Yawˇbaˆ 24:5 - Akha

⁵ “Yaw shaˬ zaˬ deuˬ bawˇ tsahˬ mahˬ tahˬ laˆ loꞈ-ehˇ, bawˇ tsahˬ bawˇ dahˇ kʼaˇ shuiꞈ deh yaˇ doe ni dzaˇ poˆ dzaˬ kʼawꞈ, yawˬ ha-euˬ zaˬ deuˬ-euˬ uˬ maˆ maˬ poˆ dehˆ nya-a.

Yawˇbaˆ 24:5 Iomraidhean Croise

Aˇ dahˬ 16:12

Ehˇ kʼawꞈ, nawˬ li kʼoeˇ li-aˬ, bawˇ tsahˬ mahˬ tahˬ laˆ loꞈ-ehˇ pyeuꞈ tehꞈ-a. Aˬ cawˬ yawˬ gʼaˬ na luꞈ-ahˇ aˬ yawꞈ muiˇ-awˇ, aˬ cawˬ yawˬ gʼaˬ na luꞈ kʼawꞈ, aˬ yawꞈ-ahˇ muiˇ tehꞈ-a. Aˬ yawꞈ-euˬ aˬ yuiꞈ aˬ nyiˇ deuˬ nehˬ-ehˇ kʼawꞈ, aˬ yawꞈ dehꞈ gʼawˬ tehꞈ-a.”

Aˇ dahˬ 27:40

Nawˇ-aˬ, mi cehˇ-ahˇ gʼoe-awˇ yaw dehꞈ ya dehꞈ tehꞈ-a. Nawˇ nawˬ-euˬ aˬ nyiˇ-euˬ zaˬ kʼaˆ ya geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ puiˬ-awˇ, aˬ yawꞈ uˆ lahˇ-eu uˬ moˆ ya buˬ-iˇ-eu aˇ nah aˇ yamˬ jaˆ tehꞈ-a.”

Yawˇbaˆ 12:6

Ehˇ kʼawꞈ, smˇ kʼoeˬ tahˇ joe deuˬ hawˇ-eu miˬ yehˇ maˬ baw-eu deuˬ-aˬ, yawˬ ha-euˬ gʼaˬ-ahˇ yawˬ ha-euˬ miˬ yehˇ loꞈ-ehˇ gʼoe kʼawꞈ, saˇ lehˆ ni ya dehꞈ luꞈ meh.

Yawˇbaˆ 24:14

Uˬ bya bya laˇ ngeh tsawˇ haˬ-ahˇ sehꞈ-eu gʼaˬ tuˇ laˇ-awˇ, shaˬ zaˬ zahˬ zaˬ deuˬ-ahˇ sehꞈ-awˇ, uˬ ciꞈ paw smˇ kʼoeˬ kʼoeˬ-eu meh.

Yawˇbaˆ 24:6

Yawˬ ha-ahˇ maˬ oꞈ-eu deh ma-ahˇ aˬ yawꞈ maꞈ cehˇ ya yehˬ-awˇ, haiˬ-eu tsawˇ haˬ deuˬ-euˬ aˬ gaꞈ yaˇ kmˇ laꞈ kʼoeˇ aˬ gaꞈ aˇ siˬ ya pyaˆ uiˬ nehˬ-eu meh.

Yawˇbaˆ 5:5

Mehꞈ-eu shuꞈ-eu tsawˇ haˬ deuˬ tsawˇ uˬ-euˬ dzaˬ la gʼo cehˇ yehˬ dzaˬ tehꞈ-a. Aˬ gah baw duˆ yaw kaˬ-ahˇ dehꞈ gaˇ kʼawꞈ yehˬ dzaˬ tehꞈ-a. Maˬ jaˆ-eu tsawˇ haˬ deuˬ aˬ yawꞈ-euˬ pyuˇ shuiˇ myawˬ gahˬ-ahˇ mehˇ juiˇ juiˇ tehꞈ-a.

Jaceuq 104:23

Tsawˇ haˬ zaˬ deuˬ yawˬ ha-euˬ myawˬ ngehˬ yaˇ ngehˬ-ahˇ dawꞈ leˇ-awˇ, uˬ ciꞈ ciꞈ le ngeh keuˆ ni mˇ-eu meh.

Dawqdaq 4:16

Yaw lehˬ jeˬ maˬ ya mˇ naˇ, aˬ yawꞈ maꞈ maˬ yuꞈ kʼaˆ leˇ-a. Aˬ cawˬ-ahˇ maˬ ya laˆ coeˬ laˆ ciˆ kʼoeˇ keuˆ ni maˬ yuꞈ kʼaˆ leˇ-a.

Yeˬlaˬmiˇ 2:24

Kʼaˇ shuiꞈ deh ga doe ni cehˆ-awˇ mahˬ zaˬ shaˇ-eu, mahˬ mahˬ ma-ahˇ aˬ suˇ gʼaˬ nyehꞈ tehˬ taˬ nya ta. Zaˬ caw mawꞈ-eu mahˬ paˬ deuˬ aˬ yawꞈ-ahˇ maˬ ya teh-a. Kʼaˇ caw mawꞈ gaˇ caw nya-eu meh.

Hawˇseˬ 7:6

Yawꞈ maꞈ nui ma yaw gʼoꞈ mˇ-eu, nui ma miˬ dzaˬ doꞈ laˇ taˬ-euˬ, uˬ ciꞈ miˇ lah laꞈ kʼoeˇ buiˇ-awˇ, uˬ shawˬ miˬ lmˇ nyehˆ laˇ-eu meh.

Hawˇseˬ 8:9

Bawˇ tsahˬ mahˬ tahˬ laˆ-ahˇ duˇ-eu, nui ma gʼahˇ-eu Iˇsaˬleˬlaˆ, Aˬshuˇliˆ miˇ kʼahˬ-ahˇ le-awˇ, caw ba laꞈ lehˇ shaˇ leˇ-euˬ meh. Aˬ cawˬ-ahˇ pyuˇ shuiˇ tawˆ nehˬ-awˇ, yawˬ ha-ahˇ bi haw piˇ-euˬ meh.

Miˇkaˬ 2:1

Yaw noeˬ-ehˇ yuꞈ-awˇ yaw haiˬ jeˬ mˇ-eu gʼaˇ duˬ saˇ sawˇ luꞈ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ keuˆ le tehꞈ-a. Uˬ bya bya laˇ-awˇ, yaw haiˬ jeˬ mˇ-eu gʼaˇ duˬ yehꞈ laˇ ngeh jawˇ, aˬ yawꞈ maꞈ neh saˇ sawˇ taˬ-euˬ jeˬ tiˬ poˆ tehꞈ-ehˇ mˇ-eu meh.

Zeˬpaˬniˇ 3:3

Aˬ yawꞈ-euˬ aˬ yuiꞈ aˬ tsu deuˬ, aˇ laˬ jaˬ shiˇ loꞈ-ehˇ lmˬ-awˇ, aˬ yawꞈ-euˬ yaˇ kʼaˬ daˇ-eu deuˬ, shaˬyoeˬ mˬ maˬ bi jaˆ bya-eu, uˬ ciꞈ kʼaˬ yehˇ-ahˇ duˇ-eu meh.

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.

Gʼaˬkʼehˇ 23:12

Uˬ bya bya laˇ ngeh, Yuˇdaˆ tsawˇ haˬ tiˬ deuˬ tahˬ dzoeˇ-awˇ, Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ saˇ jaˇ dzaˬ-euˬ meh.