Yawˇbaˆ 27:16 - Akha

¹⁶ Haiˬ-eu tsawˇ haˬ deuˬ pyuˇ maˬ gui jiˇ coeˇ gaˇ keuˆ ni jaˆ-awˇ, mehˬ tsoeˬ maˬ dm jiˇ coeˇ gaˇ keuˆ ni jaˆ kʼawꞈ,

Yawˇbaˆ 27:16 Iomraidhean Croise

1 Sahˬpaˬ 10:27

Aˬ yawꞈ uˆ lahˇ-eu aˇ nah aˇ yamˬ laꞈ kʼoeˇ, pyuˇ kʼaˬ lo loꞈ-ehˇ byehˬ-awˇ, aˇ poeˬ kʼaˆ-eu shuˬ liˇ daˇ kawˬ kʼawꞈ, siˬ guˬ daˇ kawˬ loꞈ-ehˇ jaˆ myaˬ dui dui-euˬ meh.

Iˇsaˬtaˆ 8:1

Kʼoeˇ ngeh nah-ahˇ, Yuˇdaˆ tsawˇ haˬ deuˬ-ahˇ muiˇ-eu gʼaˬ pyeuꞈ-eu Haˬmaˬ-euˬ pyuˇ shuiˇ myawˬ gahˬ dawˬ tawˆ luꞈ, sahˬ paˬ Dzeuˬsehˆ neh sahˬ paˬ miˬ zaˬ Iˇsaˬtaˆ-ahˇ biꞈ-euˬ meh. Mawˬdaˬkehˇ-aˬ, aˬ yawꞈ-euˬ aˬ yuiꞈ aˬ nyiˇ pyeuꞈ-eu gaˇ kawˆ sahˬ paˬ-ahˇ Iˇsaˬtaˆ neh ehˇ nehˬ-awˇ, kʼoeˇ ngeh neh naˇ Mawˬdaˬkehˇ gʼaˬ sahˬ paˬ-euˬ mehˬ shi le-eu a kawˬ-aˬ za-euˬ meh.

Yawˇbaˆ 15:29

Aˬ yawꞈ gʼawˬ myahˇ ni smˇ muiˬ maˬ paˇ ya muiˬ meh. Aˬ yawꞈ kʼaˇ jaˆ-eu tiˬ jeˬ-iˬ maˬ gmˬ-a. Aˬ yawꞈ-euˬ kʼahˬ sehˇ kʼawꞈ byoˆ jiˇ tehꞈ-a.

Yawˇbaˆ 20:10

iˇ shaˬ zaˬ deuˬ kʼoeˇ taˆ aˬ yawꞈ neh kʼaˆ dzaˬ taˬ-euˬ jeˬ-ahˇ, aˬ yawꞈ-euˬ aˬ li deuˬ paˇ ya mˇ tsoeˬ kʼoꞈ tehꞈ-a.

Yawˇbaˆ 22:24

Nawˬ-euˬ shuiˇ biˬ dzeh-awˬ. Muiˬ dui dui-eu nawˬ-euˬ shuiˇ deuˬ-ahˇ gui coˇ ni gʼeh-eu lawˇ baˬ dawˬ dah tahˬ dzeh-awˬ.

Yawˇbaˆ 27:15

Maˬ shiˇ-ehˇ kʼaˇ dzeuˇ-iˇ-euˬ deuˬ naˇ gawˇ gawˇ sehꞈ jiˇ-awˇ, miˬ coeˬ coeˬ-iˇ-euˬ aˬ yawꞈ maꞈ-euˬ miˬ zaˬ deuˬ kʼawꞈ, aˬ yawꞈ maꞈ gʼaˇ duˬ tsawˇ ngoeˇ maˬ ngoeˇ nehˬ-aˇ.

Yawˇbaˆ 27:17

tsawˇ muiˬ deuˬ mehˬ tsoeˬ kʼoeˇ deuˬ ya dm-awˇ, yaw sui yaw dawˇ deuˬ pyuˇ kʼoeˇ deuˬ za tehꞈ-a.

