Yawˇbaˆ 26:6 - Akha

⁶ Shiˇ-eu miˇ kʼahˬ dehˬ kaˬ taˬ-euˬ jeˬ maˬ jaˆ-ehˇ, Miˬyehˇ mehˬ shi bya tsehˆ ni jaˆ-eu meh.

Yawˇbaˆ 26:6 Iomraidhean Croise

Yawˇbaˆ 11:8

Miˬyehˇ-aˬ, mˬ mah maˬ tseˇ goˇ-eu meh. Mˬ-ahˇ nawˇ beuˬ miˇ coeˇ ma loˇ. Shiˇ-eu miˇ kʼahˬ-ahˇ Miˬyehˇ siˬ nya meh. Ehˇ kʼawꞈ nawˇ noeˬ mawˇ coeˇ ma loˇ.

Yawˇbaˆ 28:22

Shiˇ-eu jeˬ hawˇ-eu luˬ-iˇ seˇ-iˇ-eu jeˬ kʼawꞈ, zaˬ siˬ tsawˇ gahˇ gaˇ kawˆ aˬ cawˬ ja-eu gaˬ haw-eu tehꞈ ma lehˇ ehˇ-eu meh.

Yawˇbaˆ 3:13

Ngaˇ kʼoeˇ ngeh neh shiˇ dzeuˇ-euˬ law nmˇ-aˬ, nymˬ-mˇ saˇ lehˆ ni ya naˬ luꞈ-awˇ,

Yawˇbaˆ 31:12

Kʼoeˇ-aˬ, laˆ luˬ laˆ seˇ-eu shiˬ buiˇ lah ma miˬ dzaˬ-ahˇ duˇ-awˇ, ngaˇ kʼaˇ jaˆ-eu jeˬ-ahˇ puiˆ dzaˬ jiˇ tehꞈ-a.

Yawˇbaˆ 38:17

Zahˇ tsui ni gʼeh-eu shiˇ-eu miˇ kʼahˬ-ahˇ iˇ-eu laˇ gʼoˆ-ahˇ, aˬ cawˬ nawˬ-ahˇ sheuˬ mehˬ nehˬ laꞈ haw taˬ loˇ.

Yawˇbaˆ 41:11

Aˬ yawꞈ-ahˇ ceh leˇ-eu tsawˇ haˬ yaw dehꞈ-ehˇ ya jawˇ tehꞈ-a loˇ. Miˇ tsaˬ kʼoeˇ taˆ jawˇ-eu tsawˇ haˬ tiˬ gʼaˬ-iˬ kʼoeˇ loꞈ-ehˇ maˬ jahˇ nya-a.

Yawˇbaˆ 9:5

Maˬ siˬ laˇ mi naˆ-ehˇ gawˬ jawˬ-ahˇ aˬ yawꞈ ciˬ jiˆ-awˇ, nui ma pehˇ-eu laꞈ kʼoeˇ laˆ cawˆ nehˬ-eu meh.

Jaceuq 139:11

Zahˇ tsui ni gʼeh-eu jeˬ ngaˬ-ahˇ dehˬ kaˬ le-awˬ lehˇ ngaˇ ehˇ-awˇ, ngaˬ-euˬ dawˬ peh bya-eu yaw shehꞈ-ahˇ uˬ ciꞈ loꞈ-ehˇ bi zahˇ iˇ nya law hawˇ kʼawꞈ,

Jaceuq 139:8

Mˬ-ahˇ ngaˇ cehˆ daˆ kʼawꞈ, nawˇ kʼoeˇ gaˇ jawˇ tehꞈ-a. Shiˇ-eu miˇ oˆ kʼahˬ-ahˇ yuꞈ-iˇ kʼawꞈ, nawˇ kʼoeˇ gaˇ jawˇ tehꞈ-a.

Jaceuq 88:10

Shiˇ dzeuˇ-euˬ tsawˇ haˬ deuˬ gʼaˇ duˬ kʼaˆ jeˬ-ehˇ gʼeh-eu jeˬ nawˇ mˇ nya te loˇ. Aˬ yawꞈ maꞈ paˇ tuˇ laˇ-awˇ nawˬ-ahˇ ja ceuˬ nya ta loˇ.

Dawqdaq 15:11

Miˇ oˆ miˇ taˆ kʼaˇ pyeuꞈ luꞈ-eu dawˬ tawˆ luꞈ, Sahˬ paˬ Miˬ yehˇ siˬ jiˇ-eu-aˬ, tsawˇ haˬ zaˬ-euˬ nui noeˬ aˬ joˆ-ehˇ beuˬ zaꞈ nya nmˇ.

Dawqdaq 27:20

Tsawˇ haˬ zaˬ-euˬ nui kʼahˇ-aˬ, shiˇ-eu miˇ kʼahˬ-ahˇ duˇ-awˇ,

Iˇsaˬyaˇ 14:9

“Nawˬ-ahˇ ha laˬ laˇ-eu gʼaˇ duˬ, shiˇ-eu miˇ kʼahˬ lawꞈ gʼa luꞈ meh. Nawˬ-ahˇ bi ha geuꞈ-eu gʼaˇ duˬ, shiˇ dzeuˇ-euˬ yaw huiˬ yaw mahˇ deuˬ-eu saꞈ laˇ-ahˇ aˬ yawꞈ maꞈ laˆ noeˬ luꞈ-awˇ, miˇ kʼahˬ sahˬ paˬ deuˬ-euˬ saꞈ laˇ deuˬ-ahˇ, nuiˇ mahˬ-ahˇ nuiˇ luꞈ-eu laˆ tuˇ luꞈ meh.

Daˬyeˬlaˇ 2:22

Naꞈ-eu dawˬ tsuiꞈ yawꞈ pah mehˬ-awˇ, yaw zahˇ zaꞈ taˬ-euˬ mawˇ nya-awˇ, yawꞈ jawˇ tiˬ jawˬ yaw shehꞈ bya meh.

Aˬmoˆ 9:2

Shiˇ-eu miˇ kʼahˬ paw, duˬ kʼahˬ kʼahˬ-awˇ uˇ byoˆ-iˇ kʼawꞈ, ngaˇ teh mi ma. Mˬ kʼoeˇ taˆ cehˆ daˆ-eu deuˬ-ahˇ kʼawꞈ, ngaˇ gʼeu ka ma.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

Panmaeq 9:11

Aˬ yawꞈ maꞈ-ahˇ uˆ lahˇ-eu sahˬ paˬ tiˬ gʼaˬ jawˇ-eu meh. Aˬ yawꞈ-aˬ, yaw li ma baw-eu duˬ kʼahˬ-ahˇ haw-eu pyaˆ-eu mˬ taˆ gʼaˬ kʼehˇ kʼoeˇ gʼaˬ pyeuꞈ-eu meh. Aˬ yawꞈ-euˬ tsawˇ myahˇ-aˬ, Heˬbyehˇ dawˬ Aˬbaˬdoˬ lehˇ kuˇ-awˇ, Heˬlaˬsaˇ dawˬ Aˬpawˇliˇoˬ lehˇ kuˇ-eu meh. (Dawˬ tsuiꞈ-aˬ, laˆ luˬ laꞈ seˇ-eu gʼaˬ lehˇ ehˇ mawꞈ-eu meh.)