Yawˇbaˆ 27:5 - Akha

⁵ Naw maꞈ tsaˬ meh lehˇ ngaˇ tiˬ jawˇ-iˬ maˬ ehˇ, ngaˇ shiˇ ngeh keuˆ ni ngaˇ iˬ baˇ maˬ ahˇ lehˇ pyehˇ sehꞈ leꞈ ma.

Yawˇbaˆ 27:5 Iomraidhean Croise

Yawˇbaˆ 13:15

Ngaˇ noeˬ tmˬ duˬ tiˬ jeˬ-iˬ maˬ paˇ jaˆ-eu-aˬ, Miˬyehˇ ngaˬ-ahˇ sehꞈ kʼawꞈ aˬ jeˬ gʼeh nmˇ. Ngaˬ-euˬ gaˇ kawˆ aˬ yawꞈ nehˬ-ehˇ ngaˇ ja ma.

Yawˇbaˆ 17:9

Yawˬ haˇ yawˬ ha yaw tsaˬ yaw dawˇ ma lehˇ ehˇ-eu tsawˇ haˬ deuˬ, aˬ yawꞈ maꞈ yaw tsaˬ ma lehˇ, ngehˬ jawˇ ngehˬ noeˬ luꞈ meh.

Yawˇbaˆ 2:3

Sahˬpaˬ Miˬyehˇ ehˇ-eu, “Ngaˬ-eu zaˬ kʼaˆ Yawˇbaˆ gaˇ kawˆ nawˇ shaˇ noeˬ haw maˬ loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh. Aˬ yawꞈ yaw lehˬ tiˬ jeˬ-iˬ maˬ jaˆ gaˇ aˬ yawꞈ-ahˇ bi kʼehˬ-iˇ laꞈ lehˇ nawˇ ngaˬ-ahˇ shaˇ-euˬ meh. Ehˇ kʼawꞈ, Yawˇbaˆ-aˬ, dzeuˇ laˇ ngeh loꞈ-ehˇ saˇ jaˇ ziꞈ luꞈ meh.”

Yawˇbaˆ 2:9

Aˬ yawꞈ-euˬ miˬ zaˬ aˬ yawꞈ-ahˇ ehˇ-eu, “Nawˇ iˬ nah keuˆ ni saˇ jaˇ ziꞈ ziꞈ-ehˇ jawˇ luꞈ te siˬ loˇ. Nawˬ-euˬ Miˬyehˇ-ahˇ yaˬ kʼehˇ yaˬ-awˇ shiˇ-awˬ tawˇ.”

Yawˇbaˆ 29:14

Ngaˇ aˬ myah luꞈ yaw tsaˬ yaw dawˇ dawˇ-ehˇ dehꞈ-awˇ,

Yawˇbaˆ 31:6

Miˬyehˇ ngaˬ-ahˇ yaw tsaˬ yaw dawˇ paˆ yawˬ neh saˆ haw naˇ, ngaˇ iˬ baˇ maˬ ahˇ-eu aˬ yawꞈ ya mawˇ tehꞈ-a.

Yawˇbaˆ 31:7

Yaw tsaˬ yaw dawˇ gaˇ ma-ahˇ ngaˇ byehˇ dzeh-awˇ, yaw haiˬ jeˬ mˇ mawꞈ-eu nui kʼahˇ jaˆ-awˇ, ngaˬ-euˬ aˬ laꞈ neh iˬ baˇ mˇ-euˬ ngeuˇ naˇ,

Yawˇbaˆ 32:1

Yawˇbaˆ-aˬ, yawˬ haˇ yawˬ ha iˬ baˇ maˬ ahˇ lehˇ noeˬ duˬ taˬ-euˬ miˇ neh, Yawˇbaˆ-euˬ cawˬ kʼoeˇ smˇ gʼaˬ aˬ yawꞈ-ahˇ dawˬ maˬ paˇ teh ngehˬ ni byehˇ-euˬ meh.

