Yawˇbaˆ 27:8 - Akha

⁸ Aˬ yawꞈ maꞈ-euˬ saꞈ laˇ-ahˇ Miˬyehˇ yuˇ kʼoꞈ ngeh, Miˬyehˇ maˬ baw-eu tsawˇ haˬ deuˬ aˬ gaˇ noeˬ tmˬ kʼaˇ paˇ za ta.

Yawˇbaˆ 27:8 Iomraidhean Croise

Yawˇbaˆ 11:20

Maˬ tsaˬ maˬ dawˇ-eu tsawˇ haˬ nui ma cawˆ-eu laꞈ kʼoeˇ, jawˬ jawˬ-ehˇ haw sehꞈ leꞈ kʼawꞈ, buˬ-iˇ law-iˇ-eu gaˇ ma maˬ dahˇ-a. Aˬ yawꞈ maꞈ-euˬ noeˬ tmˬ duˬ-aˬ shiˇ-eu jeˬ keuˆ le-eu kʼoeˇ meh.”

Yawˇbaˆ 12:10

Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ Miˬyehˇ-euˬ aˬ laꞈ laꞈ kʼoeˇ jaˆ-awˇ, tsawˇ haˬ aˬ yawꞈ gʼaˬ yawꞈ-euˬ saꞈ laˇ kʼawꞈ aˬ yawꞈ-euˬ baoˬ laꞈ kʼoeˇ jaˆ jiˇ-eu meh.

Yawˇbaˆ 13:16

Haiˬ-eu tsawˇ haˬ Miˬyehˇ-ahˇ maˬ tahˬ puˬ leˇ peuˬ-eu-aˬ, ngaˬ-euˬ nui kʼaˬ ngaˬ-ahˇ ka kʼoꞈ-eu maˬ siˬ.

Yawˇbaˆ 15:34

Miˬyehˇ maˬ baw-eu tsawˇ haˬ, zaˬ maˬ ya cu ehˇ, laꞈ nmꞈ nmꞈ-euˬ pyuˇ neh tsoˆ taˬ-euˬ nymˇ deuˬ-ahˇ miˬ dzaˬ puiˆ dzaˬ jiˇ tehꞈ-a.

Yawˇbaˆ 20:5

haiˬ-eu tsawˇ haˬ tiˬ gʼaˬ-iˬ gʼawˬ myahˇ ni laˬ kʼaˬ cehˇ cehˇ-ehˇ maˬ ya dehꞈ haw-aˬ.

Yawˇbaˆ 27:7

Ngaˬ-ahˇ maˬ tsaˬ-ehˇ kʼaˇ ceh laˇ-eu tsawˇ haˬ deuˬ-ahˇ, maˬ tsaˬ maˬ dawˇ-eu haiˬ-eu tsawˇ haˬ loꞈ-ehˇ kʼehˬ nehˬ kʼaˆ nehˬ gaˇ ya daˬ luꞈ-uˇ.

Yawˇbaˆ 31:3

Mˇ lehˬ shaˇ lehˬ-euˬ tsawˇ haˬ deuˬ kʼoeˇ taˆ, luˬ-iˇ seˇ-iˇ-eu jeˬ aˬ yawꞈ bi keuˆ le-euˬ meh.

Yawˇbaˆ 8:13

Miˬyehˇ maˬ baw-eu tsawˇ haˬ deuˬ aˇ toꞈ kʼoeˇ deuˬ-ahˇ duˇ-eu meh. Miˬyehˇ-ahˇ ngehˇ naˇ aˬ yawꞈ maꞈ gʼaˇ duˬ noeˬ tmˬ kʼaˇ maˬ paˇ za meh.

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Luˇkaꞈ 9:25

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˇ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta.

Yoˇhaˬ 9:31

Iˬ baˇ zaˬ-euˬ shaˇ dawˬ-ahˇ Miˬyehˇ maˬ naˇ haˬ-a lehˇ aˬ dui siˬ nya ma. Ehˇ kʼawꞈ, aˬ yawꞈ-ahˇ yaw zeu baw-awˇ, aˬ yawꞈ-euˬ nui kʼahˇ mˇ-eu deuˬ-euˬ shaˇ dawˬ-ahˇ naˇ haˬ nehˬ meh.

Dawˬmehˬ 1:45

Kʼoeˇ ngeh, ‘Caw ba nehˬ laꞈ-awˬ’ lehˇ Sahˬpaˬ Miˬyehˇ-ahˇ naw maꞈ guˇ-awˇ shaˇ-euˬ meh. Ehˇ kʼawꞈ, naw maꞈ guˇ gaˇ aˬ yawꞈ maˬ naˇ haˬ ni, maˬ gaˬ-euˬ geuꞈ-awˇ jawˇ-euˬ meh.

1 Saˬmeuˬlaˆ 8:18

Aˇ yamˬ kʼoeˇ yamˬ keuˆ laˇ ngeh jawˇ, naw maꞈ-euˬ nui kʼahˇ byah laˇ ni yawˬ haˇ yawˬ ha tseˇ doˆ-euˬ sahˬ paˬ baˬ da neh, nui ma cawˆ dui dui nya lehˇ naw maꞈ ya ehˇ tehꞈ-a. Ehˇ kʼawꞈ, naw maꞈ nui ma cawˆ-awˇ toˇ-eu dawˬ-ahˇ, Sahˬpaˬ Miˬyehˇ maˬ paˇ naˇ haˬ nehˬ laꞈ-aˇ.”