Yawˇbaˆ 24:4 - Akha

⁴ Shaˬ zaˬ zahˬ zaˬ-euˬ mˇ myawˬ-ahˇ aˬ yawꞈ maꞈ laˆ tsoeˬ-awˇ, maˬ jaˆ-eu tsawˇ haˬ deuˬ ya cehˆ zaꞈ gaˇ keuˆ ni aˬ yawꞈ maꞈ kʼaˆ dzaˬ-eu meh.

Yawˇbaˆ 24:4 Iomraidhean Croise

Yawˇbaˆ 24:14

Uˬ bya bya laˇ ngeh tsawˇ haˬ-ahˇ sehꞈ-eu gʼaˬ tuˇ laˇ-awˇ, shaˬ zaˬ zahˬ zaˬ deuˬ-ahˇ sehꞈ-awˇ, uˬ ciꞈ paw smˇ kʼoeˬ kʼoeˬ-eu meh.

Yawˇbaˆ 29:12

Yaw shaˬ zaˬ deuˬ guˇ-eu ya gaˬ ngeh, ngaˇ caw ba nehˬ-euˬ ma. Laꞈ jeuˬ shaˇ kʼaˇ maˬ za-eu muˇ coe aˬ nmˇ deuˬ-ahˇ ngaˇ ngehˬ gʼeh nehˬ-euˬ ma.

Yawˇbaˆ 29:16

Shaˬ zaˬ zahˬ zaˬ deuˬ gʼaˇ duˬ ngaˇ aˬ da loꞈ-ehˇ pyeuꞈ-awˇ, boeˇ miˬ siˬ kʼaˬ deuˬ shaˬ laˇ ngeh caw ba nehˬ-euˬ ma.

Yawˇbaˆ 30:25

Noeˬ shaˬ noeˬ zahˬ-eu deuˬ nehˬ-ehˇ ngaˇ caw ngoeˇ-awˇ, maˬ jaˆ-eu tsawˇ haˬ-ahˇ ngaˇ gʼawˬ shaˬ gaˬ-euˬ maˬ ngeuˇ-a loˇ.

Yawˇbaˆ 31:16

Shaˬ zaˬ zahˬ zaˬ deuˬ-ahˇ ngaˇ maˬ caw ba ni maˬ byehˇ dzeh-aˬ. Miˬ coeˬ miˬ ma deuˬ-ahˇ ngehˬ maˬ gʼeh ni maˬ bi shaˬ-aˬ.

Yawˇbaˆ 31:19

Tsawˇ haˬ tiˬ gʼaˬ na shaˬ dui dui-awˇ, mehˬ tsoeˬ maˬ zeuˇ dm nya gaˇ ngaˇ ya mawˇ ngeh,

Jaceuq 109:16

Tsawˇ haˬ kʼoeˇ gʼaˬ gʼawˬ shaˬ gaˬ-eu maˬ siˬ nya-ehˇ, shaˬ-eu zahˬ-eu deuˬ hawˇ-eu noeˬ dui noeˬ duiˇ-euˬ deuˬ-ahˇ aˬ yawꞈ kʼehˬ-awˇ sehꞈ-euˬ meh.

Jaceuq 41:1

Yaw shaˬzaˬ-ahˇngehˬgʼeh-eu deuˬ, guiˬlahˬhuiˬ-eu tsawˇhaˬdeuˬmeh. Yawꞈmaꞈshaˬle zahˬle ngeh jawˇ, SahˬpaˬMiˬyehˇcaw ba tehꞈ-a.

Dawqdaq 14:31

Yaw shaˬ zaˬ-ahˇ kʼehˬ-eu jeˬ, Beh-euˬ yaw sahˇ-ahˇ coeˬ leˇ-awˇ, yaw shaˬ zaˬ-ahˇ ngehˬ gʼeh-eu jeˬ, aˬ yawꞈ-ahˇ uˬ duˬ tahˬ gaˇ duˇ-eu meh.

Dawqdaq 22:16

Smˇ muiˬ-ahˇ laꞈ sawˬ biꞈ-awˇ, yaw shaˬ zaˬ deuˬ-euˬ uˬ duˬ-ahˇ dzaˬ naˇ, nawˇ shaˬ le tehꞈ-a.