Yawˇbaˆ 32:2

Ehˇ kʼawˬ, Yawˇbaˆ yawˬ haˇ yawˬ ha tsaˬ ma lehˇ ehˇ-awˇ, Miˬyehˇ-ahˇ iˬ baˇ taˬ-eu miˇ neh, gaˇ dzeˇ paw yawꞈ-awˇ haw luꞈ-eu Eˇliˇhuˆ lehˇ myahˇ-euˬ tiˬ gʼaˬ nui ma pehˇ laˇ-awˇ, aˬ yawꞈ-euˬ nui ma-ahˇ maˬ nyehꞈ tehˬ coeˇ ni pyeuꞈ laˇ taˬ-euˬ meh. Eˇliˇhuˆ-aˬ, Lam aˇ jeuˬ Buˇzaˆ-euˬ aˬ li Baˬlaˬkeˬlaˇ-euˬ zaˬ pyeuꞈ-eu meh.

Yawˇbaˆ 32:3

Yawˇbaˆ-euˬ cawˬ kʼoeˇ smˇ gʼaˬ-ahˇ kʼawꞈ Eˇliˇhuˆ nui ma pehˇ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ Yawˇbaˆ-ahˇ maˬ ngehˬ kʼoꞈ nehˬ nya-euˬ miˇ neh, Miˬyehˇ lehˬ-eu loꞈ-ehˇ pyeuꞈ laˇ taˬ-euˬ meh.

Yawˇbaˆ 33:9

‘Ngaˇ yaw lehˬ mˇ-euˬ tiˬ jeˬ-iˬ maˬ jaˆ-ehˇ shawˇ jehˆ ni gʼeh-eu iˬ baˇ maˬ ahˇ-eu tsawˇ haˬ ma.

Yawˇbaˆ 42:7

Sahˬpaˬ Miˬyehˇ Yawˇbaˆ-ahˇ dawˬ ngehˬ cawˬ gʼaˬ ngeh, Eˇliˇpaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˇ hawˇ-eu nawˬ-euˬ cawˬ kʼoeˇ nyiˬ gʼaˬ-ahˇ ngaˇ nui ma pehˇ nya. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ Yawˇbaˆ loꞈ-ehˇ ngaˬ-euˬ gaˇ kawˆ yaw tsaˬ yaw dawˇ dawˇ-ehˇ naw maꞈ maˬ ehˇ-a.

Yawˇbaˆ 6:29

Naw maꞈ maˬ tsaˬ maˬ dawˇ-eu jeˬ aˇ dzehˬ mˇ dzeuˇ gʼaˬ meh. Maˬ paˇ mˇ ni byehˇ dzeh-awˬ. Ngaˬ-ahˇ naw maꞈ taˬ ja doeˇ. Ngaˇ-aˬ, tsaˬ-eu dawˇ-eu ma.

Dawqdaq 17:15

Yaw lehˬ deuˬ-ahˇ laˆ law nehˬ-eu jeˬ hawˇ-eu, yaw tsaˬ yaw dawˇ deuˬ-ahˇ yaw lehˬ no-eu jeˬ, nyiˬ jeˬ luꞈ-ahˇ Sahˬpaˬ Miˬyehˇ maˬ haw nahˇ-a.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

Gaˬlaˬtiˆ 2:11

Ehˇ kʼawꞈ, Aˬdiˇawˬ meuˬ-ahˇ Beˬtuˆluˆ laˇ keuˆ ngeh, aˬ yawꞈ neh mˇ-euˬ maˬ tsaˬ-eu miˇ neh, aˬ cawˬ mehˬ shi aˬ yawꞈ-ahˇ ngaˇ dehˬ-euˬ ma.

Dawˬmehˬ 25:1

“Iˇsaˬleˬlaˆ tsawˇ haˬ nyiˬ gʼaˬ yaw kaˬ dawˬ ja doˆ laˇ-euˬ miˇ neh, yaˇ kʼaˬ daˇ duˬ-ahˇ le-awˇ bi laˆ tsaˬ leˇ ngeh, tiˬ gʼaˬ-aˬ iˬ baˇ ahˇ-awˇ, yawˬ gʼaˬ yawˬ iˬ baˇ maˬ ahˇ-a lehˇ bi daˇ tsehˆ-euˬ ehˇ-awˬ.