Yawˇbaˆ 24:3 - Akha

³ Muˇ coe aˬ nmˇ deuˬ-euˬ mahˬ tahˬ laˆ-ahˇ aˬ yawꞈ maꞈ teh geuꞈ-awˇ, miˬ coeˬ miˬ ma-euˬ mawˇ neˇ mawˇ gaw-ahˇ dziˇ dzoˆ maˬ tsoeˬ kʼoeˇ keuˆ ni paꞈ taˬ-eu meh.

Yawˇbaˆ 24:3 Iomraidhean Croise

Yawˇbaˆ 6:27

Muˇ coe aˬ nmˇ zaˬ kʼaˆ deuˬ-ahˇ naw maꞈ kʼehˬ-awˇ, naw maꞈ-ahˇ gʼoeˇ-eu cawˬ deuˬ kʼoeˇ taˆ gahˇ dzaˬ-eu meh.

Doˆ-iˇ 22:26

Tsawˇ haˬ tiˬ gʼaˬ na, aˇ bui biꞈ daˇ-awˇ, nawˬ-ahˇ pyuˇ shaˇ paˇ laˇ naˇ, nahˇ ma maˬ ga ahˇ mi naˆ-ehˇ, aˇ bui kʼoeˇ aˬ yawꞈ-ahˇ biꞈ kʼoꞈ nehˬ-awˬ.

Dawˬmehˬ 24:6

“Tsawˇ haˬ tiˬ gʼaˬ na-ahˇ, nawˇ tiˬ jeˬ paˬ biꞈ paˇ nehˬ ngeh, aˬ yawꞈ lehˬ dzaˬ luꞈ-eu lo lehˬ nawˬ-ahˇ maˬ ya bi biꞈ daˇ-a. Kʼoeˇ loꞈ-ehˇ jahˇ naˇ, aˬ yawꞈ pehˬ zaˬ yaw dehꞈ ya dehꞈ-eu gʼaˇ duˬ, dzaˬ-eu dawˇ-eu laˆ saˆ-eu keu ka nawˇ yuˇ-euˬ jeˬ pyeuꞈ-eu meh.

Dawˬmehˬ 24:7

“Tsawˇ haˬ aˬ geu gʼaˬ maˬ kaˬ, yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ tiˬ gʼaˬ na-ahˇ kʼoeˬ-awˇ, yawˬ ha-euˬ zaˬ kʼaˆ bi geuꞈ-eu maˬ ehˇ, aˬ cawˬ zaˬ kʼaˆ bi geuꞈ-eu gʼaˇ duˬ ahˬ dzaˬ-eu maˬ ehˇ, mˇ naˇ, sehꞈ gaˇ ya daˬ tehꞈ-a, Kʼoeˇ loꞈ-ehˇ gʼeh-eu yaw haiˬ jeˬ maˬ ya bi doˆ laˇ ni, kʼoeˇ loꞈ-ehˇ ya sehꞈ meh.

1 Saˬmeuˬlaˆ 12:3

Nymˬ-mˇ ngaˇ heu gaˇ yawꞈ luꞈ-eu ma. Ngaˬ neh mˇ lehˬ taˬ-euˬ tiˬ jeˬ paˬ jaˆ naˇ, Sahˬpaˬ Miˬyehˇ hawˇ-eu aˬ yawꞈ neh tseˇ doˆ taˬ-euˬ sahˬ paˬ heu gʼaˬ mehˬ shi nymˬ-mˇ ehˇ doˆ-awˬ. Aˬ cawˬ-euˬ mawˇ neˇ hawˇ-eu aˬ cawˬ-euˬ mahˬ tahˬ laˆ-ahˇ ngaˬ neh yuˇ geuꞈ taˬ-euˬ jaˆ ta loˇ. Ngaˬ neh aˬ cawˬ-ahˇ myawꞈ dzaˬ kʼaˆ dzaˬ-euˬ jaˆ ta loˇ. Aˬ cawˬ neh laꞈ nmꞈ nmꞈ nehˬ laꞈ-euˬ jeˬ-ahˇ ngaˬ neh ha geuꞈ-euˬ jaˆ ta loˇ. Heu loꞈ-ehˇ gʼeh-eu jeˬ ngaˬ neh mˇ taˬ-euˬ jaˆ naˇ, ngaˬ neh kʼaˇ yuˇ-euˬ jeˬ ngaˇ biꞈ kʼoꞈ ma.”