Dawqdaq 28:12

Tsawˇ muiˬ dzoeˬ dzaˬ oꞈ ngeh kʼaˇ jawˇ kʼaˇ deuˬ bawˬ iˬ gʼeh kʼawꞈ, tsawˇ doeˇ sahˬ paˬ geuꞈ ngeh dawˬ tawˆ luꞈ yahˇ pawˇ byoˆ jiˇ-eu meh.

Dawqdaq 28:28

Tsawˇ doeˇ dzoeˬ dzaˬ oꞈ ngeh, miˇ kʼahˬ zaˬ yahˇ paw byoˆ jiˇ tehꞈ-a. Ehˇ kʼawꞈ tsawˇ doeˇ dzoeˬ dzaˬ byoˆ ngeh, yaw tsaˬ yaw dawˇ tsawˇ haˬ dzoeˬ dzaˬ paˇ oꞈ tehꞈ-a.

Dawqdaq 30:14

Shaˬ zaˬ zahˬ zaˬ-ahˇ gʼawˬ shaˬ maˬ gaˬ ni, smˇ kʼaˆ kʼaˆ-awˇ dehꞈ dzaˬ-eu tsawˇ haˬ jawˇ-eu meh.

Iˇsaˬyaˇ 10:2

Zaˬ coeˬ zaˬ-euˬ yaw tsaˬ yaw dawˇ-ahˇ sheu kaˬ-awˇ, iˇ shaˬ zaˬ-ahˇ yaw lehˬ ciˬ pi-eu meh. Miˬ coeˬ miˬ ma-ahˇ yehˬ bawˬ sehˇ lu-ehˇ gʼeh-awˇ, muˇ coe aˬ nmˇ-ahˇ tahˇ joe joe-eu meh.

Yeˬsaˬgeˬlaˇ 18:12

Shaˬ zaˬ zahˬ zaˬ-ahˇ myawꞈ dzaˬ shuiˇ dzaˬ-awˇ, tahˇ joe kʼawꞈ joe dzaˬ-euˬ meh. Aˬ cawˬ neh biꞈ daˇ laˇ-euˬ mˇ myawˬ aˬ yawꞈ maˬ biꞈ kʼoꞈ nehˬ-a. Lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ le-awˇ, nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu meh.

Yeˬsaˬgeˬlaˇ 18:18

Aˬ yawꞈ-euˬ aˬ da-aˬ, kʼoeˇ loꞈ-ehˇ maˬ dehꞈ ni, jaˬ myawꞈ mehˇ shuiˇ shuiˇ dzaˬ-awˇ, tahˇ joe joe dzaˬ-euˬ uˬ taꞈ, tsawˇ haˬ yawˬ gʼaˬ na luꞈ-ahˇ yaw haiˬ jeˬ jahˇ nehˬ-euˬ meh. Kʼoeˇ miˇ neh, yawˬ ha neh mˇ-euˬ iˬ baˇ baˬ da neh aˬ yawꞈ ya shiˇ-euˬ meh.

Yeˬsaˬgeˬlaˇ 22:29

Smˇ muiˬ smˇ baw deuˬ mehˇ shuiˇ shuiˇ-awˇ, tahˇ joe joe-eu meh. Shaˬ zaˬ zahˬ zaˬ kʼoeˇ taˆ kʼaˆ dzaˬ-awˇ, aˬ cawˬ tsawˇ jeuˬ-euˬ uˬ duˬ-ahˇ dzaˬ-eu meh.

Aˬmoˆ 2:7

Gʼaˬ baˬ-awˇ maˬ gʼeh nya-eu deuˬ-ahˇ aˬ yawꞈ maꞈ nawˬ tehˬ-awˇ, iˇ shaˬ zaˬ deuˬ-ahˇ dehˬ dzeh-euˬ meh. Zaˬ miˬ zaˬ zaˬ kʼaˆ tiˬ gʼaˬ-ahˇ tehꞈ-ehˇ nyiˬ da zaˬ luꞈ yuꞈ taꞈ-eu laꞈ kʼoeˇ, muiˬ-eu shawˇ-eu ngaˬ-euˬ tsawˇ myahˇ-ahˇ laˆ jawꞈ-euˬ meh.

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.