Yawˇbaˆ 3:15

Nymˇ laꞈ kʼoeˇ shuiˇ hawˇ-eu pyuˇ tawˬ byah taˬ-euˬ sahˬ paˬ zaˬ yo deuˬ loꞈ-ehˇ, ngaˇ ya yuꞈ luꞈ tehꞈ-a.

Dawqdaq 13:22

Muiˬ-eu jaˬ-eu tsawˇ haˬ oeˬ paˬ oeˬ ma deuˬ-ahˇ jeˬ biˇ biꞈ yaꞈ nya kʼawꞈ, iˬ baˇ mˇ-eu deuˬ-euˬ pyuˇ shuiˇ myawˬ gahˬ yaw tsaˬ yaw dawˇ tsawˇ haˬ-euˬ laꞈ-ahˇ le tehꞈ-a.

Dawˬ tsoˆ 2:26

Miˬyehˇ-aˬ, aˬ yawꞈ nui ma tsaˬ-eu tsawˇ haˬ deuˬ-ahˇ, yaw muiˬ yaw doeˇ tseˇ paˆ nya-eu nui gahˇ maˬ ehˇ, zaˬ siˬ tsawˇ gahˇ maˬ ehˇ, nui saˇ oꞈ-eu jeˬ maˬ ehˇ, biꞈ nehˬ-eu meh. Ehˇ kʼawꞈ, iˬ baˇ zaˬ deuˬ pyuˇ poˆ shuiˇ poˆ-awˇ jeˬ hmˬ taˬ nya ni, aˬ yawꞈ jahˇ nehˬ-eu meh. Kʼoeˇ-aˬ, aˬ yawꞈ nui kʼahˇ shiˇ-eu tsawˇ haˬ-ahˇ biꞈ nya ni bi poˆ uiˬ taˬ-euˬ gaˇ duˇ-eu meh. Heu deuˬ dawˬ tawˆ luꞈ, tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Haˬbaˬkuˆ 2:6

Kʼaˇ jawˇ kʼaˇ deuˬ yawꞈ-ahˇ bye-awˇ, yaˬ kʼehˇ maˬ toˇ-ehˇ jawˇ nmˇ loˇ. “Aˬ cawˬ-euˬ pyuˇ shuiˇ baꞈ uiˬ-awˇ, smˇ muiˬ aˬ da geuꞈ-eu gʼaˬ-oˇ, nawˇ dehꞈ dzaˬ-eu aˇ nah aˇ yamˬ, nymˇ le-euˬ siˬ nya ma loˇ” lehˇ, yaˬ kʼehˇ yaˬ gaˇ ya daˬ tehꞈ-a.

Zeˬpaˬniˇ 1:11

Meuˬ laꞈ oˆ pyawˬ-ahˇjawˇ-eu deuˬ, teˇ saˇ kʼoeˇ deuˬ gaˬ doˆ laˇ ngeh, yaw kʼaˆ-ehˇ guˇ guˇ-ehˇ ngoeˇ-awˬ. Aˬ jeˬ miˇ neh ehˇ naˇ, baw gaꞈ deuˬ ya shiˇ jiˇ tehꞈ-a.

Zaˬkaˬliˇ 9:3

Duˇlu-euˬ taˆ gawˬ ziꞈ taˬ-awˇ, pyuˇ hawˇ-eu shuiˇ pu cu cu kʼawꞈ,

Maꞈtehˬ 6:19

“Naw maꞈ yawˬ ha gʼaˇ duˬ miˇ tsaˬ kʼoeˇ taˆ pyuˇ shuiˇ myawˬ gahˬ taˬ poˆ uiˬ taˬ. Miˇ tsaˬ kʼoeˇ taˆ poˆ uiˬ taˬ naˇ, shmˇ kaw kaw leˇ nya, boeˬ dzaˬ leˇ nya-awˇ, smˇ kʼoeˬ kʼawꞈ kʼoeˬ nya meh.

Yaˬkoˆ 5:2

Naw maꞈ-euˬ myawˬ gahˬ peuˬ byoˆ jiˇ-awˇ, naw maꞈ-euˬ dm gʼaˬ dm lmˇ aˬ iˬ jaˬ byoˆ jiˇ-euˬ meh.