Yawˇbaˆ 27:7 - Akha

⁷ Ngaˬ-ahˇ maˬ tsaˬ-ehˇ kʼaˇ ceh laˇ-eu tsawˇ haˬ deuˬ-ahˇ, maˬ tsaˬ maˬ dawˇ-eu haiˬ-eu tsawˇ haˬ loꞈ-ehˇ kʼehˬ nehˬ kʼaˆ nehˬ gaˇ ya daˬ luꞈ-uˇ.

Yawˇbaˆ 27:7 Iomraidhean Croise

2 Saˬmeuˬlaˆ 18:32

Sahˬ paˬ ehˇ-eu, “Ngaˬ li Aˬbaˇsaˬloˬ tiˬ jeˬ-iˬ maˬ gʼeh-aˬ loˇ.” Zaˬ kʼaˆ kʼoeˇ gʼaˬ ehˇ-eu, “Sahˬ paˬ-oˇ, nawˬ-ahˇ muiˇ-awˇ puiˬ-eu tsawˇ haˬ deuˬ kʼoeˇ taˆ, zaˬ guˬ kʼoeˇ gʼaˬ kʼoeˇ taˆ keuˆ le-euˬ jeˬ bi keuˆ le luꞈ-uˇ.”

Yawˇbaˆ 27:6

Ngaˇ yaw tsaˬ ma lehˇ ngaˇ ehˇ luꞈ-eu heu maˬ paˇ pyehˬ dzeh ma. Ngaˇ kʼaˇ dehꞈ kʼoeˇ keuˆ ni ngaˬ-euˬ nui ma shawˇ jehˆ ni jaˆ ma.

Yawˇbaˆ 27:8

Aˬ yawꞈ maꞈ-euˬ saꞈ laˇ-ahˇ Miˬyehˇ yuˇ kʼoꞈ ngeh, Miˬyehˇ maˬ baw-eu tsawˇ haˬ deuˬ aˬ gaˇ noeˬ tmˬ kʼaˇ paˇ za ta.

Yawˇbaˆ 31:35

Ngaˇ dawˬ ngehˬ gaˇ tiˬ gʼaˬ-iˬ maˬ naˇ haˬ-a loˇ. Yawˬ dawˬ na luꞈ tsaˬ ma lehˇ ngaˇ kamˬ peuˬ ma. Baoˬ huiˬ-eu Miˬyehˇ ngaˬ-ahˇ ngehˬ cawˬ le luꞈ-uˇ. Ngaˬ-euˬ yaw lehˬ jeˬ-ahˇ toeˬ mehˬ-eu deuˬ neh ngehˬ-euˬ dawˬ-ahˇ ngaˇ mawˇ nya ni boꞈ doˆ taˬ law nmˇ-aˬ,

Daˬyeˬlaˇ 4:19

Kʼoeˇ loꞈ-ehˇ ehˇ gaˇ ya gaˬ ngeh, Beˬteˬshaˬzaˬ lehˇ kʼawꞈ kuˇ-eu Daˬyeˬlaˇ ya gaˬ ngeh, tsawˬ guˆ-iˇ-awˇ, dawˬ maˬ ngehˬ ni tiˬ kʼehˬ tsoˆ leˇ-euˬ meh. “Beˬteˬshaˬzaˬ-oˇ, yuꞈ maˆ heu-euˬ gaˇ kawˆ-ahˇ nawˇ taˬ tsawˬ guˆ-iˇ” lehˇ, sahˬ paˬ ehˇ-eu meh. Beˬteˬshaˬzaˬ ehˇ-eu, “Sahˬ paˬ-oˇ, ngaˬ-euˬ nui ma laꞈ kʼoeˇ, yuꞈ maˆ hawˇ-eu yuꞈ maˆ-euˬ dawˬ tsuiꞈ heu nawˬ-ahˇ ehˇ mawꞈ-eu jeˬ maˬ ngeuˇ-ehˇ, nawˬ-ahˇ muiˇ-eu deuˬ-ahˇ ehˇ mawꞈ-eu jeˬ pyeuꞈ law nmˇ duˇ nya.

1 Saˬmeuˬlaˆ 25:26

Nawˬ-ahˇ muiˇ-eu deuˬ-ahˇ nawˇ laꞈ poˆ poˆ nehˬ-awˇ maˬ ya sehꞈ ni, nawˬ-ahˇ ha lahˇ-eu gʼaˬ-aˬ Sahˬpaˬ Miˬyehˇ meh. Nawˬ-ahˇ muiˇ-eu deuˬ hawˇ-eu nawˬ-ahˇ laˆ coeˬ laˆ ciˆ mawꞈ-euˬ deuˬ-aˬ, Naˬbaˬlaˇ loꞈ-ehˇ kʼehˬ nehˬ kʼaˆ nehˬ-eu jeˬ-ahˇ ya daˬ luꞈ-uˇ lehˇ, dehꞈ luꞈ-eu Sahˬpaˬ Miˬyehˇ mehˬ shi nymˬ-mˇ ngaˇ yaˬ kʼehˇ yaˬ-eu ma.