ-a loˇ.

Yawˇbaˆ 31:18

Ngaˬ-euˬ tiˬ ziˇ aˬ yawꞈ maꞈ-ahˇ caw ba ngehˬ gʼeh nehˬ-euˬ ma.

Yawˇbaˆ 31:31

Boeˇ miˬ siˬ kʼaˬ deuˬ-ahˇ ngaˇ aˬ myah luꞈ nymˇ daˆ kuˇ daˆ-euˬ gaˇ kawˆ, ngaˬ-euˬ gaˇ mˇ-eu tsawˇ haˬ dawˬ tawˆ luꞈ siˬ nya meh.

Yawˇbaˆ 31:32

Miˇ kʼahˬ-ahˇ cah-eu tsawˇ haˬ deuˬ gaˇ ma gaˇ dzeˇ maˬ bi yaꞈ ni, ngaˬ-euˬ nymˇ-ahˇ ha ahˇ-awˇ bi yaꞈ-euˬ ma.

Yawˇbaˆ 4:3

Tsawˇ haˬ gʼawˬ mya gʼaˬ-ahˇ nawˇ mehˬ nehˬ tsoˆ nehˬ haw-awˇ, gʼaˬ byehˆ byehˆ-eu deuˬ-ahˇ gʼaˬ biꞈ haw-euˬ meh.

Jaceuq 68:5

Aˬ yawꞈ-euˬ muiˬ-eu shawˇ-eu Uˬ duˬ tahˬ nymˇ nymˇ ma laꞈ kʼoeˇ jawˇ luꞈ-eu Miˬyehˇ-aˬ, muˇ coe aˬ nmˇ deuˬ-ahˇ ngehˬ gʼeh-awˇ, miˬ coeˬ miˬ ma deuˬ-ahˇ haw piˇ-eu meh.

Doˆ-iˇ 18:26

Aˬ yawꞈ maꞈ-aˬ, Iˇsaˬleˬlaˆ tsawˇ haˬ deuˬ kʼoeˇ taˆ, aˬ myah luꞈ yaˇ kʼaˬ daˇ nehˬ-eu yaˇ kʼaˬ daˇ-eu tsawˇ haˬ deuˬ geuꞈ-awˇ, huiˬ-eu gaˇ deuˬ tehꞈ-ehˇ Moˇseˬ jawˇ gaˇ bi keuˆ leˇ-awˇ, nyiˇ-eu gaˇ deuˬ-ahˇ yawˬ haˇ yawˬ ha jahˇ jiˇ-euˬ meh.

Dawqdaq 25:2

Miˬyehˇ-aˬ, zaꞈ taˬ nya-eu gʼaˬ pyeuꞈ-eu miˇ neh, aˬ yawꞈ-ahˇ aˬ dui taˬ huiˬ taˬ mahˇ-eu ma. Sahˬ paˬ deuˬ-aˬ, gaˇ kawˆ pah mehˬ-eu miˇ neh, aˬ yawꞈ maꞈ-ahˇ aˬ dui taˬ huiˬ taˬ mahˇ-eu ma.

Dawqdaq 29:7

Yaw tsaˬ yaw dawˇ tsawˇ haˬ shaˬ zaˬ zahˬ zaˬ-ahˇ gʼawˬ shaˬ gaˬ-eu siˬ nya kawꞈ, maˬ tsaˬ maˬ dawˇ-eu tsawˇ haˬ kʼoeˇ loꞈ-ehˇ maˬ siˬ nya-a.

Iˇsaˬyaˇ 22:21

Nawˇ dm luꞈ-eu yaw huiˬ yaw mahˇ-euˬ pehˇ kʼahˬ hawˇ-eu nawˇ paꞈ luꞈ-eu joꞈ paꞈ-ahˇ aˬ yawꞈ-ahˇ ngaˇ bi dm bi paꞈ-awˇ, nawˬ-euˬ baoˬ dawˬ tawˆ luꞈ aˬ yawꞈ-ahˇ biꞈ ma. Aˬ yawꞈ-aˬ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-euˬ aˬ da loꞈ-ehˇ pyeuꞈ tehꞈ-a.

Eˇpeˇsu 5:1

Naw maꞈ-aˬ, Miˬyehˇ gaˬ dui dui-eu zaˬ deuˬ pyeuꞈ-eu loꞈ-ehˇ, aˬ yawꞈ-ahˇ duˇ laˇ ni leh jeh-awˬ.

Dawˬmehˬ 13:14

Kʼoeˇ loꞈ-ehˇ ja-eu ya gaˬ ngeh, yaw muiˬ paˬ-ehˇ pyehˆ tseˇ haw-awˇ, kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ aˬ diˇ aˬ maˇ pyeuꞈ doˆ laˇ-euˬ ya mawˇ naˇ,

Yaˬkoˆ 1:27

Aˬ da Miˬyehˇ-euˬ mehˬ shi shawˇ jehˆ ni gʼeh-awˇ maˇ jawˆ ni gʼeh-eu uˬ duˬ tahˬ-eu zahˇ sahˇ kʼoꞈ-aˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ shaˬ gaˇ zahˬ gaˇ caw ba nehˬ-awˇ, miˇ tsaˬ shiˬ shaˬ jiˇ-euˬ nui kʼahˇ neh maˬ bi laˆ jawꞈ ni yawˬ haˇ yawˬ ha yahˇ-awˇ dehꞈ-eu jeˬ pyeuꞈ-eu meh.